Eintak - 24.05.1994, Blaðsíða 24

Skotinn James Bett gekk til liðs við knattspyrnuliðið KR á dögunum.
Bett er þrautreyndur atvinnumaður og hefur leikið með liðum í Belgíu og Skotlandi.
En hann hóf feril sinn í meistaraflokki á íslandi fyrir fimmtán árum og nú er útlit fyrir að hann
Ijúki honum hér á landi. Jón Kaldal hitti Bett að máli og spjallaði við hann um mörg ár hans
í fótboltanum og möguleika KR á íslandsmeistaratitli.
99Ætia að miðla KR
af reynslu minniu
Sjaldan eða aldrei hefur VestUR-
bæjar-knattspyrnustórveldið KR
safnað viðlíkum mannskap í sínar
herbúðir og fyrir keppnistímabilið
sem hófst í gær. Það er greinilegt að
nú á að freista þess með öllum til-
tækum ráðum, sem ekki hefur tek-
ist síðustu tuttugu og sex ár, að
vinna íslandsmeistaratitilinn. Oft
hafa væntingar Vesturbæinga verið
miklar en sjaldan eins og nú.
KR-liðið er geysisterkt á pappír-
unum og Guðjón Þórðarson,
þjálfarinn sigursæli, hefur úr nógu
efni að moða.
Nýjasti leikmaðurinn í herbúð-
um KR er Skotinn James Bett
sem má segja að hafi hafið knatt-
spyrnuferil sinn í meistaraflokki
hér á landi fyrir fimmtán árum.
Bett hefur síðustu níu ár leikið með
skoska liðinu Aberdeen og var um
tíma fastamaður í skoska landslið-
inu.
Bett er kvæntur íslenskri konu,
Auði Rafnsdóttur, og eiga þau
þrjá stráka sem allir leika með yngri
flokkum KR.
Hann verður þrjátíu og fimm ára
í haust en er ennþá í fullu fjöri og
kemur til liðs við KR beint frá Ab-
erdeen en keppnistímabilinu í
skosku úrvalsdeildinni lauk fyrir
nokkrum dögum.
Hvernig skyldi það vera að koma
frá því að ljúka löngu keppnistíma-
bili og fara beint í að hefja annað
keppnistímabil í nýju landi?
„Þetta er auðvitað dálítið erfitt.
En það munar töluvert miklu að ég
veit að leikirnir á íslandsmótinu
eru aðeins átján talsins, fýrir utan
bikarleikina, þannig að það er ekki
eins og maður sé að fara strax í nýtt
tímabil eins og það er tii að mynda í
Skotlandi þar sem eru spiiaðir fjör-
tíu og fjórir leikir á keppnistimabil-
inu auk bikar- og Eivrópuleikja."
Hvemig líkamlegu fórmi ertu í?"
„Mér líður mjög veí og finnst ég
vera í góðu formi. .Ég hef sloppíð
ágætlega við meiðsli og er tilbúinn í
leiki sumarsins. Ég hef æft mjög vel
og vona bara áð skrokkurinn verði í
góðu lagi út sumarið. Mótið byrjar
reyndar mjög stíft, en við munum
leika fimm leiki á sautján dögum
sem er ansi mikil keyrsla.
En andlega hliðín? Er ekki erfittað
koma hingað þegar þú veist áfþví að
félagarnir hjá Aberdeen eru allir að
fara ífrí með fjölskyldunum?
„Auðvitað langar mann að fara á
einhvern sólríkan stað með fjöl-
skylduna og slaka aðeins á. En þetta
er dálítið öðruvísi þar sem það er
nú ekki eins og ég sé að koma til ís-
lands í fyrsta skipti. Við höfum allt-
af komið til Islands eftir að skoska
deildin er búin og dvalist hér í viku
og konan og strákarnir hafa hitt
fólkið sitt hér á landi. Núna er gam-
an að því að geta verið áfram á ís-
landi í allt sumar þannig að strák-
arnir okkar fá tækifæri til að halda
áfram að æfa íslenskuna sína og
kynnast landinu."
Bett hóf feril sinn hjá skoska
áhugamannafélaginu Airdrienoiar
en vorið 1979 þegar hann var á sínu
tuttugusta aldursári gekk hann til
liðs við Val og lék tvo leiki með lið-
inu í fyrstu deildinni. Ástæða þess
að hann staldraði svo stutt við hér á
landi var sú að útsendarar belgíska
liðsins Lokeren komu auga á hann í
leik með Val og buðu honum at-
vinnumannasamning. Þetta bar við
með óvenjulegum hætti því þeir
voru hér á landi til að skoða allt
annan leikmann.
„Útsendarar Lokeren voru
komnir hingað til að sjá Pétur
Pétursson spila og fyrir algjöra
tilviljun hittist svo á að leikurinn
sem þeir sáu var leikur ÍA á móti
Val. Það vildi svo til að ég átti mjög
góðan Ieik og í kjölfarið buðu þeir
mér að koma ásamt Pétri. Pétur
kaus að fara frekar til Feyenoord en
ég sló til og gekk til liðs við Loker-
en. Ég átti þó eftir að leika með Is-
lendingi hjá Belgíu því Arnór
Guðjonsen kom til Lokeren um
svipað leyti. Ég var tæplega tvö
keppnistímabil hjá Lokeren í Belgíu
en var seldur þaðan til Glasgow
Rangers. Þar var ég í þrjú ár og fór
svo aftur til Lokeren í tvö ár. Þaðan
fór ég síðan heim til Skotlands og
til Aberdeen þar sem ég hef verið
síðustu níu ár.“
Fékkstu frjálsa sölu frá Aberdeen
eða keypti KR upp samning þinn?
„Þar sem ég var búinn að þjóna
liðinu dyggilega í mörg ár og ætlaði
að fara til Islands að spila með
áhugamannaliði gáfu forráðamenn
Aberdeen mér leyfi til að fara skil-
yrðislaust. En það hafa þrjú skosk
lið verið í sambandi við mig og ef
það kemur til að ég fari að leika
með þeim vill Aberdeen fá
greiðslu."
Ætlar þú að Ijúkaferli þínum hér
á landi?
„Ég hef ekki ákveðið neitt um
það. Eg ætla að sjá hvernig sumarið
gengur og athuga hvernig mér líst á
þessi mál í haust.
Ég er ekki viss um að mig langi
að spila aftur í Skotlandi. Skoski
fótboltinn hefur undanfarin ár sí-
fellt verið að verða hraðari og hrað-
ari og ekki var hann rólegur fyrir.
' Fótboltinn í skosku úrvalsdeildinni
var ekki mjög skemmtilegur í vetur,
hvorki að spila hann né að horfa á
hann. Mikið um hlaup, þarðar tæk-
lingar, og langar sendingar."
Þú lékst um tíma með skoska
landsliðinu og lékst meðal annars
gegn íslenska landsliðinu á Laugar-
dalsvelli.
„Églék tuttugu og fímm leiki fyr-
ir hönd Skotlands og hefðí getað
spilað fleiri ef ég hefði haft áhuga á.
En ég hætti að spila með landslið-
inu vegna þess að þjálfarinn lét mig
alltaf leika á vinstri kantinum sem
hentaði mér ekki vel. Ég var vanur
að leika á miðjunni hjá Aberdeen
og hafði einfaldlega ekki gaman af
að spila með landsliðinu. Þegar svo
er komið á maður bara að hætta,
það er manni sjálfum fyrir bestu
sem og samherjunum.
Ég lék hér mjög erfiðan leik með
skoska landsliðinu 1985 í undan-
keppninni fýrir HM í Mexíkó 1986.
Við unnum leikinn 0-1 og vorum
mjög heppnir því íslenska liðið
misnotaði vítaspyrnu. Hefðum við
gert jafntefli eða tapað leiknum
hefðum við ekki komist á HM. Ég
hef líka komið hingað með Aberde-
en í tvígang til að spila í Evrópu-
keppni bikarhafa, árið 1985 lékum
við gegn ÍA og í fýrra spiluðum við
Val. Það er alltaf erfitt að koma til
Islands að spila og ég vétt'að útlend
lið hlakka ekki til að koma hingað.
Þó að leikmennirnir hjá þessum
stóru liðum ætli sér ekki að van-
James Bett
„Þetta er fyrsta árið sem Guð-
jón er með KR og hann verður
að fá sinn tíma til að vinna sína
vinnu. Hlutirnir gerast ekki á
einni nóttu. Það er afturá móti
annað mál að ég finn að það er
hugur í mönnum svo mér líst
mjög vel á sumarið. “
meta íslendinga vill það það oft
fara svo þegar þeir eru að spila gegn
liðum sem þau vita að eru ein-
göngu skipuð áhugamönnum. Is-
lendingar eru líka mjög baráttu-
glaðir og yfirleitt í góðu líkamlegu
formi.“
Hvernig líst þér á þig hjá KR?
„Ég. fór strax á æfingu daginn
sem ég kom og leist mjög vel á það
sem ég sá. Hópurinn virkar mjög
góður og það eru margir frískir
strákar í liðinu. Guðjón Þórðar-
son hefur greinilega alla hluti á
hreinu og er mjög prófessjónal.
Mér fannst vera góð stemmning í
hópnum og greinilegt á öllu að
menn ætli sér að standa sig vel í
sumar.“
Þú hefur vœntanlega spilað á móti
Guðjóni hér á árum áður, í Evrópu-
leikjunum með Aberdeen við ÍA, er
það ekki rétt?
„Jú, það er rétt. Þegar við mætt-
um Akranesi' í Evrópukeppninni
1985 lentum við Guðjón einmitt
gegn hvor öðrum í leikjunum
tveimur. Við eiduðum saman grátt
silfur í þessum viðureignum og ég
man vel eftir því að hafa stungið
mér fram hjá honum nokkrum
sinnum. Leikurinn hérna á íslandi
var ansi erfiður. Akranes skoraði í
fyrri hálfleik og var yfir þegar sá
síðari hófst en við náðum þó að
sigra 1-3 og sigruðum einnig örugg-
lega heima 4-1.“
Hvaða stöðu ketnur þú til með að
leika í KR-liðinu?
Ég veit það bara ekki ennþá, ég er
svo nýkominn, en það skýrist vænt-
anlega um helgina. Ég er nú vanur
að leika á miðjunni en þjálfarinn
ræður þessum málum auðvitað al-
farið.
Nú ert þú elsti maðurinti og sá
reynslumesti í frekar ungu liði KR,
hvernig tilfitining er að vera í þessari
stöðu?
„Takk fyrir að minna mig á ald-
urinn, það hefur ýmsum orðið tíð-
rætt um hann. En ég er orðinn van-
ur því að vera í þessu hlutverki. Ég
var í svipaðri stöðu hjá Aberdeen
svo þetta er ekkert nýtt fyrir mér og
ég ætla að miðla KR af reynslu
minni svo hún gagnist liðinu sem
best.“
Nií er búið að spá KR meistaratitl-
inum ogþað setur vissa pressu á liðið
en heldur þú að þessi spá gangi eftir?
„Það er nú full snemmt að segja
til um það og ég læt allar spár sem
vind um eyru þjóta, það hefði allt
eins verið hægt að spá liðinu falli
það hefði ekki skipt mig neinu
máli.
Þetta er fyrsta árið sem Guðjón
er með KR og hann verður að fá
sinn tíma til að vinna sína vinnu.
Hlutirnir gerast ekki á einni nóttu.
Það er aftur á móti annað mál að ég
finn að það er hugur í mönnum svo
mér líst mjög vel á sumarið.
Mótið fer mjög hratt af stað og
fyrstu dagarnir verða mjög erfiðir.
Við eigum að leika fimm leiki á
sautján dögum svo það er eins gott
að byrja af fullum krafti."
Veistu hvort það eru einhverjir
leikmenn enn að spila síðan þú lékst
tneð Val1979?
„Æth þeir séu ekki allir dauðir,
það er svo langt síðan ég spilaði
hérna. Nei, nei þetta er nú bara
grín. Ég veit að Atli Eðvaldsson
var ennþá að í fýrra en nú er hann
hættur að spila í fyrstu deild og far-
inn að þjálfa og leika í þeirri ann-
arri. Og í fljótu bragði man ég ekki
eftir neinurn." O
24
ÞRIÐJUDAGUR 24. MAI 1994