NT - 29.08.1984, Síða 2

Miðvikudagur 29. ágúst 1984
ttír
Stórir og upplýstir innflytjendur fá hraðari meðferð hjá Tollstjóra:
Nánast viðstöðulaus
afgreiðsla tollskjala
- segir Karl Garðarsson, fulltrúi hjá Tollstjóra
■ „Það felst í þcssum breyt-
ingum að gegn uppfylltum
ákveðnum skilyrðum, þá fá inn-
flytjendur hraðari meðferð hjá
okkur og tollstjórum almennt;
menn geta nánast fengið við-
stöðulausa afgreiðslu á toll-
skjölum,“ sagði Karl Garðars-
son, fulltrúi hjá Tollstjóranum í
Reykjavík við NT um nýja
reglugerð sem Ijármálaráðu-
neytið hefur gefið út um einfald-
ari tollmeðferð, sem birt hefur
verið í Stjórnartíðindum og sem
kemur til framkvæmda 1. októ-
ber; hingað til hefur tollaf-
greiðsla að jafnaði tekið sól-
arhring.
Ekki munu allir innflytjendur
njóta góðs af þessari breytingu
og fá hraðari afgreiðslu,
heldur gcta aðeins þeir sem
uppfylla fimm skilyrði toll-
stjóra. Eitt skilyrðið segir að
innflytjandinn skuli hafa flutt
inn vörur fyrir sextán milljónir
króna, og tollafgreiðslur hans
verið a.m.k. 200 á næstliðnu
tólf mánaða tímabili; annað
skilyrði er um að innflytjandinn-
hafi að mati tollstjóra sýnt fram
á við gerð og frágang aðflutn-
ingsskýrslna að hann hafi full-
nægandi þekkingu á lögum og
reglum um tollmeðferð.
„Innflytjendum verður treyst
til að hafa skjöl sín í lagi, en
síðan eru hlutirnir endur-
skoðaðir eftirá í staðinn fyrir
fyrirfram, áður en þeir fá
vörurnar, eins og nú,“ sagði
Karl Garðarsson. „En við mun-
um fara jafnvel yfir hlutina eftir
sem áður.“
„Ég held að þetta komi í veg
fyrir óþarfa snúninga og sé til
mikil hagræðis fyrir innflytjend-
ur,“ sagði Kjartan Stefánsson,
blaðafulltrúi Verslunarráðs í
samtali við NT um þessa nýju
breytingu.
Benedikt Kristjánsson fundarstjóri kjördæmisþings framsóknarmanna:
Steingrímur hafði
engin afskipti!
- og vinnubröðgin að öllu leyti eðlileg
„Það kom fram tillaga
undirrituð af ellefu þingfulltrú-
um þar sem lýst var yfir and-
stöðu við radarstöðvar jafnt á
Vestfjörðum og Austfjörðum.
Steingrímur flutti breytingartil-
lögu sem fól í sér að í stað
radarstöðva kæmi herstöðvar.
Þessi breytingartillaga var sam-
þykkt með miklum meirihluta
og þeir sem fluttu aðaltillöguna,
þeir sátu hjá þegar breytingartil-
lagan var ’samþykkt. Heiðar
o.fl. lýstu því yfir að þeir kærðu
sig ekki um að teljast flutnings-
menn tillögunnar eins og hún
væri orðin. Það sama gerði fyrsti
flutningsmaður Dagbjört Hösk-
uldsdóttir. Ég marglýsti þá eftir
því hverjir vildu standa að til-
lögunni. Enginngafsigfram.og
því kom endanleg tillaga aldrei
til atkvæða. Ég fer ekki sem
fundarstjóri að bera upp tillögu
sem enginn vill standa að.“
Þetta er lýsing Benedikts
Kristjánssonar fundarstjóra á
kjördæmisþingi framsóknar-
manna, en eins og kunnugt er
urðu nokkrar róstur út af máls-
meðferð og gengu tveir menn af
fundi í mótmælaskyni. „Stein-
grímur hafði engin afskipti af
málsmeðferðinni, hvorki í þessu
máli né öðru. Hann bað um
orðið á sama hátt og aðrir og
flutti breytingartillögu. Það var
allt og sumt.“
í
t
Sími686300
DV-rollan
■ Þeir eru miklir land-
búnaðarspekingar á DV. Það
sannaðist rétt einn ganginn í
það stórmerkri frétt og vís-
indalegri að höfundurinn
hlýtu'r að vera Jónas Krist-
jánsson sjálfur, þrátt fyrir
stafi blaðamanns. Allavega
hlýtur höfundur að vera alinn
upp þar sem sauðkindin hef-
ur þegar verið búin að eyða
öllum gróðri, og hefur orðið
að láta sér nægja rnöl og
nagaðan bithagann, því að
kindur DV eru aðeins 20 kg
á þyngd, veturgamlar, og eru
þeir þá að tala um þyngd á
lifandi kind. Þeim sérfræð-
ingum skal vinsamlega bent
á að veturgömul kind er að
jafnaði 55-65 kg á þyngd, en
45-55 kg hafi hún alið af sér
lamb. En fréttagildið byggist
á því að kindin sé nógu létt
og því er búin til DV-rolla
sem cr aðeins 20 kg. Annars
má benda þeim DV mönnum
á það að fréttin hefði orðið
miklu magnaðri. miklu meira
spennandi, miklu meiri sölu-
vara. miklu meiri málsvörn
fyrir bílaeigendur, miklu
rætnari árás á hagsmuni
bænda ef D-V-rollan hefði
verið höfð svona 2-3 ki>.
Hvernig væri annars að fá
mynd af DV-rollunni næst?
Leyniþræðirn-
ir liggja víða
■ Víða liggja þeir leyni-
þræðirnir. Á baksíðu DV ný-
lega var flennistór mynd þar
sem Ásgeir Hannes Eiríksson
ritstjóri ísafoldar var að ræða
við Geir Hallgrímsson aðaleig-
anda Morgunblaðsins. Undir
myndinni stendur DV-mynd
EÓ (Einar Ólafsson). Einar
Ólafsson hætti hins vegar á
DV fyrir þrem vikum og hefur
nú ráðið sig til starfa hiá
ísafold. M.ö.o: Ljósmyndari
Isafoldar tekur ennþá DV
myndir.
Leiðrétting
vegna Dropa
■ Dropa varð svo mikið um
að sjá stúlku nokkra skríða inn
í fallbyssu í NT-bol og skjótast
úr fallbyssunni nokkrum sek-
úndum seinna að hann fór
hamförum eftir ritvélinni í leit
að skýringum s.l. mánudag
sem reyndust rangar að mestu
leyti. Myndin var klippt af
tæknilegum ástæðum ein-
göngu, en ekki út af þvf að
Gísli B. Björnsson, sem rekur
samnefnda auglýsingastofu, en
vinnur ekki hjá Þjóðviljanum.
hafi orðið reiður. Vinir dropa
segja meira að segja að hann
hafi ekki verið á staðnum.
Dropi biðst afsökunar og segir
eins og spekingurinn mikli:
„Heimildir sem blaðið taldi
áreiðanlegar reyndust rangar.“
Laxá í Dölum
18 laxar komu á land í
Laxá í Dölum í síðasta
þriggja daga holli en þeir
veiðimenn hættu á hádegi í
gær. 8 laxar komu á eina
stöngina, þar af 7 á flugu.
Veitt er á sjö stangir í ánni.
Nú eru komnir 770 laxar á
land sem er trúlega svipuð
veiði og var á sama tíma í
fyrra. Lúsugir laxar eru enn
að veiðast svo hann er enn að
ganga í Laxá. Stærsti laxinn
í sumar var 22 pund eins og
áður hefur verið greint frá.
Mjög lítið vatn er í ánni
um þessar mundir en veiði-
lok eru um miðjan septem-
ber.
Laxá í Aðaldal
Enginn kippur hefur kom-
ið í veiðina í Laxá í Aðaldal
eftir að veiðin datt niður um
mitt sumar. Einn og einn
fiskur sem kroppast og sá lax
orðinn leginn.
Nú eru komnir um 900
laxar á land á Laxamýrar-
svæðinu og er það ívið skárri
veiði en í fyrra.. Mest af
aflanum er ágætlega vænn
fiskur. Stærsti fiskurinn í
sumar var 21 pund.
Lítil veiði í Selá
Lítil veiði hefur verið í
Selá í sumar en um 100 laxar
eru komnir á land úr ánni í
það heila. Tveir laxar veidd-
ust í ánni í gær og var annar
þeirra jafnframt stærsti lax
sumarsins, 14 pund. Laxinn
hefur verið smár í Selánni í
sumar og þá sérstaklega
seinni partinn. Nú eru um
fjórir dagar eftir af veiðitím-
anum í ánni.
Rólegt í Þverá
Undanfarið hefur verið
róleg veiði í Þverá. Síðasta
holl fékk 6 laxa og nokkra
sjóbirtinga og bleikjur á sjö
stangir á þrem dögum úr
neðri ánni.
649 laxar eru komnir á
land úr Kjarrá, efri ánni, 376
laxar úr Þverá og 42 laxar úr
Litlu-Þverá.
■ Hafnarhreppur í Hornafirði keypti í vor dýpkunarprammann Soffiu og hefur nú í ágúst verið unnið
að því að dýpka við loðnulöndunarbryggjuna. Loðnuskip hafa átt erfitt með að komast þar að nema
á flóði, en nú á að gera bragarbót þar á.Er gert ráð fyrir að dýpi á fjöru verði sex metrar. Vonast er
til að verkinu verði að mestu lokið fyrir haustið, en alls þarf að dæla burtu 16.000 rúmmetrum af sandi.
NT-mynd: Örn Sveinsson.
Arnarstofninn:
Á ennþá undir
högg að sækja
■ Nú munu um tuttugu og
fimm arnarungar vera að verða
fleygir á landinu öllu. Þar af
hafa átta ungar komist upp á
svæði þar sem örn varp ekki
fyrir tíu árum. Samkvæmt upp-
lýsingum frá Fuglaverndarfélagi
Islands þá eru nú um hundrað
og tuttugu fuglar í íslenska arn-
arstofninum og þykir sú stofn-
stærð ekki stór.
t fréttatilkynningu frá Fugla-
verndarfélaginu kemur fram að
sú mesta hætta sem nú steðjar
að erninum sé eiturútburður
æðarræktarmanna, en „undan-
farið hafa 217 aðilar keypt í
handkaupi hjá Lyfjaverslun
ríkisins um 300 kg af fenemali
sem nægja myndi til þess að
drepa alla íslendinga! Er þetta
gert með leyfi menntamálaráð-
herra og samþykkt af formanni
eiturefnanefndar."
íslensk glerlist:
Bergvíkurgler keypt
til Kaupmannahafnar
■ Listiðnaðarsafnið í Kaup-
mannahöfn hefur fest kaup á
verkum eftir glerlistakonuna
Sigrúnu Ó. Einarsdóttur og
mun það vera í fyrsta skipti sem
safnið kaupir eftir íslenskan
listamann.
Verk Sigrúnar voru á sýning-
unni „Scandinavia Today“ sem
sett var upp í Listiðnaðarsafninu
og eftir hana barst Sigrúnu bréf
frá safninu þess efnis að það
óskaði eftir að fá keyptar þær
skálar sem hún átti á sýning-
unni.