Morgunblaðið - 03.05.2004, Blaðsíða 13

Í FYRSTA skipti frá því íslenska
tölvuleikjafyrirtækið CCP gaf út
tölvuleikinn EVE-Online, sem er
spilaður á Netinu, voru um síðustu
helgi yfir 10 þúsund manns í leikn-
um á sama tíma og í sama
„heimi“.
Hilmar Veigar Pétursson, fram-
kvæmdastjóri CCP, segir að fjöldi
spilara hafi verið 10.396 í einu
sunnudaginn í síðustu viku. Hann
segir að að öllum líkindum hafi
aldrei áður jafnmargir spilað sama
tölvuleikinn á sama tíma og í sama
heimi á Netinu.
EVE-Online hefur að sögn Hilm-
ars Veigars verið í örum vexti frá
því um síðustu áramót. Þá hafi
mest um fimm þúsund spilarar
spilað leikinn í einu.
CCP keypti útgáfuréttinn á
EVE-Online til baka af útgáfufyr-
irtækinu Simon & Schuster í lok
síðasta árs. Segir Hilmar Veigar
að eftir að CCP fór að beita sínum
aðferðum í markaðssetningu á
leiknum hafi hlutirnir gengið vel.
Tvísýnt hafi hins vegar verið með
leikinn áður en CCP tók hann aft-
ur yfir.
Reksturinn styrkist
Hilmar Veigar segir að rekstur
CCP hafi gengið vel að und-
anförnu og að hann styrkist með
hverjum mánuðinum. Tæplega 50
þúsund manns séu í áskrift. Áætl-
anir fyrirtækisins miði að því að
fjöldi áskrifenda verði yfir 50 þús-
und í júnímánuði og 60–75 þúsund
fyrir árslok.
Spilarar í EVE-Online eru að
stærstum hluta karlmenn yfir tví-
tugt en meðalaldur spilara er um
26 ár. Dæmi eru um að fólk upp
undir sextugt sé að spila leikinn.
Hilmar Veigar segir að um 40% af
þeim sem skráðu sig til leiks í
EVE-Online í maí á síðasta ári,
þegar leikurinn hóf göngu sína,
séu enn að spila. Spilarar sitji að
meðaltali um fjórar klukkustundir
fyrir framan tölvuna þegar þeir
taka þátt í leiknum.
EVE-Online er svokallaður
rauntíma-fjölþátttökuleikur. Sér-
staða hans er að tugþúsundir
manna geta leikið hann samtímis,
hvar sem er í heiminum. Spilarar
geta átt ýmiss konar samskipti í
þeim tilbúna heimi sem er í leikn-
um. Hægt er m.a. að berjast, vinna
saman, byggja upp, svíkja og
brjótast til valda, en sögusviðið er
heilt sólkerfi.
Til að spila EVE-Online þarf að
greiða fast áskriftargjald sem er
15 Bandaríkjadalir á mánuði.
Nettölvuleikurinn EVE-Online frá CCP
Tíu þúsund spilara
markið rofið
VIÐSKIPTI/ATHAFNALÍF
MORGUNBLAÐIÐ MÁNUDAGUR 3. MAÍ 2004 13
VELTA danska verktakafyrirtæk-
isins E. Pihl & Søn hefur aldrei
verið meiri en á síðasta ári, en hún
jókst um 29% frá fyrra ári. Veltan
var 3,9 milljarðar danskra króna,
jafnvirði um 46 milljarðar ís-
lenskra króna. Frá þessu er greint
í frétt í danska viðskiptablaðinu
Børsen og segir þar að hagnaður
ársins hafi verið 60 milljónir
danskra króna, eða um 700 millj-
ónir íslenskra króna.
Sterk tengsl
við Ísland
Fram kemur í fréttinni að E.
Pihl & Søn skeri sig úr í sam-
anburði við önnur dönsk verktaka-
fyrirtæki á síðasta ári því velta
þess hafi aukist á sama tíma og
velta flestra stóru fyrirtækjanna á
þessu sviði hafi dregist saman
milli áranna 2002 og 2003. E. Pihl
& Søn er þriðja stærsta verktaka-
fyrirtækið í Danmörku.
Í frétt Børsen kemur fram að
óperuhúsið og verslunarmiðstöðin
Fields í Kaupmannahöfn eigi
stærstan þátt í veltuaukningu E.
Pihl & Søn, en þessar tvær fram-
kvæmdir standi fyrir um helm-
ingnum af veltu fyrirtækisins í
Danmörku. Útlit sé hins vegar fyr-
ir samdrátt í byggingariðnaðinum
þar í landi á þessu ári. Er haft eft-
ir Søren Langvad, forstjóra og að-
aleiganda Pihl & Søn, í Børsen að
vegna þessa leggi fyrirtækið nú
áherslu á að auka umsvif sín er-
lendis til að viðhalda þeim árangri
sem náðst hafi á síðasta ári. Eins
og á umliðnum árum verði sér-
staklega haldið áfram að sækjast
eftir verkefnum á sviði hafnar-
gerðar, virkjana, jarðganga- og
vegagerðar.
E. Pihl & Søn er nú með verk-
efni í tólf löndum, þar á meðal hér
á landi í tengslum við virkjunar-
framkvæmdirnar á Austurlandi, og
einnig á Grænlandi. Nýjustu verk-
efni fyrirtækisins erlendis eru svo,
samkvæmt frétt Børsen, hafnar-
framkvæmdir á Jamaíku og í
Erítreu. Segir í fréttinni að Ísland
hafi sérstaka þýðingu fyrir
Langvad, en hann starfaði hér á
landi á tímum seinni heimsstyrj-
aldarinnar, þá nýútskrifaður verk-
fræðingur.
Halldór Ragnarsson, fram-
kvæmdastjóri E. Pihl & Søn, segir
í samtali við Børsen, að fyrirtækið
muni snúa sér í ríkara mæli að
íbúðamarkaði og verkefnum á
sviðum endurbóta og viðgerða til
að taka við eftir lok hinna stóru
framkvæmda við óperuhúsið og
verslunarmiðstöðina Fields.
Eignarhlutur í
Ístaki 96%
Verktakafyrirtækið Ístak er
dótturfélag E. Pihl & Søn, en sam-
kvæmt árskýrslu þess fyrir árið
2002 var eignarhlutur félagsins í
Ístaki 96% í lok þess árs. Þá var
nafnverð eignarhlutarins 76,8
milljónir danskra króna og bók-
fært verð 104,8 milljónir danskra
króna, en það svarar nú til um 1,2
milljarða íslenskra króna.
E. Pihl & Søn er fjölskyldufyr-
irtæki. Eigandi þess er Pihlson
Holding A/S, sem er í eigu Søren
Langvad og fjögurra barna hans.
Mesta velta E. Pihl
& Søn frá upphafi
● VÖRUSKIPTI við útlönd voru í jafn-
vægi fyrstu þrjá mánuði þessa árs.
Fluttar voru út vörur fyrir 50,9 millj-
arða króna og inn fyrir sama verð-
mæti. Á sama tímabili í fyrra voru
vöruskiptin hins vegar hagstæð um
6,4 milljarða á
sama gengi,
samkvæmt út-
reikningum Hag-
stofu Íslands.
Í mars sl. voru
vöruskiptin við
útlönd óhag-
stæð um 0,2
milljarða króna
en í sama mánuði í fyrra voru þau
óhagstæð um 0,5 milljarða. Fluttar
voru út vörur fyrir 20,1 milljarð króna í
mars í ár og inn fyrir 20,3 milljarða.
Verðmæti vöruútflutnings fyrstu
þrjá mánuði þessa árs var 2 millj-
örðum meira á föstu gengi en á sama
tímabili árið áður, sem er 4% aukning.
Sjávarafurðir voru 60% alls útflutn-
ings og var verðmæti þeirra 5% meira
en á sama tímabili árið áður. Verð-
mæti útfluttra iðnaðarvara jókst um
7% milli ára á föstu gengi, útflutningur
á áli dróst saman en aukning varð á
útfluttum lyfjum og lækningavörum.
Verðmæti vöruinnflutnings fyrstu
þrjá mánuði þessa árs var 8 millj-
örðum króna meira en í fyrra, sem er
20% aukning milli ára. Mest varð
aukningin í innflutningi á fjárfesting-
arvörum og hrá- og rekstrarvörum.

 


  !"
= 


 
*++, *++-
*++, *++-
#$% #$
&'$"
$

Viðskiptajöfnuður
í jafnvægi
ÞETTA HELST …
VIÐSKIPTI