Eintak - 27.01.1994, Síða 15

f
sem er annað og æsilegra en okkar líf, sem
náum alltaf að klára ölglasið og stökkvum í
símann. Við erum látin vita með þessu að
hér sé ekki um fólk að ræða heldur ímyndir.
Bíómyndagerð samtímans er samræmd
stjórn á girndum almennings, lostastýring
— kynórum okkar er beint frá okkur sjálf-
um, að ílöktandi skuggum á þili, frá lífinu
að draugagangi tjaldsins, frá iifandi fólki að
fylgjum lifandi fólks.
Að ímyndum.
Símanum er ekki ansað, bjórinn er ekki
drukkinn, raksturinn er ekki kláraður:
klipp-klipp-klipp og ekkert er klárað —
hvaða kenndir vekur þetta? Óþol. Og það
eru ekki bara kvikmyndirnar sem vekja
okkur óþol. Frá morgni til kvölds er sam-
fellt áreiti. Vestræn menning er menning
lystaukans, hún er samfelldur apperatíf á
undan réttum sem við finnum bara reykinn
af; frá morgni til kvölds er spanskflugu
hvolft í gin okkar og við skilin eftir með
kláðann. Auglýsingar og rokkvídeó næra
hungur okkar og ófullnægju,vekja okkur
óseðjandi losta með hröðum klippingum
sem eru eins og undirleikur djasspíanista,
off-beat eins og það heitir á músíkslangri,
alltaf rétt á undan slaginu, rétt áður en þú
átt von á því. I rokkvídeói bregður fallegu
fólki fyrir en það er alltaf horfið áður en við
sjáum það til fulls, danshreyfing er alltaf
horfin áður en hún er útfærð, bros hverfúr
áður en það myndast. Kvikmyndin er sýn
en ekki reynd, en rokkvídeóið gengur skref-
inu lengra, þar er aðeins eftir grunur um
sýn, grunur um fyrirheit, og þess vegna er
rokkvídeóið skáldlegra en kvikmyndin,
þróaðra listaverk því áreitið er bragðvísara
og fleira skilið eftir handa heilabúinu, hin
meðvitaða brenglun skynfæranna sem
franska skáldið Arthur Rimbaud boðaði í
ljóðlist fyrir hundrað árum hefur loks í
rokkvídeóinu fengið hagnýti, og nýjung
Rimbaud loks gagnast atvinnulífinu.
Því allt miðar þetta að því að fá okkur út í
búð til þess að við kaupum og kaupum og
kaupum, bara eitthvað, því annað hægir á
hagvextinum og við missum vinnuna við
að framleiða drauma handa hvert öðru. Við
lifum á því að kitla hvert annað.
SAMFELLDUR AÐDRA GANDI
FULLNÆGINGAR
Það er sagt að við lifum nú tíma þegar
kynlíf sé dýrkað. Ætli hitt sé ekki sönnu nær
að táknmyndir kynlífsins séu dýrkaðar en
táknmiðið sniðgengið, birtingarmyndir af
aðdraganda kynlífs fremur en það sjálft,
grunurinn fremur en reyndin; öll hjál-
partækin kringum það sem við getum keypt
fremur en hin einkalega reynsla.
Þegar Einar Benediktsson orti í
Einræðum Starkaðar: Mig dreymir um eina
alveldissál/ um anda sem gjörir steina að
brauði — skyldi hann hafa vitað að hann
var að yrkja um markaðinn sem gefur stein-
um brauðímynd, og er líka þríeinn eins og
sá Guð kristninnar sem trúað var á langt
fram eftir 19. öld: faðirinn sonurinn og heil-
agur andi — markaðurinn, hagvöxturinn
og hagræðingin? Og auglýsingar og rokk-
vídeó er sú list sem lofsyngur þennan þrí-
eina guðdóm. Þessi list samtímans veitir
stöðug fyrirheit urn unað með inntaksleysi
— kynngimagnaða átreynslu án saðningar,
samfelldan aðdraganda fullnægingar. Því
að hagkerfið sem byggir á hinum vaxandi
vexti vaxtarins — þetta er hagkerfi sem í
vissum skilningi má aldrei fá það, heldur
skal það vera alveg við það að fá það, rétt
eins og bíómyndastjarnan má aldrei ljúka
við að raka sig. Það er sennilega ekki tilvilj-
un að sá þáttur kynlífsins sem ímynd-
arfræðin beina helst spjótum sínum gegn á
seinni árum, og er æ meira litið á sem
vandamál í sjálfu sér, er fullnæging karl-
mannsins, því þar stöðvast vélin, þar fær
hann lausn, það er afskaplega hætt við að
hann velti út af og sé jafnvel farinn að
hrjóta fyrr en varir, í stað þess að hlaupa um
hress og ólmast og kaupa eitthvað. Nú á
dögum er aðeins syndsamlegt að leggja
stund á eina tegund kynlífs og það er ejacul-
atio præcox, ótímabært sáðlát, og þess er
skammt að bíða að litið verði á allt sáðlát
sem ótímabært. Það er ekki tilviljun að sá
maður sem hlaut á föstudaginn þá vegtyllu
á rás tvö að vera kynþokkafyllsti maður
landsins, er þolfimimeistari.
Karlmennskuímynd nútímans er sá
maður sem með dugmiklu og þindarlausu
en þó umfram allt glaðværu hoppi sínu er
hin fullkomna táknmynd hagvaxtarins. Við
sem ólumst upp við Halldór Snorrason sem
hetju, eigum margt ólært.
Guðmundur Andrl Thorsnon er reyk-
vískur karlmaður á fertugsaldri. Hantt
hefur skrifað bœkur og blaðagreinar.
Þú færb sendiferðabílinn Kjá okkur
GREIÐABÍLAR - LITLIR BÍLAR - MEÐALSTÓRIR BÍLAR - STÓRIR BÍLAR
Fast gjald, mælir, tímavii.na, samningar og tilboð. Aukin þjónusta án aukakostnaðar.
Sölu- og þjónustuaðilar fyrir:
Innanlandsfrakt ^^■■■■^/örumóttakaA/öruafgreiðsla
Knarrarvogi 2
^■■■■■^fgreiðslutími frá kl. 9.00-
^HH^^^18.00 alla virka daga.
FLUGLEIDIR A
HVERS NUNA
VEGNA VEGNA
NÚNA? ÞESS..
Þegar vinur okkar Björgólfur Guðmundsson ákvað að gefa kost á sér í
prófkjörinu spurði eitt okkar svolítið hissa: Hvers vegna núna?
Rök hans fyrir framboði eru afar sannfærandi og við ákváðum strax að
leggja því allt okkar lið. Þó að við þekkjum Björgólf vel, og þótt hann
sé þekklur af mörgum, þá þekkja hann ekki allir. Því er okkur bæði
ljúft og skylt að tíunda hvers vegna við teljum hann hiklaust eiga
erindi í borgarstjórn Reykjavíkur:
Björgólfur er 53 ára gamall. Hann er nógu gamall til þess að hafa
mikla og víðtæka reynslu og nógu ungur til þess að hafa óskert þrek.
Hann er reiðubúinn að verja orku sinni og tíma til að láta gott af sér
leiða.
Við vitum að hann er sjálfstæðismaður í besta skilningi þess orðs.
Hann hefur verið virkur liðsmaður flokksins í áratugi, m.a. í Heimdalli
- Verði og fulltrúaráðinu. Hann var atorkumaður á þeint vettvangi sem
annarsstaðar.
Við erum sannfærð um að víðtæk reynsla hans af félagsstörfum m.a.
fyrir fþróttahreyfinguna og sem eins af frumherjum í SAA muni nýtast
vel í borgarstjóm Reykjavíkur. Þá emm við einnig sannfærð um að
margþætt reynsla hans úr viðskiptalífinu, bæði hér á landi - og
erlendis, eigi einmitt núna erindi inn í borgarstjórn.
Björgólfur Guðmundsson hefur varið stærstum hluta starfsæfi sinnar
við að brjóta ný lönd - bæði í viðskiptum og fclagsmálum. Hann er
hertur í hörðum heimi viðskiptalífsins þar sem hann hefur mátt þola
bæði sigra og ósigra. Við treystum Björgólft Guðmundssyni allra
frambjóðenda best til þess að flytja með sér inn í borgarstjóm
Reykjavíkur, ekki aðeins hressandi andblæ athafnalífsins
heldur einnig þá hugmyndaauðgi og það áræði sem
hann er þekktur fyrir í öllum sínum störfum.
Góðir kjósendur!
Við styðjum Björgólf
Guðmundsson einarðlega í
5-7 sæti listans og fölumst
eftir stuðningi ykkar.
... að
aldrei sem fyrr er þörf fyrir raunverulega nýjar hugmyndir, nýjar
lausnir og raunhæf ný vinnubrögð á nanast öllum sviðum.
... að
þrátt fyrir gott starf hef ég rúman tíma aflögu. Eg hef oft átt eina af
þessum fjölmörgu pólitísku óánægjuröddum en núna finnst mér lag að
láta af nöldri, bretta sjálfur upp ermarnar og láta verkin tala.
... að
það er áskomn að standa við öll stóm orðin sem ntaður hefur látið
falla á alþingi götunnar.
1 prófkjörinu sækist ég eftir 5.-7. sæti - ömggu borgarstjómarsæti.
Þannig fengi ég afdráttarlaust tækifæri til þess að sanna það að cg geti
haft raunveruleg áhrif til góðs við stjómun borgarinnar.
... að
um leið og heimurinn minnkar stækkar ísland. Um leið og þjóðin
tengist umheiminum, og sérstaklega Evrópu, æ sterkari böndum
opnast Reykjavík stöðugt ný tækifæri. Upp er runninn tími fyrir
alþjóðlega hugsun, alþjóðlega þekkingu og raunvemlega reynslu í
vinnu á alþjóðlegum gmnni við stjómun borgarinnar. Þar hef ég mikið
til málanna að leggja.
... að
stærstu vandamál Reykvíkinga felast í atvinnuleysi, fátækt og vonleysi
hjá þúsundum fólks. A okkur brennur einnig stórkostlegur vandi
vegna vímuefna sem oft leiðir fólk til ólánsverka. Stærstu
vandamálin eru því þau sömu og annars staðar í
heiminum. Stærstu tækifærin til lausna gefast
með auknum tengslum við umheiminn. Eg hef í
langan tíma unnið að vandamálum áfengis og vímu-
efna og hef ákveðnar hugmyndir um framhald á
því sviði. Þó er það á sviði atvinnumála sem mér
svellur mestur móðurinn. Með gjörbreyttri hugsun,
viðskiptalegri útsjónarsemi og stórauknu samstarfi
á erlendum vettvangi, eigum við fjölmörg tækifæri
til þess að taka þar hressilega á.
... að
ég er sannfærður um að fái ég nægan stuðning í
prófkjörinu þá er það reynsla mín og þekking
frá liðnum áratugum, sem nýst getur betur en
nokkru sinni fyrr. Þess vegna gef ég kost á
mér núna - og þess vegna saekist ég eftir
stuðningi þínum í borgarstjórn

FIMIVIJUDAGUR 27. JANÚAR 199.4
15