Morgunblaðið - 28.09.2004, Page 4

4 ÞRIÐJUDAGUR 28. SEPTEMBER 2004 MORGUNBLAÐIÐ
FRÉTTIR
Skógarhlíð 18, sími 595 1000
www.heimsferdir.is
Beint flug til fegurstu borgar Póllands. Úrval frábærra hótela og
spennandi kynnisferðir með fararstjórum Heimsferða.
Munið Mastercard
ferðaávísunina
Verð kr. 19.990
Flugsæti með sköttum, m.v. 2 fyrir 1.
Kraká
25. október
ÓSKAÐ var eftir gjaldþrotaskipt-
um í sumar hjá Gígant ehf. sem stóð
fyrir byggingu nýs fjölbýlishúss í
Suðurhlíð. Ekki hefur verið tekin
afstaða til neinna krafna í þrotabú-
ið, en kröfufrestur er ekki liðinn.
Skiptafundur verður haldinn 13.
október.
Að sögn Helgu Loftsdóttur
skiptastjóra voru óseldar íbúðir
Gígants í Suðurhlíð seldar nýju fé-
lagi sem Gígant stofnaði á nýrri
kennitölu og ber nýja félagið Bygg-
ingarfélagið Gígant. Verið er að
skoða þá samninga sem liggja að
baki viðskiptunum og verður í kjöl-
farið ákveðið hvort þeim verði rift.
Skiptastjóri
skoðar viðskipti
HÉRAÐSDÓMUR Reykjavíkur hef-
ur framlengt til 11. október gæslu-
varðhald yfir Bandaríkjamanni sem
á yfir höfði sér framsal til Finn-
lands vegna barnsráns. Maðurinn
er sakaður um að hafa í september
2001 numið á brott stúlku sem hann
á með finnskri konu en hefur ekki
sinnt kvaðningu um að mæta fyrir
dóm í Finnlandi. Stúlkan er aftur
komin til móður sinnar. Maðurinn
kom til landsins með Skógafossi
fyrir um tveimur vikum og hefur
verið í haldi síðan.
Framlengdi
gæsluvarðhald
UNGA manninum sem slasaðist al-
varlega í umferðarslysi við Bíldu-
dal á sunnudagsmorgun er enn
haldið sofandi í öndunarvél á gjör-
gæsludeild Landspítalans í Foss-
vogi, samkvæmt upplýsingum frá
spítalanum í gær. Líðan hans var
sögð óbreytt.
Maðurinn hlaut alvarlega höf-
uðáverka þegar bíll sem hann ók
lenti á stólpa við rimlahlið á Ketil-
dalavegi.
Enn haldið sof-
andi í öndunarvél
KARLMAÐUR var fluttur á slysa-
deild með sjúkrabifreið eftir bíl-
veltu við Fiskilæk í Leirár- og Mela-
sveit í gær. Slysið varð um klukkan
7.30 og er talið að maðurinn hafi
sofnað við stýrið með fyrrgreindum
afleiðingum. Ekki voru meiðsli
hans talin alvarleg, en hann var
lagður inn til eftirlits á sjúkrahúsið
á Akranesi. Bifreiðin er talin ónýt.
Bílvelta við
Fiskilæk
SORP Þingeyinga mun að öllum lík-
indum verða flutt í gámum landleið-
ina suður til Reykjavíkur eftir 1. des-
ember næstkomandi þegar Eimskip
hættir öllum strandsiglingum. Síð-
ustu tvö árin hefur sorpið verið flutt
sjóleiðina suður og það urðað í Álfs-
nesi.
Sorpsamlag Þingeyinga er með
samning við Eimskip um þessa flutn-
inga og gera báðir aðilar ráð fyrir að
hann haldi áfram. Ragnar Þór Jóns-
son, forstöðumaður innanlandsdeild-
ar Eimskips, segir að félagið muni
uppfylla alla gerða samninga í flutn-
ingum, hvort sem það er sorp eða
annað sem fer í gáma. Eftir 1. desem-
ber muni flutningarnir færast af sjó
og upp á land. Eftir sem áður verði
frystiskip og stórflutningaskip á veg-
um Eimskips á ferðum við landið.
Sigurður Rúnar Ragnarsson, fram-
kvæmdastjóri Sorpsamlags Þingey-
inga, segir þessa sorpflutninga hafa
verið bráðabirgðalausn síðan ekki
fengust leyfi til sorpurðunar í heima-
byggð. Áform séu enn uppi um að
reisa sorpbrennslustöð í nágrenni
Húsavíkur. Ef allt gangi að óskum
eigi slík stöð að geta tekið til starfa ár-
ið 2006. Ákvarðanir í þeim efnum hafi
þó ekki verið teknar.
Einn til tveir gámar á viku hafa far-
ið suður til Reykjavíkur frá Húsavík-
urhöfn, alls um 1.500 tonn á ári, þá
eingöngu sorp sem hefur verið hægt
að þjappa í bagga og inn í gám.
„Hluti af vandanum er því eftir
hérna heima. Við vonumst til að leysa
þetta með brennslustöð og verða í far-
arbroddi á landsvísu í endurnýtingu
sorps. Ætlunin er að nýta varmann
frá stöðinni til að auka vinnslugetu
rafveitunnar hér á Húsavík.“
Sorp Þingeyinga
landleiðina suður
ALMENNT er reynt að hafa stólpa
á vegriðum þannig úr garði gerða
að þeir brotni við högg, þannig að
þeir sjálfir sem slíkir valdi ekki
hættu, segir Jón Rögnvaldsson,
vegamálastjóri. Ökumaður bíls sem
fór í gegnum vegrið og fram af brú
í Ártúnsbrekkunni við Reykjanes-
braut í Reykjavík á föstudag segir
að stólparnir þar hafi ekki verið
fyrirstaða þegar bíllinn lenti á
vegriðinu.
„Það má ekki gleyma því að veg-
riðið sjálft og stólparnir geta skap-
að hættu, það þarf að vega saman
hvar mesta hættan liggur. […] Ef
vegriðið er mjög stíft er það eins og
að keyra á vegg, sem er ekki gott
heldur,“ segir Jón, og bendir á að
menn geti oft á tíðum slasast meira
við að aka á stólpa sem ekkert gefi
eftir en að fara út af vegi.
Hann segir vegrið í vegköntum
og á brúm ekki hönnuð til að taka
við höggi þar sem bíll kemur þvert
á þau, heldur eiga að leiða bíla sem
rekast utan í þau. Stólparnir eiga
þó að þola meira högg á þeim stöð-
um þar sem meiri hætta væri af því
að enda utanvegar en annars
staðar. Jón segist ekki geta dæmt
um ástand stólpanna í Ártúns-
brekkunni þar sem slysið varð á
föstudag.
Vegrið eiga að
láta undan höggi
AFKOMA sauðfjárbænda versnaði
nokkuð á árinu 2003 samanborið við
fyrra ár og lækkaði hagnaður fyrir laun
eiganda úr 979.000 krónum á árinu 2002
í 837.000 krónur í fyrra eða um 14,5%.
Lægra afurðaverð skýrir þetta að
stærstum hluta. Ef framleiðsla ársins
2003 er reiknuð á afurðaverði ársins
2002 nemur rýrnun afurðatekna að með-
altali 397.000 krónum á bú.
Þetta kemur fram í árlegri skýrslu
Hagþjónustu landbúnaðarins um upp-
gjör búreikninga í hefðbundnum grein-
um landbúnaðar. Í úrtakinu eru 86 sauð-
fjárbú. Um 95% af tekjum þeirra eru
vegna sauðfjárframleiðslu, þannig að bú-
in eru mjög sérhæfð.
Stærð sauðfjárbúanna dróst heldur
saman á síðasta ári eins og undanfarin
ár.
Auknar skuldir kúabúa
Afkoma kúabænda varð heldur lakari
í fyrra samanborið við árið 2002. Hagn-
aður fyrir laun eiganda, sem var tæp-
lega tvær milljónir króna á árinu 2002,
lækkaði í tæplega 1,9 milljónir króna
eða um 5%. Til skýringar er einkum að
meðalafurðir drógust saman sem nemur
3.000 lítrum innlagðrar mjólkur á bú.
Meðalgreiðslumark búanna var 143
þúsund lítrar í fyrra en var rúmlega 137
þúsund lítrar árið 2002. Heildarvelta bú-
anna var 13,8 milljónir í fyrra. Skuldir
búanna jukust um 9,1% í fyrra.
Afkoma sauðfjárbænda versnaði í fyrra
Morgunblaðið/RAX
Þessar mæður gætu verið að metast ærlega um kosti afkvæmanna, sem augljóslega líkar hólið vel.
NÝJUM þrepaskiptum gönguljósum
yfir Miklubraut við Lönguhlíð í
Reykjavík fylgir sú breyting að ekki
er lengur hægt að taka U-beygju á
gatnamótunum eins og áður vegna
hættu sem það getur skapað fyrir
gangandi vegfarendur.
Höskuldur Tryggvason, deild-
arstjóri hjá Gatnamálastjóra, segir
að ákveðin togstreita myndist á
öllum gatnamótum þar sem göngu-
ljós eru þrepaskipt. Ef ökumaður
ætlar að taka U-beygju geti hann
lent í því að þurfa að fara þvert á
græn gönguljós, og þar með skapa
hættu fyrir gangandi vegfarendur.
Gatnamótin við Miklubraut og
Lönguhlíð eru önnur gatnamótin í
Reykjavík með þrepaskiptingu, áður
hafði slík skipting verið tekin í notk-
un á gatnamótum Miklubrautar og
Kringlumýrarbrautar. Höskuldur
segir að verið sé að vinna að því að
breyta gatnamótum Kringlumýr-
arbrautar og Háaleitisbrautar, sett
hafi verið upp ný ljós sem verið sé að
taka í notkun, og gönguljósin orðin
þrepaskipt. Þá þurfi eins og annars
staðar að banna U-beygju á gatna-
mótunum.
Morgunblaðið/RAX
U-beygja bönnuð
á beygjuljósum
NÝLEGA rannsökuðu
sprengjusérfræðingar Land-
helgisgæslunnar flak banda-
rísku sprengjuflugvélarinnar
sem brotlenti á Eyjafjallajökli á
árum síðari heimsstyrjald-
arinnar, en flugvélar þessarar
tegundar gengu undir gælu-
nafninu „Fljúgandi virkið“.
Áður en farið var á staðinn
var aflað upplýsinga um vopna-
búnað flugvélarinnar Í vélinni
voru 13 12.7 mm Browning M2
vélbyssur.Voru sumar byssurn-
ar fjarstýrðar en aðrar hand-
virkar, en þessi varnarbúnaður
var mikilvægur fyrir áhöfnina í
flugorrustum því að flugher
bandamanna fór í sprengjuleið-
angra að degi til yfir Evrópu á
þessum tíma.
Sprengjusérfræðingarnir
rannsökuðu slysstaðinn. Nokk-
urt magn hættulegra hluta var
fjarlægt úr vélinni, þ.á m. vél-
byssur. Aðrir hættulegir hlutir,
sem ekki var talið öruggt að
flytja, voru merktir sérstaklega,
en ljóst er að sprengjueyðing-
arsveitin þarf að fara aðra ferð
upp á jökulinn til að ljúka verk-
efninu.
Rannsökuðu
„Fljúgandi virki“
Ljósmynd/Adrian King
Sprengjusérfræðingar Landhelg-
isgæslunnar rannsökuðu flak
sprengjuflugvélarinnar Flying
Fortress sem fórst á Eyjafjallajökli
í seinni heimsstyrjöldinni.