Morgunblaðið - 09.07.2004, Síða 52
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 9. JÚLÍ 2004 VERÐ Í LAUSASÖLU 220 KR. MEÐ VSK.
GUÐNI Guðmundsson,
fyrrverandi rektor
Menntaskólans í
Reykjavík, er látinn, 79
ára að aldri. Hann
fæddist 14. febrúar
1925 í Reykjavík.
Foreldrar hans voru
Nikólína Hildur Sig-
urðardóttir húsmóðir
og Guðmundur Helgi
Guðnason gullsmiður.
Guðni varð stúdent
frá Menntaskólanum á
Akureyri árið 1944,
lauk prófi í forspjalls-
vísindum frá Háskóla
Íslands 1945 og MA-prófi í ensku og
frönsku frá Háskólanum í Edinborg
árið 1951. Ennfremur lauk hann
námskeiðum við Sorbonne-háskóla í
París og prófi í uppeldis- og kennslu-
fræði frá Háskóla Íslands.
Guðni starfaði sem blaðamaður og
stundakennari í gagnfræðaskólum
áður en hann hóf störf við Mennta-
skólann í Reykjavík árið 1956, fyrst
sem stundakennari,
síðar skipaður kennari
og rektor skólans frá
1970 til 1995. Hann sat í
nefnd er samdi fyrstu
siðareglur Blaða-
mannafélags Íslands og
sat í útvarpsráði um
árabil. Hann var sæmd-
ur riddarakrossi hinnar
íslensku fálkaorðu.
Guðni kvæntist Katr-
ínu Ólafsdóttur 1951,
en hún fæddist 30. sept-
ember árið 1927 á Eski-
firði. Hún var dóttir
hjónanna Ólafs Hjalta
Sveinssonar, sem lengi var verslun-
arstjóri hjá ÁTVR, og Guðrúnar
Bjargar Ingvarsdóttur. Katrín lést
27. febrúar 1994. Börn þeirra Guðna
og Katrínar eru Guðmundur Helgi,
Guðrún, Ólafur Bjarni, Hildur Nikó-
lína, Anna Sigríður, Sveinn Guðni og
Sigurður Sverrir. Barnabörn þeirra
hjóna eru orðin 22 og barnabarna-
börnin 5.
Andlát
GUÐNI
GUÐMUNDSSON
FJÖLDI farþega Iceland Express
varð fyrir óþægindum í gær vegna
bilunar í annarri vél félagsins. Hóp-
ur fólks beið bæði í Keflavík og á
Kaupmannahafnarflugvelli. Að sögn
Hilmars Sigurðssonar, eins farþega
sem biðu á Kastrup-flugvelli, var
þungt hljóð í fólki þegar blaðamaður
Morgunblaðsins hafði samband við
hann um kvöldmatarleytið í gær.
Farþegar sem biðu í Keflavík kom-
ust af stað um ellefuleytið í gær-
kvöldi, og fljúga átti heim með far-
þegana í Kaupmannahöfn snemma
morguns í dag, föstudag, samkvæmt
upplýsingum Iceland Express í gær-
kvöldi.
„Vélin átti að fara heim klukkan
eitt að dönskum tíma, og hefur verið
að seinka um klukkutíma í einu fram
eftir degi. Síðan sáum við áhöfnina
yfirgefa staðinn, en engin tilkynning
hefur enn borist frá félaginu. Hér er
fólk með ungbörn, og í dag brast
kona í grát yfir aðstæðunum. Svo eru
aðrir farþegar sem farið hafa að
drekka áfengi, og liggja hér á gang-
inum,“ sagði Hilmar.
Litlar upplýsingar
Hilmar segir ekkert samband hafa
verið haft við farþega, og þeir sjálfir
hafi þurft að falast eftir upplýsing-
um. „Áhöfnin gat engu svarað, en
sagði þó að þessi vél færi ekki,“ sagði
hann jafnframt
Arnþór Halldórsson, fram-
kvæmdastjóri Iceland Express, seg-
ir félagið leggja sig fram um að upp-
lýsa fólk þegar bilanir verða.
„Það varð bilun í vélinni þegar hún
kom til Kaupmannahafnar og hefur
tekið lengri tíma að gera við hana en
ráð var fyrir gert. Það hefur valdið
töfum á flugi til Kaupmannahafnar
seinni partinn.“ Segir Arnþór félagið
hafa starfsfólk á flugvöllum sínum
erlendis, og það leggi sig fram við að
aðstoða fólk.
„Vegna mjög strangra öryggis-
reglna kemur ekkert annað til greina
en að senda vél beint í viðgerð. Það
er fylgt ýtrustu öryggiskröfum hjá
félaginu og aldrei farið í loftið fyrr en
vél hefur fengið fullkomna skoðun.“
Hann sagði farþegana fá hótel-
gistingu á kostnað félagsins.
Flugvél Iceland Express bilaði í Kaupmannahöfn
Hópar farþega biðu
lengi dags á flugvöllum
ORKUVEITA Reykjavíkur hefur
gengið frá samkomulagi við sam-
starfsaðila sína á Nýja-Sjálandi um
að fjölga risa-
rækjum á Ís-
landi. OR stóð
fyrir um ári að
innflutningi á
risarækjum sem
geymdar eru í
eldisstöð í Höfn-
um í Reykjanes-
bæ í umsjá Stofn-
fisks hf.
Að sögn Bergþórs Þormóðsson-
ar, deildarstjóra nýsköpunar- og
þróunardeildar OR, er ráðgert að
flytja íslensku afkvæmin, um 6–8
þúsund rækjur, austur á Bakka í
Ölfusi með haustinu þar sem þær
verða geymdar í tjörnum og kann-
að hvernig þeim reiðir af.
Áhugi á landsbyggðinni
Að sögn Bergþórs telja forsvars-
menn fyrirtækisins að risarækju-
eldi geti orðið arðbær nýjung í at-
vinnulífinu og hafa sveitarstjórnar-
menn í Öxarfirði og á Reykhólum
lýst áhuga á verkefninu. „Markað-
ur fyrir ferskar sjávarafurðir er
vaxandi og við teljum möguleika á
að skapa þessu tækifæri, bæði hér
innanlands og eins erlendis, í ná-
grannalöndunum, þar sem við gæt-
um selt seiði.“/6
Fá fleiri
risarækjur
til Íslands
VERULEG umskipti hafa orðið á
ávöxtun lífeyrissjóða, sem hefur
batnað um rúmlega 14 prósentustig
frá í fyrra. Hrein raunávöxtun miðað
við neysluverðsvísitölu var 11,3% ár-
ið 2003 en var neikvæð í þrjú ár þar á
undan, um 3,0% árið 2002, 1,9% árið
2001 og 0,7% árið 2000.
Af fullstarfandi sjóðum var Frjálsi
lífeyrissjóðurinn með hæstu hreinu
raunávöxtunina, 16,4%, en hann er
sá níundi í röðinni yfir stærð sjóð-
anna. Lökustu ávöxtuninni skilaði
Lífeyrissjóður starfsmanna Vest-
mannaeyjabæjar, eða -3,9%, og var
hann eini sjóðurinn sem ekki skilaði
jákvæðri raunávöxtun. Lífeyrissjóð-
ur starfsmanna Vestmannaeyjabæj-
ar er 49. í röðinni yfir stærð lífeyris-
sjóðanna.
Samkvæmt skýrslu Fjármálaeft-
irlitsins nam hrein eign til greiðslu
lífeyris í árslok 2003 samtals 824,0
milljörðum króna, samanborið við
678,9 milljarða kr. í árslok 2002 og er
aukningin 21,4% sem samsvarar
18,2% raunaukningu miðað við vísi-
tölu neysluverðs. Ráðstöfunarfé
samkvæmt sjóðstreymi á árinu 2002
nam samtals 273,2 milljörðum króna.
Tryggingafræðileg staða lífeyris-
sjóða hefur einnig batnað verulega
milli ára, en sem dæmi má nefna að í
ár var staða 24 samtryggingadeilda
neikvæð, en í fyrra var staða 32
deilda neikvæð. Í fyrra voru fjórar
deildir með halla yfir 10% en í ár var
engin deild með svo mikinn halla.
! "#$!
%&
'
(( ) .%C
.-
&
2
0
%
-
)%
)0
D;0 D;1 D;2 D;9 D;& D;;
D-- D-. D-%
D-/
Ávöxtun
batnar
verulega
Lífeyrissjóðir/14
„VIÐ viljum kjósa,“ kallaði mann-
fjöldinn, sem hafði safnast saman
fyrir framan Alþingishúsið í hádeg-
inu í gær, til að mótmæla nýju fjöl-
miðlafrumvarpi og því að engin
þjóðaratkvæðagreiðsla yrði haldin
um lögin sem nú eru í gildi. Þjóð-
arhreyfingin skipulagði fundinn og
las Ólafur Hannibalsson, einn for-
svarsmanna hreyfingarinnar, upp
yfirlýsingu þar sem fyrirhugaðri
lagasetningu var mótmælt.
„Það er ólýðræðislegt, ósiðlegt og
hugsanlega ólögmætt að stöðva und-
irbúningsferli til þjóðaratkvæða-
greiðslu, er hófst með ákvörðun for-
seta Íslands um að synja fjölmiðla-
frumvarpinu staðfestingar sam-
kvæmt 26. gr. stjórnarskrárinnar,“
sagði Ólafur. Bæði væri órökrétt og
ólýðræðislegt að samtvinna nýtt
fjölmiðlafrumvarp við lögin sem nú
eru í gildi. „Hin rétta aðferð hefði
verið að afnema fyrst lögin og taka
síðan til við alvöruvinnu að nýju
frumvarpi.“
Ólafur sagði það í senn ósmekk-
legt og ólýðræðislegt gagnvart þjóð-
inni og forseta Íslands að bjóða upp
á nýtt fjölmiðlafrumvarp, sem væri
nauðalíkt hinu fyrra og engu lík-
legra til að samrýmast stjórnar-
skránni. Eftir lesturinn sagðist hann
líta svo á að yfirlýsingin væri sam-
þykkt einróma.
Að þessu loknu var fólk hvatt til
þess að fara að stjórnarráðinu í
Lækjargötu þar sem yfirlýsing
fundarins var afhent. Tilkynnt var
að hvorki Davíð Oddsson forsætis-
ráðherra né Halldór Ásgrímsson
utanríkisráðherra hefðu getað tekið
við skjalinu vegna annarra verka.
Fór svo að vaktmaður lögreglunnar
í ráðuneytinu tók á móti skjalinu og
sagðist koma því í hendur ráðherra.
Samkvæmt upplýsingum frá lög-
reglunni í Reykjavík er talið að um
þúsund manns hafi tekið þátt í mót-
mælafundinum. Fundarboðendur
telja að um eða yfir tvö þúsund
manns hafi verið á honum. Kvartaði
lögreglan yfir að ekki hefði verið
gerð fyrirfram grein fyrir því að
ætlunin hefði verið að ganga að
stjórnarráðinu. Öll umferð um
Lækjargötu stöðvaðist vegna mann-
fjöldans sem stóð á götunni. Fór allt
friðsamlega fram.
Eftir að hafa afhent yfirlýsinguna
sagðist Ólafur vona að Alþingi félli
frá því að samþykkja nýtt frumvarp.
Morgunblaðið/Þorkell
Eftir fund við Alþingishúsið gengu fundarmenn að Stjórnarráðinu og afhentu yfirlýsingu fundarins.
„Við viljum kjósa“
Nýju fjölmiðla-
frumvarpi var
mótmælt við
Alþingi í gær
Bæði frumvörpin/10
SAMKOMULAG hefur náðst um
löggæslukostnað við Landsmót
UMFÍ sem hófst á Sauðárkróki í
gær. Deilur voru um hvort mótshald-
ari eða ríkið skyldu greiða kostnað
vegna aukinnar löggæslu. Ríkarður
Másson, sýslumaður á Sauðárkróki,
vildi ekki láta uppi í hverju lausn
deilunnar er fólgin en sagðist halda
að allir yrðu ánægðir og að gengið
yrði frá málunum eftir helgi.
Samið um lög-
gæslukostnað
♦♦♦