24 stundir - 01.05.2008, Qupperneq 14

14 FIMMTUDAGUR 1. MAÍ 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Ólafur Þ. Stephensen
Björg Eva Erlendsdóttir
Gunnhildur Arna Gunnarsdóttir
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
Þjónusta heilbrigðiskerfisins snýst með nokkurri einföldun um að gera
lasið fólk frískt aftur. Það gengur oft alveg ágætlega. Þurfum við ekki samt
að spyrja hvort kerfi, sem er sjálft orðið alveg sárlasið, sé bezt til þess fallið
að gera fólk frískt?
Á forsíðu 24 stunda í gær var sagt frá hugmyndum einkaaðila um að
byggja nýja heilbrigðisbyggingu á milli tveggja húsa, sem hýsa einkarekna
heilbrigðisþjónustu, Heilsuverndarstöðvarinnar og Domus Medica.
Tengja á húsin saman til að auka þjónustumöguleikana og forsvarsmenn
Heilsuverndarstöðvarinar hafa jafnframt bráðskemmtilegar og spennandi
hugmyndir um tengingar við elli- og hjúkrunarheimilið Droplaugarstaði
og Sundhöll Reykjavíkur til að bjóða enn fleirum enn betri þjónustu.
Þessi frétt er eitt af mörgum nýlegum dæmum um kraft og hugmynda-
auðgi einkaframtaksins í heilbrigðisþjónustu. Annað dæmi er framtak
Heilsuverndarstöðvarinnar, sem leysti með einkarekinni þjónustu það
vandamál, sem var staða ósjúkratryggðra útlendinga í heilbrigðiskerfinu.
Krafturinn í einkageiranum er í hrópandi andstöðu við deyfðina og
magnleysið í hinu ríkisrekna heilbrigðiskerfi. Ein birtingarmynd þess er
deilur hjúkrunarfræðinga og geislafræðinga við Landspítalann. Þær eru
dæmigert sjúkdómseinkenni miðstýrðs, ríkisrekins kerfis. Fjöldauppsagn-
ir þekkjast varla í einkageiranum nema hjá fyrirtækjum, sem eru í þannig
einokunarstöðu að litlir hópar geta lamað mikilvæga starfsemi.
Starfsfólk Landspítalans er auðvitað í svipaðri stöðu, en jafnframt verð-
ur það að sætta sig við að vinna í niðurnjörvuðu kerfi,
þar sem ekki má gera vel við einn umfram annan af
því að hann sé betri starfsmaður. Fyrir vikið er sam-
staðan eina tækið, sem fólk hefur til að knýja fram
betri kjör.
Við þessar aðstæður er ekkert undarlegt að raddir
um að breyta eigi Landspítalanum í opinbert hluta-
félag séu farnar að heyrast „af gólfinu“ innan spít-
alans, eins og Björn Zoëga, starfandi forstjóri spít-
alans, orðaði það í Morgunblaðinu fyrir stuttu. Í
samanburði við frískan einkageira er gamli ríkisrisinn
orðinn staðnaður, ósveigjanlegur og lasinn. Hvernig
gerum við hann frískan aftur?
Sá hrausti
og sá lasni
SÆKTU LEIÐARANN Á WWW.MBL.IS/PODCAST
Þótt ég eigi enn marga ágæta fé-
laga þarna innandyra hefur flest
af því fólki sem mér hefur fundist
ég eiga mesta
samleið með í
þessum flokki nú
snúið sér að öðru
og ég átta mig
ekki á því hvert
ferð þessa flokks
er heitið. Hvaða
pólitísku sýn og
grundvall-
arafstöðu til málefna samtímans
er stýrt eftir? Ég verð aðallega var
við einhvers konar identitets-
pólitík þar sem sérfræðingar
halda áfram þeirri iðju að skipta
mönnum upp í sanna framsókn-
armenn og undanvillinga. Ég veit
ekki hvort þeir taka blóðprufur
eða hvort þeir eru …
Pétur Gunnarsson
eyjan.is/hux
BLOGGARINN
Framsókn og ég
Augljóst er að Guðni Ágústsson
formaður Framsóknarflokksins
stormar nú áfram á allt annarri
braut í Evrópu-
málum en að
minnsta kosti
sumir í flokkn-
um. Þar með talið
varaformaður og
fyrrverandi for-
maður eða for-
menn (ef Halldór
Ásgrímsson er
talinn með). Oft er ágætt ba-
rómeter á andrúmsloft innan
flokka að lesa bloggfærslur eftir
félaga innan þeirra raða. Ég hef
það einhvern veginn á tilfinning-
unni að báðar fylkingar innan
Framsóknar kenni klofinni af-
stöðu til Evrópumála að verulegu
leyti um hremmingar flokksins.
Magnús Þór Hafsteinsson
magnusthor.eyjan.is
Klofningur
Niðurstaða Jóns gengur skrefinu
lengra í þessum efnum. Það er
ekkert óeðlilegt eða sviksamlegt
af Jóni að hafa
aðrar áherslur í
þessum málum
nú en áður, eins
og mér finnst
sumir telja, þar á
meðal einhverjir
félagar mínir í
Framsókn. Eins
og núverandi for-
maður Guðni Ágústsson hefur oft
sagt, þá er öllum leyfilegt að vera
vitrari í dag en í gær og skipta um
skoðun í einstaka málum. Þetta
er rétt hjá Guðna. Þess vegna eiga
menn að taka grein Jóns sem
málefnalegu innleggi í mikilvæga
umræðu um framtíð Íslands í
evrópsku samhengi.
Magnús Stefánsson
magnuss.is
Ekkert óeðlilegt
Ólafur Þ.
Stephensen
olafur@24stundir.is
Í dag á baráttudegi verkalýðsins er
ánægjulegt að minnast þess að nýfrjáls-
hyggjunni hefur í vetur verið útrýmt úr íslensku
samfélagi. Það þurfti ekki annað til en örlítið gæfi á
bátinn í efnahagsmálum til að allt frjálshyggjukvakið
viki fyrir áköllum um að ríkið komi strax öllu til
bjargar. Kaffihúsaspekingar sem fyrir nokkrum miss-
erum töldu stjórnmálamenn óþarfa eiga nú ekki orð
yfir því að pólitíkusarnir beiti ekki valdi sínu af meiri
hörku. Svona er nú skoðanahringekjan skemmtileg
og frítt um borð fyrir alla. Afhjúpar auðvitað að
þessi viðhorf byggðust á lífsreynsluskorti fyrst og
fremst og hverfa því einsog dögg fyrir sólu þegar al-
vara lífsins blasir við. Þegar á bjátar verður nefnilega
svo augljóst, ekki síst í litlu samfélagi einsog okkar,
að við erum öll á sama báti. Við köllum það meira
að segja „Þjóðarskútuna“ því hvað sem öllu hjali líð-
ur erum við hvert á annars ábyrgð og þörfnumst
samfélagslegra aðgerða til að halda sjó. Og nú mæna
menn á forsætisráðherrann og bíða þeirra aðgerða
sem boðaðar hafa verið. Mikilvægust er auðvitað efl-
ing gjaldeyrisvarasjóðs sem legið hefur fyrir í nokkra
mánuði að verður efldur. Það er skiljanlegt að ýmsa
lengi eftir því en um leið er það einnig gilt sjónarmið
að rétt sé að bíða betri kjara á lánum en buðust í vet-
ur. Áhættuálag á bankana hefur farið hratt lækkandi
sem skapar betri skilyrði fyrir lántökur. Efling verð-
lagseftirlits og virkt samráð við verkalýðshreyfingu
og vinnuveitendur er líka mikilvægt þegar verðbólga
geisar til að ná megi henni hratt niður. Mótvæg-
isaðgerðir til að auka framkvæmdir hins opinbera á
samdráttartímum eru líka mikilvægar, sem og að-
gerðir í húsnæðismálum. Ábyrgðarlaus árás Seðla-
bankans á fasteignamarkaðinn vekur
áhyggjur um óhóflegan samdrátt sem
mæta þurfi. Vaxtalækkun Íbúðalána-
sjóðs nýlega var góðs viti og afnám
stimpilgjalda og fleiri úrræði eru rík-
inu nærtæk. En um leið og aðgerða
er þörf er yfirvegun nauðsynleg og
mikilvægt að muna að þótt tíma-
bundið hægi á eru undirstöður lífs-
kjara í landinu traustar.
Höfundur er alþingismaður
Aðgerða er þörf
ÁLIT
Helgi Hjörvar