Eintak - 24.05.1994, Blaðsíða 30

Akranes FH
NORSKA LANDSLlðlð I KNATTSPYRNU
hefur oft haft ástæðu tit að fagna sigri á
undanförnum árum. Þeir unnu öruggleaa
sinn riðil í undankeppni HM og eru tilms
liklegir i Bandarikjunum i sumar.ÍM

Breiðablik KR 3:0
Norðmenn taka þátt í úrslitum HM í annað sinn frá upphafi
KR-stúlkur
fengu skell
íslandsmeistarar KR í kvenna-
knattspyrnunni biðu skipbrot í
fyrsta leik sínum á íslandsmótinu í
gær. Þær heimsóttu þá Blikastúlkur
í Kópavoginn og voru teknar í
kennslustund, töpuðu 3:0 fyrir bar-
áttuglöðum Blikastúlkum.
Strax í byrjun leiksins sóttu
Blikastúlkur meira og var strax ljóst
að þær ætluðu að selja sig dýrt.
Vörnin var mjög sterk i leiknum og
skyndisóknirnar beittar.
Besti maður leiksins, Sigrún
Óttarsdóttir, skoraði tvö mörk
blikastelpna og bæði glæsileg. Það
fyrra kom eftir skemmtilega rispu
Unnar Þorvaldsdóttur upp vinstri
kantinn þar sem boltanum var
rennt út á Sigrúnu sem lagði hann
upp í marknetið. Hið síðara var
enn glæsilegra, Sigrún tók horn-
spyrnu í upphafi síðari hálfleiks og
skrúfaði knettinum upp í markið á
nærstöngina, stórfurðulegt mark
og enn furðulegra sé tekið tillit til
þess að Sigrún gerði sams konar
mark í vorleik á dögunum á móti
Skagastúlkum. KR-stúlkur gerðu
tilraun til þess að taka á sig rögg eft-
ir þetta en voru of máttlitlar upp
við mark andstæðinganna og því
fór svo að Ásta B. Gunnlaugs-
dóttir innsiglaði sigur Blikanna á
lokamínútum leiksins. ©
IIBK - KR
3:0
Sigrún Óttarsdóttir (22., 53.),
Ásta B. Gunnlaugsdóttir (88.)
Tíðindalaus sfor-
meistamslagur
Það var ekki burðug
knattspyrnan sem áhorf-
endum var boðið upp á í
fyrsta leik Skagamanna á
> þessu tímabili sem fram fór
uppi á Skaga í gær.
íslands- og bikarmeistaraliðið
náði ekki að sýna sitt rétta andlit og
þrátt fyrir að hafa haft boltann
meirihluta leiksins tókst þeim ekki
að skapa sér nein teljandi mark-
tækifæri og sóknartilraunir FH-
inga í síðari hálfleik, sérstaklega eft-
ir innákomu Harðar Magnússon-
ar, voru í heildina hættulegri en
heimamanna.
FH-ingar mættu ákveðnir til
leiks í leiknum í gær, minnugir
stórslysanna tveggja frá því í fyrra
þegar þeir töpuðu báðum leikjun-
um á móti Skagamönnum 5:0.
Varnarlínan var styrkt á kostnað
sóknarinnar og varist mjög aftar-
lega í fyrri hálfleik.
Þetta gerði það að verkum að
Skagamenn fengu ágætan tíma til
að ráða ferðinni og gerðu það mest-
an hluta fýrri hálfleiks enda með
mikinn vind í bakið. Þetta snerist
töluvert við í seinni hálfleik, FH-
ingar náðu mun betri tökum á
leiknum og nýttu sér vel hversu bit-
laus leikur Skagamanna var og áttu
ágætar sóknir inn á milli.
Mahajlo Bibercic, sóknarmað-
ur Skagamanna, hefur líklega aldrei
átt jafn slakan dag og í gær. Öll
hans orka fór í að reyna að sann-
færa Braga Bergmann, dómara
leiksins, um það hversu gróflega
brotið væri á honum og ekkert
gekk hvað sem hann reyndi. The-
ódór Hervarsson var ekki nógu
ákveðinn og sendingar Skaga-
manna aftur á völlinn, í stað þess að
spila fram og sækja, eru vonandi
bóla sem er þegar sprungin. FH-
ingar stóðu sig vel í því sem fyrir þá
var lagt, Hörður þjálfari setti upp
ákveðna varnartaktík sem tókst
fúllkomlega og sóknin í seinni hálf-
leik var síðan tilraun til að taka öll
stigin í leiknum. Liðið lék skynsam-
lega og verður ekki auðunnið í
sumar.
Skagamenn þurfa hins vegar að
taka sig verulega á. Vissulega voru
aðstæðurnar ekki góðar, hávaðarok
og leiðindakuldi, en það bitnaði
auðvitað á báðum liðum. I liðið
vantaði þá Bjarka Pétursson,
Harald Hinriksson og síðast en
ekki síst Ólaf Þórðarson og því
munar um minna.
Liðin láta þennan leik sér von-
andi að kenningu verða og mæta
beittari til leiks í næstu umferð. ©
Maður leiksins:
Þóröur Þóröarsson.
IA - FH
0:0
Þórður Þórðarson, Ólaf-
ur Adolfsson, Theódór
Hervarsson, Sigurður
Jónsson, Pálmi Haralds-
son (Karl Þórðarson 78.), Zoran,
Alexander Högnason, Sigur-
steinn Gíslason, Mihajlo Biberc-
ic, Kári Steinn Fteynisson (Stefán
Þ. Þórðarson 72.), Haraldur Ing-
ólfsson.
VI
Stefán Arnarsson, Jón Þ.
Sveinsson (Hörður
Magnússon 64.), Petr
Mazarek, Þorsteinn Hall-
dórsson, Þórhallur Víkingsson,
Auðunn Helgason, Atli Einars-
son, Drazen, Hallsteinn Arnars-
son, Þorsteinn Jónsson (Lúðvík
Arnarsson 78.), Ólafur H. Krist-
jánsson.
Helsta von íslendinga á HM
WoridCutIUSA94
>V-S
Það lið sem stend-
ur væntanlega næst
hjarta íslenskra
knattspyrnuunn-
enda, af þeim sem
taka þátt í úrslitum heimsmeistara-
mótsins í knattspyrnu, er það
norska. Frændsemin skiptir þar
auðvitað verulegu máli en liðið hef-
ur einnig sýnt að það er eitt það
besta í heiminum um þessar
mundir og er til alls líklegt þegar
keppnin hefst í Bandaríkjunum 17.
júní.
Norðmenn sigruðu örugglega í
sínum riðli í undankeppninni og
létu gömlu knattspyrnustórveldun-
um Hollandi og Englandi eftir að
kljást um annað sætið. Eins og allir
vita höfðu Hollendingar betur í
þeim slag og því sitja Englendingar
eftir með sárt ennið.
Leikstíll norska liðsins er ekki til
þess fallinn að hrífa áhorfendur en
árangur liðsins endurspeglar fram-
farirnar í norska boltanum eftir að
atvinnumennska var leyfð í deilda-
keppninni fyrir áratug.
Besti árangur Norðmanna í
knattspyrnu á alþjóðlegum vett-
vangi til þessa var þegar þeir náðu
bronsverðlaunum á Ólympíuleik-
unum í Berlín 1936. Þá ollu þeir
miklu uppnámi með því að sigra
þýska liðið að viðstöddum sjálfum
kanslara þriðja ríkisins, Adolf Hitl-
er. Þeir lutu síðan í lægra haldi fyr-
ir ítölum í undanúrslitum en þeir
hömpuðu svo gullinu.
Tveimur árum síðar komust
Norðmenn í úrslit HM í fyrsta og
eina skiptið þar til nú. Þeir féllu þá
úr keppninni, sem haldin var í
Frakklandi, strax í fyrstu umferð.
Á eftirstríðsárunum voru Norð-
menn ekki hátt skrifaðir í knatt-
spyrnuheiminum og allt fram á ní-
unda áratuginn var gengi þeirra
skrykkjótt. Eftir að Ingvar Stad-
heim tók við sem landsliðsþjálfari
1981 fór sjálfstraust leikmannanna
vaxandi og hann taldi þeim trú um
að þeir ættu erindi í hóp þeirra
bestu. Árangurinn ýtti undir þá
skoðun. Norðmenn sigruðu Eng-
lendinga 2-1 á heimavelli í sept-
ember 1981 í undankeppni HM og
náðu sanngjörnu 1-1 jafntefli gegn
Brasilíu í vináttuleik.
Metnaðurinn jókst í kjölfar þess-
ara leikja og forystumenn knatt-
spyrnuhreyfingarinnar fóru að
huga að þvi hvað hægt væri að gera
til að örva knattspyrnuáhugann í
Noregi og ýta undir enn betri ár-
angur.
Árið 1987 var tekin upp þriggja
stiga regla í deildakeppninni, fram-
lengt var ef staðan var jöfn eftir
venjulegan leiktíma og gripið til
vítaspyrnukeppni ef enn var jafnt.
Breytingarnar þóttu of byltingar-
kenndar og fyrirkomulaginu var
breytt á næsta keppnistímabili í
sama horf og hér er viðhaft, þrjú
stig fýrir sigur og eitt fyrir jafntefli.
Á þessum tíma var vor í norskri
knattspyrnu.
Þessi áratugur hefur svo verið
sannkallaður blómatími. Marx-
lenínistinn Egil Oisen tók við
stjórn landsliðsins fyrir nokkrum
árum. Hann er þekktur fyrir sér-
viskuleg uppátæki og fullyrðir sjálf-
ur að hann hafi haft meira upp úr
pókerspili en knattspyrnuþjálfun.
Undir hans stjórn unnu Norð-
menn 2. riðil undankeppni HM af-
ar sannfærandi. Tónninn var gef-
inn í fyrsta leiknum þegar liðið
gjörsigraði San Marínó með tíu
mörkum gegn engu. í kjölfarið
fylgdi 2-1 sigur á Hollandi og jafnt-
efli gegn Englandi á Wembley, 1-1.
Síðan unnu þeir Englendinga
heima 2-0 þannig að eftir fjóra
fyrstu leikina höfðu Norðmenn 7
stig í riðlinum og höfðu skorað
fimmtán mörk en aðeins fengið á
sig eitt.
Eftir sigur á Pólverjum á útivelli
var HM-sæti í sjónmáli. Þegar upp
var staðið hafði norska liðið sigrað í
riðlinum með sextán stigum í sjö
leikjum. Sigrarnir voru sjö, jafntefl-
in tvö og svo gat það leyft sér að
tapa fyrir Tyrkjum 2-1 í síðasta
leiknum.
Það er kaldhæðnislegt að margir
leikmanna Noregs leika á Englandi.
Þeirra á meðal eru Eric Thorst-
vedt markvörður Tottenham, Stig
Inge Bjornbye varnarmaður hjá
Liverpool, Gunnar Halle og Tore
Pedersen hjá Oldham og fram-
línumennirnir Jostein Flo hjá
Sheffield United, Lars Bohinen
hjá Nottingham Forest og Jan Aage
Fjortoft hjá Swindon.
Egil Olsen hefur nokkrar áhyggj-
ur af álaginu sem hefur verið á
þessum leikmönnum í vetur, enda
eru mun fleiri leikir í ensku deild-
arkeppninni. „Leikmennirnir okk-
ar eru búnir vegna fjölda leikja og
hörkunni í enska boltanum,“ segir
hann. „Þeir komu heim örþreyttir
og gætu því átt erfitt með að sýna
sínar bestu hliðar í Bandaríkjun-
um. Þetta getur orðið verulegt
vandamál."©
port
ÞRIÐJUDÁGUR 24. MÁÍ1994