Morgunblaðið - 22.01.2004, Blaðsíða 28
LISTIR
28 FIMMTUDAGUR 22. JANÚAR 2004 MORGUNBLAÐIÐ
SALSA EINS OG SALSA Á AÐ VERA
26., 27., 28. og 29. janúar, fjórum sinnum einn og hálfur tími.
Pantaðu tíma í síma 551 3129 milli klukkan 16 og 22.
Salsa fer sigurför um heiminn.
Stine og Reynold
frá Kúbu
halda 6 tíma Salsanámskeið
fyrir börn (yngst 10 ára),
unglinga og fullorðna.
Sértímar fyrir dömur.
Aðstoðarkennarar verða
Heiðar Ástvaldsson,
Harpa Pálsdóttir og Erla
Haraldsdóttir, sem öll hafa
lært SALSA á Kúbu.
Brautarholti 4
47. starfsár
Hann er svartur, hún er hvít. Þau eru frábærir dansarar og kennarar.
Þau fá aðstoð frá íslenskum toppkennurum, sem lært hafa salsa á
Kúbu. Hefurðu betra tækifæri til að læra salsa?
OPINBER fyrirlestur á vegum
Rannsóknastofu í kvenna- og kynja-
fræðum verður í dag kl. 15 í stofu 132
í Náttúrufræðahúsinu. Fyrirlesari
er dr. Cornelia Muth heimspeking-
ur. Fyrirlesturinn nefnist: „Dialogue
research within Gender Studies“.
Í fyrirlestrinum verður sjónum
beint að hugmyndum heimspekings-
ins Martin Buber (1878–1965) um
samræðuna (dialogue) en skilgrein-
ing hans á hinu sammannlega er leið-
arstefið í nýrri sýn á þá þekkingar-
fræði sem beitt er innan kynjafræða.
Fyrirlesturinn er öllum opinn.
Fyrirlestur
um samræður
FENGUR er að bók Gísla Hall-
dórssonar, Íslendingar á Ólympíu-
leikum, sem Íþrótta- og ólympíu-
samband Íslands hefur
gefið út. Gísli var fyrst
kjörinn í Ólympíu-
nefnd Íslands 1951, var
um árabil bæði formað-
ur hennar og forseti
Íþróttasambandsins,
og hefur lengur en
nokkur annar núlifandi
maður tengst íþrótta-
hreyfingunni hérlend-
is. Hann þekkir um-
fjöllunarefnið því vel
eins og glöggt má sjá.
Bókin er mikil að
vöxtum, Gísli rifjar þar
upp Ólympíuleikana til
forna, endurreisn
þeirra í lok 19. aldar og
greinir síðan frá hverjum leikum allt
þar til 1992 í Barcelona.
Meginefni bókarinnar er þátttaka
Íslendinga á leikunum, en að auki
eru helstu afreksmenn hverra leika
dregnir fram í dagsljósið.
Rétt er þó að leggja áherslu á að
Gísli einskorðar umfjöllun sína ekki
við keppnina, heldur er ítarlega
greint frá því sem gerist á bak við
tjöldin; framkvæmdinni sjálfri og
ýmsu öðru sem snertir ólympíu-
hreyfinguna, hvort sem er hér
heima eða erlendis; fjallað er um
hlutverk nefndarinnar, undirbúning
leikanna og annað það sem verið er
að sýsla á milli þeirra, menn og mál-
efni af ýmsum toga; lög og reglur,
fjármál, fundahöld og þar fram eftir
götunum.
Gísli greinir frá starfsemi Ólymp-
íunefndar Íslands frá upphafi og
birtir nöfn allra sem setið hafa í
henni. Þá fjallar Gísli í bókarlok um
Smáþjóðaleikana svokölluðu, tilurð
þeirra og tilgang. Íslendingar hafa
tekið þátt í þeim frá upphafi, 1985,
og segir Gísli frá því hvernig til hef-
ur tekist í hvert skipti og birtir úrslit
keppninnar.
Í bókinni er fjallað um alla forseta
alþjóða ólympíunefndarinnar (IOC),
ýmsa þætti í störfum íslensku
nefndarinnar á ítarlegan hátt. At-
hyglisvert er að lesa um þær gríð-
arlegu breytingar sem urðu á al-
þjóða ólympíunefndinni eftir að
Juan Antonio Samaranch hinn
spænski tók við allt að því gjald-
þrota félagsskap í Moskvu 1980.
IOC var lognast út af undir stjórn
Írans Killanins lávarðar, að sögn
Gísla.
Ýmislegt miður gott hefur verið
ritað um Samaranch í gegnum tíðina
en ljóst er að hann hefur lyft grett-
istaki við endurreisn nefndarinnar,
fjárhagurinn tók stakkaskiptum og
allt starf varð mun meira eftir að
hann tók við stjórninni.
Þá er fróðlegt að
kynnast skoðunum
Gísla á innra skipulagi
Ólympíuhreyfingarinn-
ar og hugmyndum
hans um fyrirkomuleg
leikanna í framtíðinni,
sem eru nýstárlegar.
Hann leggur m.a. til,
vegna þess hve geysi-
lega umfangsmiklir Ól-
ympíuleikar eru orðn-
ir, að þeir verði haldnir
á hverju ári en þó
þannig að aðeins verði
keppt einu sinni í
hverri grein á fjórum
árum.
Gísli segir í formála
bókar sinnar: „Með þessum skrifum
er ætlast til að hafinn sé undirbún-
ingur að 100 ára sögu íþrótta á Ís-
landi á nútímavísu. Því hefur verið
lögð áhersla á að greina eins ná-
kvæmlega frá árangri íþrótta-
manna, karla og kvenna og hægt er
samkvæmt fyrirliggjandi skýrsl-
um.“
Hann notfærir sér einmitt mjög
skýrslur hinna ýmsu fararstjóra, til-
vitnanir í þær eru margar og reynd-
ar býsna ítarlegar á köflum. Því má
t.d. velta fyrir sér hvort það þjóni
einhverjum tilgangi að vita klukkan
hvað flugvélin með íslenska ólymp-
íuhópinn lenti í Moskvu árið 1980,
eða hvort það skipti máli hvort fána-
hylling og móttökuathöfnin fyrir ís-
lensku sendinefndina í Barcelona
1992 hófst kl. 10.30 eða á einhverjum
öðrum tíma dagsins. Eða þá að fyrir
setningu leikanna í Róm 1960 hafi
íslenski hópurinn fylkt liði kl. 3.20 í
þorpinu og kl. 3.45 hafi verið gengið
af stað … Þetta er ekki sagt bókinni
til lasts og vel má vera að slíkar upp-
lýsingar þyki skemmtilegar.
Ég rakst því miður á nokkrar
staðreyndavillur í bókinni, sem gerir
það að verkum að hún er ekki „skot-
held“ sem heimildarit, en vissulega
er erfitt að koma algjörlega í veg
fyrir þær í svo stóru verki.
Margar skemmtilegar myndir eru
í bókinni, allar að vísu svarthvítar.
Ítarleg nafnaskrá er í bókarlok sem
er mikilvægt í slíku verki.
Fróðleikur um
ólympíumálefni
BÆKUR
Íþróttir
Höfundur Gísli Halldórsson. Íþrótta- og
ólympíusamband Íslands. 512 bls.
ÍSLENDINGAR Á ÓLYMPÍULEIKUM
Skapti Hallgrímsson
Gísli Halldórsson
HJÖRTUR Marteinsson er hand-
hafi Ljóðstafs Jóns úr Vör sem af-
hentur var í gærkvöldi við athöfn í
Salnum í Kópavogi. Hjörtur hefur
gefið út tvær ljóðabækur, Ljós-
hvolfin 1996 og Myrkurbil 1999, og
eina skáldsögu, AM00, sem hann
hlaut Tómasar Guðmundssonar
verðlaunin fyrir árið 2000.
Tvær aukaviðurkenningar voru
og veittar að þessu sinni, þeim Guð-
rúnu Hannesdóttur og Nirði P.
Njarðvík.
„Þetta er heiður sem ég er mjög
þakklátur fyrir, “ sagði Hjörtur í
samtali við Morgunblaðið í gær.
Í dómnefnd eiga sæti þau Matt-
hías Johannessen skáld og fyrrver-
andi ritstjóri, Olga Guðrún Árna-
dóttir skáld og rithöfundur og
Skafti Þ. Halldórsson bókmennta-
fræðingur.
Dagskráin í gærkvöldi var með
þeim hætti að Hjörtur Pálsson
skáld las upp ljóð og Sigurður Geir-
dal bæjarstjóri minntist Jóns úr
Vör.
Þá fluttu Ólafur Kjartan Sigurð-
arson barítonsöngvari og Jónas
Ingimundarson píanóleikari nokk-
ur lög.
Þetta er í þriðja sinn sem verð-
launað er undir heitinu Ljóðstafur
Jóns úr Vör. Verðlaunin eru pen-
ingaverðlaun, 300 þúsund krónur,
auk þess sem sigurvegari fær til
varðveislu Ljóðstafinn, sem er
göngustafur Jóns skreyttur af Sig-
mari Ó. Maríussyni gullsmið.
Hátt á þriðja hundrað ljóð bárust
í keppnina frá skáldum af öllu land-
inu.
Fyrstur til að hljóta Ljóðstafinn
varð Hjörtur Pálsson fyrir ljóð sitt
Nótt frá Svignaskarði en í fyrra
deildu þrír með sér verðlaununum
en enginn fékk Ljóðstafinn til varð-
veislu í það sinn.
Morgunblaðið/Þorkell
Hjörtur Marteinsson tekur við Ljóðstafnum úr hendi Jóns G. Magnússonar fulltrúa Lista- og menningarráðs.
Hjörtur Marteinsson hlýtur
Ljóðstaf Jóns úr Vör
NÝ hádegistónleikaröð er að hefja
göngu sína í Hallgrímskirkju og
verða fyrstu tónleikarnir kl. 12 á
laugardag. Yfirskriftin er „Klaisor-
gelið hljómar“, og munu ýmsir org-
anistar kynna orgelverk sem þeim
eru kær.
Listvinafélag Hallgrímskirkju
stendur fyrir þessum tónleikum,
sem verða að jafnaði einu sinni í
mánuði yfir vetrartímann. Fram
koma ýmsir orgelleikarar bæði inn-
lendir og erlendir. Tónleikunum er
ætlað að stækka áheyrendahóp org-
elsins, ekki síst úr röðum yngra
fólks. Hvert verk verður kynnt fyrir
sig og áheyrendur leiddir inn í fjöl-
breytilegan hljóðheim orgelsins.
Hörður Áskelsson, organisti Hall-
grímskirkju, hefur leikinn með
flutningi nokkurra kunnra orgel-
verka, sem kalla fram mismunandi
litbrigði orgelsins. Á efnisskránni
eru Fantasía í G-dúr eftir J.S. Bach,
Gotnesk svíta eftir Léon Boëllman,
sem m.a. inniheldur vel þekkta Mar-
íubæn (Priére a Notre Dame), og
Tvísöngur, en það er orgelverk, sem
norska tónskáldið Kjell Mørk Karls-
sen hreppti fyrstu verðlaun fyrir í
alþjóðlegri orgelverkasamkeppni,
sem Hallgrímskirkja efndi til árið
1993.
Aðgangur að tónleikunum er
ókeypis fyrir skólafólk. Að loknum
tónleikunum, sem taka um 45 mín-
útur, geta gestir keypt sér léttan há-
degisverð í safnaðarheimilinu.
Hörður Áskelsson kórstjóri og organisti í Hallgrímskirkju.
Ný hádegistónleikaröð
hefur göngu sína