Morgunblaðið - 03.05.2004, Blaðsíða 17

UMRÆÐAN
MORGUNBLAÐIÐ MÁNUDAGUR 3. MAÍ 2004 17
NK. þriðjudagskvöld verður
námskeið fyrir hjónaefni og pör, í
Grafarvogskirkju kl. 20–22.30.
Námskeiðið er haldið á vegum
Fjölskylduþjónustu kirkjunnar og
er hugsað sem undirbúningur fyrir
pör sem hafa hug á að láta pússa
sig saman. Fjölmiðlar hafa und-
anfarin ár sýnt mikinn áhuga á
brúðkaupsdeginum, fegurð
fatanna, yndisleik athafnarinnar og
hve vegleg veislan geti verið með
alls kyns þemaskreytingum. Okkur
langar að bæta örlitlu við og hlúa
að dögunum daginn eftir, þegar
búið er að opna alla pakkana og
raða fallegu hlutunum upp í skáp.
Þá þurfum við stundum að minna
okkur sjálf á að þakka fyrir hvern
dag sem við fáum að njóta okkar
nánustu. Okkur er í sjálfsvald sett
að gera dag hvern að dýrðlegu æv-
intýri með smávegis skapandi
framlagi, eins og klappi á kinn og
brosglimti í auga.
Bensínstöðvarblómvöndur
„Rómantíkin er alveg farin“, eða:
„Hann er alveg hættur að vera
rómantískur“, eru setningar sem
við sem veitum hjónaviðtöl heyrum
oft. Þá er oft besta spurningin að
spyrja sjálfan sig: „Hvað get ég
sjálf/sjálfur gert til að breyta út af
venjunni og sýna makanum smá-
rómantík, án þess að það kosti of
mikið.“ Þá getur bensínstöðv-
arblómvöndur alveg jafnast á við
utanlandsferð. Gæði rómantík-
urinnar fara alveg eftir því hvernig
framkoman er, þegar við klöppum
á kinnina eða reiðum fram blómin,
en ekki eftir kaupverði.
Kristileg sýn
Sr. Bjarni Þór Bjarnason, prestur
í Grafarvogskirkju, mun fjalla um
kristilega sýn á hjónabandið og
hjónavígsluna. Ég hlakka til að
hlusta á sr. Bjarna Þór. Í dagsins
önn veitir ekki af að dusta rykið af
kristilegu siðfræðinni úr uppeld-
inu. Tiltölulega lítið hefur verið
fjallað um þessa þætti í tengslum
við brúðkaupsumfjöllun í fjöl-
miðlum. Áherslan á hluti og dót
hefur iðulega fengið meiri athygli
en sú andlega næring sem við
þurfum að veita sjálfum okkur og
fjölskyldunni, svo alls kyns and-
legir hörgulsjúkdómar fari ekki að
gera vart við sig. Sálarlífið þarf
daglega umhirðu, eins og hvert
annað blómabeð.
Fjármál heimilanna
Barbel Schmid félagsráðgjafi og
Ingólfur H. Ingólfsson félagsfræð-
ingur verða með er-
indi um hvernig við
getum skipulagt
fjármálin svo að
skuldabyrðin sligi
ekki heimilið. Þau
hafa sannað sig að
vera með raungóða
ráðgjöf í þessum
efnum. Til Fjöl-
skylduþjónustu
kirkjunnar leita oft
pör sem eru að
guggna undan yf-
irvofandi gjaldþroti
eða afstöðnu gjald-
þroti. Oft er það til-
komið vegna of mikillar
skuldsetningar eða
uppáskrifta fyrir ætt-
ingja. Oft enda gjald-
þrota hjónabönd með
skilnaði, m.a. vegna
reiði, vonleysis og ásak-
ana þegar svo er kom-
ið. Reglur hérlendis
virðast glapræðislegri
hvað þetta varðar en
tíðkast í nágrannalönd-
unum. Þetta verður
kærkomið tækifæri til
að fá nýja og gam-
aldags sýn á fjárhagsgrunn heim-
ilisins.
Innihald ástarsambands
Þegar búið verður að borða nýbak-
aða hjónabandssælu frá Sandholt
sjálfum, drekka kaffi og kyngja
fjármálunum, skoðum við örlítið
hvaða verkefni bíða okkar alltaf í
öllum ástarsamböndum, eigi þau
að endast og dafna. Æviskeiðin
eru ólík að innihaldi, það hefur
sinn sjarma að verða miðaldra og
gamall, verða amma og líka maki
og manneskja. Í öllum fjölskyldum
verður einhver veikur af og til, það
reynir á þolrifin og samvinnuna.
Einhver afhjúpast t.d. sem einráð-
ur og frekur og vill stjórna hvern-
ig allir í stórfjölskyldunni skipu-
leggja sig í kringum sjúklinginn
eða einhver er alki og kemur sér
undan öllu saman. Hvernig varð-
veitum við okkur svo sem kynveru
eða andlegu þarfirnar við þessar
aðstæður? Það má ekki gleymast,
né spaugilegu hliðarnar og litlu
hlutirnir eins og „bí, bí úti“, sem
börnin taka eftir. Hlakka til að sjá
ykkur á þriðjudagskvöldið kl. 20.
Frá umbúðum til innihalds
Elísabet Berta Bjarnadóttir
skrifar um námskeiðshald
’Þetta verður kærkom-ið tækifæri til að fá nýja
og gamaldags sýn á fjár-
hagsgrunn heimilisins.‘
Elísabet Berta
Bjarnadóttir
Höfundur er félagsráðgjafi og starfar
hjá Fjölskylduþjónustu kirkjunnar.
RAFLAGNA
ÞJÓNUSTA
RAFSÓL
Skipholti 33 • 105 Reykjavík
Sími:
553 5600
E
i
n
n
t
v
e
i
r
o
g
þ
r
í
r
2
6
6
.0
0
2
lögg i l tu r ra fverk tak i
Nýbýlavegi 12 • 200 Kópavogi • Sími 554 4433
Opið virka daga 10-18, laugardaga 10-16
Kvenfatnaður
í úrvali
í stærðum 34-56