Pressan - 22.12.1992, Blaðsíða 24

24
ÞRIÐJUDAGUR PRESSAN 22. DESEMBER 1992
LÍFIÐ EFTIR VINNU
KLASSÍKIN
■aiM’gm'jraiflMai
• Kristján Jóhannsson.
Mótettukór Hallgrímskirkju
og Hörður Áskelsson org-
anisti halda tónleika til
styrktar Barnaheillum og rennur allur
ágóði til þeirrar starfsemi. Einsöngvari
er Kristján Jóhannsson óperusöngvari.
Undirleikur er í höndum Sinfóníu-
hljómsveitar íslands. Hallgrímskirkja.
MIÐVIKUDAGUR
• Ljósvíkingar. Hópur listamanna
les upp úr ritverkum sínum; Þórarinn
Eldjárn, Vigdís Grímsdóttir, Sveinn
Óskar Sigurðsson, Kristín Ómarsdóttir,
Ari Gísli Bragason, Steinunn Ásmunds-
dóttir og Nína Árnadóttir. Bryndís
Halla Gylfadóttir leikur á selló. Lesið
upp úr jólaguðspjallinu. Fríkirkjan í
Reykjavík kl. 20.30.
SUNNUDAGUR
• Söngvar og lestrar á jólum. Mót-
ettukór Hallgrímskirkju gengst fyrir
jóladagskrá. Kórsöngur, einsöngur,
orgelleikur og almennur söngur að
breskri fyrirmynd. Hallgrímskirkja.
LEIKHUS
LAUGARDAGUR
)• My Fair Lady. Frumsýn-
ing á þessu fræga söng- og
leikverki eftir Alan Jay
_________Lerner og Frederick Loewe.
Með aðalhlutverk fara Jóhann Sigurð-
arson og Steinunn Ólína Þorsteins-
dóttir en leikstjórn er í höndum Stef-
áns Baldurssonar. Þjóðleikhúsið kl. 20.
• Ronja ræningjadóttir. Frumsýn-
ing á nýrri danskri leikgerð, byggðri á
barnasögunni vinsælu eftir Astrid
Lindgren. Söngvar eftir Sebastian, virt-
asta söngvasmið Dana; Hlutverk
Ronju er í höndum Sigrúnar Eddu
Björnsdóttur. Leikstjóri er Ásdís Skúla-
dóttir. Borgarleikhúsið kl. 15.
SUNNUDAGUR
• Útlendingurinn, gamanleikur eftir
bandaríska leikskáldið Larry Shue,
frumsýndur hjá Leikfélagi Akureyrar.
Þráinn Karlsson fer með hlutverk aðal-
persónunnar, Charlie, sem þjáist af
feimni og minnimáttarkennd. Hann
og aðrir vanmáttugir sem fram koma í
gamanleiknum fá uppreisn æru, en ill-
mennin að sjálfsögðu makleg mála-
gjöld. Leikstjóri er Sunna Borg. Leikfé-
lag Akureyrar.
• My Fair Lady, sönq- og leikverkið
fræga með Steinunni Ölínu Þorsteins-
dóttur og Jóhann Sigurðarson í aðal-
hlutverkum. Stefán Baldursson leik-
stýrir. Þjóðleikhúsið kl. 20.
• Stræti. Þessi sýning er gott dæmi
um það hve stílfærður og stór leikur
fer vel á sviði, segir Lárus Ymir Óskars-
son í leikdómi. Þjóðleikhúsið, Smíða-
verkstœði, kl. 20.
• Ríta gengur menntaveginn. Fyr-
ir þá leikhúsgesti sem ekki eru að elt-
ast við nýjungar, heldur gömlu góðu
leikhússkemmtunina, skrifar Lárus Ým-
ir. Þjóðleikhúsið, litla svið, kl. 20.30.
• Ronja ræningjadóttir. Barnasag-
an vinsæla eftir dönsku skáldkonuna
Astrid Lindgren í nýrri danskri leik-
gerð. Söngvar eftir virtasta lagasmið
Dana, Sebastian. Borgarleikhúsið kl.
14.
• Heima hjá ömmu. Margt er ágætt
um þessa sýningu að segja. Þó er eins
og flest sé þar í einhverju meðallagi,
skrifar Lárus Ýmir. Borgarleikhúsið kl.
20.
• Lucia di Lammermoor. Sigrún
Hjálmtýsdóttir er stjarnan sem skín
skært á íslensku óperufestingunni. ís-
lenska óperan kl. 20.
MYNDLIST
!• Lítil verk íslenskra
myndlistarmanna eru
sýnd á myndlistarsýningu í
Listmunahúsinu. Á sýning-
unni eru tæplega hundrað verk eftir
eftirtalda listamenn: Ásu Ólafsdóttur,
Eyjólf Einarsson, Guðrúnu Einarsdótt-
ur, Gunnar Örn Gunnarsson, Hring Jó-
hannesson, Jóhannes Geir Jónsson,
Jón Axel Björnsson, Jón Óskar Haf-
steinsson, Magnús Kjartansson, Magn-
ús Tómasson, Sigríði Ásgeirsdóttur,
Sigurð Örlygsson og Willem Labey.
Opið virka daga kl. 12-18 og um helg-
ar kl. 14-18. Lokað á mánuaögum.
• Sigurjón Sigurðsson hefur opn-
að sýningu á málverkum sínum í Perl-
unni, 1. hæð.
• Kirsten Ortwed & Jan Sven-
ungsson sýna verk sín í Nýlistasafn-
inu. Listamennirnir, sem eru frá Dan-
mörku og Svíþjóð, eru vel þekktir í
hinum norræna listaheimi og koma
sýningarnar frá Norrænu listamiðstöð-
inni Sveaborg í Helsinki.
• Svala Sigurleifsdóttir hefur opn-
að sýningu á verkum sínum í Slunka-
ríki á ísafirði. Verkin á sýningunni eru
svart/hvítar Ijósmyndir, stækkaðar og
litaðar með olíulitum. Hvert verk sam-
anstendur af nokkrum Ijósmyndum.
• Harpa Björnsdóttir sýnir verk sín í
Galleríi Sævars Karls. Myndverk sýn-
ingarinnar eru að hluta til trúarleg.
Opið á verslunartíma..
• Peter Bishop, sem á heiðurinn af
ÚTLENDIN GURINN GETUR
LEYFT SÉR ÝMISLEGT
Leikfélag Akureyrar hyggst
frumsýna leikverkið Útlendinginn
eftir Larry Shue um hátíðirnar.
Burðarhlutverk er í höndum Þrá-
ins Karlssonar en hann leikur
Charlie, Breta sem lifir skringilegu
h'fi. Starf hans er að lesa prófarídr
að teiknimyndablöðum og Charlie
er búinn að telja sjálfum sér trú
um að hann sé kominn úr tengsl-
um við mannlegt samfélag og hef-
ur misst allan kjark og allt frum-
kvæði til að tala við aðra en kon-
una sína. Henni treystir hann þó
ekki frekar en öðrum og heldur að
hún eigi sér 32 elskhuga. Charlie
fer í ferðalag til Bandaríkjanna en
vinur hans segir fólki þar að hann
skilji ekki tungumálið og því
verða tjáskipti Charlies öðruvísi
en hann á að venjast. Djúpt í sálar-
fylgsnum Charlies leynist gaman-
samur þanki og hann fer að búa til
sitt eigið tungumál og kemst upp
með ýmislegt. Útkoman er ákaf-
lega spaugileg.
Hvar er hægt
að borða um
jólin?
— annars staðar en
heima hjá sér og í fjöl-
skylduboðum
Þótt seinnipartur aðfangadags
jóla og jóladagur séu með heil-
ögustu fr ídögum ársins er þó
ekki alls staðar Iokað á veit-
ingastöðum bæjarins því
áLaugaási á Hótel Esju verð-
ur opið frá 11.30 til 14.30 og frá
18.00 til 21.00 á aðfangadag og
á sama tíma á jóladag. Þessa
daga verður á boðstólum jóla-
hlaðborð og tveir til þrír auka-
réttir á matseðli. Á Laugaási
verður hins vegar opið frá kl.
8.00 til 21.00 á annan dag jóla.
Sama fyrirkomulag verður á
Hótel Loftleiðum um áramótin
á gamlárs- og nýársdag, því
samkomulag er um að hafa eitt
hótel í bænum opið fyrir mat-
argesti. Opið er öll jólin fyrir
gistingu á Hótel Sögu, Hótel
Esju, Hótel Borg og Holiday
Inn að ógleymdum Hjálp-
ræðishernum, sem reyndar
er með mat og gistingu öll jól-
in. Hins vegar er lokað í mat á
öllum öðrum stöðum fyrir al-
menning á aðfangadag og jóla-
dag. Á annan í jólum verður
svo Skrúður á Hótel Sögu
opnaður um hádegisbil og op-
ið þar ffarn til miðnættis.
Á Hótel Holti verður opnað
fýrir matargesti klukkan sex á
annan dag jóla, einnig á Pizza
Hut, Gullna hananum,
Lækjarbrekku, Café Óperu,
Argentínu og Ömmu Lú.
BOTNA
Fjörugt útgáfupartí, svo vægt sé til orða tekið, var
haldið á Grettisgötunni, gegnt Bíóborginni, í tilefni
þess að Síðan skein sól var að senda frá sér blaðsnepil-
inn SSSól og tveggja laga smáskífu með lögunum
„Toppurinn að vera í teinóttu" og „Blómin þau sofa“.
Svo fátt eitt sé talið héldu piltungar úr Fjölbrautaskól-
anum í Breiðholti nokk djarfa nærfatasýningu; Dav-
íð Þór og Steinn Ármann spauguðu um sviðsfram-
komuþróun poppara í áranna rás; nýtt myndband
var sýnt; skyggnilýsinga-
fundur haldinn og reynt að
ná yfir til annars heim með
hjálp Spíritusar.
Davíð Þór og Steinn Ár-
mann eru mjög inn-
blásnir að sjá á þessari
mynd, eða hitt þó held-
ur, en vöktu þó lukku
nærstaddra fyrir töiu
sína um breytta sviðs-
framkomu poppara.
BARIR
• Um síöustu helgi komust
menn aö þvi sem aldrei fyrr, að
það er ekki tekið út með sæld-
inni að vera skemmtanafikill á
fslandi. Menn fundu svo skelfilega fyrir
því, að þeir hörðustu urðu að gera sér
skemmtiatriðin í kjallara Fríkirkjunnar að
góðu áður en yfir lauk. Fáar sögur ganga
hins vegar af veitingunum þar. Hvernig
má forðast svona skelfingu? Til eru nokkr-
ar leiðir. Sú fráleitasta er að sjálfsögðu að
láta áfengisneyslu einfaldlega eiga sig og
vera ekkert úti á lífinu. Með sömu rök-
semdafærslu má hins vegar benda á sjálfs-
morð sem álika heppilega lausn. Það er
vitaskuld hægt að halda drykkjunni innan
veggja heimilisins, þannig að aldrei þurfi
að skreiðast lengra en í koju. Það verður
hins vegar þreytandi til lengdar að drekka
heima, innan um sama ruslið og sömu
þreytulegu ásjónurnar helgi eftir helgi. Þá
er ráð nr. 3, sem er það að koma sér ein-
faldlega upp einkabílstjóra á fylleríum. Öll-
um finnst sjálfsagt að ráða barnapíur til að
sóða út sófaborðið þegar farið er að sletta
úr klaufunum, en hvers vegna er ekki hægt
að þjóðnýta alla þessa frændur manns,
sem eru nýkomnir með bilpróf og mundu
glaðir aka manni á bar og heim aftur ef
þeir aðeins fá að fara á rúntinn í millitíð-
inni? Enn eitt ráð er til, en það er að koma
sér upp föstum leigubílstjórum. Allir leigu-
bílstjórar með sjálfsvirðingu eru með far-
sima í bilum sínum og finnst ágætt að eiga
sina uppáhaldskúnna. Bílstjórar BSR hafa
til dæmis bjargað þeim, sem þetta skrifar,
úr margri klípunni, bæði að næturlagi og
ekki síður morguninn eftir þegar ekki er
minni þörf á skjótu og skipulegu undan-
haldi. Enn eitt trixið er að koma sér aðeins
upp hjásvæfum/hjásvæflum, sem eiga
heima i allra næsta nágrenni við þá bari,
sem maður stundar helst. Öll miðast þessi
vitleysa þó við það að maður þurfi endi-
lega að hrekjast út í kófið á slaginu klukk-
an þrjú. Og þar stendur hnifurinn í kúnni.
Allir þessir hrakningar hefðu ekki þurft að
koma til ef veitingamönnum væri frjálst
að servera viðskiptavini sina eins lengi og
þeir nenna. Að minnsta kosti er drykkju-
maður PRESSUNNAR sannfærður um það
að á gervöllu höfuðborgarsvæðinu hefði
ekki einn einasti vert visað fólki á dyr fyrr
en veðrinu slotaði og leigubílar fengjust á
nýjan leik. Þess er því enn og einu sinni
krafist á þessum stað að reglum um af-
greiðslutima vínveitingahúsa verði aflétt
áðuren drykkjublómi borgarinnar verður
einfaldlega úti í næstu stórhríð.
Baksíðustólkð
Eskunnar kosin
Fyrir tveimur árum tók Jóka í Skaparanum upp á því að efna
til Sparidansleiks á Borginni milli jóla og nýárs. Svo vel tókst til
að stúlkan endurtók leikinn ári síðar. Hefð virtist vera að skap-
ast en þá komu upp þrjú stór vandamál; Tommi keypti Borgina,
Jóka fór til útlanda og engin almennileg helgi reyndist vera milli
jóla og nýs árs.
Ráðagóðir sáu þó við konuleysinu og Smekkleysumeðlimir
ákváðu að troða í fótspor stúlkunnar með því'að bregða sér í
Jókulíki. Hentugt hús fannst síðan eftir nokkra leit og varð
Tunglið fyrir valinu. Ekki var hægt að breyta almanakinu og því
ákveðið að færa gleðina til fram á fyrsta dag nýja ársins.
Þessa ágætu kvöldstund hyggjast Bogomil Font og millarnir
leika fyrir dansi og Björk Guðmundsdóttir tekur lagið. Ýmsar
verða uppákomurnar auk þess sem gestir verða leiddir til hlað-
borðs; suðrænir ávextir og fleira. Hápunktur kvöldsins verður
þegar Brjánsi sýra og aðrir dyraverðir Sódómu velja baksíðu-
stúlku Æskunnar.
Brjánsi sýra og aðrir
dyraverðir Sódómu velja
baksíðustúlku Æskunnar
á Spariballinu. Gala-
klœðnaður er skilyrði.
SOLIN
SKEINÁ
TEINÓTTA
Nýjasta nærfatatískan og fylgihlutir henn
ar. Takið eftir skónum...
sköpun Jóa í Rafveituauglýsingunum,
sýnir grínaktugar teikningar í setu-
stofu Nýlistasafnsins. Opið kl. 14-18.
• Álafoss-listamennirnir hafa opn-
að sýningu á verkum sínum á vinnu-
stofum sínum í Álafosshúsinu í Mos-
fellsbæ. Sýningin stendur yfir fram að
jólum.
• Japanskar tréristur er myndhefð
sem af mörgum er talin eitt helsta
framlag Japana til heimslistasögunn-
ar. Meðal annars eru á sýningunni í
Mokka verk eftir suma af stórsnilling-
um japanskrar prentmyndahefðar.
SÝNINGAR
§• Desembervaka, menn-
jingarveisla á vegum Gilfé-
llagsins, stendur nú yfir í
* Grófargili á Akureyri. Um 65
listamenn af öllu landinu taka þátt í
desembervökunni og sýna verk sín.
Dagarnir 21. og 22. desember verða
sérstakir markaðsdagar, haldnir í
tengslum við menningarveisluna.
Spessi & Steingrímur Eyfjörð sýna
Ijósmyndir af mátunarklefum á veggj-
um Café Splitt.
Sigurgeir Sigurjónsson sýnir lands-
lagsljósmyndir í Ráðhúsi Reykjavíkur.
Hann hefur nýverið gefið út bók með
Ijósmyndum sínum.
• Loftur Atli sýnir Ijósmyndir í Gall-
eríi G 15. Opið á verslunartíma til jóla..
POPPIÐ
> Hálft í hvoru voru síðast
ameð þeim Gísla, Herdísi,
Eyfa, Inga Gunnari og ein-
hverjum einum enn. Þau
skapa jólaljóðastuð í þjóðlegum stíl á
Gauknum.
• Hálft í hvoru leikur á Þorláks-
messukveldi á Gauki á stöng.
• Þorláksmessuhátíð verður á Púls-
inum í beinni útsendingu á Bylgjunni
þar sem fjöldi íslenskra tónlistar-
manna sýnir sitt rétta andlit.
• Haraldur Reynisson ætlar að
syngja „Ég sá mömmu kyrkja jóla-
svein" á Fógetanum svona rétt áður
en sálarfriður færist yfir hann.
• Vinir Dóra verða með sinn árlega
Þorláksmessujólablús á Tveimur vin-
um. Þar koma þeir fram ásamt fjölda
óvæntra gesta.
• Sniglabandið verður væntanlega
með meltingartruflanir á annan dag
jóla á Gauki á Stöng.
• Bogomil Font heldur fitu-
brennsluhátíð á Hressó til handa þeim
fjölmörgu sem lifað hafa í vellysting-
um yfir hátíðirnar.
• Dans-band er sveit Dans Cassidy
sem lekur létta bláa tónlist á Blúsbarn-
• Cuba Libre & Rúnar Júlíusson
leika fyrir dansi á Hótel íslandi.
• Arnar Freyr & Þórir leika nú á
Borgarbarnum, ekki Borgarvirkinu eins
og staðurinn hét áður. Arnar Freyr er
látúnsbarki númer tvö og syngur sinni
hljómfögru röddu við bakraddasöng
og undirspil Þóris Úlfarssonar.
• Síðan skein sól er nú loksins búin
að halda útgáfupartí en nú ætla þeir
að halda jólapartí á Tveimur vinum.
• Guðmundur Rúnar Lúðvíksson ætl-
ar að mæta í feiknastuði á Fógetann.
SVEITABÖLL
• Sjallinn, Akureyri fær
norðlenska Rokkbandið til
að halda uppi jólagleði.
• Edinborg, Keflavík heldur að öll-
um líkindum uppi stuði með Hljóm-
um.