Morgunblaðið - 31.01.2005, Blaðsíða 15

MORGUNBLAÐIÐ MÁNUDAGUR 31. JANÚAR 2005 15
MENNING
„KRAFTAVERKIÐ sem guð lét fæð-
ast í Salzburg“, svo minnzt sé á fræga
tilvitnun úr einkabréfi Leopolds Moz-
art, átti afmæli á fimmtudaginn var.
Wolfgang Ama-
deus hefði þá orðið
249 ára („hefði
hann lifað“ eins og
sumir bæta við).
Af því tilefni voru
haldnir tónleikar á
Kjarvalsstöðum
með verkum eftir
undrabarn allra
undrabarna, sem
á stórafmæli að
ári. Verður þá væntanlega mikið um
dýrðir.
Munnlegar kynningar á klassískum
tónleikum gefast misvel og geta í
versta falli verið til trafala. Það átti
samt fráleitt við forspjöll Þorsteins
Gylfasonar, því í örerindum heim-
spekiprófessorsins birtust fleiri og
umhugsunarverðari fróðleiksmolar
um höfund og verk en undirritaður
man eftir frá sambærilegum vett-
vangi. Var þannig tragíkómískt að
komast að raun um hvað hafði stöðvað
frekari smíðar Mozarts í hinni
splunkunýju tóngrein hans fyrir
píanó, fiðlu, víólu og selló – eftir að-
eins tvö verk. Þau þóttu einfaldlega of
erfið! En þó að hlálegt virðist lang-
skólamenntuðum hljómlistarmönnum
okkar tíma, má ekki gleyma að megn-
ið af kammertónlist fyrir miðja 19. öld
var ætlað áhugamönnum. E.t.v. örlítil
skýring á óbliknandi langlífi beztu
verka Vínarklassíkur. Stórsnillingi
lærðist snemma að gera dyggð úr
nauðsyn og gæða einfaldleikann inn-
taki.
Þó var s.s. gengið fullnærri há-
markskröfum í Es-dúr Píanókvart-
ettnum, enda tekur hann enn á, ekki
sízt í píanópartinum. Valgerður Andr-
ésdóttur lék hins vegar sitt hlutverk
með glans án þess að blása úr nös í
hraðsaumandi lokaþætti, og samtaka
strengjatríóið lék af töluverðri tilfinn-
ingu, þó að syngjandi Larghettó mið-
þáttinn skorti angurværa kyrrðar-
spennu.
Frammistöðu hinna fimm nemenda
við Söngskólann í Reykjavík í aríum
og hópsöngsatriðm úr ofangreindum
Mozartóperum tekur ekki að þaul-
greina á litlu dálkaplássi, enda skar
enginn sig afgerandi úr. Frekar var-
færinn söngurinn var í heild svolítið
óslípaður og ekki nema að vonum.
Aftur á móti gaf mikil hljómfylling
ungu raddanna og oft furðugóð texta-
túlkun fyrirheit um vænlega framtíð.
Ekki sízt kom skemmtilega á óvart
hvað tríóið úr Così og kvintettinn úr
Töfraflautunni voru vel samstillt, þar
sem jafnvel reyndustu óperustjörnur
eiga til að syngja hver aðra í kaf.
Afmælis-
kvöld
undra-
barnsins
TÓNLIST
Kjarvalsstaðir
Mozart: Píanókvartett í Es K493*. Aríur
og hópsöngvar úr Brúðkaupi Fígarós,
Così fan tutte og Töfraflautunni. Val-
gerður Andrésdóttir píanó*, Laufey Sig-
urðardóttir fiðla, Þórunn Ósk Marinós-
dóttir víóla, Sigurður Bjarki Gunnarsson
selló. Hulda Sif Ólafsdóttir & Þórunn Vala
Valdimarsdóttir sópran, Dóra Steinunn
Ármannsdóttir mezzosópran, Egill Árni
Pálsson tenór og Jón Ísleifsson barýton.
Píanóundirleikur: Iwona Ösp Jagla. Kynn-
ing: Þorsteinn Gylfason. Fimmtudaginn
20. janúar kl. 19:30.
Mozarttónleikar
Ríkarður Ö. Pálsson
W.A. Mozart
ÞORGERÐUR Katrín Gunnars-
dóttir menntamálaráðherra sótti á
dögunum tónlistarkaupstefnuna
MIDEM sem haldin er árlega í
Cannes í Frakklandi. Fulltrúar frá
íslenskum tónlistarfyrirtækjum hafa
sótt Midem í um aldarfjórðung en
MIDEM er umfangsmesta kaup-
stefna sinnar tegundar og sækja
hana um tíu þúsund manns.
Margt er um að vera í tengslum
við MIDEM og áttu meðal annars
menningarmálaráðherrar Evrópu-
sambandsins fund í Cannes í
tengslum við ráðstefnuna.
Öll helstu útgáfufyrirtæki Íslands
sóttu ráðstefnuna að þessu sinni og
voru Íslendingar nú annað árið í röð
með sameiginlegan bás á sýningunni
á vegum Útflutningsráðs. Einnig
sóttu fulltrúar frá Samtóni, FÍH og
Tónverkamiðstöðinni sýninguna.
„Það var mjög fróðlegt að kynnast
því góða starfi sem þarna fer fram og
hversu náið og vel íslensku þátttak-
endurnir störfuðu saman. Þó svo að
menn séu í samkeppni á heimamark-
aði þá leggjast allir á eitt til að
tryggja framgang íslenskrar tónlist-
ar og jafnvel voru þarna dæmi um að
menn gengju hver í annars störf þeg-
ar á þurfti að halda. Það er greinilegt
að íslensku fyrirtækin eru að vinna
þarna með markvissum hætti og
mikill kostur að hafa alla þátttak-
endur á einum stað líkt og þarna hef-
ur verið gert kleift fyrir tilstuðlan
Útflutningsráðs. Íslensk tónlist býr
við mikinn meðbyr núna og þann byr
eigum við að nýta sem best,“ segir
Þorgerður Katrín. Í heimsókn sinni
á MIDEM kynnti menntamála-
ráðherra sér starfsemi nokkurra
annarra þjóða á sýningunni og ræddi
m.a. við fulltrúa Finnlands, Noregs
og Kanada auk fulltrúa MIDEM og
erlendra útgáfufyrirtækja.
Bylting í vændum
„Það er alveg ljóst að tónlistar-
heimurinn er að sigla inn í mikið
breytingaskeið sem helst má líkja
við byltingu. Umskiptin snúa ekki að
tónlistarsköpuninni heldur því
hvernig tónlist verður dreift til neyt-
enda í framtíðinni. Það var áberandi
hversu mikið fór fyrir fyrirtækjum
er starfa á tæknisviðinu fyrst og
fremst og má þar nefna Napster,
Microsoft og farsímafyrirtækin.
Nýjar leiðir eru að opnast með hrað-
virkari nettengingum og þriðju kyn-
slóð farsíma er munu gjörbylta sölu
og dreifingu á tónlist. Þessar breyt-
ingar eru hafnar og margir spáðu því
að sala á tónlist myndi í framtíðinni
ekki síst eiga sér stað í gegnum 3G-
farsíma sem taka þá að miklu leyti
við því hlutverki sem ferðageislaspil-
arar hafa gegnt á síðustu árum.“
Tónlist | Menntamálaráðherra á tónlistarkaupstefnunni MIDEM í Frakklandi
„Íslensk tónlist
býr við mikinn
meðbyr núna“
Þorgerður Katrín Gunnarsdóttir ásamt Óttari Felix Haukssyni hjá Zonet á
Íslandi, David Junk, yfirmanni Universal í Austur-Evrópu og á Norður-
löndunum, og Thomas Hedström, yfirmanni EMI í Evrópu.
smáauglýsingar
mbl.is