Morgunblaðið - 31.01.2005, Blaðsíða 10

10 MÁNUDAGUR 31. JANÚAR 2005 MORGUNBLAÐIÐ
FRÉTTIR
ÖSSUR Skarphéðinsson, formaður
Samfylkingarinnar, sagði á fundi
flokksins sem haldin var á Akureyri á
laugardag það alveg ljóst að Samfylk-
ingin vildi taka landsstjórnina í sínar
hendur eftir næstu kosningar, „og við
erum reiðubúin til þess“. Mikilvægt
væri því að kjósa núverandi ríkis-
stjórn frá, þar væru menn gaddfreðn-
ir saman á gagnkvæmum valdahags-
munum. Að loknum kosningum yrðu
menn svo að setjast niður og ræða
samstarf við þá sem helst gætu
myndað frjálslynda velferðarstjórn.
Til stóð að Össur og Ingibjörg Sól-
rún Gísladóttir, sem bæði hafa gefið
kost á sér í formannskjöri í flokknum
næsta vor, mættu til fundarins, en
veðrið setti strik í reikninginn. Össur
náði að fljúga norður um Sauðárkrók
og aka í hávaðaroki til Akureyrar, en
Ingibjörg Sólrún beið flugs til Akur-
eyrar á Reykjavíkurflugvelli sem svo
var aflýst vegna veðurs.
Össur nefndi í upphafi ræðu sinnar
að fyrir lægi að einhver átök yrðu á
næstu mánuðum vegna fyrirhugaðs
formannskjörs. Hann sagði þau Ingi-
björgu Sólrúnu hafa þekkst í um 30
ár og þau væru tengd fjölskyldu- og
vinaböndum, ættu sömu tengdafor-
eldra „og milli okkar hefur verið góð
og einlæg vinátta og svo verður
áfram hvernig sem fer“.
Össur ræddi á fundinum um þann
góða árangur sem Samfylkingin hefði
náð, flokkurinn hefði í fyrstu mælst
með um 16% fylgi, en væri nú að jafn-
aði með um 32% fylgi í skoðanakönn-
unum, „og það eru alltaf fleiri sókn-
arfæri til vinstri“, sagði hann og benti
á að ef kosið yrði nú myndi Samfylk-
ingin eflaust fá um 35% fylgi. „Við er-
um hinn stóri flokkurinn og ætlum
okkur að verða sá stærsti.“
Össur sagði einkum þrjú mál
skipta landsbyggðina miklu nú,
menntun og atvinnumál og jöfnun
lífsgæða en það síðasttalda sagði
hann eiga brýnna erindi en oft áður,
það væri erfiðara en nokkru sinni að
búa á landsbyggðinni.
Nefndi hann nokkur atriði varð-
andi jöfnuð lífsgæða, s.s. að allt að 20
þúsund manns lifðu á lágmarksfram-
færslu og aldraðir hefðu ekki náð í
nema brot af kaupmáttaraukningu
liðinna missera en á sama tíma væru
um 200 Íslendingar með 1,8 milljónir
króna í mánaðarlaun. Greinilega
þyrfti í stjórn landsins flokk sem
„stappaði niður fæti og segði hingað
og ekki lengra. Og sá flokkur heitir
Samfylkingin.“
Ávarp Ingibjargar lesið
Ávarp Ingibjargar Sólrúnar var
lesið á fundinum en hún sagðist koma
norður innan tíðar og kynna vinnu
framtíðarhóps flokksins.
„Í burðarliðnum er flokkur sem
hefur allar forsendur til að móta ís-
lensk stjórnmál til framtíðar. Flokk-
ur sem á sterkar sögulegar rætur, en
er í viðjum fortíðarinnar, flokkur sem
veit hvaðan hann kemur og hvert
hann ætlar. Flokkur sem skilur að
nýir tímar kalla á nýjar hugmyndir
og lausnir. Flokkur sem hefur sterka
sjálfsmynd, veit hver hann er og hvað
hann skiptir máli. Flokkur sem tekur
frumkvæði og setur mál á dagskrá á
eigin forsendum, flokkur sem hefur
styrk til að standa af sér hret og hríð-
arbylji af því hann veit hvað hann vill.
Flokkur sem hlustar á það fólk sem
hann vill þjóna og ástundar lýðræð-
isleg vinnubrögð, flokkur sem getur
brúað bilið milli höfuðborgar og
landsbyggðar, flokkur sem hefur
skýra mynd í hugum fólks og sem það
treystir til að vera rödd víðsýni, skyn-
semi og réttlætis. Við höfum tvö ár til
að verða svona flokkur áður en næst
verður kosið. Við verðum að nýta þau
ár vel,“ sagði í ávarpi Ingibjargar
Sólrúnar Gísladóttur sem lesið var á
fundinum á Akureyri.
Segir Samfylkinguna reiðubúna að setjast í landsstjórnina
Þarf flokk í stjórn sem
stappar niður fæti
Morgunblaðið/Skapti Hallgrímsson
Össur Skarphéðinsson, formaður Samfylkingarinnar, og Einar Már Sig-
urðarson alþingismaður stinga saman nefjum á fundi flokksins á Akureyri
um helgina. Hermann Óskarsson fundarstjóri er að baki þeim.
Akureyri. Morgunblaðið.
EINAR Már Sigurðarson alþing-
ismaður sagði það kaldar kveðj-
ur nýs borgarstjóra til lands-
byggðarfólks sem mikið notaði
Reykjavíkurflugvöll, þegar hann
nefndi í viðtali að það væri ekki
spurning hvort heldur hvenær
völlurinn yrði lagður niður.
Þetta sagði þingmaðurinn á
fundi Samfylkingarinnar á Ak-
ureyri um helgina.
„Höfuðborg getur ekki leyft
sér að nálgast mál á þennan hátt,
menn verða horfa víðar á málið,“
sagði Einar og benti fund-
armönnum á greinar Magnúsar
Skúlasonar sem birst hafa í
Morgunblaðinu undanfarið. Þar
er bent á að járnbrautarstöðvar
séu víðast hvar í miðborgum, en
hér hafi sú ákvörðun verið tekin
að byggja ekki járnbrautir held-
ur treysta á flugsamgöngur.
Flugvöllurinn í Reykjavík sé því
nær að vera járnbrautarstöð en
flugvöllur.
Á blúndum og blankskóm
Lára Stefánsdóttir gerði þetta
mál einnig að umtalsefni á fund-
inum og nefndi að víða í útlönd-
um væri miðstöð samgangna inni
í miðjum borgum og slíkt hið
sama ætti að geta gilt um
Reykjavík, annað væri „pjatt-
rófuskapur“. Að flytja flugið
annað væri atlaga að lands-
byggðarfólki sem notaði það
mikið og einnig nefndi Lára kosti
nálægðar vallarins við sjúkrahús
í borginni varðandi sjúkraflug.
Menn gætu ekki hagað sér með
þeim hætti að vaða áfram á
„blúndum og blankskóm“ og
segja að þeim kæmi þetta ekki
við.
Miðstöð samgangna víða
inni í miðjum borgum
Umræðan
 daglegt
málþing
þjóðarinnar
líka á netinu: mbl.is
MÁLAFLOKKASKRÁ Lög-
mannalistans hefur verið þýdd á
átta erlend tungumál en listann
má nálgast á heimasíðu Lög-
mannafélags Íslands, www.lmfi.is.
Bæklingi, þar sem Lögmannalist-
inn er kynntur á tungumálunum
átta auk íslensku, hefur verið
dreift víða, t.d. í sendiráð, á ræð-
ismannaskrifstofur auk stofnana
og félagasamtaka. Yfirskrift
bæklingsins er: Vantar þig lög-
mann? Tungumálin sem mála-
flokkaskráin er á sem og bækling-
urinn eru enska, danska, þýska,
franska, spænska, serbneska, taí-
lenska og pólska auk íslensku.
Að sögn Ingimars Ingasonar,
framkvæmdastjóra Lögmanna-
félagsins, er þetta gert til að koma
til móts við breytt þjóðfélag og al-
þjóðavæðingu. Þjónustan sé m.a.
hugsuð til að auðvelda nýbúum og
öðrum erlendum aðilum aðgang
að íslenskum lögmönnum. „Lög-
mannalistinn hefur verið á síðunni
í um tvö ár og auðveldar fólki að
finna lögmenn eftir ákveðnum
sérsviðum,“ segir Ingimar. Með
því að velja ákveðinn málaflokk á
síðunni, t.d. fasteignir eða erfða-
rétt, kemur upp listi yfir lögmenn
sem taka að sér mál í þeim mála-
flokki. Allir sjálfstætt starfandi
lögmenn og fulltrúar þeirra sem
eru í Lögmannafélaginu eru
skráðir á listann.
„Lögmannalistinn aðstoðar al-
menning við að finna sér lögmenn
á skjótan og einfaldan hátt í stað
þess að fólk þurfi að hringja á
fleiri lögmannastofur áður en það
finnur þá sem sinnir málaflokkn-
um sem það vantar aðstoð á,“ seg-
ir Ingimar. „Með þessu erum við
m.a. að reyna að opna gáttir inn í
íslenskt þjóðfélag og aðstoða fólk
við að fá upplýsingar.“
Lögmannalistinn
á níu tungumálum