Morgunblaðið - 09.07.2004, Side 45

MENNING
MORGUNBLAÐIÐ FÖSTUDAGUR 9. JÚLÍ 2004 45
Þrestir
í Wales
KARLAKÓRINN Þrestir tekur í
dag og á morgun þátt í einu af
kunnari kóramótum heims í
Llangollen í Wales á Bretlandi,
Mótið hefur verið haldið þar árlega
síðan 1945.
Llangollen er gamall bær og er
sagt að Arthúr konungur og ridd-
arar hringborðsins hafi búið þar.
Í ár er áætlað að um 120 þúsund
manns verði í bænum vegna móts-
ins sem rómað er fyrir mikla fjöl-
breytni og góða skipulagningu.
Íbúar bæjarins eru um 3 þúsund,
eða einn innfæddur á hverja 40
gesti en keppendur eru á þriðja
þúsund.
Þrestir taka þátt í tveimur atrið-
um keppninnar. Í dag tekur kórinn
þátt í keppni þjóðlagakóra og á
laugardag tekur svo kórinn þátt í
keppni karlakóra, og er svo meðal
þátttakenda í tónleikum í kvöld,
sem þó er ekki keppni.
Ef vel gengur gæti Karlakórinn
Þrestir komist í Heimskórakeppn-
ina á laugardagskvöldið en þangað
komast sigurvegarar úr keppnum
blandaðra kóra, svonefndra
„barbershop“-kóra, karlakóra og
kammerkóra.
Sjónvarpað um allt Bretland
Sú keppni er hluti af tónleikum
á laugardagskvöldið sem sjón-
varpað er um Bretland.
Lögin sem Þrestir syngja í
keppni þjóðlagakóra eru Sigl-
ingavísur eftir Jón Leifs við þjóð-
vísur Einars Benediktssonar og Ár
vas alda, íslenskt þjóðlag úr Völu-
spá. Karlakórinn syngur Bon jour,
mon coeur, lag eftir Orlando di
Lasso, Sefur sól hjá ægi, lag eftir
Sigfús Einarsson við texta Sig-
urðar Sigurðarsonar og Brimlend-
ingu, lag Áskels Jónssonar við
texta Davíðs Stefánssonar.