Pressan - 12.01.1989, Blaðsíða 3

Fimmtudagur 12. janúar 1989
Ómar Ragnarsson trettamaður er
einnig gamaireyndur í skemmtana-
lífinu. Þrjátíu ára afmælið i þvi fagi
nálgast.
„Þetta verður ekki beinlínis
annáll heldur ætla ég að fjalla um
eitt og annað sem þjóðin hefur
verið að aðhafast síðastliðin þrjátíu
ár,“ sagði Ómar Ragnarsson er
hann var spurður um nýja skemmt-
un sem hann hleypir af stokkunum
innan skamms.
Skemmtidagskrá Ómars verður á
Hótel Sögu í vetur. Og hann verður
aldeilis ekki einn síns iiðs á sviðinu.
Hermann Gunnarsson Valsari hef-
ur verið kvaddur gamla Frammar-
anum til liðsinnis. Helga Möller
söngkona verður einnig með í
sprellinu, Jón bróðir Ómars verður
til staðar, leynigestir koma í heim-
sókn og sex manna hljómsveit húss-
ins sér um tónlistina auk Hauks
Heiðars Ingólfssonar.
„Dagskráin er sett saman i tilefni
þess að ég hef fengist við að
skemmta fólki i þrjátíu ár,“ sagði
Ómar. „Þarna er þó ekki um upp-
rifjun á gömlu efni að ræða. Margt
hef ég verið að setja saman að und-
anförnu. Þá verður dagskráin ekki
fastmótuð frá viku til viku. Ég ætla
að breyta henni svolítið í samræmi
við það hvaða fólk er að skemmta
sér á Sögu hverju sinni.“
Þjóðin í þrjátíu ár nefnist,
skemmtidagskrá Ómars. Hún
verður flutt fyrsta sinni þann 4.
febrúar.
Einar Már Guðmundsson er aldeilis
ekki að lesa upp í fyrsta skipti i
Listasafni Sigurjóns Ólafssonar á
sunnudaginn. Hann heimsótti safn-
ið fyrir jól og las þá úr smásagna-
safni sínu, Leitinni að dýragarðin-
um.
Pressumynd: Helga Vilhelmsdóttir.
Þýðendur á
Lauaamestanga
ÞýÖendur nokkurra erlendra
úrvalsbóka ætla að koma sam-
an ( Listasafni Sigurjóns Ólafs-
sonar á sunnudaginn og lesa
upp fyrir sjálfa sig og gesti
safnsins. Aöur en lesturinn
hefst veröur rætt um vanda þýð-
enda hér á landi.
Þeir sem lesa upp í listasafn-
inu eru Siguröur G. Tómasson,
Álfheiður Kjartansdóttir, Berg-
lind Gunnarsdóttir, Ingibjörg
Haraldsdóttirog EinarMárGuð-
mundsson. Ingibjörg heldur að
auki tölu um þýðingu sína á Fá-
vitanum eftir Dostojevskí. Dag-
skráin hefst klukkan hálfþrjú.
A
BIFREIÐA
HLUNNINDI
Endurgjaldslaus afnot launamanns af bifreið launagreiðanda eru staðgreiðsluskyld
og skulu þau metin honum til tekna þannig:
Af bifreið sem tekin var í notkun á
árunum 1987 og 1988 eðatekin verður í
notkun á árinu 1989 skal meta 20% af
kostnaðarverði bifreiðarinnar sem
hlunnindi til tekna. Af eldri bifreið skal
meta 15% af kostnaðarverði sem
hlunnindi til tekna. Kostnaðarverð er
skilgreint sem staðgreiðsluverð sam-
kvæmt verðlista á sams konar bifreið
nýrri af árgerð 1989, að meðtöldum
kostnaði vegna hvers konar auka- og
sérbúnaðar. Verðlisti fæst hjáskattstjór-
um og RSK. Hafi launamaður greitt
hluta af verði bifreiðar skal lækka verð
bifreiðarinnar til hlunnindamats um þá
fjárhæð sem launamaðurinn sjálfur
greiddi.
Mánaðarleg hlunnindi teljast 1/12
af hlunnindamati bifreiðar. Ef afnot
launamanns eru takmörkuð við hluta af
mánuði skal meta bifreiðahlunnindi
hans í réttu hlutfalli við þann dagafjölda
í mánuðinum sem hann hefur afnot af
bifreiðinni.
Greiði launamaður eldsneyt-
iskostnað (og smurningu) skal lækka
hlunnindamat um 4 prósentustig, þ.e. í
16% eða 11 % eftir aldri bifreiða.
Heimilt er að lækka hlunnindamat
ef launamaður greiðir annan rekstrar-
kostnað enda afhendi launamaður
launagreiðanda sínum kvittanir frá
þriðja aðila fyrir slíkum kostnaði og fái
hann ekki endurgreiddan.
Greiði launamaður launagreið-
anda sínum fyrir afnot af bifreið endur-
gjald sem er lægra en hlunnindamat,
skal mismunurinn teljast launamanni til
tekna.
Launamanni, sem hefur takmörk-
uð not af bifreið launagreiðenda, skal
meta til hlunninda 10 kr. per ekinn km.
Þetta á þó ekki við akstur milli heimilis
og vinnustaðar ef slíkur akstur er hon-
um ekkitil hagsbóta.
Endurgreiddur kostnaður til launamanns vegna afnota launagreiðanda
af bifreið hans, sem halda má utan staðgreiðslu, er metinn þannig:
Kílómetragjald undir viðmiðunarmörkum:
Fyrir 1- 10.000km 16.85 pr. km.
Fyrir 10.001-20.000km 15.10pr.km.
Fyrir 20.001 km. -> 13.30pr.km.
Þar sem kílómetragjald er lægrafyrir akstur umfram 10.000 km þarf launagreiðandi
aðfylgjast með heildarakstri launamanna í hans þágu.
Fái launamaður greitt kílómetragjald frá opinberum aðilum vegna aksturs í þágu þeirra,
sem miðast við „sérstakt gjald" eða „torfærugjald" sem Ferðakostnaðarnefnd ákveður,
má hækka viðmiðunarfjárhæðir sem hér segir:
Fyrir 1-10.000km akstur - sérstakt gjald hœkkun um 2.60 kr. pr. km.
— torfœrugjald hœkkun um 7.00 kr. pr. km.
Fyrir 10.001-20.000km akstur-sérstaktgjald hœkkun um 2.30 kr. pr. km.
— torfœrugjaid hœkkun um 6.25 kr. pr. km.
Umfram 20.000km akstur - sérstakt gjald hœkkun um 2.05 kr. pr. km.
— torfœrugjald hœkkun um 5.55 kr. pr. km.
Skilyrði fyrir niðurfellingu staðgreiðslu vegna kílómetragjalds er að færð sé reglulega
akstursdagbók eða akstursskýrsla þar sem skráð er hver ferð, dagsetning, ekin
vegalengd, aksturserindi, kílómetragjald greitt launamanni, nafn og kennitala
launamanns og einkennisnúmerökutækis.
RSK
RIKISSKATTSTJÓRI