Eintak - 20.01.1994, Blaðsíða 6

Þjóðhagsstofnun
vanmetur Smuguna
um 20 þúsund tonn
Uklegt að veiðar í Smugunni gefi 2,5 milljörðum meira en Þjóðhagsstofnun áætlar
Veiðar íslendinga í Smugunni í
ár eru áætlaðar verða um 10.000
tonn og sú tala lögð til grundvallar
við síðustu þjóðhagsspá. Hins vegar
mælir flest með því að þessar veiðar
í ár verði 20.000 tonn eða jafnvel
30.000 eftir því hvernig aflabrögðin
verða.
Vilhjálmur Vilhjálmsson hjá
Aflamiðlun sem safnar saman upp-
lýsingum um aflabrögðin í Smug-
unni segir að veiðarnar í ár fari ör-
ugglega fram úr þeim tonnafjölda
sem þjóðhagsspá gerir ráð fyrir, þar
sem reikna megi með að veiðarnar
hefjist mun fyrr í ár en í fyrra.
„Færeysku togararnir sem
stunduðu veiðar í Smugunni í fyrra
hófu þær um sumarið og fengu þá
þokkalegan afla eins og kunnugt er
af fréttum," segir Vilhjálmur en
þessar veiðar voru kveikjan að
ferðum íslenskra togara í Smuguna
síðar um haustið.
Þegar er vitað um nokkrar
útgerðir sem hafa ákveðið að halda
togurum sínum úti við veiðar í
Smugunni í lengri tíma. Þeirra á
meðal eru útgerðir Otto Wathne á
Seyðisfirði, Ottar Birting á
Fáskrúðsfirði, Stakfellsins á Þórs-
höfn og Rauðanúps á Raufarhöfn.
Einnig má nefna að Fiskiðjan
Skagfirðingur mun senda einn tog-
ara sinna, Drangey, í Smuguna og
salta aflann um borð.
Fleiri útgerðir, og þá einkum þær
sem náðu góðum túrum fyrir ára-
mótin eru einnig að huga að frekari
veiðum í Smugunni og heyrst hefur
að aðilar á Vestfjörðum séu að
kanna möguleikana á að senda
línuveiðiskip í Smuguna.
Þá hefur frést af íslenskum
útgerðarmönnum að kaupa togara
í Kanada sérstaklega fyrir veiðar í
Smugunni.
Það er einkum tvennt sem ýtir
undir auknar veiðar íslendinga í
Smugunni; annars vegar mjög
góðar þorskveiðar á heimamiðum
það sem af er fiskveiðaárinu þannig
að kvóti margra togara er að verða
uppurinn og hins vegar stóraukinn
þorskkvóti í Barentshafi en á þessu
ári verður leyft að veiða þar um
700.000 tonn af þorski.
Þorsteinn Óli Sigurðsson
framkvæmdastjóri Fiskiðju Raufar-
hafnar hf. sem gerir út Rauðanúp
segir að þeir muni senda togarann í
Smuguna í vor þegar hann verður
búinn með þorskkvóta sinn.
„Ég held að allir útgerðarmenn
sem eiga mest af kvóta sínum í
þorski hafi áhuga á að senda skip í
Smuguna,“ segir Þorsteinn Óli. „Ég
reikna með að einhverjir fari af stað
strax í mars en síðan megnið af
flotanum í vor.“
I máli Þorsteins kemur fram að
hann telur varlegt að áætla að á
milli 20 og 30 íslenskir togarar verði
að veiðum í Smugunni í sumar og
fram á haustið. Rauðinúpur var
einn af fyrstu togurunum sem fóru
í Smuguna síðast liðið haust en ár-
angurinn var lítill, eða rúmlega 30
tonn en það aftrar ekki útgerðinni
nú.
„Það er í raun ekki um annan
kost fyrir okkur að ræða í
stöðunni,“ segir ÞorsteinnO.
Það mun vera forgangsverk-
efni hjá stjórn íþróttafélags-
ins Fram að endurreisa
körfuboltadeild félagsins um leið og
hið nýja íþróttahús félagsins kemst
í gagnið. Hefur málið verið rætt við
ýmsa úr „old þoys“ liði félagsins
sem enn eru á lífi. Er þetta talið
mikilvægara mál en allt annað og
mun ástæðan sú að margir stjórn-
armenn munu lítt hrifnir af því að
synir þeirra æfa nú körfubolta með
KR ...
Allar líkur eru nú á að ísland
fái 40 milljónir króna úr
sjóðum Evrópubandalagsins
til styrktar þjóðlegum kröfum sínum
á sviði uþplýsingatækni. Gengið
verður frá málinu á næstu vikum en
um er meðal annars að ræða atriði
eins og að íslendingar geti skráð
nafn sitt með réttum stöfum, það er
Þór í stað Thor og Friðrik í stað
Fridrik svo dæmi séu tekin ...
Fasteignaverð á atvinnu-
húsnæði hefur hríðfallið und-
anfarin tvö ár og heyrast nú
ótrúlegar sögur um hvernig kaupin
gerast á eyrinni á þessum markaði.
Að sögn kunnugra fer verðið
nokkuð eftir svæðum í borginni og
hæst er það á stöðum eins og
Faxafeni og Skeifunni eða um
65.000 krónur á fermetra. Þetta er
þó aðeins um 65 prósent af bygg-
ingarkostnaði. Þegar komið er á
svæðin þar sem lægstu verðin eru í
boði, eins og til dæmis Ártúns-
höfða, er hægt að fá húsnæðið á
allt niður í 25-30.000 krónur á fer-
metra. Einn viðmælenda EINTAKS
líkti markaðnum nú við frumskóg
þar sem allt væri í boði og ekki óal-
gengt að boðið væri uþþ á lang-
tímalán sem væru afborgunarlaus
fyrstu árin. Eitt dæmið sem honum
var kunnugt um hljóðaði upp á
30.000 krónur fermetrinn, lánað til
tuttugu ára og afborgunarlaust
fyrstu tvö árin ...
Kvikmyndasjóður
Fá Þráinn og
Snoni styrkina
Nú litur allt út fyrir að á laug-
ardaginn verði loksins tilkynnt
um hvaða myndir hijóti styrki
Kvikmyndasjóðs í ár. Efnilegir
kandídatar fyrir stærstu styrkina
eru taldir vera þrír. Fyrstan ber
að nefna Þráin Bertelsson sem
í fyrra fékk handritsstyrk fyrir
ntynd sína Einkaltf Alexanders
þrátt fyrir að handritið væri
fullbúið til kvikmyndatöku.
Þykir sú styrkveiting nær örugg
ávísun á einn af stóru styrkjun-
um í ár. Mynd Þráins er gaman-
mynd úr samtímanum. Annar
efnilegur kandídat er Snorri
Þórisson sem kvikmyndaði Svo
af jörðu sem á himni af sérstök-
um giæsileik. Hans mynd heitir
Agttes og segir frá síðustu kon-
unni sem var líflátin á íslandi.
Snorri ætlar ekki sjálfur að leik-
stýra myndinni heldur fá til þess
Egil Eðvarðsson en þeir eru
gamlir samstarfsmenn frá Saga-
film. Snorri mun að sjálfsögðu
standa á bak við kvikmynda-
tökuvélina og Pegasus, fyrirtæki
hans mun framleiða myndina.
Tónleikunum Drög að upprisu útvarpað af Rás tvö í leyfisleysi
Megasog Rás
tvö að sáttaborði
Megas og hljómsveitin Nýdönsk
eiga nú í deilum við Rás tvö vegna
tónleikanna Drög að upprisu sem
haldnir voru í nóvember. Rás tvö
sendi upptökumenn á tónleikana
sem síðan var útvarpað á annan í
jólum. Þetta var gert án samráðs
við Megas eða strákana í Nýdanskri
og án þess að greiðslur kæmu fyrir.
Tónlistarmennirnir eru nokkuð
heitir út af þessu máli og hafa jafn-
vel íhugað málaferli. Sigurður G.
Tómasson vill friðmælast við þá
félaga og hefur boðað þá til fúndar
við sig í dag.
Megas sagði í samtali við eintak
að málið snerist aðallega um
virðingu og heiður tónlistarmanna.
„Auðvitað var ég ekki svo út úr
heiminum á þessum tónleikum að
ég yrði ekki var við útvarpsbílinn
og kaplana sem tengdust í lange
baner upp á svið. Hins vegar var
ekki rætt við mig um að RUV ætti
upptökurnar né að tónleikunum
yrði útvarpað í heilu lagi.“
„Ég hef reynt að ná sambandi við
þá á Rás tvö vegna þessa máls en
það hefur reynst erfitt að ná kon-
töktum. Nú hafa þeir hins vegar
brugðist við og ég ætla að hitta Sig-
urð G. í dag. Ég er ekki að fara fram
á miklar peningaupphæðir heldur
vil ég aðeins fá heiðvirðilega
útkomu þannig að ég geti borið
höfúðið hátt,“ sagði Megas.
Megas segir að vinna tónlistar-
manna hérlendis verði æ minna
metin með árunum. Fyrir hann er
þetta því spurning um að sporna
við fótum áður en tónlistarmenn
verða einskis metnir. „Hins vegar
er Rás tvö þrátt fyrir allt eini
fjölmiðillinn sem treystandi er á
fyrir íslenska tónlistarmenn. Hinir
eru með eilíf „boycott" á íslenska
tónlist eða þeir útiloka einstaka
listamenn eftir geðþótta. Þess vegna
er ég fús að ræða við Sigurð G.
Tómasson og ná sáttum í málinu."
„Við vorum aldrei beðnir um
leyfi, Þetta var bara tekið upp og
spilað. Þeir á Rás tvö hafa ekki leyfi
til að birta hvað sem er,“ sagði
Björn Jörundur í Nýdanskri í
samtali við EINTAK. Nýdanskir
munu þó ekki fylgja Megasi á fund-
inn, því þeir eru önnum kafnir við
upptökur en munu þó fylgjast
grannt með framvindu mála.
6
FIMMTUDAGUR 20. JANÚAR 1994