Morgunblaðið - 28.09.2004, Síða 6

6 ÞRIÐJUDAGUR 28. SEPTEMBER 2004 MORGUNBLAÐIÐ
FRÉTTIR
Kynntu þér tilboð okkar
á bílaleigubílum
Pantaðu AVIS bílinn áður en þú leggur af stað
Það borgar sig – Hringdu til AVIS í síma 591-4000
Við erum í 170 löndum
5000 stöðum
T.d. Reykjavík, London, Kaupmannahöfn,
Frankfurt, Milano, Alicante ...
AVIS Knarrarvogi 2 – 104 Reykjavík – Sími 591 4000 – Fax 591 4040 – Netfang avis@avis.is – Heimasíða www.avis.is
Minnum á Visa afsláttinn
HÖRKUVEIÐI hefur verið á sjó-
birtingsslóðum í Vestur-Skafta-
fellssýslu að undanförnu og mál
veiðimanna að meira sé af fiski
heldur en síðustu haust og að hann
hafi byrjað að ganga af nokkrum
krafti talsvert fyrr en oft áður.
Geirlandsá hefur verið sér-
staklega lífleg að undanförnu, en
síðasta holl þar var með 26 fiska,
mest birtinga, en einnig fáeina
laxa, hollið þar á undan var með 29
stykki. Athygli vekur rífleg með-
alþyngd, en mest af fiskinum er 5 til
8 pund, í 26 fiska hollinu voru auk
þess 16,5 og 12 punda fiskar, og í 29
fiska hollinu 12 og 13 punda fiskar.
Stangaveiðifélag Keflavíkur er með
ána á leigu. Á þeim bæ tala menn
um að áin sé komin upp úr öldudal
sem hún hefur verið í síðustu ver-
tíðir.
Fleiri staðir að gefa
Samkvæmt samtölum við veiði-
menn sem hafa verið eystra að veið-
um, m.a. í Tungulæk, Vatnamótum,
Hörgsá og Tungufljóti, er ástandið
svipað, mikið af fiski og vænir í
bland. Lítur út fyrir að frábærri
laxveiðivertíð verði nú fylgt eftir
með góðri sjóbirtingsvertíð.
Góður endir í Sandá
Lokahollið í Sandá veiddi 9 laxa
og lokatala úr ánni er um 200 laxar
sem telst bærilegt. Lax var víða í
ánni og þó nokkrir þessara níu laxa
voru bjartir og jafnvel lúsugir. Að
sögn veiðimanna sem voru að koma
að austan, er aflinn í sumar að lang-
mestu leyti smálax og laxar yfir 10
pund munu teljandi á fingrum ann-
arrar handar.
ERU
ÞEIR AÐ
FÁ’ANN?
Moka upp
sjóbirtingi
Soffía Árnadóttir með maríulaxinn
sinn, 5 punda fisk, sem hún dró úr
hylnum Jóhannesi í Sandá í Þist-
ilfirði.
VIÐSKIPTARÁÐHERRA hvetur
fyrirtæki og einstaklinga til að kynna
sér frumvarp sem byggist á skýrslu
nefndar um íslenskt viðskiptaum-
hverfi og telur jákvætt að ný sjón-
armið komi fram. Í grein sem Sig-
urður Einarsson, stjórnarformaður
KB banka, ritar í Morgunblaðið í gær
kemur fram gagnrýni á þá tillögu
nefndarinnar að formenn stjórna
megi ekki vera starfandi, þ.e. gegna
störfum fyrir framkvæmdastjórn
fyrirtækisins.
„Hann er bara að kynna sjónarmið
sín og það er nú einmitt það sem við
erum að kalla eftir á þessu stigi, m.a.
með því að kynna frumvörp okkar á
Netinu. Við erum að óska eftir að fólk
kynni sér málið. Það var gagnrýnt á
sínum tíma að atvinnulífið skyldi ekki
eiga aðild að nefndinni en ég hef allt-
af sagt að það tímabil sem nú er tekið
við eftir að nefndin skilaði sinni
skýrslu sé opið ferli og ég ítreka það
að stórfyrirtæki, minni fyrirtæki og
almennir borgarar láti sín sjónarmið
heyrast,“ segir Valgerður Sverris-
dóttir, iðnaðar- og viðskiptaráðherra,
í samtali við Morgunblaðið í gær.
Hún kveðst ekki vilja tjá sig um
einstök atriði í grein Sigurðar en seg-
ir hana ýta undir umræðu um frum-
varpið. Hins vegar bendir ráðherra á
að Sigurður hafi áður kynnt þau sjón-
armið að þrengdar heimildir félaga
til þess að hafa starfandi stjórnarfor-
mann varði ekki hann sjálfan, eigi
ekki við um hann.
Inntur eftir viðbrögðum við grein
Sigurðar Einarssonar segist Gylfi
Magnússon, formaður nefndarinnar
og dósent við HÍ, fagna því að fram
komi málefnaleg umræða um tillög-
urnar. „Það var meðal annars til-
gangur skýrslunnar að vekja um-
ræðu og það er hið besta mál að sú
umræða sé hafin.“
Tillögurnar skapa ekki óvissu
og hlutverkarugling
Gylfi kveðst þó ekki sammála
þeirri ályktun Sigurðar að tillagan
um að stjórnarformenn skuli ekki
vera starfandi beint fyrir fyrirtækið
geti skapað hlutverkarugling og
óvissu. „Þessar tillögur ganga í þver-
öfuga átt. Ég tel að með því að skilja
betur á milli framkvæmdastjórnar og
félagastjórnar sé verið að skerpa
skilin þarna á milli frekar en verið sé
að skapa einhverja óvissu,“ segir
Gylfi.
Í grein sinni í gær vitnar Sigurður
í samantekt sem Lögmenn Mörkinni
gerðu fyrir KB banka um starfandi
stjórnarformenn í sjö löndum en þar
er komist að þeirri niðurstöðu að
þrengdar heimildir hlutafélaga til að
hafa starfandi stjórnarformenn séu
hvorki hluthöfum né markaði í hag.
„Ég er ósammála þessu,“ segir Gylfi
en bendir á að það sé álitamál í mörg-
um löndum hversu langt menn vilja
ganga í að skilja á milli stjórnar fyr-
irtækis og framkvæmdastjórnar. Það
sé því eðlilegt að fram komi ólík sjón-
armið hér á landi einnig.
Viðskiptaráðherra um drög að frumvarpi um hlutafélög
Jákvætt að ný sjón-
armið komi fram
Morgunblaðið/Árni Torfason
Valgerður Sverrisdóttir og Gylfi Magnússon kynntu tillögur nefndar um
íslenskt viðskiptaumhverfi. M.a. var lagt til að heimildir fyrirtækja til að
hafa starfandi stjórnarformenn yrðu þrengdar. Þá tillögu gagnrýndi Sig-
urður Einarsson í grein í Morgunblaðinu í gær.
JÓN Ó. Ragnarsson, fyrrver-
andi framkvæmdastjóri og
stjórnarformaður Lykilhótela
hf., hefur af ríkislögreglustjóra
verið ákærður fyrir umboðs-
svik með því að veðsetja Hótel
Valhöll vegna láns sem var
ótengt starfsemi þess.
Jón er sakaður um að hafa
sem framkvæmdastjóri og
stjórnarformaður Lykilhótela
tekið 37 milljóna króna skulda-
bréfalán í nafni félagsins hjá
Framkvæmdasjóði Íslands.
Talinn hafa misnotað
aðstöðu sína
Hann hafi síðan misnotað
aðstöðu sína sem fram-
kvæmdastjóri og stjórnarfor-
maður Hótels Valhallar ehf.
með því að veðsetja hótelið fyr-
ir láninu og þar með bundið fé-
lagið og eigur þess í ábyrgð
fyrir láni sem var ótengt starf-
semi þess. Lánið var notað til
að greiða upp gjaldfallnar af-
borganir, vexti og dráttarvexti
vegna skulda Lykilhótela við
Framkvæmdasjóð.
Ákæran var þingfest í Hér-
aðsdómi Reykjavíkur í gær.
Ákærður
fyrir um-
boðssvik
HART VAR deilt um það á sínum
í upphafi þessarar aldar í Noregi
hvort konungur ætti að hafa vald
til að neita að staðfesta lög eftir að
konungssambandinu við Svíþjóð
lauk árið 1905.
Þetta segir Trond Nordby en
hann flytur fyrirlestur á lögfræði-
torgi á Akureyri í dag, þriðjudag-
inn 28. september, kl. 12 í Þing-
vallastræti 23, stofu 14. Í erindi
sínu fjallar Trond um þá breyt-
ingu sem varð á stjórnskipan Nor-
egs þegar þingræðið var að festa
sig í sessi. Hann mun einnig bera
stjórnskipunarlega stöðu norska
konungsins saman við stöðu for-
seta Íslands.
„Fullu þingræði var komið á í
Noregi í þremur skrefum, 1905,
1911 með breytingum á stjórnar-
skránni og loks endanlega 1927.
Það sem gerðist hér á Íslandi á
liðnu sumri átti margt sammerkt
með þeim deilum sem voru í Nor-
egi og lauk með slitunum á kon-
ungssambandinu 1905. En þá
stóðu deilurnar um það hvort kon-
ungurinn ætti að hafa neitunar-
vald. Menn töldu að það veitti
honum of mikil völd og því var
konungssambandinu við Svíþjóð
slitið 17. júni 1905. “
Trond segir miklar deilur hafa
staðið um þetta mál og hægri eða
íhaldsflokkurinn í Noregi hafi
lengi staðið gegn því að tekið yrði
upp fullt þingræði en frjálslyndir
og vinstri menn hafi haft sigur í
málinu.
Synjunarvald forseta Íslands
Margt sam-
merkt með deil-
unum í Noregi
TOGBÁTUR sem hugðist koma
skipi sem strandað hafði á Pollinum
á Skutulsfirði til bjargar í gær
strandaði líka. Blíða var í firðinum
og gekk greiðlega að losa skipin.
Ekki er talið að þau hafi skemmst.
Ísfisktogarinn Páll Pálsson
strandaði fyrst í kjölfar smávægi-
legrar vélarbilunar. Smábáturinn
Patton kom skjótt til aðstoðar Páli
sem og lóðsbáturinn Þytur. Tókst
fljótlega að koma vélinni í gang að
sögn skipstjórans. Togbáturinn
Gunnbjörn hugðist einnig koma
Páli til hjálpar. Ekki vildi betur til
en svo að Gunnbjörn strandaði líka.
Þytur kom þar enn og aftur til
bjargar og dró hann á flot.
Sandbotn er á þessu svæði og því
skemmdust skipin ekki að sögn
hafnarstarfsmanns við Ísafjarð-
arhöfn.
Morgunblaðið/Halldór Sveinbjörns
Lóðsbáturinn Þytur aðstoðar Pál Pálsson á Pollinum í gær.
Tvö skip í erfiðleikum
á Pollinum á Skutulsfirði
SAMBAND ungra sjálfstæðis-
manna, SUS, varar við því sem það
nefnir íþyngjandi ákvæði í drögum
að lagafrumvarpi viðskiptaráðherra
um hlutafélög og einkahlutafélög.
„Verði frumvarpið að lögum má
gera ráð fyrir að það muni sérstak-
lega valda smærri félögum kostnaði
og óþarfa skriffinnsku, t.d. við boð-
un hluthafafundar og framboð til
stjórnar,“ segir m.a. í ályktun SUS.
Einnig segir að fráleitt sé að fyr-
irtækjum með fleiri en fjóra hlut-
hafa skuli gert að halda starfskjara-
stefnu sem hluthafafundur þurfi að
samþykkja. Sé augljóst að það
ákvæði eigi ekki við um smærri fé-
lög. Þá segir að mikilvægt sé að
stofnun, rekstur og slit félaga sé
með sem einföldustum hætti til að
kraftur einkaframtaksins nái fram
að ganga.
Gagnrýna frumvarps-
drög um hlutafélög