Morgunblaðið - 25.04.2004, Page 14

14 | 25.4.2004
Þ að var mikið um að vera í Borgarleikhúsinu þegar 21. nemendadagurBallettskóla Guðbjargar Björgvins var haldinn í vikunni. Tvær sýningar
og ballerínurnar allt niður í 4 ára og já einn lítill ballett-strákur. Hver hópurinn á
fætur öðrum kemur fram á sviðið, búningarnir í öllum regnbogans litum, allar
með hárið í hnút í hnakkanum og fallegt hárskraut. Hreyfingarnar misliprar eftir
aldri en þær sem hafa æft hvað lengst svífa um sviðið í takt við tónlistina. Stoltir
foreldrarnir sitja úti í sal og bíða spenntir eftir að „mín“ eða „minn“ komi fram
á sviðið, það heyrast smellir í myndavélum og mikið klappað eftir hvert dans-
atriði. Yngstu nemendurnir reyna að sjá mömmu eða pabba til að veifa og
gleyma þá kannski einu og einu spori, en það kemur ekki að sök heldur kallar
bara fram bros á andlitum foreldranna. Það krefst mikils undirbúnings og skipu-
lagningar að setja á svið sýningu af þessu tagi, baksviðs er heill her af mömmum
sem aðstoða við að klæða í búningana, festa hnútinn aðeins betur og setja hár-
skraut með tilheyrandi spennum og hárlakki. Það er búið að æfa stíft allan vet-
urinn og mikill spenningur að fá loks tækifæri til að stíga á svið og dansa. Að
lokinni vel heppnaðri sýningu færa foreldrarnir síðan „sinni“ ballerínu rós, ýmist
bleika eða rauða að lit, enda fá allar alvöru ballerínur blóm sem þakklæti fyrir
frábæra frammistöðu á sviðinu.
21. NEMENDADAGUR BALLETTSKÓLA GUÐBJARGAR BJÖRGVINS
RÓS HANDA LITLUM BALLERÍNUM
Ljósmyndir Kristinn Ingvarsson