24 stundir - 22.05.2008, Blaðsíða 26

26 FIMMTUDAGUR 22. MAÍ 2008 24stundir
LÍFSSTÍLLHEILSA
heilsa@24stundir.is a
Ég myndi segja að það væri hægt að þjálfa
allan líkamann, hvern einasta vöðva lík-
amans með þessu tæki.
Eftir Einar Jónsson
einarj@24stundir.is
Stafganga hefur notið nokkurra
vinsælda hér á landi á undanförn-
um árum.
Nú hyggst Heilsuakademían
bjóða upp á nýstárlegt stafgöng-
unámskeið þar sem áhersla er
lögð á þol- og styrktaræfingar
samhliða göngunni. Í því skyni
eru notaðir sérstakir Gymstick
Nordic Walking-stafir sem eru
búnir teygjum. „Stafirnir eru fest-
ir saman, teygjurnar dregnar út úr
þeim og þá er hægt að gera alls
konar æfingar,“ segir Eygló Rós
Agnarsdóttir hjá Heilsuakademí-
unni en hún er leiðbeinandi á
námskeiðinu ásamt Írisi Huld
Guðmundsdóttur.
Þjálfa allan líkamann
Stafirnir gefa fólki því mögu-
leika á að stunda mun fjölbreytt-
ari þjálfun en hefðbundin staf-
ganga. „Ég myndi segja að það sé
hægt að þjálfa allan líkamann,
hvern einasta vöðva líkamans með
þessu tæki,“ segir Eygló. „Til þess
að gera átakið erfiðara er teygj-
unni bara snúið upp á stafinn til
að fá meira átak,“ segir Eygló og
tekur undir að það sé ekki ólíkt
því að bæta lóðum á stöng.
Sjálfar féllu Eygló og Íris bók-
staflega í stafi yfir tækinu á nám-
skeiði á Ítalíu og hyggjast nú boða
Íslendingum fagnaðarerindið.
„Fólk er byrjað að skrá sig á nám-
skeiðið þannig að þetta verður
voða gaman. Það er líka jákvætt
að það geta í rauninni allir stund-
að þetta,“ segir Eygló.
Ef gengið er með stafi getur
orkueyðsla farið upp í 400 hita-
einingar á klukkustund á meðan
orkueyðsla í venjulegri göngu er
að meðaltali um 280 hitaeiningar
á klukkustund.
Léttir ekki sporið
„Það eru margir sem halda að
stafirnir séu til að auðvelda sér
gönguna en það er alls ekki svo.
Þetta er til þess að fá meira út úr
göngunni og gera hana erfiðari,“
segir Eygló.
Gymstick Nordic Walking-staf-
irnir eru framleiddir í nokkrum
stærðum og getur fólk því valið
staf við hæfi. Þeir verða til sölu í
Heilsuakademíunni og í Hreysti í
næsta mánuði. Námskeið Eyglóar
og Írisar hefst 9. júní og má nálg-
ast frekari upplýsingar um það á
vef Heilsuakademíunnar www.ha-
.is.
Nýstárlegir göngustafir bjóða upp á nýja möguleika
Stafganga með
styrktaræfingum
Nýstárlegir göngustafir
gera fólki kleift að stunda
þol- og styrktaræfingar
samhliða hefðbundinni
stafgöngu. Stafirnir eru
búnir teygju og þá má
festa saman þannig að úr
verður eins konar æf-
ingatæki.
Ekki aðeins ganga
Með nýjum göngu-
stöfum er hægt að
stunda þol- og
styrktaræfingar
samhliða stafgöngu.
➤ Orkueyðsla eykst að með-altali um 20% þegar stafir eru
notaðir miðað við kraftgöngu
án stafa.
➤ Gangan losar um spennu íhálsi og herðum auk þess
sem liðleiki í hálsi og baki
eykst með réttri notkun.
STAFGANGA
Það er fleira en gosþamb sem
ógnar tannheilsu fólks. Nú hafa
tannlæknar á Bretlandi varað við
því að vinsældir ávaxtadrykkja,
svokallaðra „smoothies“, geti ýtt
undir tannskemmdir. Þær myndu
því vega upp á móti heilsufarsleg-
um ávinningi sem aukin neysla
drykkjanna hefði í för með sér.
Ástæðan er sú að drykkirnir inni-
halda mikið af sykri og sýru sem
leikur tennurnar illa, sérstaklega ef
fólk sýpur á þeim allan liðlangan
daginn.
Almenningur er misvel upplýst-
ur um ágæti þessara drykkja fyrir
tennurnar. Meira en 30% þátttak-
enda í nýlegri breskri könnun
töldu til dæmis að þeir gerðu tönn-
unum gott.
Ávaxtadrykkir eru góðir í hófi
Skaðlegir tannheilsu
Sýra og sykur Líkt
og í gosdrykkjum er
sýra og sykur í mörg-
um ávaxtadrykkjum.
Samtaka Tveir
geta æft saman.
Sitjandi Hægt er
að bregða teygj-
unni undir iljar.
Stafur og teygja
Lykkja er á teygjunni
sem hægt er t.d. hægt
að bregða um fæturna.
XE
IN
N
HL
08
05
00
1
25. maí 2008 kl. 20.00
Hvítasunnukirkjunni Fíladelfíu
Gospelkór Reykjavíkur og Gospelkór Fíladeflíu
undir stjórn Óskars Einarssonar
ásamt úrvals hljóðfæraleikurum
Andraé Crouch
&
Carol Dennis-Dylan
Miðasala í síma 5354700 og á www.hljomar.is