NT - 10.08.1984, Qupperneq 24

■ Þessi mynd var tekin af pólska andófsmanninum, Jacek Kuron,
á heimili hans eftir að hann var látinn laus í gær. Poi.Koro-símamynd
Pólskum andófs-
mönnum sleppt
Varsjá-Reuter
■ Pólsk stjórnvöld hafa að
uncJanförnu látið lausa 652 pól-
itíska fanga sem flestir hafa
tengst hinum hönnuðu verka-
lýðsfélögunr í Póllandi.
Nú síðast í gær var cinum
helsta andstæðingi stjórnarinn-
ar. Jaeck Kuron, sleppt úr haldi
en hann hefur setið í fangelsi
frá því í desember 1981. Jacck
Kuron var cinn aðalhvatamað-
urinn að stofnun KOR sem
gagnrýndu pólska sósíalisma
óvægið á sínum tíma áður en
þau voru bönnuð.
Jacek vildi ekki gefa út ncinar
yfirlýsingar eftir fangelsisvistina
sína um ástand mála í Póllandi
nú. Hann sagðist þurfa lengri
tíma til að átta sig eftir þriggja
ára dvöl í fangelsi. Hann hefur
tvisvar áður veriö hncpptur í
fangelsi vegna andstöðu sinnar
við pólska stjórnkcrfið. Hann
var fyrst dæmdur til þriggja ára
fangelsisvistar árið 1964 og síð-
an aftur í þriggja og hálfs árs
fangelsi árið 1969.
Póhk stjórnvöld hafa sagt að
skilyrði fyrir sakaruppgjöf pólit-
ískra fanga nú sé að þeir endur-
taki ckki brot sín.
*
Chevrolet K-10 Custom Deluxe
Rauður og grár með 8cyl G.M. dísilvél, sjálfskiptingu
og læstu drifi, yfirbyggður og klæddur hjá Ragnari
Valssyni. Kjörinn bíll fyrir alla sem þurfa að ferðast
og flytja mikið.
Verð kr. 950.000.
BíLVANGUR Sf=
HÖFÐABAKKA 9 124 RéVKJAVÍK 5ÍMI 687300
Föstudagur 10. ágúst 1984 24
Útlönd
Stofna Palestínumenn sam-
bandsríki með Jórdaníu?
Tunis-Reuter
■ Yasser Arafat, formaður
PLO, Frelsissamtaka Palestínu-
araba, skýrði frá því í gær að
PLO hefði samið við Hussein
Jórdaníukonung um að stefnt
skyldi að því að stofna sam-
bandsríki Jórdaníu og Palestínu
í framtíðinni.
Arafat sagði frá þessu á
blaðamannafundi sem hann hélt
í Túnis í gær. Hann viðurkenndi
samt að enn væri ekki búið að
ganga frá formlegu samkomu-
lagi sem kvæði á um það hvort
sambandsríkið skyldi hafa einn
eða tvo þjóðhöfðingja. En hann
lagði mikla áherslu á að ríkið
yrði byggt á jafnrétti hinna
tveggja þjóða sem myndu
standa að því.
Þegar Arafat var spurður um
klofninginn sem skipt hefur
PLO í stríðandi fylkingar síðast-
liðna 16 mánuði svaraði hann
því til að nú væri ár endurskipu-
lagningar og að uppskeran kæmi
á næsta ári.
■ Ayatollah Ruhollah Khom-
eini, trúarleiðtogi írana.
íran:
Khomeini
heilsugóður
Teheran-Reuter
■ Ayatollah Khomeini hélt
ræðu í Teheran í gær til að
kveða niður orðróm um að
hann lægi nú banaleguna eða
væri jafnvel nú þegar látinn.
Khomeini, sem er andlegur
leiðtogi írana, talaði í hálfa
klukkustund. Hann notaði tæki-
færið og fordæmdi hermdarverk
sem stofnuðu lífi og limum sak-
lauss fólks í hættu. Hann sagði
að íran gæti ekki á nokkrun hátt
lýst yfir stuðningi við það að
sprengjum væri komið fyrir á
alþjóðlegum siglingaleiðum í
Rauðahafinu eða annars staðar.
Hann sagði ennfremur að
byltingarverðir og íranski her-
inn mættu ekki skipta sér af
stjórnmálum. Slíkt kæmi í veg
fyrir að þeir gætu sinnt skyldu-
störfum sínum.
—
Breytt mataræði í Japan
■ Samkvæmt skýrslu
sem japanska landbúnað-
arráðuneytið hefur látið
taka saman hefur mata-
ræði Japana breytt mikið
á síðustu tveimur ára-
tugum.
Japanir borða nú 4,4
sinnum meira af kjöti en
þeir borðuðu árið 1960.
Þeir borða líka 3,4 sinnum
meira af feiti og ýmsum
tegundum matarolíu og
mjólkurneysla þeirra hef-
ur aukist 2,9 sinnum.
Þeir borða líka minna
af hrísgrjónum en áður og.
er hrísgrjónaneysla þeirra
nú 30% minni en árið
1960. Af þessari skýrslu
má því vera ljóst að Jap-
anir borða mun meira nú
en þeir gerðu fyrir tveim-
ur áratugum. Samt er til-
tölulega gott samræmi í
fæði þeirra á milli eggja-
hvítu, fitu og sykurs.
Þetta er talin ein helsta
skýringin á því hvers
vegna ýmsir hjarta-
sjúkdómar og offita eru
mun sjaldgæfari í Japan
en á Vesturlöndum.
En þessi skýrsla leiddi
einnig í ljós að þeim Jap-
önum fer fækkandi sem
neyta kvöldverðar sam-
eiginlega með fjöl-
skyldum sínum heima
hjá sér. Aðeins um 41%
japanskra fjölskyldna
borða sameiginlegan
kvöldverð samanborið við
57% fjölskyldna í Banda-
ríkjunum.
Frakkland:
Öldungadeildin vill ekki
þjóðaratkvæðagreiðslur
París-Reulcr
■ Franskir öldungardeildar-
þingmenn felldu í gær tillögu
stjórnarinnar um breytingar á
stjórnarskránni sem gefa forset-
anum vald til að efna til þjóðar-
atkvæðagreiðslu í málum sem
snerta lýðréttindi.
Samkvæmt núverandi stjórn-
arskrá er aðeins liægt að efna til
þjóðaratkvæðagreiðslu um mál-
efni sem varða „skipulagningu
opinbers valds". Mitterrand,
forseti Frakklands, hefur viljað
breyta þessu ákvæði þannig að
hægt verði að efna til þjóðarat-
kvæðagreiðslu um fleiri mál.
Stjórnarandstaðan, sem hef-
ur meirihluta í öldungardeild-
inni, hefur lagst gegn þessum
breytingum á stjórnarskránni á
þeim forsendum að þær veiti
forsetanum of mikið vald. Sós-
íalistar, sem fara með stjórn í
Frakklandi, hafa hins vegar
bent á mótsögn í þessum mál-
flutningi stjórnarandstæðinga
sem sjálfir lögðu til að efnt yrði
til þjóðaratkvæðagreiðslu um
frumvarp stjórnarinnar um
breytingar á menntakerfinu.
Franska stjórnin heldur því
fram að núverandi stjórnarskrá
komi í veg fyrir slíka atkvæða-
greiðslu og því verði stiórnarand-
stæóingar að styðja breytingar
á stjórnarskránni, sem víkki
sviðið sem þjóðaratkvæða-
greiðsla má ná til, ef þeir vilja
vera samkvæmir sjálfum sér.
Margir fréttaskýrendur hafa
látið þá skoðun í Ijós að Mitterr-
and hafi í rauninni aldrei gert
ráð fyrir að tillögurnar um þjóð-
aratkvæðagreiðslur myndu ná
fram að ganga. Hann hafi fyrst
og fremst ætlað að nota sér
þetta mál til þess að auka vin-
sældir stjórnar sinnar, sem hefur
misst mikið fylgi að undan-
förnu. Hann hafi einnig viljað
draga athygli kjósenda frá ósigr-
um stjórarinnar í öðrum mála-
flokkum. Þetta hafi honum
tekist.
Umsjón: Oddur Ólafsson og Ragnar Baldursson
Góður matur á gaffli