NT - 28.02.1985, Side 5
Fimmtudagur 28. febrúar 1985 5
Um 5% þjóðarinnar fluttust milli sveitarfélaga 1984:
Svarfaðardalur og Fljótshlíð
fluttu suður á fyrra ári
Brottfluttir mun fleiri en aðfluttir á öllu landinu utan höfuðborgarsvæðisins
■ Mun fleiri fluttu á síðasta
ári utan af landsbyggðinni til
höfuðborgarsvæðisins heldur en
þeir sem yfirgáfu mölina og
héldu á vit landsbyggðarinnar,
eða 1.123 manns. Þetta á við
um öll svæði landsbyggðarinnar
að Suðurnesjum meðtöldum.
Mestu töpuðu þó Norðurland
eystra og Suðurland á þessum
skiptum. Norðurland eystra
missti 290 manns til höfuðborg-
arsvæðisins umfram þá er þeir
fengu þaðan í staðinn og Suður-
landið 233. Fyrri talan er ná-
kvæmlega íbúafjöldi Svarfaðar-
dalshrepps og hin síðari litlu
lægri en íbúafjöldi Fljótshlíðar-
innar.
Til höfuðborgarsvæðisins 1
fluttust í fyrra 5.946 en 4.823
manns þaðan, þ.e. miðað við
önnur landssvæði. en sleppt
þeim sem fluttust milli landa og
innan sama kjördæmis. Af hin-
um 1.123 aðfluttu umfram
brottflutta settust 717 að í höf-
uðborginni sjálfri en 406 annars-
staðar á höfuðborgarsvæðinu.
Fólksflóttinn á mölina var
mestur frá Norðurlandi eystra
og Suðurlandi, sem fyrr segir,
þar sem um tvöfalt fleiri fluttu
„suður" en að „sunnan". Hlut-
fallið var raunar litlu skárra
fyrir Vesturland þar sem brott-
fíuttir til höfuðborgarsvæðisins
voru 195 umfram aðflutta þaðan
og fyrir Vestfirði sem þannig
misstu 173 íbúa sína suður um-
fram þá er í staðinnkomu.
Austurland hefur staðist sant-
keppnina við höfuðborgarsvæð-
ið lang best - missti þangað 274
en fékk líka 243 í staðinn þannig
að mínusinn er aðeins 31
maður. Norðurlandi vestra hef-
ur líka haldist nokkuð vel á sínu
fólki gangvart höfuðborgar-
svæðinu. Þaðan fluttu 97 um-
fram þá er fluttu þangað að
sunnan. Suðurnesin eru með 93
í mínus í sams konar saman-
burði.
Alls voru það 11.774 manns,
eða um 5% þjóðarinnar sem
fluttu búferluni milli sveitar-
félaga innanlands á síðasta ári,
auk þeirra sem fluttu milli
landa. Flutningatölur ná hins
vegar ekki til þeirra fjölmörgu
sem flytjast innan sveitarfélagsa
en ekki er ólíklegt að þeir
séu a.m.k. álíka margir.
„God tur til Paris“
á íslensku í mars
■ „God tur til Paris", hin
umtalaða bók Kari Storækre.
eiginkonu Arne Treholt, kemur
út á íslensku í næsta mánuði.
Útgefandinn er bókaútgáfan
Fjölvi, en NT er kunnugt um að
a.m.k. eitt annað útgáfufyrir-
tæki hefur reynt að ná í útgáfm
réttinn, en það er „Tákn" s.f. I
bréfi til fjölmiðla hefur Fjölvi
h.f. farið þess á leit að þeir skaði
ekki hagsmuni fyrirtækisins
með því að birta kafla úr bók-
inni.
Bók Kari Storækre hefur vak-
ið nokkra athygli og deilur, en
þar eru m.a. birt einkabréf
Treholts, sem eiginkona hans
smyglaði út úr fangelsinu.
Ársafmæli Listamidstöðvarinnar:
Stofnar starfs-
launasjóð fyrir
listamenn
■ Listamiðstöðin við Lækjar-
torg hefur ákveðið að koma á
laggirnar menningarsjóði, er
veita skal starfslaun til listamanna
til 3-6 mánaða í senn og gera
þeim þannig kleift að helga sig
list sinni heilshugar þann tíma.
Menningarsjóðurinn verður
stofnaður á árs afmæli Listamið-
stöðvarinnar nú í byrjun mars.
Skipulagning sjóðsins er hugs-
uð þannig að 30-50 fyrirtæki og
einstaklingar verði aðilar að hon-
um og skuldbindi sig til að festa
kaup á einu verki á ári fyrir allt
að 20.000 krónur. Þar af verði
10.000 krónur greiddar fyrir-
fram, þegar kunngert verður
hverhljótistarfslaunin. Upphæð-
in renni inn á sérstakan banka-
reikning og listamaðurinn fái síð-
an greidd laun mánaðarlega.
Þegar starfstímabil listamann-
anna renna út verða haldnar
sýningar á verkum þeirra og fá þá
aðilar sjóðsins að velja sér verk
og greiða þá eftirstöðvarnar af
kaupverði þeirra.
f frétt frá Listamiðstöðinni er
einnig vakin athygli á myndleigu
sem miðstöðin starfrækir og gef-
ur fólki kost á að leigja sér
listaverk til ákveðins tíma í senn.
Þá geta þeir sem áhuga hafa gert
kaupleigusamning, sem er í því
fólginn að þeir kaupa kaup-
leigubréf fyrir kr. 5000. Bréfið
veitir þeim rétt til að fá myndir á
leigu endurgjaldslaust og einnig
geta þeir fest kaup á myndum og
greitt eftirstöðvar kaupverðsins.
■ Frá afhendingu tækjanna NT-mynd: kga
Akureyri:
Lionsmenn gefa augnlækningatæki
Frá fréttarítara NT á Akureyri, Halldóri
í. Asgeirssyni
■ Fyrir nokkru afhenti
Hörður Þórleifsson, formað-
ur framkvæmdanefndar Li-
onshreyfignarinnar í um-
dæmi 109 B Gunnari Ragn-
arssyni, stjórnarformanni
Fjórðungssjúkrahúss Akur-
eyrar, gjafabréf til að kaupa
augnlækningatæki að verð-
mæti 1.809.000 kr.
Þessi tæki eru aðgerðá-
smásjá, augnbotnamyndavél,
raufarlampi, sjónsvtðsmælir
auk handverkfæra og smá-
tækja.
Að auki gáfu Lionsmenn
augnlækningatæki á heilsu-
gæslustöðvarnar á Húsavík,
Sauðárkróki, Vopnafirði og
Siglufirði, alls að upphæð
331.000 kr.
Tækjagjafir þessar koma í
kjölfar söfnunar sem Lions-
klúbbar í umdæmi 109 B, en
það er svæðið frá Akranesi
norður um land, allt til
Vopnafjarðar, efndu til.
Söfnunin bar heitið „Átak til
sjónverndar - maí 1984“, og
■ var til að efla tækjakost augn-
lækningadeildar Fjórðungs-
sjúkrahússins.
Ragnar Sigurðsson, augn-
læknir á Fjórðungssjúkra-
húsinu, sagði að tækin bættu
mjög alla aðstöðu á deild-
inni, og sagði að nú gæti
deildin annast allar augnað-
gerðir og að ekki þyrfti að
senda fólk til Reykjavíkur,
svo sem gert hefði verið fram
að þessu.
Að auki munu tækin nýtast
í háls-, nef og eyrnalækning-
um og einnig í taugaskurð-
lækningum.
■ Friðrík Theodórsson,
sem er þekktur bassaleik-
ari, hefur nú snúið sér að
takkabásúnu og tekur
hann nokkra létta ópusa í
kvöld.
■ Jazzklúbbur Reykja-
víkur heldur sinn mánað-
arlega djassspuna í kvöld
klukkan 21.00. Tón-
leikarnir verða á Mímisbar
á Hótel Sögu og eru allir
velkomnir.
Danshátíð ’85
■ Á sunnudaginn gengst
Danskennarasamband Islands
fyrir tveim danssýningum á veit-
ingahúsiu Broadway, í tilefni af
Danshátíð ’85. Sú fyrri er ætluð
allri fjölskyldunni og hefst hún
kl. 16.30 en sú síðari hefst kl.
20.30.
Gestir sambandsins verða að
þessu sinni heimsmeistararnir í
suður-amerískum dönsum,
skoska parið Donnie Burns og
Gaynor Fairweather. Að auki
býður Danskennarasambandið
upp á ýmis skemmtiatriði.
Nemendur styðja
kennara sína
■ Nemendur Fjölbrautaskóla
Breiðholts hafa lýst stuðningi
við kröfur kennara. í ályktun
sem samþykkt var með þorra
atkvæða, á almennum nem-
endafundi í fyrradag, kemur
fram að laun kennara endur-
spegli það mat sem lagt sé . á
menntun.
BJfundarum
atkvæðisrétt
■ Bandalag jafnaðarmanna
gengst fyrir fundi í kvöld um
jöfnun atkvæðisréttar. Fram-
sögumenn á fundinum verða
Guðmundur Einarsson, for-
maður þingflokks BJ, Stefán
Benediktsson og Valgerður
Bjarnadóttir.
Fundurinn er öllum opinn og
hefst kl. 20.30 í Átthagasal
Hótel Sögu.
Skipulagsstofa:
Kynning á
á merkum
Rúríar
■ Um þessar mundir stendur
yfir kynning á verkum Rúrí.
öðru nafni Þuríðar Fannberg. á
Skipulagsstofu höfuðborgar-
svæðisins. Sýning þessi er liður
í kynningu á starfandi lista-
mönnum á höfuðborgarsvæðinu
og viðurkenning á mikilvægi
þeirra við að móta daglegt um-
hverfi.
Sýningin er opin á virkum
dögum frá kl. 9-12 og 13-17 að
Hamraborg 7 í Kópavogi:
60% verðhækk
un á æðardúni
■ Eftirspurn eftir æðar-
dúni fór vaxandi á síðasta
hausti eftir tveggja ára
sölutregðu og verðið fyrir
dúninn hækkaði þá jafn-
framt um 60%. Við þessa »
auknu eftirspurn hækkaði
verðið til bænda úr 7 þús.
krónum fyrir kílóið upp í ■
11.200 krónur, að þvf er
fram kemur í frétt frá
fyrirtækinu XCO, sem
jafnframt kveðst borga
bændum fyrir dúninn
u.þ.b. mánuði eftir af-
hendingu.
Fyrirtækið hefur flutt út
æðardún undanfarinn ára-
tug og nær eingöngu til
meginlands Evrópu. Ný-
verið hefur hins vegar teíc-
ist samningur um sölu á 60
kílóum af æðardún til Ta-
iwan og Japan. Telur
XCO allt benda til að
eftirspurn eftir æðardúni
muni haldast stöðug á
næstunni.
Dúntekja hér á síðasta
ári var tálin vera um 2200
kg að verðmæti um 28
milljónir króna, sam-
kvæmt upplýsingum í
fréttabréfi Upplýsing-
aþjónustu landbúnaðar-
ins.
Enn streyma stuðningsyfirlýsingar að:
Kennarar, látið ekki deigan síga
■ Verslunarskólakennarar
hafa látið frá sér fara stuðnings-
yfirlýsingu við launabaráttu
framhaldsskólakennara þar sem
þeir harma að geta ekki sýnt
samstöðu sína í verki.
Verslunarskóli íslands er
sjálfseignarstofnun sem lýtur
stjórn verslunarráðs íslands, en
rekstur skólans er þó að fullu
greiddur úr ríkissjóði. Kennarar
V.í. eru auk þess ráðnir á sömu
launakjörum og aðrir kennarar
í framhaldsskólum landsins
enda félagar í HÍK. Stjórn HÍK
taldi hinsvegar óráðlegt að
Vcrslunarskólakennarar segðu
upp störfum, og var l'arið að
þeim tilmælum.
Þá hefur skólamálaráð Kenn-
arasambands íslans sent frá sér
ályktun þar sem athygli skóla-
yfirvalda og almennings er vak-
in á því, að æ fleiri kennarar
hætta nú störfum á miðju skóla-
ári. „Af umræðum meðal
kennara er Ijóst að mikill hluti
þeirra sem hætta störfum nú,
mun aldrei snúa aftur til
kennslu" segir í tilkynningu frá
ráðinu.
Þá er bent á að í skólastarfi í
landinu sé voðinn vís, takist
ekki að koma í veg fyrir þann
flótta úr stéttinni sem þegar er
hafinn. „Skólamálaráð Kl skorar
á alla sem láta sig farsælt skóla-
starf einhverju varða að taka
höndum sanian til að koma í
veg fyrir frekari skaða en orðinn
er“ segir í niðurlagi fréttatil-
kynningar skólamálaráðsins.
Loks hafa kennarar við Snæ-
landsskóla í Kópavogi lýst yfir
fullum stuðning við launakröfur
HlK og baráttuaðferðir þeirra
gegn „ófélagslegri mennta-
stefnu ríkisstjórnarinnar“ eins
og segir í tilkynmngu frá þeim.
„Við skorum á HIK að láta ekki
deigan síga í baráttu sinni og
varast söntu mistök og Kennara-
samband íslands lét henda sig í
kjarabaráttu sinni“ segir í lok
áíyktunarinnar.