24 stundir - 02.07.2008, Blaðsíða 6

6 MIÐVIKUDAGUR 2. JÚLÍ 2008 24stundir
Búist er við að umfjöllun RÚV af lands-
byggðinni minnki frá og með haustinu þegar
starfandi fréttamönnum á svæðisstöðvunum
á Ísafirði fækkar úr tveimur í einn og á Egils-
stöðum úr þremur í tvo vegna uppsagna sem
tilkynntar voru fyrr í vikunni. Að auki verð-
ur ekki ráðið í stað fréttamanns á Akureyri
sem sagt hefur starfi sínu lausu.
Of mikið starf fyrir eina manneskju
Guðrúnu Sigurðardóttur, fréttamanni
RÚV á Vestfjörðum, líst illa á breytingarnar.
„Ein manneskja getur ekki borið þetta allt,
við framleiðum efni fyrir útvarps- og sjón-
varpsfréttir, vefinn, Morgunvaktina á Rás 2,
Samfélagið í nærmynd og svo sendum við út
svæðisútvarp fjóra daga í viku. Ég held að
þessar uppsagnir séu mistök og grunar helst
að leggja eigi svæðisútvarpið niður,“ segir
hún.
Svæðisútvarpið ekki lagt niður
Á sömu skoðun er stjórn Fjórðungssam-
bands Vestfirðinga sem mótmælti uppsögn-
um og samdrætti RÚV á Ísafirði harðlega í
gær. Segir í ályktun hennar, sem send var út-
varpsstjóra og menntamálaráðherra, að
svæðisútvarpið sé „mikilvægur þáttur í teng-
ingu samfélaga á Vestfjörðum,“ hluti af ör-
yggisbúnaði, auk þess sem hlutverk þess sé
að gæta þess að innlend þjóðfélagsumræða
„byggi á skoðunum allra íbúa landsins.“
Páll Magnússon útvarpsstjóri segir að ekki
eigi að leggja niður svæðisútvarpið eða aðra
þætti í starfseminni. „Við erum að draga
saman seglin á öllum sviðum og á svæð-
isstöðvunum, eins og á öðrum stöðum starf-
seminnar, verðum við bara að biðja fólk að
hlaupa dálítið hraðar,“ segir hann.
Óðinn Jónsson, fréttastjóri Útvarpsins,
segir augljóst að framleiðslan, sérstaklega á
Ísafirði og Egilsstöðum, muni minnka tölu-
vert. „ Það þarf að skoða hvort endurskipu-
leggja þurfi starfsemi stöðvanna enn frekar
og ég er að vinna að breytingum,“ segir hann
og nefnir sem dæmi þann möguleika að
fréttamenn verði færðir á milli starfsstöðva.
thorakristin@24stundir.is
Einum af tveimur fréttamönnum á Ísafirði og einum af þremur á Egilsstöðum sagt upp á RÚV
Landsbyggðarfréttum fækkar hjá Ríkisútvarpinu
Eftir Andrés Inga Jónsson
andresingi@24stundir.is
„Maður er hræddur – sér ekki
mengunina en veit að hún er
þarna,“ segir Kolbrún Halldórs-
dóttir, þingmaður VG. Kolbrún
fór með umhverfisnefnd Norð-
urlandaráðs á slóðir Tsjernobyl-
kjarnorkuversins.
„Við vildum skoða ummerki
kjarnorkuslyssins til að læra af
því því það er ekki spurning um
hvort heldur hvenær annað verð-
ur. Í rauninni er hörmulegt að sjá
hvað maðurinn er máttlaus.“
„Það kom helst á óvart að
svæðið væri ekki meiri eyðimörk.
Allt svæðið er iðjagrænt en það er
allt geislavirkt.“
Þrýst á kjarnorku
Segja má að hópurinn hafi
heimsótt svæðið vegna gróður-
húsaáhrifanna.
„Þjóðir heims þurfa að draga
úr orkunotkun og notkun olíu og
gass sem orkugjafa vegna þeirra
gróðurhúsalofttegunda sem bruni
þeirra losar,“ segir Kolbrún.
„Þetta nýta kjarnorkufyrirtæki
sér og hafa komið inn með miklu
kappi til að vekja athygli á kjarn-
orku sem umhverfisvænum
orkugjafa. Þau ná jafnvel að
höfða til yfirvalda í Hvíta-Rúss-
landi, þrátt fyrir reynslu þeirra af
Tsjernobyl.“
Iðjagrænt
en baneitrað
 Náttúran hefur tekið yfir Tsjernobyl-svæðið en geislamengun
umlykur allt  Kolbrún Halldórsdóttir sótti svæðið heim
Steinsnar Kolbrún
fór eins nálægt
kjarnorkuverinu og
óhætt er talið.
➤ Kjarnakljúfur númer 4 íTsjernobyl sprakk 26. apríl
1986.
➤ Svæðið í 30 kílómetra radíusfrá kjarnorkuverinu er lokað
almennri umferð.
TSJERNOBYL-SLYSIÐ
Greiningardeild Ríkislögreglu-
stjóra, undir forystu Ásgeirs Karls-
sonar, segir umsvif skipulagðrar
glæpastarfsemi hafa aukist umtals-
vert hér á landi undanfarið ár. Þetta
kemur fram í nýju hættumati
greiningardeildarinnar sem Björn
Bjarnason dóms- og kirkjumála-
ráðherra kynnti á ríkisstjórnar-
fundi í gær en þetta er í fyrsta skipti
sem slíkt hættumat er kynnt fyrir
ríkisstjórn.
Í skýrslunni kemur fram að lítil
hætta sé á hryðjuverkum hér á
landi en full ástæða sé til þess að
hafa áhyggjur af vaxandi umsvifum
erlendra glæpamanna.
Tekið er fram að íslenskir glæpa-
menn séu einnig umsvifamiklir í
skipulagðri glæpastarfsemi og
starfi í mörgum tilvikum með er-
lendum glæpasamtökum.
Í skýrslunni segir einnig að lög-
reglan geti ekki rannsakað vísbend-
ingar um ferðir hryðjuverkamanna
hingað til lands með sama hætti og
lögreglulið á Norðurlöndum þar
sem lög heimili það ekki. Er þar átt
við forvirkar rannsóknarheimildir
þar sem upplýsingum er safnað
saman um einstaklinga eða félög
sem á einhvern hátt eru talin geta
tengst hryðjuverkastarfsemi.
Þetta er sagt gera það að verkum
að aðferðir lögreglu hér til að fyr-
irbyggja hryðjuverk, eða dvöl
hryðjuverkamanna hér á landi, séu
takmarkaðar og því ekki saman-
burðarhæfar við aðferðir lögreglu-
liða á Norðurlöndum. mh
Erlendir glæpahópar í auknum mæli á Íslandi
Umsvifin aukist
Fjórir skólar urðu að tveimur í
gær þegar sameiningar Fjöl-
tækniskóla Íslands og Iðnskólans
í Reykjavík annars vegar, og
Kennaraháskóla Íslands og Há-
skóla Íslands hins vegar, tóku
gildi við hátíðlegar athafnir. Við
fyrri sameininguna verður til
stærsti framhaldsskóli landsins,
sem ber nafnið Tækniskólinn,
skóli atvinnulífsins. Er hann
einkarekinn og rekstrarfélagið í
eigu Landssambands íslenskra
útvegsmanna, Samtaka iðnaðar-
ins, Samorku, Samtaka íslenskra
kaupskipaútgerða og Iðn-
aðarmannafélagsins í Reykjavík.
Auk sameiningar háskólanna
tveggja tók nýtt skipulag og
stjórnkerfi Háskóla Íslands gildi í
gær og fellur Kennaraháskóli Ís-
lands framvegis undir mennta-
vísindasvið Háskóla Íslands, eitt
fimm sviða skólans. Hin heita fé-
lagsvísindasvið, hugvísindasvið,
heilbrigðisvísindasvið og verk-
fræði- og náttúruvísindasvið. þkþ
Tveir skólar í
stað fjögurra
Hressing
í bolla frá
Knorr
RV
U
n
iq
u
e
06
08
01
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Glerfínar gluggafilmur
- aukið öryggi á vinnustað
3M gluggafilmurfyrir skóla, sjúkrahús, skrifstofur,
verslanir og aðra vinnustaðiFagmenn frá RVsjá um uppsetningu
Feim-Lene Bjerre • Bæjarlind 6 • Kóp.
Sími 534 7470 • Vefverslun www.feim.is
Opið virka daga kl. 10-18,
laugardaga kl. 10-15.
Vaxtalaus lán til allt að 12 mán.
Gardínur og
gardínustangir
í miklu úrvali
AUGLÝSINGASÍMI: 510 3744
Hvað ætlar
þú að gera
í dag?