Morgunblaðið - 22.01.2004, Blaðsíða 2

FRÉTTIR
2 FIMMTUDAGUR 22. JANÚAR 2004 MORGUNBLAÐIÐ
DREGIÐ ÚR ÖRYGGI
Magnús Pétursson, forstjóri
Landspítala – háskólasjúkrahúss,
segir sparnaðaraðgerðir spítalans
koma til með að draga úr öryggi
þjónustunnar. Ekki verði í öllum til-
fellum hægt að ná í mjög sérhæfða
þjónustu í bráðatilfellum og sjúk-
lingar eigi eftir að verða varir við
skerta þjónustu. Aðgerðirnar snerta
um 550 starfsmenn.
Svanur strandaði
Flutningaskipið Svanur í eigu
Ness hf. strandaði við innsiglinguna
í höfninni við Grundartanga í gær-
kvöldi. Reyna átti björgun í dag.
Engan sakaði.
Ærumeiðingar á Netinu
Samkvæmt könnun sem þrjár
stúlkur í 10. bekk Hagaskóla gerðu
höfðu rúmlega 40% nemenda skól-
ans lesið niðrandi ummæli um sig á
spjallsíðum á Netinu.
Ólga í írak
Vaxandi togstreita er á milli
helstu fylkinganna í Írak en sjítar,
sem eru í meirihluta en hafa lengst
af verið kúgaðir, krefjast beinna
kosninga í landinu áður en ný rík-
isstjórn verður skipuð síðar á árinu.
Súnnítar óttast það og mótmæla
harðlega og Kúrdar segjast ekki
munu fallast á neitt framtíðarfyr-
irkomulag í landinu nema sjálfstjórn
þeirra verði aukin og arabar, sem
settust að í Kúrdahéruðunum í
valdatíð Saddams Husseins, verði
reknir burt.
Stefnuræða Bush
George W. Bush Bandaríkja-
forseti flutti stefnuræðu sína í fyrra-
kvöld og varði þar aðgerðir sínar í
Írak og stórfellda lækkun skatta.
Var henni misvel tekið og bentu
margir á, að forsetinn hefði alveg
sleppt að minnast á hið alvarlega
ástand sem nú ríkti fyrir botni Mið-
jarðarhafs. Hafa frambjóðendur í
forkosningum demókrata einnig
gagnrýnt ræðuna harðlega.
Y f i r l i t
Í dag
Sigmund 8 Viðhorf 36
Erlent 12/17 Umræðan 36/39
Höfuðborgin 22 Minningar 40/47
Akureyri 22/23 Skák 50
Suðurnes 23 Bréf 52
Austurland 24 Kirkjustarf 53
Landið 25 Dagbók 54/55
Daglegt líf 26/27 Fólk 56/61
Listir 28/30 Ljósvakamiðlar 62
Forystugrein 32 Veður 63
* * *
Kynning - Blaðinu í dag fylgir plakat
af íslenska landsliðinu í handknatt-
leik ásamt dagskrá leikja á EM
2004.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@m-
bl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi, orri@mbl.is
Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is
Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
„VIÐ erum gríðarlega ánægðir með
að hafa fengið þennan samning og
samningurinn er mikil viðurkenning
fyrir Atlantsskip,“ segir Kristinn
Kjærnested, framkvæmdastjóri Atl-
antsskipa, en Trans Atlantic Lines,
systurfélag Atlantsskipa, og flutn-
ingadeild Bandaríkjahers hafa gert
nýjan samning til fimm ára um flutn-
inga varnarliðsins milli Íslands og
Bandaríkjanna. Áætlað virði samn-
ingsins er um 15 milljónir dollara eða
um 3 milljónir dollara á ári, sem sam-
svarar um 210 millj. kr. árlega miðað
við gengið í gær.
Samningurinn, sem var undirrit-
aður á þriðjudag, nær yfir erlenda
hluta útboðsins, sem er um 35% af
heildarflutningum í magni og um
60% af útgjöldum hersins, að sögn
Kristins, en Eimskip fékk 65% flutn-
inganna eins og greint hefur verið
frá.
„Samningurinn styrkir stöðu okk-
ar á markaðnum,“ segir hann og vís-
ar til þess að Atlantsskip muni líkt
og undanfarin fimm ár viðhalda sam-
keppni í siglingum á milli Bandaríkj-
anna og Íslands. „Við höldum uppi
reglubundnum siglingum milli
Bandaríkjanna og Íslands sem við
ættum erfiðara með að gera ef við
værum ekki með þessa flutninga.“
Atlantsskip notar flutningaskipið
Geysi á siglingaleiðinni en það tekur
um 2.000 tonn eða 141 gámaeiningu.
Kristinn segir að samhliða sigling-
unum milli Bandaríkjanna og Ís-
lands verði haldið áfram að byggja
upp Evrópusiglingar félagsins sem
hafi hafist fyrir tveimur árum, en
töluverðir flutningar frá Bandaríkj-
unum fari nú í gegnum Evrópuleið-
ina. „Það er mjög ljúft og gott að
hafa fengið þennan samning í hús,
því hann er ávísun á það að við höfum
gert eitthvað af viti undanfarin fimm
ár,“ segir Kristinn. „Samningurinn
eflir okkur í útrás fyrirtækisins, þar
sem Evrópulínan hefur sífellt verið
að stækka.“
Um 15 milljóna dollara samningur í höfn
„Mikil viðurkenning
fyrir Atlantsskip“
AÐSTÆÐUR á vellinum voru ekki
upp á það besta þegar þessir strákar
kepptu í fótbolta í Hljómskálagarð-
inum. Líklega urðu þeir vel blautir í
fæturna í slabbinu sem fylgt hefur
leysingaveðri undanfarinna daga.
Þeir létu það þó augljóslega ekki
stöðva sig í að takast hraustlega á í
sannkölluðum slabbbolta.
Morgunblaðið/Rax
Blautir í boltaleik
LÍN
lánar
útlend-
ingum
UM 5–10 erlendir ríkisborg-
arar fá að jafnaði námslán hjá
Lánasjóði íslenskra náms-
manna á ári og koma þeir í
flestum tilvikum frá ríkjum
innan EES. Mjög sjaldgæft er
að ríkisborgarar landa utan
EES fái námslán og þurfa þeir
að sýna fram á að sambæri-
legar reglur séu til staðar um
rétt þeirra sem námsmenn í
heimalandinu. Samkvæmt
heimildum Morgunblaðsins
getur slík sönnunarbyrði oft á
tíðum reynst námsmönnum
ærin í þeim tilvikum þar sem
hún kemur upp.
Að sögn Steingríms Ara
Arasonar, framkvæmdastjóra
LÍN, berast sjóðnum mjög fá-
ar umsóknir frá löndum utan
EES. Þó komi slíkt fyrir og
alltaf sé eitthvað um að um-
sóknum sé hafnað.
Breytingar á lögum
um LÍN í bígerð
Fyrir Alþingi liggur frum-
varp um breytingar á lögum
um Lánasjóðinn sem gera ráð
fyrir að ríkisborgarar á Evr-
ópska efnahagssvæðinu sem
hafa haft fasta búsetu á Ís-
landi í tvö ár samfellt eða fasta
búsetu í þrjú ár af síðustu 10
árum, eigi rétt á námsláni.
Felur frumvarpið í sér sam-
ræmingu á rétti íslenskra rík-
isborgara og annarra íbúa á
Evrópska efnahagssvæðinu en
samkvæmt núgildandi lögum
þurfa aðrir íbúar EES en Ís-
lendingar að hafa átt lögheim-
ili hér í a.m.k. eitt ár áður en
nám hefst til að eiga rétt á
láni.
Steingrímur bendir á þessu
til viðbótar að maki farand-
launþega eða EES-borgara
eigi einnig rétt á námsláni og
sé hann óháður ríkisborgara-
rétti makans. Þá eigi makar ís-
lenskra ríkisborgara einnig
rétt á námsláni óháð ríkisborg-
ararétti.
Sjaldgæft að borg-
arar ríkja utan
EES fái námslán
LÆKNANEMAR á þriðja ári í Háskóla Íslands
eru ósáttir við að einingavægi prófa, sem þeir
þreyttu fyrir áramót, var minnkað í síðustu viku.
Stjórn Félags læknanema hefur mótmælt þess-
ari ákvörðun og sagt hana óviðunandi og klár-
lega ólöglega. Þórður Þórarinn Þórðarson, for-
maður félagsins, segir þetta aðeins eitt af þeim
atriðum sem læknanemar hafi gagnrýnt og varði
breytingar á læknanámi sem nú standi yfir.
Stefán B. Sigurðsson, deildarforseti lækna-
deildar, segir að málið hafi verið rætt á deild-
arráðsfundi í gær. Það verði svo tekið fyrir á
kennsluráðsfundi á mánudag þar sem fulltrúar
nemenda fái að koma sínum sjónarmiðum að.
Hann segir mikla áherslu lagða á það að hafa
samráð við nemendur vegna breytinga sem varði
þá. Það hafi verið gert undanfarin ár við und-
irbúning að breyttu læknanámi.
Stefán segir ekki rétt að einingar hafi verið
teknar af nemendum. Þær hafi aðeins verið
færðar til á milli áfanga. Sé álagið meira nú
verði það minna á næsta ári því sama fjölda ein-
inga þurfi til að útskrifast. Hann tekur þó undir
að námskrá hefði mátt liggja fyrir fyrr en breyt-
ingar á henni voru boðaðar með fyrirvara. Vegna
manneklu hafi þetta ekki legið nógu tímanlega
fyrir.
Forsendur ekki staðist
Kennslustjóri læknadeildar hélt fund í síðustu
viku með nemendum á þriðja ári og lagði til að
einingavægi prófanna fyrir jól yrði lækkað. Dav-
íð Gunnarsson, formaður Stúdentaráðs Háskóla
Íslands, segir að til þess að það sé heimilt þurfi
undirskrift allra sem þreyttu prófin. Hins vegar
hafi breytingin gengið í gegn daginn eftir án
þess að nokkur einasti nemandi hafi samþykkt
það.
Davíð segir að reglur Háskólans kveði á um að
alls ekki megi breyta einingavægi námskeiða eft-
ir að próf hafi verið þreytt. Í raun megi ekki
hrófla við vægi námskeiða eftir að kennsluskrá
sé tilbúin. „Það er verið að innleiða breytingar á
náminu í heild sinni með það að markmiði að
stytta það fyrst niður í fimm og hálft ár og síðan
niður í fimm ár. Þeir bara hugsuðu ekki breyt-
ingarnar til enda áður en byrjað var að innleiða
þær. Það er illa að þessu staðið,“ segir Davíð og
að óánægjan nú sé hluti af óánægju með breyt-
ingarnar á kennslu í læknadeild.
Þórður Þórarinn segir erfitt að segja hvaða
áhrif þessar breytingar muni hafa. „Skipulag
breytinganna lá aldrei í smáatriðum fyrir áður
en farið var út í þær og skipulagið stendur enn
yfir þrátt fyrir að byrjað sé að vinna samkvæmt
nýrri námskrá,“ segir hann. „Forsendur fyrir því
sem lagt var upp með hafa ekki staðist.“
Óánægja í Læknadeild með
breytingu á vægi prófa eftir á