Pressan - 08.07.1993, Blaðsíða 23

V I ÐT A L
Fimmtudagurinn 8. júlí 1993
pressan 23
Dreymdi fjöll líkt og Stalín
Össur Skarphéðinsson umhverfisráðherra er mikill áhugamaður um útivist og stundar silungs-
veiðar af kappi enda þótt harður áróður sé rekinn í fjölskyldunni gegn fiskadrápi hans
Hann þurfti ekki að setja sig í sér-
stakar stellingar til að tileinka sér
þann áhuga á náttúrunni sem nýi
starfinn krefst óneitanlega af hon-
um. Össur Skarphéðinsson, um-
hverfisráðherra, hefur alla tíð haft
mikinn áhuga á útivist og hefur ver-
ið að eltast við silung frá því að
hann man eftir sér. „Foreldrar mín-
ir áttu sumarhús á Þingvöllum og ég
og bræður mínir fórum þangað um
hverja helgi“, segir Össur. „Ég hafð-
ist þar við á mínum yngri árum, allt
þar til ég byijaði í háskólanum. Eins
og sumir vita er ég mikill veiðimað-
ur og drápari silunga og því notaði
ég hvert tækifæri til að veiða í Þing-
vallavatni með bræðrum mínum.
Ég hugsa að fáir viti betur hvar best
er að drepa bleikju á þessum slóð-
um.“
Hápunkturinn á veiðiferlinum
Össur segir þá bræður hafa sýnt
mikil tilþrif við veiðarnar, en há-
punkturinn á veiðiferli þeirra hafi
þó verið þegar Sigurður bróðir
hans fékk 14 punda urriða í Þing-
vallavatni. „Þetta var einn af síðustu
stóru urriðunum sem veiddist á
þessum slóðum, svo það er rétt
hægt að ímynda sér hvemig okkur
leið bræðrum. 1 kringum aldamótin
flykktust aristókratar Evrópu til
Þingvalla að veiða, enda var þar að
finna stærsta urriða í heiminum.
Við Sogsvirkjun 1959 hrundi hins
vegar íslenski urriðastofninn og hef-
ur ekki borið sitt barr síðan.“
Hann kveðst alla tíð hafa verið
heillaður af íslenskri náttúru og
haldinn miklum áhuga á útivist. Þó
eigi hann það mest konu sinni að
þakka, hve víða hann hafi farið. „Ég
er giftur yndislegum jarðfræðingi
og það er fyrst og ffemst hún sem
hefur dregið mig í ferðir. Mín úti-
vist hefúr verið mest í tengslum við
veiði og það má segja að ég hafi veitt
silung um allt land. Ég hef því
þvælst allan andskotann. Konan
mín er mikill göngugarpur og er í
gönguhóp sem karlmenn fá ekki
aðgang að. Eins og gefúr að skilja er
ég ákaflega ósáttur við að fá ekki
inngöngu í þennan föngulega hóp.
Það eru ævinlega sagðar svo tvíræð-
ar og skemmtilegar sögur í ferðum
þeirra kvenna. Svo er ég alveg hand-
viss um að þeim veitir ekki af karl-
mannlegri forsjá, þær voru nú eitt
sinn mjög nálægt því að fara sér að
voða.“
Ein tegund af Nirvana ástandi
össur dvaldi ásamt eiginkonu
sinni, Ámýju E. Sveinbjömsdótt-
ur, við nám í Bretlandi í fimm ár og
segist hann hafa saknað íslenskrar
náttúru mikið þann tíma. „Við
bjuggum í Austur-Anglíu í austur-
hluta Bretlands þar sem eru fræg
vötn og mýrlendi, en engin fjöll sem
átti ákaflega illa við mig. Því fór fyrir
mér eins og Stalín þegar hann var
sendur í údegð þar sem voru miklar
auðnir og sléttur, að mig dreymdi
fjöll. Að vísu gekk ég ekki eins og
langt og Stalín, sem lét senda sér
ts ‘ÍkíkadÉt 1
j
myndir af fjöllum í útlegðina. Þess í
stað sóttum við hjónin mikið í Peak
District sem er fjöliótt landsvæði og
frægur ferðamannastaður í Derby
skíri. Það bætti mér þó ekki upp ís-
lenska náttúru, enda jafnast ekkert á
við þessi nöktu og hijúfú fjöll. Nekt
landsins gefur vídd sem maður
finnur ekki annars staðar.“
Hann segist ekki vita betri leið til
að hvíla sig á amstri pólitískra átaka,
en dvelja úti í náttúrunni. „Það er
ein besta upplyfting sem ég veit að
fara út í náttúruna og hlaða sig. Það
er ólýsanleg tilfinning að setjast nið-
ur að kvöldi úti í guðsgrænni nátt-
úrunni, eftir góða gönguferð. Þá er
eins og maður renni saman við
náttúruna. Skáldin hafa lýst þessu
sem algleymi. Náttúran getur haft
geysileg mikil áhrif á mann og það
er er ótrúlegur ffiður sem færist yfir
mann. Þetta er ein tegund af Nir-
vana ástandi.
Mörgum finnst þeir komast í
óvenju nána snertingu við náttúr-
una í grennd við Snœfellsjökul. Ég
held að það sé einföld skýring á því.
Á Snæfellsnesi mætast gríðarlega
miklar andstæður; víðáttumikið
hafið, hraunið, þessi sérstöku fjöll
og loks jökullinn í öllu sínu veldi.
Það er því ekkert skrýtið að fólk
upplifi Snæfellsjökul sem sérstaka
hleðslustöð. Sú upplifun sem mað-
ur verður fyrir við að sitja úti í ffið-
sælli náttúrunni að kveldi, kemst að
ég held næst trúarlegri reynslu. Það
færist algjör friður yfir mann og
jafnvel harðir raunvísindamenn
eins og ég fara að líta hlutina öðrum
augum.“
Þingvallasvæðið í mestu uppáhaldi
Össur segist stunda útivist minna
nú hin allra síðustu ár og kennir um
tímaskorti. „Ég fer því miður ekki
eins mikið út í sveit og áður, amstur
stjómmálanna hefúr ekki Ieyft það.
Ég geng þó eftir sem áður mikið
innanbæjar, enda þyki ég ekki
heppilegur bílstjóri. En þetta stend-
ur allt til bóta. Við hjónin ætlum
um næstu helgi á Reykhóla, fara
með bát út á Breiðafjörð og liggja í
tjaldi uppi á heiði. Að sjálfsögðu
verður veiðistöngin tekin með. Ég
læt það ekkert á mig fá, þó að hálfu
Magnúsar bróður míns sé rekinn
harður áróður í fjölskyldunni gegn
djöfúllegum veiðiaðferðum mín-
um. Það hefur ekki komið til vin-
slita af þeim sökum.
Reyndar er það svo, að ég tapaði
dálítið veiðigleðinni eftir að ég sneri
mér að fiskeldi og var sífellt að
handfjatla stóra og myndarlega fiska
í vinnunni. Ég er því ekki eins ffið-
laus veiðimaður og ég var. Hér áður
fýrr gat ég ekki beðið eftir því að
komast að einhverju vatninu og
kasta. Núorðið hef ég ekkert síður
gaman af að ganga úti í náttúrunni
með konunni minni.“
Aðspurður segir össur nokkcs.
staði heilla sig öðmm ffemur. „Þeg-
ar ég var við nám í Háskólanum fór
ég til dæmis í oft í gönguferðir um
Reykjatiesskaga og mér finnst ákaf-
lega fallegt þar um slóðir. Þá er
geysilega skemmtilegt útivistarsvæði
í Kollafirði í Austur-Barðastranda-
sýslu, en þar kom ég oft á háskólaár-
unum. Uppáhaldsstaðurinn minn
er þó tvímælalaust Þingvallasvæðið,
ég hef dvalið mest þar og hef sér-
stakar taugar þangað. Ég hef lengi
verið þeirrar skoðunar að það sé
nauðsynlegt að auka verndarsvæðið
á Þingvöllum og stækka það upp í
Langjökul og ég er ákveðinn í að
reyna að beita mér fyrir því sem
umhverfisráðherra. Takist mér það
dey ég saddur lífdaga.“
Vinsælu ítölsku DEMO gönguskórnir, vatnsheldir. Verð frá kr. 7.800.-
Póstscndum samdægurs!
OPIÐ UM HELGINA!
SEGLAGERÐIN
ÆGIR
Eyjaslóð 7 Reykjavík s. 91-621780