24 stundir - 22.05.2008, Blaðsíða 46

46 FIMMTUDAGUR 22. MAÍ 2008 24stundir
„Liðið hans Loga Ólafssonar í
svarthvítröndóttu búningunum,
FC Nörd held ég, er bara 0:2 und-
ir gegn Breiðablik. Það er kostu-
legt að horfa á þetta Nörd lið.
Hlægilegastir eru Gunnlaugur og
þessi feitlagni sóknarmaður sem
heitir Björgólfur. Sjálfur held ég
með liði sem heitir KR.“
Friðrik Þór Guðmundsson
lillo.blog.is
„Hún er fyrir löngu orðin
þekkt, herferð Vínbúðanna;
"Ekki drekka eins og svín..."Ég
hef það fyrir satt að ÁTVR hafi
látið taka aðra forvarnarauglýs-
ingu. Kjörorð hennar ku vera:
“Ekki dópa eins og asni, dóp-
aðu eins og heiðursmaður.“
Hörður Svavarsson
hordur.eyjan.is
„Ég verð nú að tjá mig aðeins
fyrst ég er svona vinsæl í dag. Mér
finnst alveg sorglegt hvað margar
barnalandskonur geta velt sér
upp úr því hvað ég er að gera og
reynt að úthúða mér við hvert
tækifæri. Þessi umræða hjá þeim
er gott dæmi um hversu sorglegir
einstaklingar eru þarna á ferð.“
Ásdís Rán Gunnarsdóttir
asdisran.blog.is
BLOGGARINN
Eftir Birgi Örn Steinarsson
biggi@24stundir.is
Bölvun hefur legið yfir Íslend-
ingum frá því að forkeppninni var
bætt fyrir framan úrslit Eurovision.
Örlygur Smári, höfundur lagsins,
segist hafa trú á því að það takist í
ár að komast í úrslitaslaginn en
biður þjóðina um að halda still-
ingu.
„Ég held að málið sé að hafa fæt-
urna á jörðinni og standa þétt við
bakið á Eurobandinu, hvernig sem
fer,“ sagði Örlygur Smári í gær
skömmu eftir að fyrra rennsli dags-
ins lauk. „Ég held að það geti verið
hættulegt fyrir okkur að þær þjóðir
sem eru orðaðar við sigur í keppn-
inni í ár koma strax á eftir okkur.
Kannski getur það hjálpað, en svo
gæti það gerst að við föllum í
skuggann. Þetta hefur samt hvatt
okkur til dáða.“
Örlygur segir allt umfang
keppninnar hafa breyst heilmikið
frá því að hann fór fyrst með Einari
Ágústi og Telmu, árið 2000. Fjöl-
miðlaáhugi hafi aukist til muna við
inngöngu Austur-Evrópuþjóðanna
sem þau Friðrik og Regína hafa
nýtt sér til fullnustu.
„Mér skilst að lagið okkar sé eitt
af þeim fáu sem eru í spilun hér á
útvarpstöðvum í Serbíu. Þau eru
svo búin að fara í viðtal í serbneska
sjónvarpinu og á útvarpsstöðvum
víðs vegar um Evrópu.“
Engin dáleiðari, ekkert nudd
Rennsli hafa gengið vel, tvö voru
í gær en lokarennslið var núna í
morgun.
„Þetta eru bara æfingar, þannig
að við höfum nú ekkert verið að
gefa okkur 100% í þetta,“ segir
Friðrik Ómar. „Við erum að spara
þetta extra sem við notum í lokin,
þegar maður spennir upp alla
vöðvana. Þetta snýst allt um þessar
þrjár mínútur sem við erum í
beinni. Maður getur átt góðar eða
slæmar æfingar en þær skipta engu.
Við gætum vaknað með brjálaða
flensu og draumurinn er úti.“
Eins og frægt er orðið naut
Eurobandið aðstoðar dáleiðara til
þess útiloka ótta úr pípum sínum
fyrir úrslitakeppni Laugardagslag-
anna. Í kvöld verða engar slíkar
ráðstafanir gerðar. Þau leyfa sér
ekki einu sinni að skella sér í nudd.
„Ég fæ nú bara hausverk á slíku,“
segir Friðrik að lokum.
Ísland stígur fyrst á svið í Bel-
grad í kvöld, skömmu eftir klukkan
sjö, þegar seinni umferð í for-
keppni Eurovision hefst.
Íslendingar keppa í Eurovision í kvöld
Þrjár mínútur til
þess að slá í gegn
Íslenska Eurovision-
maskínan er vel smurð
og til í slaginn í kvöld.
Friðrik og Regína eru
reiðubúin fyrir mikilvæg-
ustu uppákomu ævinnar.
Örlygur Smári Bjartsýnn
24stundir/Dagur
Eurobandið Fyrst
á svið í kvöld.
HEYRST HEFUR …
Ásdís Rán er hætt að blogga um Hugh Hefner og
beinir nú spjótum sínum að mæðrum er hafa farið
ófögrum orðum um hana á Barnaland.is. Ásdís seg-
ist skammast sín fyrir að vera hluti af kvenþjóðinni
þegar hún les hversu bitrir sumir notendur þar geta
verið. Ásdís segist gera sér grein fyrir því að áhuga-
mál hennar sé ekki allra og hvetur aðrar mæður til
þess að elta sína drauma. bös
Samkvæmt heimildum Monitor.is er undirbún-
ingur fyrir sjónvarpsþætti, sem byggjast á beðmáls-
bloggsögum Ellýjar Ármannsdóttur, kominn á
fullt. Pegasus framleiðir og verður Ellý sérstakur
ráðgjafi í handritsskrifum. Áhugasamir geta svo
sent spurningar á Ellý í gegnum vefinn, en hún
verður í liðnum Satt&Logið í fyrsta tölublaði Moni-
tors undir ritstjórn Atla Fannars Bjarkasonar. bös
Hljómsveitin Buff sendir frá sér nýtt lag í spilun í
næstu viku. Sér til aðstoðar fékk sveitin Skóla-
hljómsveit Kópavogs, er spilar millikafla í laginu,
auk þess að syngja í kór í lokakafla þess. Össur
Geirsson stjórnandi hljómsveitarinnar útsetti kafl-
ann. Lagið, sem heitir Í Gær, er samið af Stefán Erni
píanóleikara og verður að finna á breiðskífu sveit-
arinnar er kemur út í haust. bös
„New York var mjög fyndin,“
segir Jón Trausti Sigurðsson um-
boðsmaður Sprengjuhallarinnar
en sveitin kom heim úr tónleika-
ferðalagi um Kanada og Bandarík-
in í gær. „Þegar við flugum frá
Seattle til New York átti hver fyrir
sig að hafa reddað sér gistingu. Við
vorum allir búnir að koma okkur
inn hjá vinum og vandamönnum
nema Goggi og Bergur sem voru
bara heimilislausir í stórborginni.
Það er erfitt að finna gistingu
samdægurs en ég náði að redda
einhverju í gegnum netið og þeir
fóru og tékkuðu sig inn. Þegar þeir
komu á staðinn tók afgreiðslumað-
urinn þá á eintal. Hann sagðist sjá í
gegnum þá, að þeir væru aug-
ljóslega ekki hommar og að þar
sem þetta væri einungis gistiheim-
ili fyrir samkynhneigða karlmenn
þyrftu þeir að fara.“
Bergur Ebbi notaði sjarma sinn
til þess að tala manninn til og náði
að bjarga þeim frá götunni, en ekki
án skilmála.
„Hann sagðist skilja aðstöðu
þeirra og að hann myndi leyfa
þeim að vera eina nótt en ítrekaði
að þeir ættu að læsa dyrunum áður
en þeir færu að sofa.“
Sama dag lentu liðsmenn aftur í
bobba þegar þeir voru í skoð-
unarferð um borgina.
„Þeir voru á gangi um miðjan
dag þegar allt í einu er dritað á þá
eggjum úr einni íbúðinni. Þeir
fengu aldrei neinar útskýringar á
því,“ segir Jón Trausti að lokum.
Tónleikar sveitarinnar á Rehab
gengu þó glimrandi vel.
biggi@24stundir.is
Sprengjuhöllin lenti í ævintýrum í New York
Eggjaðir og læstir
inni á hommahóteli
Bergur Ebbi Endaði nánast á götunni
vegna gagnkynhneigðar sinnar.
Su Doku þrautin snýst um að raða tölunum frá 1-9 lárétt og
lóðrétt í reitina, þannig að hver tala komi ekki nema einu sinni
fyrir í hverri línu, hvort sem er lárétt eða lóðrétt. Sömu tölu má
aukin heldur aðeins nota einu sinni innan hvers níu reita fylkis.
Unnt er að leysa þrautina út frá þeim tölum, sem upp eru gefnar.
Su doku
6 3 4 9 1 8 7 2 5
5 7 9 2 4 3 8 6 1
8 1 2 7 5 6 4 9 3
1 6 5 8 3 7 2 4 9
9 4 3 6 2 5 1 7 8
7 2 8 1 9 4 3 5 6
2 8 1 5 7 9 6 3 4
3 5 7 4 6 1 9 8 2
4 9 6 3 8 2 5 1 7
Veistu, ég held að þetta séu þessi ógeðs-
legu efni sem þeir setja á ávextina.
24FÓLK
folk@24stundir.is a
Nei, en það er eflaust langt síðan
við höfum hlustað á lagið
Sverrir, hafið þið Stefán nokkuð gleymt að
horfa á björtu hliðarnar?
Sverrir Stormsker og Stefán Hilmarsson standa nú í rit-
deilu á síðum Fréttablaðsins. Sverrir og Stefán sungu
lagið Horfðu á björtu hliðarnar, fyrir mörgum árum.