Morgunblaðið - 03.05.2004, Blaðsíða 27

HESTAR
MORGUNBLAÐIÐ MÁNUDAGUR 3. MAÍ 2004 27
Þetta er í annað sinn semreiðkennaraefni Hólaskólaleggja land undir fót meðgæðinga sína og bjóða
Sunnlendingum upp á nasasjón af því
helsta sem kennslan í reiðkennara-
deildinni byggist á og því sem þau
hafa verið að fást við í vetur. Sýningin
í fyrra þótti takast prýðilega og féll í
góðan jarðveg. Á síðum Morgun-
blaðsins var sagt að þar hefði verið á
ferðinni einhver áhugaverðasta fag-
sýning sem getið hefði að líta á Ís-
landi og má vafalítið nota svipuð orð
um sýningu nemendanna nú þótt
vissulega sé hér, eðli málsins sam-
kvæmt, að hluta til um nokkra end-
urtekningu að ræða. Sýning nemend-
anna nú undirstrikar vel að reið-
fræðaþróunin og kennslan á Hólum
hefur slitið barnsskónum og skólinn
sé farinn að útskrifa vel menntaða
reiðmenn og reiðkennara. Það þýðir
þó ekki að komið sé að einhverjum
endapunkti í þeim efnum.
Sýningin nú og í fyrra endurspegla
vel að vönduð vinnubrögð eru viðhöfð
á Hólum við tamningu og uppbygg-
ingu reiðhrossa. Lögð er áhersla á að
haga tamningunni út frá forsendum
hestsins, fara vægt í hlutina til að
byrja með, gefa honum færi á að
skilja hvað verið sé að fara fram á og
ganga síðan í hlutina þegar skilning-
urinn er til staðar. Gott dæmi um
þetta er atriðið með stangamélin.
Greinilegt er að Hólamenn eru farnir
að huga alvarlega að notkun stanga-
méla og er ekki vanþörf á. Meðal
margra hestamanna á Íslandi hefur
ríkt stór og mikill misskilningur og
kunnáttuleysi um notkun stangméla
og tímabært að farið sé með skil-
merkilegum hætti ofan í saumana á
því. Hver kannast ekki við að gripið
sé til stanganna þegar hestar eru
orðnir óhóflega „viljugir“ og farnir að
leggjast í beislið og jafnvel farnir að
taka völdin af knapanum. Kennara-
efnin fóru gaumgæfilega yfir það
hvernig Hólamenn leggja til að staðið
sé að málum þegar skipt er frá hring-
mélum yfir í stangamél.
Í fyrsta lagi að huga ekki að skipt-
um fyrr en hesturinn er orðinn vel
þjáll á hringjunum og gefur vel eftir á
báðar hliðar. Aldrei hafa minna en
90° horn á milli stanga og munns
hestsins. Byrja á að venja hestinn við
átak stanganna í hendi gangandi við
hlið hans með því að láta hestinn
stöðva mjúklega við átak stanganna.
Leiða hann síðan inn í opinn snið-
gang. Áhersla er lögð á, bæði þegar
unnið er með hestinn í hendi og eins
þegar á bak er komið, að hann nái
ekki að leggjast í beislið. Að þessu
loknu er tímabært að stíga á bak og
framkvæma svipaðar æfingar en
gæta þess vel að gefa hestinum færi á
að skynja hið nýja átak. Þá var sér-
staklega á það bent að hestar væru
mun fljótari að þyngjast á stangamél-
um en hringamélum, væri þess ekki
gætt að varna þeim að leggjast í mél-
in. Eftir að hafa horft og hlustað á
þessa leiðsögn kennaraefnanna virð-
ist það nokkuð ljóst að stangamél eru
stórlega ofnotuð af íslenskum hesta-
mönnum.
Hross nemenda voru vel til höfð,
mjúk og sátt við það sem þau voru
látin gera, sem að sjálfsögðu gerir
sýningu þeirra sannfærandi. Það er
sannarlega léttir að ekki skuli lengur
boðið upp á klúðurslegar hnoðfimi-
sýningar eins og oft hefur getið að
líta á reiðhallarsýningum undanfar-
inna ára.
Greinilegt er að ekki þýðir lengur
að bjóða upp á slíkt því lungi sýning-
argesta í dag ber orðið gott skyn-
bragð á hvað er vel gert og hvað ekki.
Þessar tvær sýningar Hólaskóla,
bæði nú og í fyrra, eiga þar góðan
þátt í að koma fólki í skilning um hvað
vönduð og góð reiðmennska er. Má
því ætla að sýningar sem þessar muni
gegna mikilvægu hlutverki í að upp-
fræða Sunnlendinga um hvað verið er
að gera á Hólum og fylgjast með
stefnum og straumum reiðmennsk-
unnar á komandi árum.
En fyrir norðan var keppt um
Morgunblaðsskeifuna í frekar óhag-
stæðu veðri. Skeifan er veitt þeim
nemanda sem bestum árangri nær í
bóklegri og verklegri hestamennsku.
Keppt var í fjórgangi og gilti for-
keppnin til stiga í keppninni um
Morgunblaðsskeifuna en úrslitin á
skeifudaginn eru til skemmtunar fyr-
ir nemendur, starfsfólk skólans og
gesti.
Það var þýska stúlkan Elisa Maria
Klose sem bar hæstan hlut í keppn-
inni um skeifuna, hlaut 8,54. Næst
henni varð Þórdís Erla Gunnarsdótt-
ir með 8,09 og Eyjólfur Þorsteinsson
varð í þriðja sæti með 7,95. Eyjólfur
sigraði hins vegar í fjórganginum á
Gátu frá Þingnesi. Ásetuverðlaun Fé-
lags tamningamanna hlaut Linnea
Eriksson en hún hlaut einnig Eið-
faxabikarinn sem veittur er fyrir best
hirta hrossið.
Úrslit urðu annars sem hér segir í
fjórgangi:
1. Eyjólfur Þorsteinsson á Gátu frá
Þingnesi, 8,40
2. Sigurbjörg Sigurbjörnsdóttir á
Kjarki frá Steinnesi, 7,80
3. Linnea Eriksson á Kulda
frá Grímsstöðum, 7,70
4. Elisa Maria Klose á Dynjanda
frá Dalvík, 7,50
5. Þórhallur Rúnar Þorvaldsson
á Mátti frá Austurkoti, 7,10
6. Þórdís Erla Gunnarsdóttir
á Þrándi frá Hólum, 6,90
7. Pétur Örn Sveinsson á Flótta
frá Kálfholti II, 6,90
8. Margrét Bára Þórkelsdóttir
á Léttfeta frá Lýsuhóli, 5,80
9. Katrin Gier á Brennu frá
Hólum, 5,50
10. Ylfa Guðný Sigurðardóttir
á Gígju frá Gerðum, 4,80
HLUTAFÉLAG hefur verið stofnað
um stóðhestinn Tígul frá Gýgjar-
hóli sem er einn hæst dæmdi stóð-
hestur sögunnar. Félaginu er skipt
í 60 hluti og hafa nú þegar verið
seldir 44 hlutir. Til stendur að selja
fleiri hluti í félaginu en upphaf-
legur eigandi hestsins, Jón Olgeir
Ingvarsson, hyggst eiga um 10 hluti
í hestinum og má því ætla að enn
séu 34 hlutir falir.
Á stofnfundinum var ákveðið að
haldið yrði undir Tígul á húsi á
Jaðri í Hrunamannahreppi fram að
landsmóti en ekki er ákveðið hvar
hann verður að loknu móti að öðru
leyti en því að hann verður á Suður-
landi. Samþykkt var á fundinum að
stefna með klárinn í keppni
B-flokksgæðinga á landsmóti og
verður honum teflt fram í úrtöku
hjá Hestamannafélaginu Fáki. Þyk-
ir hluthöfum ekki ástæða til að
reyna að sinni að fara með hann í
kynbótadóm, hann sé nú þegar
kominn með háan dóm fyrir bæði
sköpulag og hæfileika.
Hlutafélag stofn-
að um Tígul frá
Gýgjarhóli
Í mörgu var að snúast hjá Hólanemum um
helgina. Reiðkennaradeildin fór, eins og
hún lagði sig, suður til sýningahalds meðan
þeir sem skemmra eru komnir kepptu um
Morgunblaðsskeifuna á Hólum. Valdimar
Kristinsson fylgdist með áhugaverðri
fræðslusýningu reiðkennaraefnanna í
Reiðhöllinni í Víðidal á sunnudag.
Sýning syðra
– skeifu-
keppni nyrðra
Gæðagripurinn Bokki var málaður til að áhorfendur gætu glöggvað sig á afstöðu ýmissa mikilvægra beina í hest-
líkamanum og Inga María Stefánsdóttir útskýrði hvers vegna það er svo mikilvægt að hestar felli háls í reiðhests-
uppbyggingu. Til frekari útlistunar lagðist Mille Kyhl á fjóra fætur til að leiðbeina áhorfendum.
Morgunblaðið/Vakri
Anton Níelsson skýrði meðal annars hversu mikilvægt er fyrir knapann að
hafa stjórn á þeim hraða sem riðið er á og hvaða stefnu hesturinn er látinn
fylgja. Reið hann jörpum gæðingi sem fór afar vel á stöngunum.
Vel var mætt á áhorfendabekkina í Víðidal um helgina og fylgdust áhorfendur með því sem Hólanemendur höfðu fram að færa af miklum áhuga.
Miklar annir voru hjá nemendum Hólaskóla í Hjaltadal um liðna helgi