Eintak - 24.05.1994, Blaðsíða 2
Kjartan Gunnarsson
“Við fylgjumst með þvíað þeir
einir kjósi sem hafa atkvæðis-
rétt, að hver fái aðeins einn at-
kvæðaseðil og aimennt að farið
sé að lögum. ”
Fyrrverandi formaður
Tölvunefndar dóms-
málaráðuneytisins
kærir Sjálfstæðis-
flokkinn
Munum
merkja við
kjósendur
segirKjartan Gunnars-
son, framkvæmdastjóri
Sjálfstæðisflokksins.
Oddur Benediktsson prófess-
or við Háskóla íslands, kærði
merkingar stjórnmálaflokka við
kjósendur í kjördeildum til Tölvu-
nefndar dómsmálaráðuneytisins í
síðasta mánuði. Hann telur merk-
ingar vera persónunjósnir og þær
stríði gegn lögum frá 1989. Þessi
kæra er athyglisverð íyrir það að
Oddur var til skamms tíma for-
maður nefndarinnar en hlutverk
hennar er meðal annars að hafa eft-
irlit með að ekki séu brotin ákvæði
laga sem takmarka skráningu upp-
lýsinga sem varða einkahagi
manna.
Hann sendi afrit af kærunni til
yfirkjörstjórnar og stjórnmála-
flokkanna. Reykjavíkurlistinn lýsti
yfir því að ekki yrði merkt við á
hans vegum og fór þess jafnframt á
leit við Sjálfstæðisflokkinn að hann
gerði það ekki. Þeirri málaleitan var
hafnað.
“Við fylgjumst með því að kosn-
ingarnar fari löglega fram eins og
gert er um allan heim,” sagði
Kjartan Gunnarsson, fram-
kvæmdastjóri Sjálfstæðisflokksins, í
samtali við EINTAK í gærkvöldi.
“Við fylgjumst með því að þeir ein-
ir kjósi sem hafa atkvæðisrétt, að
hver fái aðeins einn atkvæðaseðil
og almennt að farið sé að lögum.
Það er út í hött að flokkarnir afsali
sér þeim rétti. Þú ættir að spyrja
eftirlitsmenn með kosningum í
löndum sem eru að taka upp lýð-
ræði hvað það er sem þeir athuga
fyrst. Það er hvort umbjóðendur
stjórnmálaflokkanna fái frjálsan og
óhindraðan aðgang til þess að fylgj-
ast með því á kjörstöðum að allt
fari að lögum. Þótt ísland sé tals-
vert þróað og þroskað lýðræðisríki
þarf samt að fylgjast með því.”
Kjartan segist ekki óttast að eftir-
lit Sjálfstæðisflokksins hafi neikvæð
áhrif og muni fara í taugarnar á
kjósendum. “Það hefur ekki gert
það fram að þessu enda er þetta fyr-
irkomulag jafngamalt kosninga-
réttinum.”
Til skamms tíma höfðu aliir
stjórnmáiaflokkarnir fulltrúa sína í
kjördeildum í Reykjavík og ef
þekktir stuðningsmenn þeirra skil-
uðu sér ekki fyrri hluta dags var
hringt í þá og þeir hvattir til að
mæta. Alþýðuflokkurinn lagði
þetta af í kosningum 1978 og í síð-
ustu alþingiskosningum höfðu að-
eins Sjálfstæðisflokkurinn og
Framsóknarflokkurinn þennan
hátt á. O
Mikill titringur í Grensás- og Seltjarnarnessóknum
Tveir prestar sendir
í frí vegna uppnáms
í einkalm þeirra
Deilurmilli Biskupsstofu og sóknamefnda um hvereigiað fara með málið.
Séra Sólveig Lára Guðmunds-
dóttir, sóknarprestur í Seltjarnar-
neskirkju, og séra Gylfi Jónsson,
safnaðarprestur i Grensáskirkju,
hafa fengið leyfi frá störfum.
Ástæða þess er sú að þau eru bæði
að skilja við maka sína og hafa þau
mál komið til kasta sóknarnefnda
beggja kirknanna og leitt til afskipta
Biskupsstofú að málinu.
Upphaf þessa máls má rekja til
þess að Gylfi greindi sóknarnefnd
Grensáskirkju frá því að hann væri
fluttur að heiman og hygðist skilja
við eiginkonu sína. I þessum við-
ræðum kom síðan upp að Gylfi
sagðist hafa átt í ástarsambandi við
aðra konu. Sóknarnefndin vildi
taka hart á þessu máli og það end-
aði með því að séra Halldór Grön-
dal, sóknarprestur í Gensáspresta-
kalli, skrifaði séra Gylfa bréf þann
17. maí og sagði honum upp störf-
um í einn mánuð. Þorbjörn Hlyn-
ur Árnason, biskupsritari, hafði
þá samband við Halldór og mót-
mælti þessu þar sem aðeins biskup
gæti vísað prestum frá. Síðar barst
skeyti sama efnis frá herra Ólafi
Skúlasyni, biskup, frá Róm, þar
sem biskup er á ferð.
Samkvæmt heimildum EINTAKS
er hart deilt um þetta mál milli
Biskupsstofu og sóknarnefndar
Grensáskirkju. Sóknarnefndin telur
sig geta vísað safnaðarpresti frá
vinnu þrátt fyrir að hún geti ekki
vísað sóknarpresti frá.
Ásgeir Hallsson, formaður
sóknarnefndar Grensáskirkju, vildi
lítið tjá sig um þetta mál. Aðspurð-
ur um hvort séra Gylfi væri að
störfum við kirkjuna sagði Ásgeir:
“Hann er í fríi.”
Afhverju?
“Menn fara nú í frí,” svaraði Ás-
geir. “Ef eitthvað markvert á sér
stað hjá okkur sendum við út
fréttatilkynningu.”
Séra Halldór Gröndal, sóknar-
prestur í Grensásprestakalli, vildi
ekki tjá sig um málið og sagði það
vera í höndum biskups. Undir það
tók biskupsritari, Þorbjörn Hlynur
Árnason.
Orðaði hann það sem svo að allt
sem væri hugsanlega ámælisvert
heyrði undir biskup.
Séra Sólveig Lára Guðmunds-
dóttir er einnig í fríi vegna þessa
máls. Að sögn Jóns Sigurðssonar,
gjaldkera sóknarnefndar Seltjarnar-
neskirkju, heldur biskup fund með
sókninni á laugardaginn þeagr
hann verður kominn til landsins.
Haukur Björnsson, formaður
sóknarnefndar Seltjarnarneskirkju,
segir nefndina hafa fundað á
fimmtudaginn um þau vandkvæði
sem komið hafa upp í einkalífi Sól-
veigar Láru.
“Mönnum þykir miður að hún
skuli hafa orðið fyrir slíkum hjóna-
bandserfiðleikum. Hún er vel liðin
hér,” segir Haukur.
Hann segir að hún hafí bara farið
í veikindaorlof og ekki hafi verið
tilgreint hvað það verði langt.
Viljið þið að Sólveig Lára víki úr emb-
ætti?
“Við höfum ekki mótað okkur
neina skoðun á því,” svarar Hauk-
ur.
Mál þessi hafa valdið miklum
úlfaþyt í sóknunum tveimur. Báðar
sóknarnefndirnar hafa haldið um
það fundi og má af því sjá hversu
alvarlega sóknarnefndarmenn taka
því. Þá sýna afskipti Biskupsstofu
að menn líta síður en svo léttvægt á
þessi mál. ©
Séra Halldór Gröndal
Vék Gylfa tímabundið frá störf-
um en dró uppsögnina til baka
að ósk biskups.
Hætt komnir á hraðbát
Pílagrímaflug Atlanta frá Júgóslavíu
Flogið í skjóli
vemdar Samein
uðu þjóðanna
Fjórir ungir menn lentu í bráðri
lífshættu um fimmleytið á sunnu-
daginn var og sendu leitarflokka í
Reykjavík og á Akranesi af stað að
óþörfu rúmum hálfum sólarhring
síðar.
Mennirnir voru á bát sem þeir
höfðu nýlega keypt og var fyrsta
sjóferðin farin um helgina frá
Reykjavík, upp á Akranes og þaðan
á Hótel Búðir á Snæfellsnesi. Á
sunnudag ákváðu þeir að fara frá
Búðum að Rifi til að ná í bensín en
urðu eldsneytislausir rétt fyrir utan
bergið við Svörtuloftarvita.
Halldór Guðmundsson úr
Reykjavík var við veiðar á bát sín-
um, Nirði KE110, á þessum slóðum
þegar hann kom auga á hraðbátinn
sem þá hafði verið bensínlaus í
rúma hálfa klukkustund rétt utan
við bergið. Hann tók bátinn í tog
og dró hann til Ólafsvíkur, um
tveggja og hálfs tíma leið.
“Báturinn lá alveg utan í klettun-
um við vitann,” sagði Halldór.
“Þeim tókst að henda ankeri upp í
klettinn og halda bátnum nokkurn
veginn stöðugum þannig, en
ómögulegt er að segja hvernig hefði
farið ef ankerið hefði losnað.”
“Veðrið var eins og best verður á
kosið þegar óhappið varð en að
sögn Ffalldórs hefði að öllum lík-
indum farið illa fyrir mönnunum ef
slæmt hefði verið í sjóinn og taldi
hann þá tvímælalaust hafa verið í
lífshættu þarna utan í klettunum.
Halldór segir að ævintýramenn-
irnir á hraðbátnum, sem hann taldi
vera um tvítugt, hafi verið mjög illa
búnir og aldrei komið til sjós áður.
“Því miður eru ekki til nein lög um
haffæri svona smábáta, ef svo hefði
verið hefði lögreglan í Ólafsvík get-
að stöðvað þá.”
Fjórmenningarnir héldu för
sinni áfram og rétt fyrir klukkan
ellefu á sunnudagskvöld hafði
Kristinn Franz Eiríksson,
einn úr hópnum, samband við Til-
kynningarskylduna og lét vita að
þeir væru á leið ffá Snæfellsnesi til
Reykjavíkur og gerði ráð fýrir að
vera fimm til sex tíma á leiðinni.
Þegar ekkert hafði heyrst frá bátn-
um um fimmleytið fóru menn að
ókyrrast og leitarsveitir voru sendar
út frá Reykjavík og Akranesi. Leit
stóð yfir til klukkan sjö, eða allt þar
til vart varð við bátinn I höfninni á
Akranesi.
Fjórmenningarnir höfðu lent í
vandræðum með eldsneyti og fóru
því til Akraness í stað þess að halda
ferðinni áfram til Reykjavíkur en
gleymdu að láta Tilkynningarskyld-
una vita. ©
Þessa dagana er mikið að gera hjá
íslenska flugfélaginu Atlanta í píla-
grímaflugi til Mekka í Saudí-Arab-
íu frá heimkynnum múhameðstrú-
armanna víðs vegar í Arabalöndun-
um og Nígeríu. Félagið hefur tekið
nokkrar Boeing 747 þotur á leigu til
að annast þessa flutninga sem taka
um það bU tvo mánuði og lýkur í
júní. Flestir flugmannanna í áhöfn-
um félagsins eru útlendingar en
einnig er eitthvað af íslenskum
flugmönnum.
I síðustu viku var brugðið út frá
hefðbundnum flugleiðum og farið
til fyrrum Júgóslavíu og á fimmta
hundrað múslimar frá Bosníu-
Herzegóvínu fluttir til með félaginu
til Mekka. Óstaðfestar fréttir EIN-
TAKS herma að soldáninn í Jedda
hafi splæst í ferðina fyrir trúbræður
sína frá Austur-Evrópu. Flogið var í
skjóli verndar frá Sameinuðu þjóð-
unum en margir í hópnum eru lim-
lestir eftir hörmungarnar í heima-
landi sínu. Höskuldur Einars-
son, í flugrekstrardeild Atlanta,
segir að pílagrímaflugið hafi gengið
vel fram að þessu en farið verður
aftur til baka með hópinn til Bo-
sníu-Herzegóvínu 30. maí næst-
komandi. ©
2
ÞRIÐJUDAGUR 24. MAÍ1994