Morgunblaðið - 28.09.2004, Blaðsíða 17

MORGUNBLAÐIÐ ÞRIÐJUDAGUR 28. SEPTEMBER 2004 17
MINNSTAÐUR
„ÞETTA er ekki skynsamlegt, en
sniðugt,“ segir Logi Már Einarsson
arkitekt, sem rekur arkitektastof-
una Kollgátu á Akureyri, en það
sem ekki er skynsamlegt en sniðugt
er að hann hefur fest kaup á gömlu
kartöflugeymslunni efst í Gilinu og
hyggst setja stofu sína upp þar.
Logi er Akureyringur, lauk námi
við Arkitektaháskólann í Ósló árið
1992 og vann eftir það lengst af hjá
Arkitektastofunni Úti og inni í
Reykjavík en flutti sig svo á heima-
slóðir að nýju og opnaði Arkitekta-
stofuna Kollgátu í JMJ-húsinu við
Gránufélagsgötu í byrjun þessa árs.
Tildrög þess að Logi er nú á leið í
kartöflugeymsluna eru þau að hann
var að leita að stærra húsnæði fyrir
starfsemina, Sigurður Sigurðsson
hjá SS-Byggi vissi af leitinni, „en
hann hafði tekið að sér að rífa kart-
öflugeymsluna og viðraði þá hug-
mynd við mig að ég myndi skoða að-
stæður þar,“ sagði Logi. „Ég gerði
það og sá strax að þarna var fram-
tíðarhúsnæðið komið, þetta húsnæði
er eins og teiknað fyrir mig.“
Kartöflugeymslan var byggð árið
1937 og þjónaði bæjarbúum allt
fram yfir 1990 þegar hún var aflögð.
„Ég lít svo á að með því að flytja
starfsemi mína í þessa gömlu
geymslu sé ég að bjarga menning-
arverðmætum, þessi geymsla hefur
örugglega bjargað mörgum fjöl-
skyldum í bænum frá bráðahungri.“
Logi segir að vissulega þurfi mik-
ið að gera við húsnæðið áður en
hægt er að flytja inn, „endurbæt-
urnar kosta auðvitað hellingspen-
ing, en þetta var að mínu mati tæki-
færi sem ekki var hægt að sleppa.“
Logi hefur í hyggju að lýsa framhlið
væntanlegrar stofu sinnar upp,
setja þar upp bekk og hafa huggu-
legt í kringum sig. „Fólk getur þá
hvílt sig hér á leið úr bænum,“ sagði
Logi. Hann hyggst hefjast handa
við breytingar nú í haust og stefnir
að því að flytja inn fljótlega upp úr
áramótum. „Þetta verður rosaleg
vinna og eflaust hefði ég hætt við
allt saman hefði ég skoðað málið vel,
en það gerði ég ekki, skellti mér
bara á þetta,“ segir Logi.
Sennilega er Logi þekktastur fyr-
ir teikningu sína að hugsanlegu há-
hýsi við Baldurshaga, 12 hæða fjöl-
býli fyrir aldraða, „ætli ég sé ekki
alræmdur í bænum fyrir vikið,“ seg-
ir hann. Skiptar skoðanir eru um
ágæti hugmyndarinnar, en Logi
bendir á að menn þurfi að ræða
málin vel, skoða alla kosti og galla
og fjalla ekki einungis um málið út
frá tilfinningum sínum. „Sjálfur er
ég hlynntur því að fara varlega, en
bendi á að bæjarmyndir eru sífellt
að breytast og að mínu mati er
þetta kjörinn staður af náttúrunnar
hendi fyrir hátt hús, þar sem Odd-
eyrin og Brekkan mætast,“ segir
Logi Már.
Kollgáta
í kartöflu-
geymslu
Stakkaskipti Útlit gömlu kartöflugeymslunnar í Gilinu mun taka stakkaskiptum nú í haust.
Morgunblaðið/Kristján
Kartöflugeymslan Logi Már Einarsson arkitekt við
innganginn í gömlu kartöflugeymsluna í Gilinu.
Ólafsfjörður | Aurskriða féll á
golfvöllinn í Ólafsfirði í vatnsveðr-
inu í síðustu viku og olli skemmd-
um á einni braut vallarins og eyði-
lagði vatnsbólið fyrir golfskálann
og völlinn. Rósa Jónsdóttir formað-
ur Golfklúbbs Ólafsfjarðar sagði
tjónið töluvert mikið en hún treysti
sér ekki til að áætla það í pen-
ingum.
Gríðarlegt magn af stórgrýti og
aur fóru yfir 3. braut vallarins og
skemmdi kvennateiginn og vatns-
bólið. Rósa sagði að mikið hreins-
unarstarf væri fyrir höndum og
þýddi ekkert annað stórtækar
vinnuvélar í það verk. Hún sagði
óvíst á þessari stundu hvort klúbb-
urinn fengi bætur vegna þessara
skemmda. „Við reiknum ekki með
að fá bætur frá Viðlagatryggingu
en eigum eftir að kanna málið hjá
Ofanflóðasjóði.“
Í vatnsveðrinu árið 1988 féll enn
stærri skriða á völlinn, olli
skemmdum á 3. og 5. braut og rann
áfram niður á 9. braut.
Skemmdir á golfvellinum
Morgunblaðið/Gísli Kristinsson
Skemmdir Skriðan sem féll úr hlíðinni ofan við golfvöllinn í Ólafsfirði olli skemmdum á vatnsbóli og einni braut.
Fjórða húsið | Umhverfisráð hefur
heimilað umsækjanda um lóð við
Mýrarveg, verktakafyrirtækinu P.
Alfreðssyni, að leggja fram á sinn
kostnað tillögur að breyttu deili-
skipulagi á svæðinu. P. Alfreðsson
fór þess á leit við umhverfisráð að fá
vilyrði fyrir svæði norðan Mýr-
arvegar 115 til að reisa fjórða húsið
sömu gerðar og húsin 111–115 með
íbúðum fyrir eldri borgara. Auk þess
er óskað eftir að Mýrarvegur verði
framlengdur til norðurs til þess að
væntanlegt hús tengist gatnakerfi
bæjarins.
Styrkbeiðni | Svanbjörn Sigurðs-
son, formaður Flugsafnsins á Ak-
ureyri, hefur sent inn erindi til
menningarmálanefndar, þar sem
óskað er eftir að Akureyrarbær
greiði 30 milljónir króna vegna
stækkunar Flugsafnsins. Menning-
armálanefnd samþykkti á fundi sín-
um að mynda þriggja manna vinnu-
hóp um verkefnið. Nefndin
samþykkti að Helgi Vilberg yrði
fulltrúi nefndarinnar og óskaði jafn-
framt eftir því að Minjasafnið og
Flugsafnið tilnefndu hvort sinn full-
trúa.
HÖFUÐBORGARSVÆÐIÐ
AKUREYRI
  
Reykjavík | Reykvíkingar og aðrir
höfuðborgarbúar þurfa að auka
notkun sína á öðrum ferðamátum
en einkabílnum, þar á meðal al-
menningssamgöngum og hjólreið-
um, ef takast á að takmarka þann
skaða sem útblástur gróðurhúsa-
lofttegunda veldur, að mati
Tryggva Felixsonar, framkvæmda-
stjóra Landverndar.
Eins og fram kom í frétt í Morg-
unblaðinu í gær hefur útblástur
bifreiða í Reykjavík á koltvísýringi
aukist um 5% milli áranna 2001 og
2003, samkvæmt frumniðurstöðum
rannsóknar Hjalta J. Guðmunds-
sonar, landfræðings, og er nú verið
að vinna betur úr niðurstöðunum.
Mikilvægt er að menn geri sér
grein fyrir því að þó að loftslags-
breytingar af mannavöldum séu að
vissu leyti óhjákvæmilegar, þá sé
hægt að koma í veg fyrir verstu
mögulegu þróun, segir Tryggvi.
„Það verða alltaf einhver áhrif
mannsins á loftslagið, spurningin
er hversu mikil, og það er í því
samhengi sem það skiptir máli
hvað er að gerast í Reykjavík.“
Tryggvi segir að til að bregðast
við vandamálinu þurfi að skoða tvö
atriði. Annars vegar samsetningu
bílaflotans, og hins vegar notkun á
öðrum ferðamátum en einkabílum.
Mikilvægt er að endurnýjun bíla-
flotans fari fram með það í huga að
nýju bílarnir séu vistvænni, t.d.
bílar sem nota bæði bensín og raf-
magn, eða litlir og sparneytnir
bílar frekar en stórir jeppar, segir
Tryggvi.
Segir sóknarfæri í
almenningssamgöngum
„Hitt viðfangsefnið er að stuðla
að því að menn noti sér aðra sam-
göngukosti, þetta snýst um það
hvernig við komumst frá A til B. Í
flestum borgum Evrópu sem eru
sambærilegar við okkur í stærð þá
er hlutfall almenningssamgangna á
milli 20 og 40%, en hér á landi er
það um það bil 4%,“ segir Tryggvi.
Hann bendir einnig á að hjólreiðar
séu vannýttur ferðamáti hér á
landi miðað við aðrar borgir.
Aðspurður hvernig hægt sé að
fjölga þeim sem nota aðra ferða-
máta en einkabílinn segir Tryggvi
að betri hjólastígar hafi þegar skil-
að einhverjum árangri. „Svo eru
það almenningssamgöngurnar, þar
hljóta að vera einhver sóknarfæri.
Ekki getum við verið svo frábrugð-
in öðrum Evrópubúum hér í
Reykjavík. Auðvitað er einkabíll-
inn mikilvægur, og verður það
örugglega áfram, en að við séum
með 4% en aðrar borgir með 20–
40%, það er ekki hægt að skýra
með veðurfari eða því að Íslend-
ingar séu eitthvað öðruvísi.“
Hugsa mætti almenningssam-
göngur sem viðbót við einkabílinn,
segir Tryggvi, í stað þess að fjöl-
skyldur eigi tvo bíla þá noti þær
almenningssamgöngur þegar einn
bíll dugi ekki til. Einnig þurfi fólk
að reyna að ganga meira, enda
hátt hlutfall ferða sem eru styttri
en 3 kílómetrar. Þannig mætti líka
slá tvær flugur í einu höggi, hugsa
um umhverfið og heilsuna á sama
tíma.
Aukin mengun kallar á annan ferðamáta en einkabílinn
Þarf að reyna að
takmarka skaðann
Laugarneshverfi | Nýlegar breyting-
ar á gatnamótum Sundlaugavegar og
Reykjavegar annars vegar og Sund-
laugavegar og Laugalæk hins vegar
eru ekki nægilega vel heppnaðar, og
bæta þarf við beygjuljósum til að um-
ferð gangi greiðlega fyrir sig, að mati
yfirverkfræðings hjá Gatnamála-
stjóra.
Talsverðar tafir hafa verið þegar
umferð er mikil og margir vilja
beygja út af Sundlaugavegi inn á
Reykjaveg, og tefja þá bílana fyrir
aftan þegar einungis fáir geta beygt á
hverjum ljósum vegna umferðar úr
gagnstæðri átt.
„Það þarf að endurskoða ljósaþátt-
inn, það er meira en stillingaratriði,
það þarf að bæta við beygjufösum, að
minnsta kosti einum ef ekki tveimur,“
segir Guðbjartur Sigfússon, yfirverk-
fræðingur Rekstrardeildar hjá
Gatnamálastjóra. Hann segir að ekki
þurfi að endurhanna gatnamótin að
öðru leyti, beygjuljósin eigi að laga
ástandið.
Guðbjartur segir að nú sé verið að
að vinna í því að breyta ljósunum, og
segir að þeirri vinnu muni ljúka fljót-
lega, hugsanlega á næstu tveimur vik-
um, þó erfitt sé að segja nákvæmlega
hvenær framkvæmdum verði lokið.
Morgunblaðið/Golli
Þarf beygjuljós Setja þarf beygjuljós á gatnamótum Sundlaugavegar og
Reykjavegar til að gatnamótin anni umferðinni betur.
Breytingar ekki
vel heppnaðar