Eintak - 24.05.1994, Blaðsíða 6
EINTAK
Gefið út af Nokkrum íslendingum hf.
Ritstjóri: Gunnar Smári Egilsson
Framkvæmdastjóri: Hafsteinn Egilsson
Auglýsingastjóri: Örn ísleifsson
Dreifingastjóri: Trausti Hafsteinsson
HÖFUNDAR EFNIS í ÞESSU BLAÐI
Andrés Magnússon, Árni E. Bjarnason, Björn Ingi Árnason, Bonni,
Friðrik Indriðason, Gerður Kristný, Guðbergur Bergsson,
Hilmar Örn Hilmarsson, Jói Dungal, Jón Óskar Hafsteinsson,
Jón Kaldal, Loftur Atli Eiríksson, Ragnhildur Vigfúsdóttir,
Sigrún Sigurðardóttir, Sigurjón Kjartansson og
Styrmir Guðlaugsson.
Setning og umbrot: Nokkrir íslendingar hf.
Filmuvinnsla og prentun: Prentsmiðjan Oddi.
Verð í lausasölu kr. 195.
Áskriftarverð kr. 1.200 á mánuði fyrir tvö blöð í viku.
Þeir sem greiða með greiðslukorti fá 10 prósent afslátt.
Sj álfstæðismenn
komnir á skrið
í EINTAKI í dag eru birtar niðurstöður skoðanakönnunar
sem Skáís gerði fyrir blaðið á laugardaginn var. Samkvæmt
þeim hefur Sjálfstæðisflokkurinn náð forystu í kosningabar-
áttunni eftir að hafa verið undir allt frá byrjun. Það virðist
því kominn meðbyr í segl kosningamaskínu sjálfstæðis-
manna og það getur verið erfitt íýrir R-listann að snúa þess-
ari þróun við.
Viðbrögð Ingibjargar Sólrúnar Gísladóttur, borgarstjóra-
efnis R- listans, við þessum niðurstöðum eru dálítið kostu-
leg. Hún segir þær einfaldlega rangar og beitir því helst fyrir
sig að karlar séu frekar skráðir fyrir síma en konur. Það vill
hins vegar svo til að þegar könnun er gerð upp úr símaskrá er
sá sem er skráður fyrir símanum ekkert frekar spurður en
aðrir heimilismenn. Svo framarlega sem hann er kominn á
kosningaaldur er sá sem svarar í símann spurður. Ef fólk vill
trúa því að kannanir sem byggðar eru á símaskrá halli á kven-
þjóðina þurfa þeir að trúa því að einhleypar konur séu síður
skráðar með síma en eínhleypir karlar. En í raun er það
óþarft. Þess er gætt í könnunum Skáls að rétt hlutfall sé á
milli kynjanna í hópi þátttakenda. Það er því fráleitt að það j
hafi áhrif hvort fleiri en færri karlar séu skráðir fyrir síma.
Önnur rök Ingibjargar voru þau að það væri hreint og
beint rangt að gera könnun á laugardegi þar sem svo margir
væru á faraldsfæti. Þetta minnir á rök Alberts Guðmunds-
sonar sem sagði í kjölfar fyrstu skoðanakönnunarinnar sem
benti til þess að hann fengi ekki meira fylgi en um ío prósent
í kosningunum 1987, að það væri ekkert að marka þá könnun
þar sem Borgararflokksmenn hefðu verið út úr bænum þegar
könnunin var gerð. Ingibjörg reynir að grípa til svipaðra
raka, að sjálfstæðismenn hafi frekar verið heima við þennan
ákveðna dag en R-listafólk frekar úti við.
Þrátt fyrir að Ingibjörg neiti að kyngja því þá markar þessi
könnun vatnaskil í kosningabaráttunni. Eftir að R-listinn
hefur haft gott forskot allt þetta ár tekst sjálfstæðismönnum
nú í fyrsta skipti að skjótast fram úr. Það þarf engan vitring til
að draga ályktun af því. Borgarbúum hugnast betur af mál-
flutningi sjálfstæðismanna en R-Iistafólks. Ef R-listafólk telur
að sín málefni og sínir frambjóðendur eigi meira erindi en
málefni og frambjóðendur D-listans, þá hefur R-listanum
einfaldlega ekki tekist að koma þessum málefnum og þessum
frambjóðendum á framfæri við borgarbúa.
I janúar síðastliðnum mældist fylgi R-listans vel yfir 60
prósentum. Það er nú komið í tæplega 48 prósent af þeim
sem tóku afstöðu. Þetta hlýtur að vera aðstandendum listans
áhyggjuefni. Þegar framboð listans var svo til ómótað og allt
enn óljóst um hvernig listinn yrði skipaður naut hann mikils
fylgis. Nú þegar málefni hans og frambjóðendur hafa verið
kynntir þá hefúr fylgi listans dalað.
Það mun reynast R-listafólki erfitt að snúa þessari þróun
við. Þegar kosningabaráttan hófst áttu sjálfstæðismenn mjög
undir högg að sækja. Þeir virðast hins vegar komnir á flug og
það þarf nokkuð til að snúa þeirri þróun við.
Ef sjálfstæðismönnum tekst að halda borginni mun það
fyrst og fremst verða Árna Sigfússyni að þakka. Ef hann verð-
ur borgarstjóri eftir næstu kosningar mun staða hans innan
Sjálfstæðisflokksins verða mjög sterk. Ef til vill svo sterk að
hann verði óumdeildur framtíðarformaður flokksins. ©
Ritstjórn og skrifstofur
Vesturgötu 2,
101 Reykjavík
sími 1 68 88 og fax 1 68 83.
Lengsta sjúkraflugið með Islending
Óþægilegt að
liggja svona
lengi í þyriunni
segir Hallgrímur Jónsson, skipverjiá togaranum Snorra Sturlusyni.
Lengsta sjúkraflug sem flogið hef-
ur veríð með íslending átti sér stað
aðfaranótt hvítasunnudags. Tvær
þyrlur Varnarliðsins, ásamt elds-
neytisvél, sóttu þá veikan sjómann
um borð í togarann Snorra Sturlu-
son. Togarinn var staddur á úthafs-
karfaveiðum um 560 mílur suðvest-
ur af Reykjanesi. Sjómaðurinn,
Hallgrímur Jónsson, segir að hann
hafi verið með meðvitund allan
tímann og að óþægilegt hafi verið að
liggja svona lengi í þyrlunni.
Landhelgisgæslunni barst boð
um aðstoð frá Snorra Sturlusyni um
klukkan 20.00 á laugardagskvöldið.
Þá hafði Hallgrímur fengið botn-
langakast og læknir af lettnesku
verksmiðjuskipi sem var í grennd-
inni komið um borð til að skoða
hann. Lettneski læknirinn var flutt-
ur á milli skipanna í gúmmíbát og
að lokinni skoðun hans var ákveðið
að óska eftir aðstoð. Tvær þyrlur
Varnarliðsins, undir stjórn Jim
Sells höfuðsmanns, héldu af stað
um klukkan 22 um kvöldið til að ná
í Hallgrím.
Hallgrímur Jónsson segir í sam-
tali við EINTAK að hann hafl verið
með meðvitund allan tímann. „Ég
var svo vel deyfður að ég var ekkert
hræddur þegar ég var hífður um
borð í aðra þyrluna,“ segir Hall-
grímur. „Ég hef flogið með þyrlu
áður en aldrei lent í svona ævintýri.“
Hallgrímur segir að flugið til
Reykjavíkur hafi gengið vel og það
hafi verið athyglisvert fyrir hann að
á leiðinni hafi þyrlan sem hann var í
tekið eldsneyti frá Herkúles-vélinni
sem fylgdi með.
Hallgrímur er 27 ára gamall, trú-
lofaður og íyrsta barnið á leiðinni.
Hann hefur starfað til sjós í sex ár og
verið skipverji á Snorra Sturlusyni
ffá því í febrúar í ár.
Þyrlan kom með Hallgrím á
Borgarspítalann um klukkan 6.30 á
sunnudagsmorguninn og hafði þá
verið tæpa 9 tíma á lofti. Hallgrímur
gekkst undir aðgerð sem heppnaðist
vel og er líðan hans eftir atvikum
góð. Hann fær að vita í dag hvenær
hann má fara af spítalanum. 0
SL Etienne - popphljómsveit 10. áratugarins
St.Etenne
Gagnrýnendureriendra tónlistartmarita hafa ausið hljómsveitina lofibæði
fyrirplöturog frammistöðu á tónleikum.
Á morgun hefst miðasala á tón-
leika bresku sveitarinnar St. Eti-
enne sem haldnir verða í Toll-
stjórahúsinu hinn 10. júní.
„St. Etienne er uppáhaldshljóm-
sveit 3-400 manns í bænum og þeir
sem á annað borð hlusta á hljóm-
sveitina elska hana. Hún er að sjálf-
sögðu ekki nógu þekkt hér á landi
en það breytist núna,“ segir Krist-
inn Sæmundsson í Hljómalind
sem flytur bandið inn. „St. Etienne
er popphljómsveit 10. áratugarins.
Tónlistin sem hún spilar er tónlist
7. og 8. áratugarins blönduð saman
við danstónlist okkar tíma. Þetta er
ofsalega falleg tónlist sem umvefur
mann væntumþykju.“
Hljómsveitina skipa þau Sarah
Cracknell, Pete Wiggs og Bob
Stanley en með þeim leika um sex
aðrir tónlistarmenn. Gagnrýnend-
ur erlendra tónlistartímarita hafa
ausið hljómsveitina lofi bæði fýrir
plötur og frammistöðu á tónleik-
um. Það er því mikill fengur fýrir
tónlistarunnendur að fá að sjá hana
spila hér á landi.
„Tónleikarnir eru hluti af Lista-
hátíð. Hljómsveitirnar sem hátíðin
hefur af að státa í ár, St. Etienne og
Underworld ásamt Björk, eru heit-
ustu nýliðarnir í Bretlandi um þess-
ar mundir. Þetta er því svipaður
pakki og kom á Listahátíð árið 1986
þegar Lloyd Cole and the Comm-
otions, Madness, Simply Red og
Fine Young Cannibals léku í Laug-
ardalshöllinni," segir Kristinn.
Þeir sem hita upp fyrir St. Eti-
enne verða Páll Óskar Hjálmtýs-
son, hljómsveitin Scope með
Svölu Björgvinsdóttur í farar-
broddi og Olympía sem er diskó-
dæmi Sigurjóns Kjartanssonar
úr Ham.
Bob Stanley úr St. Etienne tek-
ur að sér að vera plötusnúður
kvöldsins og ætlar að spila fyrir og
eftir St. Etienne.
Hljóðkerfi Reykjavíkurborgar
verður notað til tónleikahaldsins og
einnig laserljós til að ná fram réttri
stemmningu.
„I kringum 2000 áheyrendur
þarf til að hljómleikarnir beri sig,“
segir Kristinn. „Miðinn kostar 1600
krónur sem er 900 króna lækkun
frá í fyrra þegar „Race Against the
Machine" lék á Listahátíð í Hafnar-
firði og 3800 krónur kostaði mið-
inn á „Iron Maiden" árið 1992.“ ©
6
ÞRIÐJUDAGUR 24. MAÍ1994