NT - 15.03.1985, Blaðsíða 1

Helgi stórmeistari!
■ í gær eignuðust íslendingar
þriðja stórmeistara sinn í skák.
Helgi Ólafsson lauk þátttöku
sinni í skákmótinu í Kaup-
ntannahöfn með því að vinna
Englendinginn Plaskett í sögu-
legri skák. Þar með náði hann
stórmeistaratigninni, æðstu
nafnbót skákmanna og um leið
deildi hann öðru sætinu með
þeim Bent Larsen og Curt
Hansen frá Danmörku, en eins
og Helgi öðlaðist Hansen stór-
meistaratitil, og er annar Dan-
inn sem nær því marki.
„Pað má segja að heilladísirn-
ar hafi verið mér hliðhollar í
síðustu skákinni," sagði Helgi
er NT ræddi við hann í gær-
kvöldi, „það er ekkert tekið
upp af götunni að vinna með
svörtu í síðustu umferð. Þegar
Plaskett hafði leikið sínum 26.
leik bauð hann jafntefli. Staðan
var þá þannig að hefði ég leikið
besta leikinn hefði hann átt
þráskák. En ég ákvað að taka
heldur á mig aðeins lakari
stöðu, enda var hann orðinn
naumur á tíma. Síðan fóru
vopnin að snúast í höndum mér
og ég ákvað að reyna að blíðka
goðin og bauð honum jafntefli.
Hann hafnaði því í ntiklu tíma-
hraki og lék leik sem ég mat
mikils, þ.e. hann lék hrók beint
í dauðann. Þetta var alveg
dæmigerð skák þar sem maður
innbyrðir titil í síðustu umferð.
Ég átti þetta reyndar inni, ég
lék skákinni móti Smyslov niður
í einum leik.“
Það er af Jóhanni Hjartarsyni
að segja að hann gerði jafntefli
við Bent Larsen í síðustu
umferð. Lokastaðan var sú að
Pinter frá Ungverjalandi fékk
81/: vinning og var yfirburðasig-
urvegari. 12.-4. sæti urðu Helgi,
Larsen og Hansen með 7 vinn-
inga, ’þá Smyslov með 5 vinn-
inga og vinningslega biðskák,
gegn Höj. Jóhann ogde Firmian
urðu í 6.-7. sæti með 5 vinninga.
í 8.-10. sæti Lars Karlsson,
Plaskett og Carsten Höj með
4'/> vinning. Jens Christiansen
varð 11. nteð 4 vinninga og
Morthensen rak lestina með 3
vinninga.
■ Helgi Ólafsson stórmeist-
ari
Þrítugurmaðurfinnstmyrturáverkstæði sínu í Kópavogi:
Tvítugur maður játar
átökviðhinn látna
fyrstyfirheyrðursemvitnisíðanvegna gruns um aðild að málinu
■ Rúmlega tvítugur maður
hefur játað að hafa lent í
átökum við manninn sem lést
á trésmíðavérkstæði JHS-inn-
réttinga í Kópavogi í fyrra-
kvöld. Rannsóknarlögregla
ríkisins yfírheyrði manninn í
gærdag, og undir miðnætti ját-
aði hann að hafa verið í húsinu
og lent í átökum við hinn
látna, en að öðru leyti voru
málsatvik óljós.
Um þrjúleytið í fyrrinótt kom
maður inn í Smiðjukaffi í Kópa-
vogi og tilkynnti um eld í JHS-
innréttingum og fór starfsfólk
Stniðjukaffis þegar á staðinn
með handslökkvitæki auk þcss
að gera lögreglu og slökkviliði
viðvart.
Er fór að rofa til í húsinu kom
í Ijós að maður lá á loftpalli í
húsinu og virtist ekki lífs.
Áverkar á manninum og um-
merki bentu til þess að um morð
hefði verið að ræða, samkvæmt
upplýsingum frá RLR.
Voru allir nærstaddir teknir
til yfirheyrslu og beindist grunur
fljótlega að þeim er upphaflega
gerði viðvart um eldinn.
Maðurinn sem lést hét Jósep
L. Sigurðsson, fæddur 1955, og
var Jósep annar eiganda JHS-
innréttinga.
Að sögn RLR er enn óljóst
um aðdraganda átakanna og
atburðarás.
Shultz í ráðherrahústaönum
■ „Við höfðum tækifæri til að ræða nokkrar þeirra spurninga varðandi samskipti íslands og Bandaríkjanna sem hafa verið svo
oft áður til umræðu og ég heid að við höfum náð vissum árangri,“ sagði George Shultz utanríkisráðherra Bandaríkjanna að afloknum
viðræðum sínum við Geir Hallgrímsson utanríkisráðherra í ráðherrabústaðnum í gær.
Shultz, sem var á heimleið frá jarðarförChernenkos í Moskvu, stoppaði á íslandi í nokkra tíma, „til að hvíla mig eftir langt og
erfitt flug og heimsækja góðan vin,“ eins og hann orðaði það. Á myndinni sjást Shultz, Geir Hallgrímsson, tveir bandarískir
öryggisverðir, Ólafur Egilsson og Marshall Brement sendiherra Bandaríkjanna. NT-mynd: Árni Bjama
„Hvað ætlar
stjórnin
að gera?“
Harðar deilurá
Alþingi í gær
■ „Hvað hyggst ríkis-
stjórnin gera til lausnar
yfirstandandi deilu við
kennara sem sagt hafa upp
störfum hjá framhalds-
skólunum og við Hið ís-
lenska kennarafélag?"
Þessa spurningu lagði
Hjörleifur Guttormsson
alþingismaður fyrir
Steingrím Hermannsson í
fyrirspurnarti'ma á Al-
þingi. Og til menntamála-
ráðherra beindi hann þess-
ari spurningu: „Hvaöa á-
hrif hefur deilan haft til
þessa í framhaldsskólum
landsins og hver eru líkleg
áhrif hennar miðað viö
það að málið liafi þann
framgang, sem ríkisstjórn-
in hefur markaö með
ályktun sinni þann 12.
mars og í ööru lagi; hvað
hyggst menntamálaráðu-
neytið gera af sinni hálfu
til lausnar deilunni?"
Sjá um umræðurnar
bls 2 og 5.
Vaka vann
■ Vaka, félag lýðræðis-
sinnaðra stúdenta var sigur-
vegari kosninganna í Há-
skólanuni í gær. Vaka fékk
657 atkvæði til stúdentaráðs
og 5 fulltrúa, vinstri menn
563 atkvæði og 5 íulltrúa og
Umbótasinnar 382 atkvæði
og 3 fulltrúa. Framboð
manngildissinnaðra stú-
denta fékk 45 atkvæði og
engan fulltrúa. Umbóta-
sinnar eru sem fyrr í oddaað-
stöðu við myndun meiri-
hluta.
Vaka og vinstri menn
fengu sinn fulltrúann hvor í
Háskólaráð.
Hafði forsetinn aldrei staðfest kjarnorkuvopnin?
- svo segir Richard Burt adstoðarutanríkisráðherra Bandaríkjanna
■ Aðstoðarutanríkis-
ráðherra Bandaríkjanna,
Richard Burt, sagði á
blaðantannafundi í
Reykjavík í gær, að
Bandaríkjaforseti hefði
aldrei staðfest heimildir
til að flytja kjarnorku-
vopn til Islands á óvissu-
tímuni. Burt kom til
landsins í fyrrinótt frá
Moskvu í fylgd með
Shultz utanríkisráð-
hcrra. Burt afneitaði
ekki þessum áætlunum,
en sagði þær aðeins hug-
tnyndir sem aldrei hafí
hlotið staðfestingu.
Bandaríski fræðimað-
urinn William Arkin
sýndi í desember s.l. ís-
lenskum ráðamönnum
leynileg skjöl, sem hann
sagði að sýndu að um
árabil hefðu forsetar
Bandaríkjanna undirritað
heimildir til að flytja
kjarorkuvopn til nokk-
urra landa á hættutím-
um. Þessi lönd voru Kan-
ada Spánn, Azoreyjar,
Bermuda, Puerto Rico
og ísland. Að sögn Ark-
ins var ísland eina landið,
þar sem ríkisstjórninni
hafði ekki verið tilkynnt
um tilvist áætlananna.