Tíminn Sunnudagsblað - 29.09.1963, Page 9
BLESSUÐ SÉRTU, SVEITIN MÍN,
SUMAR, VETUR, ÁR OG DAGA
Flestir íslendingar, sem komnir
eru til vits og ára, munu kannast við
Gautlönd í Mývatnssveit. Jörðin Gaut-
lönd er fögur og frjósöm, eins og
flestar jarðir i sveitinni. Þar hafa
löngum búið stórhuga bændur, sem
mikið hafa látið til sín taka á ýmsum
sviðum menningar- og framfaramála.
Einn bóndinn á Gautlöndum heitir
Jón Gauti pétursson, og er oddviti
Mývetninga, en það starf hefur hann
haft með höndum í fjörutíu og fjögur
ár, og er mér til efs, að nokkur annar
íslendingur hafi lengur sinnt oddvita
starfi.
Jón Gauti er sonur Péturs Jóns-
sonar bónda á Gautlöndum, en hann
var alþingismaður frá 1894—1922, og
faðir hans, .'Jón Sigurðsson, einnig
bóndi á Gautlöndum, var alþingis-
inaður álfka lengi, rúmlega þrjátíu
ár. Jón Sigurðsson var að auki for-
seti sameinaðs alþingis.
MaSurinn og fjölskyldan
Jón Gauti er nú á 75. aldursári og
ber aldurinn vel. Hann er grannvax-
tan maður, léttur á fæti og kvikur í
hreyfingum. Hann er maður fríður
sýnum, sviphreinn og gl'aðlegur.
Jón Gauti var kvæntur Önnu Jak-
obsdótlur frá Narfast'öðum, en hún
er látin fyrir allmörgum árum. Hún
var systir Björns heitins Jakobssonar,
kennara á Laugarvatni. Þau Jón
Gauti og Anna eignuðust fjögur
börn, sem öll eru á lífi. Þau éru
Ásgerður, kennari í Reykjavík, Sig-
ríður, gift Ragnari H. Ragnar, tón-
listarmanni á ísafirði, Ragnhildur,
gift Jóni Sigurgeirssyni frá Hellu-
vaði, Jónssonar, bróður Sigurðar
skálds á Arnarvatni, og Böðvar, sem
kvæntur er og býr á Gaut'löndum.
Við litum við hjá Jóni Gauta, einn
af fáum góðviðrisdögum í sumar, og
töfðum hann frá heyskap um stuad.
Hann bauð okkur til stofu í nýreistu
húsi sínu, snyrtilegu innan sem utan,
og bauð upp á kaffi og fyrirmyndar
meðlæti.
Við báðum hann ag segja okkur
það hel'zta, sem á daga hans hefur
drifið, og eitthvað um félagslíf í
sveit'inni fyrr og síðar.
Ungmennafélög
— Hér var mikið félagslíf strax
fyrir aldamótin, sagði hann. Það má
segja, ag árin um og eftir 1874 hafi
kveikt líf í öllu félagsstarfi. Hér var
til dæmis stofnað ungmennafélag ár-
ið 1885, og er til gerðabók félagsins
frá þeim tíma. Bókin mun geyrnd í
héraðssafni því, sem verið er að koma
á fót.
Þetta félag hafði sömu markmið
og þau, sem síðar risu upp. Félagið
var ekki eins fjölmennt og það, sem
síðar var stofnað, að vissu leyti upp
úr þessu, en býsna fjölmennt var það
samt. Húsaleysi háði félaginu mjög
mikið, en eitíhvern veginn tókst þó
að halda fundi.
Þetta eldra ungmennafélag mun
hafa verig það elzta á landinu, þótt
T I 1V1 1 N N — SGNNUDAGSBLAÐ
801