24 stundir - 04.10.2008, Side 34

34 LAUGARDAGUR 4. OKTÓBER 2008 24stundir
Eftir Viggó I. Jónasson
viggo@24stundir.is
„Þegar ég fór fyrst í skóla var ég
lagður í einelti og hinir krakkarnir
hlógu að mér. En núna koma þau
fram við mig eins og ég sé venju-
legur strákur,“ segir hinn ellefu ára
gamli indverski drengur Pruthvi-
raj Patil en hann þjáist af hinum
afskaplega sjaldgæfa sjúkdómi hy-
pertrichosis en sjúkdómurinn
veldur því að óhóflegur hárvöxtur
er um allan líkama Patils.
Andlit hans er þakið hárum og
vekur útlit hans óhug meðal þeirra
sem rekast á hann á förnum vegi.
Hypertrichosis gengur einnig und-
ir gælunafninu varúlfaheilkennið
en talið er að einungis 50 manns í
heiminum glími við þennan erfiða
sjúkdóm. Líkurnar á því að grein-
ast með þennan kvilla eru afskap-
lega litlar, en talið er að þær séu
einn á móti einum milljarði.
Patil hefur glímt við sjúkdóm
sinn allt frá fæðingu og hefur fjöl-
skylda hans reynt ýmislegt til að
losa drenginn undan þeirri miklu
kvöl sem fylgir sjúkdómnum.
Hómópatalækningar, hefðbundn-
ar indverskar lækningar og nú síð-
ast leysiaðgerðir hafa verið reynd-
ar en allt án árangurs.
„Ég vil losna við hárin en jafn-
vel eftir leysiaðgerðina vaxa þau
alltaf aftur. Læknarnir hafa engin
svör,“ segir Patil sem hefur ekki
gefið upp vonina um að geta dag
einn losnað við aukahárin fyrir
fullt og allt og geta þá loks lifað
eðlilegu lífi.
Gat af sér guð
Patil er fæddur í litlu þorpi í
Sangli-héraði nærri Bombay. Það
er óhætt að segja að fæðing hans
hafi á sínum tíma vakið athygli
meðal þorpsbúa. Sumir þorpsbúar
sögðu móður Patils að hún hefði
getið af sér guð á meðan aðrir
stóðu í þeirri trú að hann væri yf-
irnáttúrleg vera og slæmur fyrir-
boði.
Móðir hans segir að sjúkdómur
Patils hafi valdið fjölskyldunni
mikilli angist. „Af hverju gerði
Guð okkur þetta? Hann lítur svo
undarlega út og hvert sem við för-
um þá hópast fólk í kringum okk-
ur bara til að skoða hann.“
Patil segir sjálfur að útlit sitt
valdi því að hann hætti sér sjaldan
út fyrir þorpið sitt. „Það er erfitt
þegar ég yfirgef þorpið mitt eða
fer á staði þar sem fólk þekkir mig
ekki,“ segir hann og bætir við að
ókunnugir séu stundum óvinveitt-
ir í sinn garð. Því finnst honum
öruggast að dvelja í nágrenni
heimilis síns.
Lætur lubbann ekki stoppa sig
Þrátt fyrir þennan óhóflega hár-
vöxt lætur Patil það ekki stöðva sig
í að njóta lífsins, eins mikið og
honum er mögulegt. Eineltið sem
hann varð fyrir við upphaf skóla-
göngu sinnar er horfið á braut og
hann nýtur vinsælda í skólanum
enda hörkuduglegur strákur með
brennandi áhuga á krikket og
hvers konar íþróttum.
„Við spilum öll krikket saman
og hárið stoppar mig ekkert í því
að hlaupa eða grípa boltann. Svo
það er ekkert vandamál,“ segir
hinn ellefu ára gamli Patil sem
reynir sitt ýtrasta til að njóta lífs-
ins.
Varúlfastrákur biður
lækna um hjálp
 Þorpsbúar töldu fæðingu hans vera slæman fyrirboða  Varð fyrir einelti í skóla
➤ Sjúkdómurinn er afskaplegasjaldgæfur en þó er hann
nokkuð algengur meðal Ace-
ves-ættarinnar frá Zacatecas-
héraði Mexíkó.
➤ Í gegnum tíðina hafa flestireinstaklingar með hypertric-
hosis fundið sér starfsferil í
sirkusum og álíka farandsýn-
ingum.
HYPERTRICHOSIS
Greg LeNoir er hugaður mað-
ur. Þegar hákarl réðst á hund
hans við höfnina í Flórída
þurfti Greg ekki að hugsa sig
tvisvar um heldur stökk beint
út í sjóinn og slóst við hákarl-
inn. Tilburðir Gregs nægðu til
að fæla hákarlinn á brott og
hvuttinn gat synt í land.
Hundurinn, sem ber nafnið
Jake, hélt lífi en hákarlinn er
líklega enn svangur. vij
Kýldi hákarl kaldan
Bjargaði hundi
sínum
Þann 8. desember 1980 var hinn
ástsæli tónlistarmaður John Len-
non myrtur á götum New York-
borgar. Morðinginn Mark David
Chapman afplánar nú dóm sinn í
fangelsi.
Það eru þó ekki allir sammála
um að rétti maðurinn hafi verið
handtekinn vegna morðsins og
halda því fram að Chapman hafi
verið lítið annað en blóraböggull,
leikari sem hafi verið ráðinn til þess
að hinn raunverulegi morðingi geti
notið frelsisins.
Steve Lightfoot, höfundur bók-
arinnar Lennon Murder Expose, er
einn þeirra manna sem trúa því
statt og stöðugt að Chapman hafi
ekki myrt Lennon heldur hafi hinn
raunverulegi morðingi verið eng-
inn annar en rithöfundurinn
Stephen King.
Lightfoot segir að sannanir fyrir
þessu samsæri sé að finna í göml-
um tölublöðum Time, Newsweek,
World Report og US News þar sem
dulmálsskilaboð ganga á milli
manna á borð við King, Ronald
Reagan og Richard Nixon.
Hvort þessar ásakanir Lightfoots
eru á rökum reistar skal ósagt látið
en vissulega er viss tvífarafnykur af
þeim King og Chapman á þessum
árum. Stephen King er hins vegar
ekkert of hrifinn af þessum fullyrð-
ingum Lightfoots. vij
Samsæriskenning Steve Lightfoots
Segir Stephen King
hafa drepið Lennon
„Við vorum furðu lostin yfir
slæmri frammistöðu þeirra og þá
tókum við eftir því að þeir virtust
heldur þéttari,“ sagði Harou
Imazu, tals-
maður
Kinosaki
Marine
World-
sæ-
dýrasafns-
ins í Japan,
en allir nítj-
an höfr-
ungar safnsins hafa verið sendir í
megrun. Höfrungarnir hafa frá
lokum ágústmánaðar verið fóðr-
aðir mestmegnis á hvítum fiski,
svo sem þorski, en áður höfðu þeir
gætt sér á
feitum mak-
ríl.
Þar að auki
eru höfr-
ungarnir
látnir gang-
ast undir
léttar lík-
amsæfingar
til að brenna kaloríum og koma
þeim í betra form. Árangurinn
hefur ekki látið á sér standa og eru
höfrungarnir að ná fyrra formi.
„Minni fita og hófleg hreyfing
virðist vera að virka,“ segir Imazu.
Offita er víða vandamál
Japanskir höfr-
ungar í megrun
Dýralæknar í Kína tilkynntu
fyrir nokkru að fíllinn Big
Brother væri búinn að ná sér
að fullu eftir fíkniefnaneyslu
sína. Fíllinn hafði verið í
vörslu smyglara sem höfðu
fóðrað hann á bönunum í
bland við heróín til að halda
honum í skefjum. Fíllinn varð
háður fíkniefnunum og þegar
hann komst í hendur yfirvalda
var hann sendur beina leið í
meðferð sem stóð í eitt ár.
Hættur í dópinu
Fíll búinn með
árs meðferð
Dómstóll í Kasakstan hefur sýknað
mann að nafni R. Iskendirov af
ákæru um ölvunarakstur. Í ljós
kom að maðurinn hafði drukkið
gerjaða kaplamjólk, svokallað ku-
mys, samkvæmt læknisráði og
fundið vel á sér eftir þá drykkju.
Kumys telst ekki vera áfengur
drykkur í Kasakstan, þótt vissulega
innihaldi hann alkóhól. vij
Gripinn á kaplamjólkurfylliríi
Karlatímaritið Playboy vill leggja
sitt af mörkum á þessum síðustu
og verstu tímum. Nú hafa að-
standendur blaðsins lýst því yfir
að blaðið muni gera sérstakan
myndabálk um konur í fjár-
málageiranum vestanhafs, Wo-
men of Wall Street. Blaðið leitar
því að tuttugu Wall Street-
stúlkum sem hafa misst vinnuna
í kjölfar kreppunnar og langar til
að vinna sér inn aukapening. vij
Playboy kemur
til bjargar
Ung hjón í Bretlandi munu lík-
lega seint gleyma brúðkaupsdegi
sínum en þau voru handtekin
nær samstundis eftir brúðkaupið.
Hjónin, maður frá Nígeríu og
portúgölsk eiginkona hans, voru
handtekin vegna gruns um brot á
breskum innflytjendalögum.
Brúðgumanum hefur verið vísað
úr landi en brúðurin þarf að bíða
þess að ákvörðun verði tekin um
framtíð hennar í Bretlandi.
Handtekin eftir
brúðkaupið
FURÐULEGT
frettir@24stundir.is a
Af hverju gerði Guð okkur þetta? Hann
lítur svo undarlega út og hvert sem við
förum þá hópast fólk í kringum okkur bara til
að skoða hann.