Morgunblaðið - 13.04.2004, Síða 8

FRÉTTIR
8 ÞRIÐJUDAGUR 13. APRÍL 2004 MORGUNBLAÐIÐ
Þjóðin bíður spennt eftir að „Ísland í bítið“ bjóði framsóknar maddömunni í „breytt útlit“
áður en stólaskiptin verða.
Skóli á nýrri öld
Til stuðnings
kennurum
Ráðstefnan Skóli ánýrri öld, einstak-lingsmiðað nám og
samvinna nemenda verður
haldin í dag, 13. apríl, á
Nordica hóteli klukkan 13
til 17. Morgunblaðið ræddi
af því tilefni við Birnu Sig-
urjónsdóttur, deildar-
stjóra kennsludeildar
Fræðslumiðstöðvar
Reykjavíkur.
Hver heldur ráðstefn-
una?
„Fræðslumiðstöð
Reykjavíkur heldur ráð-
stefnuna í samvinnu við
Skólastjórafélag Reykja-
víkur og Kennarafélag
Reykjavíkur. Undirbún-
ingshópur með fulltrúum
allra samstarfsaðila hefur
verið að störfum undan-
farnar vikur.“
Hver er tilgangur ráðstefnunn-
ar og helstu áherslurnar á henni?
„Í starfsáætlun fræðslumála í
Reykjavík sem gefin er út árlega
er kynnt framtíðarsýn borgarinn-
ar um einstaklingsmiðað nám og
samvinnu nemenda. Skólar við-
hafi opna og sveigjanlega
kennsluhætti þar sem nemendur
vinna sjálfstætt og í samvinnu við
aðra og ólíkum einstaklingum er
mætt með krefjandi verkefnum
við hæfi hvers og eins. Ráðstefn-
an er liður í því að styðja kennara
í þeim breytingum sem stefnan
gerir ráð fyrir að verði í skóla-
starfinu. Áherslan er á að kynna á
ráðstefnunni fræðin sem liggja að
baki þessari stefnumörkun og
einnig dæmi um það sem vel er
gert í skólum á þessu sviði bæði
hérlendis og erlendis.
Það er mikil gróska í skóla-
starfi í Reykjavíkurskólunum.
Sem dæmi um það má nefna að
nýlega var haldin sýning í Borg-
arleikhúsinu á starfi móðurskól-
anna tíu en þeir eru frumkvöðlar í
uppbyggingu náms og hafa ráð-
gjafarhlutverk gagnvart öðrum
skólum í þróun kennsluhátta, fjöl-
menningarlegri kennslu, tungu-
málanámi, náttúrufræði, list- og
verkgreinum og upplýsinga- og
tölvumennt. Einnig voru nýlega
afhent hvatningarverðlaun fyrir
verkefni í skólum en markmið
þeirra er að vekja athygli á því
gróskumikla starfi sem fram fer í
grunnskólum Reykjavíkur og
stuðla að auknu nýbreytni- og
þróunarstarfi í þeim. Alls barst
71 tilnefning og 8 verkefni hlutu
viðurkenningu fræðsluráðs.“
Hvað er helst um dagskrána að
segja?
„Aðalfyrirlesarar eru tveir
skólastjórar frá Noregi, Omar
Mekki, skólastjóri Skranevatnet
skole í Bergen, sem ræðir um það
hvernig skólinn getur mótað já-
kvæðan skólabrag með áherslu á
einstaklingsmiðað nám og inni-
haldsríkt nám. Hann fjallar einn-
ig um námskrá skólans í fé-
lagslegum samskiptum og úrræði
fyrir nemendur með sérþarfir.
Stein Endresen, skólastjóri Teinå
skole í Stavanger,
fjallar um nýja skól-
ann, nýtt hlutverk
kennara og nýtt hlut-
verk nemenda þar sem
þeir bera aukna
ábyrgð á eigin námi. Hann veltir
upp spurningunni: kalla breyttir
tímar á breytingar í skólastarfi?
Þriðji aðalfyrirlesarinn er Júl-
íus K. Björnsson, forstöðumaður
Námsmatsstofnunar. Í erindi
sínu ræðir hann um einstaklings-
miðað nám og samræmd próf, en
margir hafa áhyggjur af því að
núverandi kerfi samræmdra
prófa í grunnskólum henti illa
þegar og ef skólakerfið fer að
leggja meiri áherslu á einstak-
lingsmiðað nám.
Í fimm málstofum munu síðan
alls þrettán fyrirlesarar fjalla um
leiðir í átt að einstaklingsmiðuðu
námi og kynna dæmi úr skóla-
starfi. Á yngsta stigi verður
Hjallastefnan kynnt og þróunar-
verkefni í 4. bekk Borgaskóla. Á
miðstigi verður fjallað um ein-
staklingsmiðað nám í blönduðum
bekk og valsvæði í Háteigsskóla.
Á unglingastigi um fjarnám og
valáfanga, verkmöppur í Lauga-
lækjarskóla og listir í unglinga-
deild Hlíðaskóla. Í málstofu um
fjölmenningu og alþjóðasamstarf
verður fjölmenningarvefur Breið-
holtsskóla kynntur, fjölmenning-
arlegir kennsluhættir í Austur-
bæjarskóla og alþjóðasamstarfs-
verkefni skóla, Comenius. Mál-
stofan sem flestir hafa skráð sig á
er um sterka sjálfsmynd nem-
enda og félagsfærni. Þar eru um-
ræðuefnin lífsleikni, stuðningur
við jákvæða hegðun og jákvæður
agi.“
Er ráðstefnan opin?
„Fullbókað er á ráðstefnuna og
ljóst að mikill áhugi er meðal
kennara á umræðu um kennslu-
hætti og skólamál.“
Verður ráðstefnan með ein-
hverjar stefnumarkandi úrlausn-
ir?
„Ráðstefnan er liður í þróun-
arferli og breytingaferli sem á sér
stað í skólunum. Það verður fróð-
legt að heyra frá
frændum okkar Norð-
mönnum hvaða efni
þeir hafa fram að færa,
eins verður áhugavert
að heyra svar Júlíusar
varðandi samræmd próf og ein-
staklingsmiðað nám. Umræðan
skilar okkur áfram í vinnunni að
því að gera góða skóla enn betri.
Ráðgert er að halda slíkar ráð-
stefnur árlega og tengja í sumum
tilvikum við sýningar þar sem
skólar koma fram og sýna brot af
því fjölbreytilega starfi sem nem-
endur og kennarar þeirra eru að
vinna í skólum borgarinnar.“
Birna Sigurjónsdóttir

Birna Sigurjónsdóttir fæddist
í Reykjavík 17.9. 1946. Stúdent
frá MR 1966, lauk B.Ed.-prófi frá
KHÍ 1978 og M.Ed.-prófi í upp-
eldis- og menntunarfræðum með
áherslu á stjórnun árið 2001.
Kenndi í Snælandsskóla í Kópa-
vogi frá 1978 og var aðstoðar-
skólastjóri þar 1984–1999. Starf-
aði sem ritstjóri hjá
Námsgagnastofnun í tvö ár, er
nú deildarstjóri kennsludeildar
Fræðslumiðstöðvar Reykjavíkur
síðan 2001. Eiginmaður Jón
Ólafsson, kennari og arkitekt, og
eiga þau bæði þrjú börn frá fyrra
hjónabandi.
… liður í
því að styðja
kennara
ÁÆTLUNARFLUG til Sauðár-
króks og möguleg aðkoma ríkisins að
því er enn til skoðunar í samgöngu-
ráðuneytinu og niðurstaðna að
vænta nú eftir páska, að sögn Berg-
þórs Ólasonar, aðstoðarmanns sam-
gönguráðherra.
Siglfirðingar og Skagfirðingar
funduðu nýlega með Sturlu Böðvars-
syni samgönguráðherra vegna
þeirra áforma Íslandsflugs að hætta
áætlunarflugi til Sauðárkróks að
óbreyttu. Frá Sauðárkróki hefur
verið haldið uppi rútuferðum til
Siglufjarðar í tengslum við flugið.
Runólfur Birgisson, nýr bæjar-
stjóri á Siglufirði, segir það ekki síð-
ur vera mikið hagsmunamál fyrir
Siglfirðinga en Skagfirðinga að flug-
ið til Sauðárkróks leggist ekki af.
Hann var meðal þeirra sem gengu á
fund samgönguráðherra.
„Við viljum allt gera til að fluginu
verði haldið áfram. Á sínum tíma var
flogið til Siglufjarðar og þegar það
var lagt af urðu hér mikil læti. Síðan
komust á rútuferðir í tengslum við
flug Íslandsflugs á Krókinn og við
erum mjög sáttir við alla þá þjón-
ustu. Siglfirðingar hafa nýtt sér
þetta flug vel en svo þegar við erum
orðnir sáttir þá á að taka flugið alveg
af okkur. Það erum við ekki ánægðir
með. Þetta er okkur stórt mál og hér
er beygur í mönnum ef við missum
þessa samgönguleið. Við þurfum á
margs konar þjónustu að halda frá
Reykjavík og þar skiptir flugið okk-
ur verulegu máli,“ segir Runólfur.
Bæjarstjóri Siglufjarðar um áætlunarflug til Sauðárkróks
„Viljum allt gera til að flug-
inu verði haldið áfram“
NÆR 200 manns gengu af stað í
hægri norðanátt, 4° frosti og
skýjuðu veðri frá Hótel Reynihlíð
í elleftu píslargönguna umhverfis
Mývatn á föstudaginn langa.
Gangan var með hefðbundnu
sniði, eða öllu heldur þá gengur
hver með sínum takti og eftir
hentugleikum. Um kl. 13 má búast
við að hinir hröðustu ljúki göngu
sinni. Aðrir og þeir eru miklu
fleiri sem um hádegisbil eru ríf-
lega hálfnaðir og komnir í Skútu-
staði þar sem flestir fá sér hress-
ingu. Bæði fyrir magann og
sálina.
Séra Örnólfur var með hefð-
bundna helgistund um kl. 13.30 í
Skútustaðakirkju. Sunginn var
sálmur dagsins og lesinn passíu-
sálmur númer 44. Óli Kristjánsson
meðhjálpari hringdi inn athöfnina
sen höfð er stutt til að menn fái
ekki óbærilegar harðsperrur.
Um það bil 300 manns munu
hafa gengið, hlaupið eða hjólað
einhvern hluta leiðarinnar að
þessu sinni og er það svipað því
sem mest hefur verið áður. Nú er
ísinn sem óðast að yfirgefa vatnið.
Morgunblaðið/Birkir Fanndal
Um 200 manns í píslargöngu
Mývatnssveit. Morgunblaðið.