Morgunblaðið - 31.12.2003, Blaðsíða 30
30 B MIÐVIKUDAGUR 31. DESEMBER 2003 MORGUNBLAÐIÐ
Magnús Þór Haf-steinsson, alþing-ismaður og vara-formaðurFrjálslynda flokks-
ins, segir að á innlendum vettvangi
hafi alþingiskosningarnar borið
hæst á árinu sem er að líða. Í
kosningunum hafi Frjálslyndi
flokkurinn fest sig í sessi en
Magnús kveðst þó hafa orðið fyrir
vonbrigðum með að ríkisstjórnin
skyldi halda velli. Hann bætir því
við að stuðningur íslenskra stjórn-
valda við Íraksstríðið á árinu hafi
sett svartan blett á ríkisstjórnina.
„Frjálslyndi flokkurinn fór í gegn-
um mjög skemmtilega og harða
kosningabaráttu. Hún var einnig
mjög lærdómsrík. Við náðum mjög
jákvæðum árangri; fengum fjóra
menn inn á þing, þvert á það sem
margir höfðu spáð. Margir höfðu
spáð því að við myndum þurrkast
út í kosningunum,“ segir hann.
Magnús settist á þing í byrjun
sumars sem þingmaður Frjáls-
lynda flokksins í Suðurkjördæmi.
Aðspurður segist hann sáttur við
flokkinn og starf hans á árinu.
„Þetta hefur verið mikið átakaár.
Ég hef sagt að þetta hafi ef til vill
verið úrslitaár varðandi framtíð
flokksins. Við erum þó enn að mót-
ast og viðurkennum það fúslega.“
Hann bætir því við að framundan
sé mikið starf. „Við þurfum að fara
aftur yfir málefnavinnuna og hið
innra starf flokksins. Það bíða okk-
ar því mörg og mikilvæg verkefni
á nýju ári.“
Magnús segir að flokkurinn hafi
lent í nokkrum vandræðum á árinu
en þau hafi fengið farsælan endi.
„Ég dreg til dæmis enga dul á á að
mál Gunnars Örlygssonar þing-
manns hafi verið erfitt í haust en
tel að það hafi náð farsælum endi.“
Magnús segir að frumvarpið um
eftirlaun æðstu embættismanna
hafi einnig verið flokknum erfitt.
Einn þingmanna flokksins, Sig-
urjón Þórðarson, var meðal flutn-
ingsmanna þess en að lokum fór
það svo að þingflokkurinn greiddi
allur atkvæði gegn samþykkt
frumvarpsins. „Í því máli kom
reynsluleysi okkar þingmanna
skýrt fram. Við létum plata okkur.
Við erum hins vegar farnir að gera
okkur grein fyrir því að við verð-
um að passa okkur mjög mikið á
Alþingi. Þar erum við innan um
reynslubolta sem hafa allt að ald-
arfjórðungs þingreynslu. Þar eru
mjög reyndir pólitískir klækjaref-
ir.“ Magnús bendir að þingmenn
flokksins séu nýliðar á þingi „en
við ætlum að reyna að læra hratt
og örugglega,“ ítrekar hann.
Íraksstríðið svartur blettur
Magnús segir að stuðningur ís-
lenskra stjórnvalda við Íraks-
stríðið setji svartan blett á rík-
isstjórnina. „Mér finnst það
ófyrirgefanlegt að þeir skuli hafa
skrifað upp á að við færum með
hernaði gegn annarri þjóð á mjög
svo vafasömum forsendum.“ Hann
segir Bandaríkjamenn komna út í
mikinn forarpytt í Írak. Tugir þús-
unda borgara hafi fallið í Írak og
nú séu þar sjálfsmorðsárásir dag-
legt brauð. „Þær sýna í raun ör-
væntinguna sem ríkir hjá fólkinu í
Írak, þ.e. það er tilbúið til að fórna
sér til að losna við þetta innrás-
arafl. Mér finnst Íraksstríðið
varpa mjög dökkum skugga á ár-
ið.“
Aðspurður segir Magnús að
hann telji að næsta ár eigi eftir að
verða skemmtilegt í stjórnmálum.
„Það er ákveðin spenna í loftinu.
Það verður til dæmis gaman að sjá
hvað Davíð Oddsson gerir og
hvernig stjórnarskiptin munu tak-
ast, þ.e. hvernig ríkisstjórninni
muni vegna undir forsæti Halldórs
Ásgrímssonar. Ég er ekki viss um
að henni muni vegna vel. Ég held
að það verði mun veikari stjórn en
núna. Ég tel að margir sjálfstæð-
ismenn séu ósáttir við að þurfa að
afhenda stjórnartaumana til Fram-
sóknar; það er ákveðin kergja þar
á bæ gagnvart því að þeir þurfi að
afsala sér völdum með þessum
hætti til Framsóknar.“ Magnús
segir að hvað sem því líði þá muni
Frjálslyndi flokkurinn halda áfram
að vera í öflugri stjórnarandstöðu.
„Það er okkar hlutverk að veita
þeim aðhald.“
Fór í fæðingarorlof
Á árinu urðu ýmsar breytingar í
persónulegu lífi Magnúsar. Hann
skipti um starfsvettvang og tók
sæti á Alþingi í fyrsta skipti sl.
sumar, eins og áður sagði, en áður
hafði hann tekið við varafor-
mennsku í Frjálslynda flokknum.
Skömmu eftir kosningar gerðist
hins vegar stórviðburður í lífi
hans, eins og hann orðar það, því
þá fæddist honum dóttir. Er hún
fimmta barn hans og eiginkonu
hans, Ragnheiðar Runólfsdóttur.
Magnús fór í þriggja mánaða
fæðingarorlof í byrjun nóvember
sl. og tók varamaður hans sæti á
þingi á meðan. „ Ég kem aftur til
starfa á þingi í byrjun febrúar og
hlakka mikið til að taka upp þráð-
inn að nýju,“ segir hann og bætir
því við að Alþingi sé skemmtilegur
vinnustaður. Aðspurður segir hann
að tíminn í fæðingarorlofinu hafi
verið stórkostlegur og kveðst hann
ekki hafa viljað missa af þeim
tíma. Hann segist aldrei hafa tekið
fæðingarorlof áður. „Ég var mikið
í burtu í sumar og í haust þegar
þingið var. Það er því frábært að
fá tækifæri til að vera heima.
Þetta er tími sem kemur aldrei
aftur,“ segir hann en börnin hans
eru á aldrinum sex mánaða til
þrettán ára.
Magnús Þór Hafsteinsson, varaformaður Frjálslynda flokksins.
Vonbrigði að
stjórnin skyldi
halda velli
Morgunblaðið/Árni Sæberg
Magnús Þór Hafsteinsson: „Mér finnst það ófyrirgefanlegt að þeir skuli hafa
skrifað upp á að við færum með hernaði gegn annarri þjóð á mjög svo vafasöm-
um forsendum.“