Morgunblaðið - 05.03.2004, Page 4

FRÉTTIR
4 FÖSTUDAGUR 5. MARS 2004 MORGUNBLAÐIÐ
Aðalfundur Kaldbaks hf. verður haldinn mánudaginn 15. mars nk. í
Alþýðuhúsinu á Akureyri, Skipagötu 14, 4. hæð, og hefst hann kl.
16.00
Dagskrá:
1. Skýrsla stjórnar um liðið starfsár.
2. Skýrsla framkvæmdastjóra.
3. Staðfesting ársreiknings og ákvörðun um ráðstöfun hagnaðar.
4. Þóknun til stjórnarmanna.
5. Kosning stjórnar.
6. Kosning endurskoðunarfyrirtækis.
7. Heimild til handa stjórnar félagsins um kaup á eigin bréfum skv. 55 gr.
laga nr. 2/1995.
8. Heimild til handa stjórnar félagsins um hækkun hlutafjár félagsins um allt
að kr. 300.000.000 sem gildir í 18 mánuði. Hluthafar falli frá forkaupsrétti
að aukningunni
9. Önnur mál, löglega borin fram.
Tillögur frá hluthöfum, sem bera á fram á aðalfundi, skulu vera komnar skriflega í
hendur stjórnar eigi síðar en fimm dögum fyrir aðalfund.
Dagskrá, endanlegar tillögur og reikningar félagsins fyrir 2003 munu liggja frammi
á skrifstofu félagsins, hluthöfum til sýnis, sjö dögum fyrir aðalfund.
NÝ sýning um Jón Sigurðsson og
þátt hans í sjálfstæðisbaráttu Ís-
lendinga var opnuð í Jónshúsi við
Øster Voldgade í Kaupmannahöfn
í gær. Við opnun sýningarinnar
greindi Halldór Blöndal, forseti
Alþingis, frá því að þingið, sem er
eigandi hússins, hefði ákveðið að
endurbæta þá sýningu, sem fyrir
var, í tilefni af 100 ára afmæli
heimastjórnar á Íslandi.
Aukið hefur verið við sýninguna
umfjöllun um sjálfstæðisbaráttuna
að Jóni Sigurðssyni gengnum og
stærstu áfangana sem síðar unn-
ust; heimastjórn 1904, fullveldi
1918 og lýðveldisstofnun 1944.
Ennfremur var sett upp lítil sýn-
ing um Ingibjörgu Einarsdóttur,
eiginkonu Jóns, í eldhúsi íbúðar
þeirra hjóna, en þar hefur verið
vinnuherbergi fræðimanns und-
anfarin ár, sem flyzt nú á milli
hæða í húsinu.
Nokkrir munir úr safni Jóns
Sigurðssonar, sem Þjóðminjasafn-
ið varðveitir, verða framvegis
hafðir til sýnis í Jónshúsi. „Það
mun tengja þá, sem skoða sýn-
inguna, við Jón og konu hans með
sérstökum hætti,“ sagði Halldór.
Talsverðar endurbætur hafa
verið gerðar á Jónshúsi samhliða
stækkun sýningarinnar. Bókasafn
og önnur starfsemi hafa verið flutt
til og húsnæðið málað og lagfært á
ýmsa vegu.
Meðal gesta við opnun sýning-
arinnar voru Davíð Oddsson for-
sætisráðherra og Ástríður Thor-
arensen kona hans, en þau eru nú
í opinberri heimsókn í Danmörku.
Þau snæða í dag hádegisverð í
Amalienborgarhöll í boði Friðriks
krónprins. Þá mun Davíð eiga við-
ræður við starfsbróður sinn, And-
ers Fogh Rasmussen. Þeir ávarpa
báðir ráðstefnu um samskipti Ís-
lands og Danmerkur, sem efnt er
til í tilefni af 100 ára heimastjórn-
arafmælinu.
Ný sýning um
Jón Sigurðsson
opnuð í Jónshúsi
Morgunblaðið/Ólafur Stephensen
Halldór Blöndal, forseti Alþingis,
opnaði sýninguna í Jónshúsi.
Davíð Oddsson og Halldór Blöndal virða fyrir sér sýningarskáp með mun-
um úr eigu Jóns Sigurðssonar.
Kaupmannahöfn. Morgunblaðið.
„MÉR sýnist það ætla að verða
strembið að koma þessu saman en
það er allt of snemmt að segja til
um hvernig þetta muni ganga,“
segir Gunnar Páll Pálsson, for-
maður Verzlunarmannafélags
Reykjavíkur, um viðræðurnar sem
frumundan eru um gerð kjara-
samninga.
Samninganefndir VR og
Landssabands íslenskra verslunar-
manna áttu í gær samningafund
með Samtökum atvinnulífsins en
kjaraviðræður milli þessara aðila
hafa ekki farið fram frá því versl-
unarmenn lögðu kjarakröfur sínar
fram í lok janúar.
Að sögn Gunnars Páls var farið
almennt yfir málin á fundinum í
gær og ákveðið að hefja viðræður
um einstök mál, sem talið er að
verði einfaldara að ná samkomu-
lagi um, í vinnuhópum næstkom-
andi mánudag.
Launakröfur verslunarmanna
miða við að samið verði til fjögurra
ára, og gera ráð fyrir 130 þúsund
króna lágmarkslaunum að loknum
samningstíma, 5% árlegri launa-
hækkun á þessu og næsta ári og
4% á ári næstu tvö árin á eftir. Þá
er gert ráð fyrir að launatöxtum
verði fækkað.
Landssamböndin innan Alþýðu-
sambands Íslands hafa staðið sam-
an með forystu ASÍ um þau atriði
sem snúa að stjórnvöldum við gerð
næstu kjarasamninga, og ber þar
hæst lífeyrismál og atvinnuleysis-
bætur. Að sögn Gunnars Páls hafa
engin svör enn borist frá ríkinu.
Iðnaðarmenn
óþolinmóðir
Samninganefnd Samiðnar hefur
lýst yfir miklum vonbrigðum með
starfshætti Samtaka atvinnulífsins
þar sem viðræðuáætlanir séu að
engu hafðar. Engar formlegar við-
ræður hafi átt sér stað á milli
Samiðnar og SA frá 20 janúar.
Fundur samninganefndar Sam-
iðnar sl. mánudag samþykkti að
gefa viðræðunefnd sambandsins
fullt umboð til að vísa kjaradeilu
við ríkið, Reykjavíkurborg og SA
til sáttasemjara.
Samningar iðnaðarmannasam-
bandanna runnu út um nýliðin
mánaðarmót. Guðmundur Gunn-
arsson, formaður RSÍ, segir í pistli
á vefsíðu samtakanna að fram séu
komnar mjög háværar kröfur með-
al iðnaðarmanna um að teknar
verði nú þegar upp viðræður af
fullum krafti.
Morgunblaðið/Sverrir
Forystumenn VR og Landssambands íslenskra verslunarmanna koma til
fundar með atvinnurekendum hjá Ásmundi Stefánssyni ríkissáttasemjara.
Viðræðufundur í kjaradeilu VR, LÍV
og SA haldinn hjá sáttasemjara í gær
Verður strembið að
koma þessu saman
HÆSTIRÉTTUR staðfesti í gær
18 mánaða fangelsisrefsingu yfir
bandarískum varnarliðsmanni fyr-
ir að stinga mann með hnífi í
Hafnarstræti í fyrravor. Hæsti-
réttur féllst ekki á að um neyð-
arrétt hefði verið að ræða en hins
vegar felldi hann niður miskabæt-
ur sem Héraðsdómur Reykjavíkur
hafði ákvarðað og fann að meðferð
héraðsdóms á málinu.
Í átökum í Hafnarstræti varð
brotaþoli fyrir fimm hnífstungum
og voru þrjár þeirra taldar lífs-
hættulegar. Varnarliðsmaðurinn
gaf sig fram við lögreglu nokkru
síðar og viðurkenndi að hann hefði
beitt hnífi gegn viðkomandi og vís-
aði á hnífinn. Blóð á hnífnum
reyndist vera úr brotaþola. Í nið-
urstöðu réttarmeinafræðings um
áverka hans kom fram að einn
hinna lífshættulegu áverka gæti
ekki verið eftir umræddan hníf.
Varnarliðsmaðurinn kvaðst hafa
verið sleginn með flösku í höfuðið
aftan frá og hefði hann gripið til
hnífsins og otað honum blindandi í
þá átt sem hann taldi árásina
koma úr. Taldi hann sig hafa fund-
ið fyrir því einu sinni að hnífurinn
kæmist í snertingu við eitthvað.
Var hann ákærður fyrir tilraun til
manndráps.
Fjölskipaður héraðsdómur taldi
sannað að varnarliðsmaðurinn
hefði lagt til brotaþola með hnífn-
um en ósannað að hann hefði veitt
honum fleiri en einn áverka. Þá
væri ósannað að maðurinn hefði
veitt einn hinna lífshættulegu
áverka. Einnig var talið ósannað
að árásin á brotaþola hefði verið í
samverknaði við annan mann.
Fundið að rannsókn málsins
Hæstiréttur féllst ekki á að
verknaður varnarliðsmannsins
gæti talist refsilaus vegna neyð-
arvarnar. Fann rétturinn að rann-
sókn málsins þar sem ekki hafði
verið rannsakað hverjir aðrir
kynnu að hafa veitt manninum
áverka í átökunum, eins og fullt
tilefni hefði verið til í ljósi nið-
urstöðu réttarmeinafræðingsins.
Einnig að ekki hefði verið kannað
sannleiksgildi framburðar varnar-
liðsmannsins um áverka sem hann
hefði hlotið við að vera sleginn
með flösku í höfuðið.
Segir Hæstiréttur að þar sem
varnarliðsmaðurinn hafi ekki gefið
skýrslu fyrir réttinum hafi ekki
verið unnt að endurmeta niður-
stöðu héraðsdóms um sönnunar-
gildi munnlegs framburðar fyrir
dómi og ekki var talið sýnt að ný
meðferð fyrir héraðsdómi myndi
varpa skýrara ljósi á málið. Var
því niðurstaða Héraðsdóms
Reykjavíkur um sekt og refsingu
staðfest.
Miskakröfunni var
vísað frá dómi
Þar sem miskabótakrafa brota-
þola var miðuð við það að ákærði
hefði valdið öllu tjóni hans og í
málinu taldist ósannað að svo hefði
verið var ekki talið unnt að leggja
dóm á kröfuna og henni því vísað
frá dómi. Héraðsdómur hafði
dæmt varnarliðsmanninn til að
greiða fórnarlambi sínu 800 þús-
und krónur í miskabætur.
Hæstiréttur tók þá undir at-
hugasemd ríkissaksókna við þá
ákvörðun Héraðsdómur Reykja-
víkur að ákveða verjanda varn-
arliðsmannsins degi fyrir uppsögu
héraðsdóms sérstaklega þóknun
fyrir störf hans. Hefði hann fengið
þá þóknun greidda auk þóknunar
samkvæmt niðurstöðu héraðs-
dóms. Féllst Hæstiréttur á að
þessi háttur á ákvörðun þóknunar
verjanda væri í andstöðu við
ákvæði laga.
Málið dæmdu hæstaréttardóm-
ararnir Hrafn Bragason, Árni Kol-
beinsson, Garðar Gíslason, Ólafur
Börkur Þorvaldsson og Pétur Kr.
Hafstein. Verjandi ákærða var
Sveinn Andri Sveinsson hrl. og
sækjandi Bogi Nilsson ríkissak-
sóknari.
Varnarliðsmaður dæmdur í 18 mánaða fangelsi í Hæstarétti
Mátti ekki beita
hnífnum í nauðvörn
MIKIL óánægja kom fram á fundi
samninganefndar og trúnaðarmanna
í Verkalýðsfélagi Húsavíkur í fyrra-
kvöld, þar sem farið var yfir stöðuna
í viðræðum við Samtök atvinnulífs-
ins. „Menn eru bæði hneykslaðir og
undrandi á þessu útspili atvinnurek-
enda, sem er um 2% á ári næstu fjög-
ur árin. Menn eru líka undrandi og
reiðir yfir því að stjórnvöld virðast
ekki hafa neinar áhyggjur af málum
og spila engu út,“ segir Aðalsteinn
Baldursson, formaður félagsins.
Hann á sæti í aðalsamninganend
Starfsgreinasambandsins, sem mun
eiga fund með atvinnurekendum í
dag eftir hlé á viðræðunum frá því sl.
mánudag.
Að sögn Aðalsteins kom skýrt
fram á fundinum í félaginu sl. mið-
vikudagskvöld að félagsmenn ætl-
uðu ekki að láta troða á sér og væru
tilbúnir í átök. „Það eru skilaboðin
sem ég fékk. Í fyrramálið verður
fundur í stóru samninganefnd
Starfsgreinasambandsins og þetta
voru skilaboðin sem ég átti að færa
inn á þann fund,“ segir Aðalsteinn.
Óánægja með tilboð
SA á fundi í Verkalýðs-
félagi Húsavíkur
Félagsmenn
eru til-
búnir í átök