Morgunblaðið - 09.07.2004, Blaðsíða 2
„VIÐ duttum í lukkupottinn, fylltum
skipið í fjórum köstum. Það var samt
ekki mikið að sjá á svæðinu og önnur
skip fengu minna,“ sagði Jón Ax-
elsson, skipstjóri á loðnuskipinu
Júpiter ÞH, en skipið landaði full-
fermi, um 1.300 tonnum, í heimahöfn
á Þórshöfn í gær, fyrstu loðnu sum-
arvertíðarinnar. Aflinn fékkst djúpt
norður af Húnaflóa og þó að þar hafi
ekki orðið vart við mikið af loðnu
sagðist Jón nokkuð bjartsýnn á fram-
haldið.
„Það er lítið að marka þetta núna,
það leitast illa á þessum árstíma og
erfitt að sjá loðnuna. Við köstuðum á
frekar daufar lóðningar en fengum
samt upp í 500 tonna köst. Þessi
loðna er þokkalega stór en hún er
átulaus. Sennilega er hún að ganga
fram af landgrunninu í leit að æti.
Mér þykir líklegt að loðnan sé núna
komin inn í grænlensku lögsöguna og
þá verður að sækja hana þangað. Ég
trúi að minnsta kosti ekki öðru en að
eitthvað finnist. Menn eru sammála
um að ástandið sé svipað og í fyrra en
þá var loðnan vestarlega í Græn-
landssundi um þetta leyti árs.“
Jón kannast við umræður um að
draga verði úr loðnuveiðum til að
skilja eftir nóg af æti fyrir þorskinn.
Hann sagði hins vegar nóg til skipt-
anna, bæði fyrir þorska og menn.
„Skipstjórar eru almennt sammála
um að það verði hægt að gera ágæta
sumarvertíð, enda sé gríðarlegt
magn af loðnu í sjónum. Skilyrði í
hafinu hafa aftur á móti verið mjög
óvenjuleg síðustu ár og fiskurinn
heldur sig á öðrum slóðum en venju-
lega,“ sagði Jón.
Júpiter ÞH landaði fyrstu sumarloðnunni á Þórshöfn
„Duttum í lukkupottinn“
Morgunblaðið/Líney Sigurðardóttir
Boðið var upp á tertur í tilefni dags-
ins en á þær var letrað: „Júpiter –
fyrsta loðnan.“ Jón Axelsson skip-
stjóri og Magnús Helgason, fram-
kvæmdastjóri Hraðfrystistöðvar
Þórshafnar, með terturnar góðu.
FRÉTTIR
2 FÖSTUDAGUR 9. JÚLÍ 2004 MORGUNBLAÐIÐ
FJARÐAÁL RÍS
Friðsamleg mótmæli voru við af-
leggjarann á álverslóðinni í Reyð-
arfirði í gær þegar fyrsta skóflu-
stunga að Fjarðaáli var tekin. Fjöldi
boðsgesta var viðstaddur skóflu-
stunguna og miklar öryggisráðstaf-
anir voru gerðar á staðnum. Við at-
höfnina var tímamótunum fagnað og
sérstakri ánægju lýst með framgang
verkefnisins til þessa.
Engar einbreiðar brýr
Einbreiðum brúm verður fækkað á
næstu tólf mánuðum og stefnt er að
því að engar slíkar brýr verði á hring-
veginum. Þetta er meðal verkefna í
átakinu Breytum þessu! sem ætlað er
að fækka alvarlegum umferð-
arslysum á þjóðvegum. Sturla Böðv-
arsson setti átakið og minntist m.a. á
að árlega deyja á milli 20 og 30 Ís-
lendingar í umferðarslysum.
Blóðbað í Írak
Að minnsta kosti ellefu manns lágu
í valnum eftir að uppreisnarmenn
gerðu sprengjuárás á höfuðstöðvar
íraskra þjóðvarðliða í borginni Sam-
arra norður af Bagdad í gær. Hermt
var að fimm bandarískir hermenn,
tveir þjóðvarðliðar og a.m.k. fjórir
uppreisnarmenn hefðu fallið. Tugir
manna særðust.
Olíuverð snarhækkar
Heimsmarkaðsverð á hráolíu snar-
hækkaði í gær eftir að Tom Ridge,
heimavarnaráðherra Bandaríkjanna,
varaði við því að al-Qaeda fyrirhugaði
hryðjuverk til að trufla bandarísku
forsetakosningarnar í nóvember.
Morðingi Lindh á geðdeild
Sænskur áfrýjunarréttur úrskurð-
aði í gær að Mijailo Mijailovic, morð-
ingi Önnu Lindh, utanríkisráðherra
Svíþjóðar, skyldi vistaður á geðdeild í
stað þess að afplána fangelsisdóm til
lífstíðar.
Y f i r l i t
Í dag
Úr verinu 11 Bréf 30
Viðskipti 14 Minningar 31/37
Erlent 18 Skák 39
Höfuðborgin 21 Brids 39
Akureyri 22 Dagbók 40
Austurland 22 Víkverji 40
Suðurnes 26 Velvakandi 42
Landið 24 Staksteinar 54
Forystugrein 26 Staður og stund 42
Viðhorf 28 Menning 43/49
Daglegt líf 28 Ljósvakamiðlar 50
Umræðan 29/30 Veður 51
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfull-
trúi, orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl
!
"
#
$
%&' (
)***
+
HÉRAÐSDÓMUR Suðurlands
hefur dæmt karlmann í þriggja ára
fangelsi fyrir kynferðisbrot gegn
þremur stúlkum, þar af tveimur
ungum dætrum sínum. Ákærði var
dæmdur til að greiða annarri dótt-
ur sinni 700 þúsund krónur í
miskabætur, og hinni 100 þúsund
krónur. Þá var hann dæmdur til að
greiða þriðju stúlkunni 400 þúsund
krónur í bætur.
Ákærði neitaði sök en dómurinn
lagði í flestum tilfellum framburð
stúlknanna til grundvallar.
Ákærða var gefið að sök að hafa
beitt aðra dóttur sína kynferðis-
legu ofbeldi í þrjú skipti á árunum
1995–1997 þegar stúlkan var 12–14
ára. Þá var hann ákærður fyrir
kynferðisbrot gegn hinni dóttur
sinni þegar hún var 14 ára með því
að þukla á brjóstum hennar. Þriðja
stúlkan var 13 ára þegar ákærði
beitti hana kynferðislegu ofbeldi
árið 2003.
Málið dæmdu héraðsdómararnir
Hjörtur O. Aðalsteinsson, Hjördís
Hákonardóttir og Símon Sigvalda-
son. Verjandi ákærða var Brynj-
ólfur Eyvindsson héraðsdómslög-
maður og sækjandi Sigríður
Jósefsdóttir, saksóknari hjá ríkis-
saksóknara.
Þriggja
ára fang-
elsi fyrir
kynferðis-
brot
ÞINGEYINGAR úr HSÞ voru að
ganga frá tjaldbúðum sínum á Sauð-
árkróki í gær þegar ljósmyndara
Morgunblaðsins bar að garði. Tjöld-
in á tjaldstæðinu eru mismunandi,
allt frá litlum tveggja manna göngu-
tjöldum upp í nýjustu gerðir af felli-
hýsum og húsbílum. Þingeyingar
eru fjölmennari en oftast áður,
keppendur frá HSÞ eru 120 talsins
og svo er mikill fjöldi sem fylgir
með, foreldrar og aðrir sem sjá um
allt sem sjá þarf um á móti sem
þessu. Matur er á borðum í sam-
komutjaldinu sem stendur á miðju
svæði hvers ungmennafélags og hjá
Þingeyingum er glæsilegt hlið við
tjaldið, hlið sem hefur fylgt HSÞ
nokkur undanfarin landsmót. Það
stendur mikið til hjá HSÞ í kvöld því
þá er ætlunin að grilla ofan í allan
mannskapinn og sagði Haraldur
Bóasson, formaður frjálsíþróttaráðs,
að þar færu nokkrar skjátur sem
væri búið að slátra og krydda og allt
væri klárt nema að eftir ætti að taka
holuna sem grillað væri í.
Morgunblaðið/Eggert
Fjörugir
Þingeyingar
í blíðunni á
Sauðárkróki
ÞAU liggja ekki á lausu
Max-sófasettin sem
smíðuð voru í trésmiðj-
unni Víði á sjötta og sjö-
unda áratugnum, enda
hinar mestu gersemar. Í
þeim lá mikil vinna þar
sem þau voru handgerð.
Sófasettin eru kennd við
hönnuð sinn, Þjóðverj-
ann Max Jeppesen, en
tréskerinn Wilhelm
Backman skar út tré-
verkið. Nú er eitt Max-
sófasett á lausu þar sem eigandinn, Ásta Dís Óladóttir, er að fara til Dan-
merkur í doktorsnám og treystir sér ekki til að flytja það með sér. „Að því er
ég best veit er þetta eina upprunalega settið á landinu. Ég erfði það eftir
ömmu mína og nöfnu, sem erfði það eftir móður sína og langömmu mína, en
hún keypti það árið 1953. Þá kostaði það svipað og Volkswagen-bjalla, svo
þetta var þó nokkur fjárfesting. Af þessum sökum er ekki átakalaust fyrir
mig að láta það frá mér. Áklæðið er upprunalegt og það sér varla á sófasett-
inu og böndin og gormarnir eru eins og ný. Ég hafði samband við bólstrara
sem þekkir vel Max-sófasettin og hann sagði mér að ef þetta sófasett væri
framleitt í dag, þá myndi það kosta um eina og hálfa milljón,“ segir Ásta Dís
sem starfar við Háskóla Íslands og setti auglýsingu um sófasettið inn á vef
starfsmanna þar og fékk mjög mikil viðbrögð.
Hverjum hlotnast hnossið?
ÁKVEÐIÐ verður í dag hvort
tveggja vikna gæsluvarðhaldsúr-
skurður karlmannsins sem liggur
undir grun um að hafa fyrirkomið
fyrrverandi sambýliskonu sinni verð-
ur kærður til Hæstaréttar. Hann er í
einangrun í fangelsinu á Litla-Hrauni
og hefur verið yfirheyrður vegna
grunsamlegs hvarfs konunnar. Ekk-
ert hefur til hennar spurst síðan að-
faranótt sunnudags. Engar nýjar
upplýsingar liggja fyrir, að sögn lög-
reglu. Hún vinnur áfram að málinu,
m.a. með vettvangs- og tæknirann-
sókn við Stórholt í Reykjavík þar sem
fundust vísbendingar.
Sakborn-
ingur tekur
afstöðu til
kæru í dag
♦♦♦