Morgunblaðið - 09.07.2004, Page 21

MINN STAÐUR
MORGUNBLAÐIÐ FÖSTUDAGUR 9. JÚLÍ 2004 21
HÖFUÐBORGARSVÆÐIÐ
AUSTURLAND
FRÉTTARITARI Morgunblaðsins á
Vopnafirði var við grenjavinnslu í
fyrrinótt og tók þessa mynd af Há-
reksstaðaleið.
Það var næstum eins og tunglið
væri svo þungt og mótt að það dytti
til jarðar þá og þegar í sumarnótt-
inni.
Morgunblaðið/Jón Sigurðarson
Keikt er það og kringlótt
AUGLÝSINGADEILD
netfang: augl@mbl.is eða sími 569 1111
Egilsstaðir | Undirbúningur er haf-
inn fyrir Þjóðahátíð Austfirðinga,
sem haldin verður í Íþróttamiðstöð-
inni á Egilsstöðum þann 12. sept-
ember nk.
Rauði kross Íslands á Austur-
landi stendur fyrir hátíðinni, en
hún er nú haldin í þriðja skipti seg-
ir í fréttatilkynningu frá fram-
kvæmdaaðilum hátíðarinnar.
Samkvæmt upplýsingum frá síð-
ustu þjóðahátíð voru á Austurlandi
364 íbúar af erlendum uppruna á
fyrri hluta árs 2002. Ætla má að
þessi tala hafi næstum fjórfaldast
eftir að framkvæmdir hófust við
Kárahnjúka, þó nákvæmar tölur
liggi ekki fyrir að svo stöddu.
Efla skilning og vinsemd
Markmið þjóðahátíðar er að efla
samgang og samskipti, skilning og
vinsemd á meðal allra íbúa Austur-
lands, innfæddra sem aðfluttra.
Mikilvægt er að fólk geri sér grein
fyrir hve mikil verðmæti eru fólgin
í þeirri menningarlegu fjölbreytni
sem býr í mannauði þessa lands.
Á hátíðinni verður fjölbreytt
skemmtidagskrá flutt á sviði, svo
sem dans, söngur og hljóðfæra-
leikur. Á svæðinu mun fólk af ólík-
um þjóðernum kynna land sitt og
menningu á margvíslegan hátt.
Hægt verður að bragða á þjóð-
legum réttum og fræðast í máli og
myndum um menningu þjóðanna
sem búa á Austurlandi. Verkefnis-
stjóri hátíðarinnar er María Ósk
Kristmundsdóttir.
Þjóðahátíð Austfirðinga
með RKÍ í bígerð
Morgunblaðið/Helgi Garðarsson
Til þess fallin að auka samkennd íbúa: Þjóðahátíð Austfirðinga verður
haldin í þriðja skipti á Egilsstöðum í september.
Reykjavík | Tveir vinnuhópar í Vinnuskóla
Reykjavíkur eru í sumar eingöngu skipaðir
ungmennum af erlendu bergi brotnum. Þetta
er í fyrsta skipti sem hópar innan Vinnuskól-
ans eru þannig skipaðir og er þetta gert í til-
raunaskyni.
Eitt helsta markmiðið með þessum hópum
er að koma ungmennunum betur inn í sam-
félagið með því að kynna þeim landið, menn-
inguna og þær tómstundir sem í boði eru.
Vissu ekki af tilvist
Vinnuskólans
Að sögn Arnfinns U. Jónssonar, skólastjóra
Vinnuskóla Reykjavíkur, er það er almenn
stefna hjá Vinnuskólanum að blanda ung-
mennum í almenna hópa. „Hins vegar verðum
við að meta það hverju sinni hvort tilefni sé til
þess að setja á laggirnar sérhópa. Þegar við
settum starfið af stað í byrjun sumars var okk-
ur bent á það að í móttökuskólunum væru ein-
staklingar sem ekki gætu tjáð sig á íslensku og
vissu þar að auki ekki af tilvist Vinnuskólans,“
segir Arnfinnur en ungmennin eru á aldrinum
14–16 ára og eru öll úr móttökudeildum Breið-
holtsskóla, Háteigsskóla og Austurbæjarskóla.
„Í samráði við námsráðgjafa þessara skóla
var ákveðið að setja ákveðna einstaklinga úr
þessum skólum í sérhópa. Hóparnir sem um
ræðir eru skipaðir ungmennum af erlendu
bergi brotnum sem ekki geta skilið eða tjáð sig
nægilega vel á íslensku. Við mátum það svo að
þessir ákveðnu einstaklingar væru þannig
staddir að þetta myndi gagnast þeim betur,“
segir Arnfinnur.
Leiðbeinendur sem starfa með sérhópunum
hafa reynslu af vinnu með börnum af erlendum
uppruna og samskiptum við þau. Linda Rós
Alfreðsdóttir, leiðbeinandi annars sérhópsins,
segir að starfið hafi gengið mjög vel það sem af
er sumri. „Þetta hefur gengið mjög vel og for-
eldrar jafnt sem ungmennin eru ánægðir með
þetta fyrirkomulag,“ segir Linda.
Vinnuhópar í Vinnuskóla Reykjavíkur fá að
jafnaði tvo formlega fræðsludaga á þeim tíma
sem þeir dvelja í skólanum en hóparnir sem
hér um ræðir fá níu fræðsludaga. Á fræðslu-
dögum fá þeir sérstaka fræðslu um íslenskt
samfélag og kynntar eru fyrir þeim helstu
stofnanir Reykjavíkurborgar.
Nokkuð hefur borið á því að ungmenni viti
ekki af tilvist Vinnuskólans og starfsemi hans.
Af því tilefni hafa verið settar á heimasíðu
Vinnuskólans upplýsingar á átta tungumálum
um Vinnuskólann og hvernig eigi að haga um-
sókn í skólann.
Tveir hópar Vinnuskólans eingöngu skipaðir ungmennum af erlendu bergi brotnum
Morgunblaðið/Þorkell
Ungmennin létu vel af vinnunni í Vinnuskóla Reykjavíkur.
TENGLAR
...........................................................
www.vinnuskoli.is
Markmiðið er að
koma ungmennunum
vel inn í samfélagið