NT - 29.08.1984, Qupperneq 24

Miðvikudagur 29. ágúst 1984 24
Rás2kl. 15.
Ótroðnarslóðir
Andri Már Ingólfsson
sér um þáttinn
■ Andri Már Ingólfsson
verður einn með þáttinn
Ótroðnar slóðir á Rás 2 í dag,
þar sem Halldór Lárusson er
erlendis. Ótroðnar slóðir er.
þáttur um kristilega popptón-
íist, og aðspurður um efni
þáttarins svaraði Andri Már.
„Ég mun spila nýtt og
gamalt, fara nánast allan
hringinn, þ.e. koma við í flest-
um músíkstefnum, poppi,
jassi, rokki og gospel tónlist.
Ég kynni einn brautryðjanda í
kristilegri tónlist, Keith
Green. Hann var amerískur,
er látinn, en skildi eftir sig
mjög skýr spor í kristilegri
tónlist.
Meðal annarra listamanna
sem spilaðir verða eru t.d. Rez
Band, sem er þungarokks-
hljómsveit, André Crouch,
sem er í svartri gospeltónlist,
og svo Bob Dylan. Einnig
kynni ég splunkunýja plötu
með Mariu Muldaur, sem er
hennar önnur kristileg plata.
Hún leggur þessa plötu undir
jass. Muldaur varð kristin fyrir
þremur árum. Einnig verður
eitthvað spilað með Leon Pa-
tillo, sem var áður í Santana.
Hann er með notaðar lummur,
sém hafa heyrst áður.“
Hvernig er ástandið í ís-
lenskri kristilegri popptónlist?
„Það er góð spurning. Það
■ Bob Dylan
er ekki um auðugan garð að
gresja, en það eru ýmsir aðilar
að fara í plötuupptöku sem
hafa verið að spila og syngja
kristilega tónlist. Þetta mun
örugglega auka fjölbreytni í
þessari tegund tónlistar hér á
landi, og verður kannski meira
poppað en hefur heyrst áður.“
Sjónvarp kl. 21.30:
- nýr breskur myndaflokkur
um landkönnuðinn Shackleton
■ Nýr framhaldsmynda-
flokkur í fjórum þáttum hefur
göngu sína í sjónvarpinu í
kvöld. Nefnist hann Ævintýrið
mikla og fjallar um land-
könnuðinn Sir Ernest Henry
Shackieton (1874-1922).
Myndaflokkur þessi hefur
hlotið mikið lof, ekki síst fyrir
David Schofield í hlutverki Shackletons.
myndatökuna, en mikið af efn-
inu er filmað í heimskauta-
auðnum. Aðalhlutverkið
leikur David Schofield, en
hann hefur m.a. fengið lof
fyrir túlkun sína á fílamannin-
um John Merrick hjá breska
Þjóðleikhúsinu.
Fyrsti þátturinn nefnist
keppinautarnir. Hann hefst í
janúar 1903. Robert Scott. Dr.
Edward Wilson og Ernest
Shackleton brjótast til skips
síns Discovery í McMurdo
sundi í Antartíku eftir að hafa
gert fyrstu tilraun til að kanna
hið óþekkta meginland. Þegar
þeir komast til skips ákveður
Scott að það verði að flytja
Shackleton heim, hann sé svo
hvíldar þurfi. Shackleton er
algjörlega ósammála þessu.
I Bretlandi leitar Shackleton
sér að vinnu, hann langar ekki
lengur til að vera sjómaður í
kaupskipaflotanum. Honum
gengur ílla að finna vinnu, og
skömmu eftir að hafa gifst
Emily Dorman fer hann að
skipuleggja eigin leiðangur til
Antarktíku. Bæði Scott og
Konunglega breska land-
fræðifélaginu líst heldur lak-
lega á þá fyrirætlun, og Shack-
leton er bent á að Scott eigi
forgangsrétt á svæðinu. Þrátt
fyrir þetta leggur leiðangur
Shackletons úr höfn í júlí
1907, á skipinu Nimrod.
Ævintýrið mikla
Rás 2 kl. 17.
Tapað-fundið
Gunnlaugur Sigfússon
kynnir soul-tónlist
■ Gunnlaugur Sigfússon
verður með þátt sinn Tapað-
fundið á Rás 2 í dag. Gunn-
laugur fjallar í þáttum þessum
um soul-tónlist, sem tiltölulega
lítið hefur farið fyrir á íslandi
til þessa.
Mikill hluti þáttarins í dag
fer í að kynna Otis Redding,
líklega yfir helmingur. Einnig
verður spilað efni með Wilson
Picket, Solomon Burke og
Sam & Dave, en þetta er
músík sem kemur frá Memphis
og var þar gefin út á Stax-
merkinu.
Otis Redding er einn þekkt-
asti soul-söngvarinn. Hann
komst inn hjá Stax árið 1963
fyrir hálfgerða tilviljun. Hann
gaf út plötur sem náðu sæmi-
legum vinsældum, en hann sló
ekki í gegn fyrr en á Monterrey
hátíðinni árið 1967, um leið og
Jimi Hendrix. Þá átti Redding
hálft ár eftir ólifað. Vinsælasta
lag hans, Sitting on the Dock
of the Bay varð ekki vinsælt
fyrr en hann var allur, en hann
dó 1968 í flugslysi. Otis Redd-
ing hefði gífurleg áhrif sem
söngvari, og Stax-fyrirtækið
bar aldrei sitt barr eftir lát
hans.
Sjónvarp kl. 20.35:
■ Eitt af frumskógardýrunum í Kórúp-skóginum.
Margt býr í
regnskóginum
- bresk náttúrulífsmynd
■ í kvöld verður sýnd breska
náttúrulífsmyndin Margt býr í
skóginum, gerð af Phil
Agland. Þetta er tæplega
klukkutíma löng mynd um
Kórúp-regnskóginn í Afríku-
ríkinu Kamerún.
Regnskógur þessi er einn af
síðustu afrísku regnskógun-
um, leifar frá fyrri tíð. Hann er
fjarri mannabústöðum, ein-
angraður og erfitt er að komast
að honum. Skógurinn hefur
því orðið griðland fyrir geysi-
lega fjölbreytt dýra- og gróður-
líf.
í kvikmyndinni er náttúru-
saga skógarins rakin og um
leið eru sýndar ýmsar furður
skógarins og töfraveröld
skógarins afhjúpuð. Þarna
hafa dýr og jurtir þróað með
sér flókin tengsl. Þarna er hið
undarlega og heillandi hvers-
dagslegt. Jurtir ráðast á óvini
sína og hegðunarmunstur
maura gjörbreytist við að
sveppur vex í heila þeirra.
Mjög lítt þekkt og sjaldgæf dýr
búa þarna og eru sýnd í mynd-
inni, og hafa mörg þeirra aldrei
verið kvikmynduð áður.
Gerð myndarinnar tók fimm
ár. Þetta er vönduð úttekt á
afrískum regnskógi og mögu-
lega síðasta tækifærið til að sjá
slíkt umhverfi í allri sinni dýrð.
Miðvikudagur
29. ágúst
7.00 Veðurtregnir. Fréttir. Bæn i
bítið. 7.25 Leikfimi.
8.00 Fréttir. 8.15 Veðurfregnir.
Morgunorð - Málfríður Finnboga-
dóttir talar.
9.00 Fréttir
9.05 Morgunstund barnanna:
„Eins og ég væri ekki til“ eftir
Kerstin Johansson Siguröur
Helgason les þýðíngu sfna (12).
9.20 Leikfimi. 9.30 Tilkynningar.
Tónleikar. Þulur velur og kynnir.
10.00 Fréttir. 10.10 Veðurfregnir. For-
ustugr. dagbl. (útdr.).
10.45 Islenskir einsöngvarar og
kórar syngja.
11.15 Vestfjarðarútan Stefán
Jökulsson tekur saman dagskrá
úti á landi.
12.00 Dagskrá. Tónleikar. Tilkynning-
ar.
12.20 Fréttir. 12.45 Veðurfregnir. Til-
kynningar. Tónleikar.
13.30 Gömul og ný lögfrá Faereyj-
um.
14.00 „Við bíðum“ eftir J.M.
Coetzee Sigurlína Daviðsdóttir
les þýðingu sína (16).
14.30 Miðdegistónleikar a. Vals úr
„Grímuballinu" eftir Aram Khat-
sjatúrían. Hljómsveit undir stjórn
Lou Whitesons leikur. b. Þættir úr
„Aladdin-svítunni" eftir Carl Niel-
sen. Tívoli-hljómsveitin í Kaup-
mannahöfn leikur; Svend Christian
Felumb stj.
14.45 Popphólfið-Jón Gústafsson.
'15.30 Tilkynningar. Tónleikar.
16.00 Fréttir. Dagskrá. 16.15 Veður-
fregnir.
. 16.20 Siðdegistónleikar a. Sinfónía
concertante í D-dúr fyrir fiölu, víólu
og hljómsveit eftir Carl Stamitz.
Isaac Stern og Pinchas Zukerman
leika með Ensku kammersveitinni;
Daniel Barenboim stj. b. Sinfónía
nr. 50 i C-dúr eftir Joseph Haydn.
Ungverska Fílharmóníusveitin
leikur; Antal Dorati stj.
17.00 Fréttir á ensku
17.10 Síðdegisútvarp Tilkynningar.
18.45 Veðurfregnir. Dagskrá
kvöldsins.
19.00 Kvöldfréttir. Tilkynningar.
19.50 Við stokkinn Stjórnandi:
Gunnvör Braga.
20.00 Var og verður. Um íþróttir,
útilíf o.fl. fyrir hressa krakka.
Stjórnandi: Hörður Sigurðarson.
20.40 Kvöldvaka a. Ferðin frá
Brekku Gunnar Stefánsson les úr
minningum Snorra Sigfússonar
námsstjóra. b. Þegar Bretar
sigldu á hvalbakinn Guðriður
Ragnarsdóttir les frásögn eftir
Stefán Jónsson frá Steinaborg.
21.10 Einsöngur: Jussi Björling
syngur lög úr ýmsum áttum. Nils
Grevillius stjórnar hljómsveitum
sem leika með.
21.40 Útvarpssagan: „Hjón í koti“
eftir Eric Cross Knútur R. Magn-
ússon les þýðingu Steinars Sigur-
jónssonar (2).
22.15 Veðurfregnir. Fréttir. Dagskrá
morgundagsins. Orð kvöldsins
22.35 Aldarslagur. Stjórn hinna vinn-
andi stétta. Umsjón: Eggert Þór
Bernharðsson. Lesari með honum:
Þórunn Valdimarsdóttir.
23.15 íslensk tónlist a. Humoresque
fyrir fiðlu og píanó eftir Þórarinn
Jónsson. Björn Ólafsson leikur á
fiðlu og Árni Kristjánsson á pianó.
b. Guðmundur Guðjónsson syngur
lög eftir Þórarin Guðmundsson.
Skúli Halldórsson leikur á píanó. c.
„G-Suite“ eftir Þorkel Sigurbjörns-
son. Guðný Guðmundsdóttir leikur
á fiðlu og Halldór Haraldsson á
pianó.
23.45 Fréttir. Dagskrárlok.
Miðvikudagur
29. ágúst
19.35 Söguhornið Busla - mynd-
skreytt þula. Sögumaður Anna S.
Árnadóttir. Umsjónarmaður Hrafn-
hildur Hreinsdóttir
19.45 Fréttaágrip á táknmáli
20.00 Fréttir og veður
20.25 Auglýsingar og dagskrá
20.35 Margt býr í regnskóginum
Bresk náttúrulifsmynd um gróður
og dýralif í Kórúp-regnskóginum í
Afrikuríkinu Kamerún, en hann er
einn fárra slíkra skóga á jörðinni
sem enn er óspilltur. Þýðandi og
þulur Óskar Ingimarsson.
21.30 /Evintýrið mikla (Shackleton)
- Nýr flokkur. 1. Keppinautar
Breskur framhaldsmyndaflokkur í
fjórum þáttum um heimskauta-
könnuðínn Ernest Henry Shack-
leton (1874-1922). Höfundur
Christopher Ralling. Leikstjóri Mar-
tyn Friend. Aðalhlutverk: David
Schofield. Sagan hefst árið 1903.
Shackleton tók þá þátt i leiðangri
Roberts F. Scott til Suðurskauts-
landsins. Þeir Scott urðu síðar
keppinautar á þeim vettvangi þar
til Norðmaðurinn Roald Amundsen
komst fyrstur á Suðurpólinn árið
1911 en Scott og félagar hans
týndu lífi. Sögu Shackletons lýkur
árið 1916 eftir misheppnaðan leið-
angur til Suðurskautsins sem held-
ur þó nafni hans á lofti vegna
harðfylgis hans og æðruleysis
þegar öll sund virtust lokuð. Þýð-
andi Óskar Ingimarsson.
22.30 Úr safni Sjónvarpsins Á
hrefnuveiðum Sjónvarpsmenn
fara í veiðiferö með feðgum frá
Súðavík sumarið 1971. Umsjón-
armaður Ólafur Ragnarsson.
22.55 Fréttir í dagskrárlok