Morgunblaðið - 28.02.2005, Blaðsíða 11

MORGUNBLAÐIÐ MÁNUDAGUR 28. FEBRÚAR 2005 11
VIÐSKIPTI/ATHAFNALÍF
Vesturland | Flestir þeirra 16 hjúkrunarnema
sem nú stunda fjarnám í hjúkrun á Akranesi
hefðu ekki byrjað í slíku námi hefði þessi val-
kostur ekki verið í boði. Þær koma í Bókasafn
Akraness flesta virka daga þar sem þær sitja í
skólastofu en í stað þess að hafa kennarann á
staðnum sjá þær hann á skjá og geta komið
fyrirspurnum í gegnum hljóðnema sem er í
miðri stofunni.
Eftir þó nokkurn undirbúning og athuganir
á hvort hægt yrði að setja saman hóp á Akra-
nesi sem hefði áhuga á að stunda hjúkrunar-
nám í fjarnámi var haldið af stað haustið 2003.
Áskorun hafði komið frá Sjúkrahúsi Akraness
vegna skorts á hjúkrunarfræðingum og undir-
skriftarlistar höfðu borist um að Símennt-
unarmiðstöðin hlutaðist til um slíkt nám. Hún
kom áskoruninni til Háskólans á Akureyri að
sögn Ingu Sigurðardóttur framkvæmdastjóra
Símenntunarmiðstöðvar Vesturlands og var
ákveðið að bjóða upp á námið vegna þessa
mikla áhuga og þrýstings á Akranesi.
Notalegt í námsverinu í Svöfusal
Akraneskaupstaður sýndi verkefninu mik-
inn áhuga og á meðal annars fjarfundabún-
aðinn sem notast er við auk þess að útvega
húsnæði fyrir námið. Námið fer fram í náms-
veri fullorðinna í Svöfusal í Bókasafni Akra-
ness og sér starfsfólk safnsins um daglega
umsýslu aðstoðar nemana á ýmsan hátt og
hefur alltaf kaffi og te á boðstólum. Náms-
verið var tekið í notkun í september 2002 og er
það rekið í samvinnu við Símenntunarmiðstöð-
ina á Vesturlandi. Það var nefnt eftir Svöfu
Þórleifsdóttur sem var brautryðjandi í skóla-
og félagsmálum á Akranesi og var skólastjóri
Barnaskóla Akraness 1919 til 1944.
Í Svöfusal er fjarfundabúnaðurinn og þráð-
laus nettenging. Halldóra Jónsdóttir bæjar-
bókavörður á Akranesi sagði að forsenda fyrir
slíku námi væri gott netsamband. „Við erum
núna tengd við FS-netið, sem er háhraðanet
fyrir framhaldsskóla og símenntunarmið-
stöðvar á Íslandi og gengur það mjög vel,“
sagði hún. „Myndin er skýr og hljóðið gott.
Hér er bæði sjónvarpsskjár auk þess sem
myndinni er varpað upp á stóran skjá. Sí-
menntunarmiðstöðin á eina tölvu sem er í
námsverinu en annars eru 8 af 15 nemum með
eigin tölvu.“
Sumir tjá sig meira en aðrir
Myndin sem birtist í námsverinu kemur
beint frá fyrirlestri sem fram fer á sama tíma í
Háskólanum á Akureyri. Því fylgjast hjúkrun-
arnemarnir á Akranesi með sömu fyr-
irlestrum og nemarnir í HA. Að þessu leyti
segir Halldóra að hjúkrunarnámið sé ekki
hefðbundið fjarnám því nemarnir sækja sömu
tíma og væru þeir í hefðbundnu námi við HA.
Í spjalli við hjúkrunarnemana kom fram að
yfirleitt gengi vel að fylgjast með fyrirlestr-
unum í námsverinu. Helsta vandamálið væri
að þær sæju ekki alltaf á glærur sem stundum
eru notaðar í fyrirlestrum. Þetta væri þó mis-
jafnt eftir kennurum, því hægt væri að skipta
yfir á glærurnar með sérstökum búnaði. Því
miður muni ekki allir kennararnir eftir því.
Einnig væri stundum erfitt að heyra spurn-
ingar úr salnum fyrir norðan. Nokkrir kenn-
arar væru þó duglegir við að endurtaka spurn-
inguna áður en þeir svöruðu henni.
Þær segjast líka vera duglegar að taka þátt
í umræðunum með því að nota hljóðnemann í
stofunni. „Og sumir tjá sig meira en aðrir,“
heyrðist í einni.
Hjúkrunarnemarnir voru nýkomnir frá Ak-
ureyri þar sem þeir voru í staðbundnu námi
sem er einu sinni á önn. Þá fer fram sýni-
kennsla og tekin eru verkleg próf. „Sam-
vinnan er mjög góð við bekkinn fyrir norðan,“
sögðu þær, „og nokkrar í bekknum fyrir norð-
an hugsa vel um okkur og færa bæði mynda-
vél og hljóðnema svo við heyrum betur og
sjáum.“
Við reddum þessu sjálfar
Fimm þeirra sem nú sækja námið á Akra-
nesi voru áður á Akureyri. Þær fluttu sig um
set vegna þess að það hentaði fjölskyldu-
aðstæðum betur. Nokkrar búa á Akranesi,
aðrar í Borgarfirðinum og enn aðrar koma ak-
andi úr Reykjavík á hverjum degi. Þær voru
sammála um að það skapaði skemmtilega
stemmningu að vera í svo litlum hópi. Góður
andi væri í hópnum þó aldursbilið væri breitt,
en þær eru rúmlega tvítugar upp í 45 ára.
Óneitanlega væri andrúmsloftið svolítið frjáls-
legra en á móti kæmi að þær þyrftu að vera
svolítið duglegar að bjarga sér, til dæmis með
ýmis tæknimál. Sem betur fer væru innan um
nemendur sem þyrðu að taka þau mál að sér.
„Við reddum þessu sjálfar og þurfum lítið á
tæknilegri aðstoð að halda.“
Nemendur geta keypt sér kort fyrir skóla-
önnina og er innifalið í því bókasafnskort, að-
gangur að námsveri og þráðlaus tenging. Þá
hafa þeir aðgang að Svöfusal til verkefnavinnu
ef salurinn er ekki í notkun. Einnig hafa þeir
aðgang að lessal safnsins og bókasafni.
„Bókasafn Akraness er orðinn hálfgerður
skóli,“ sagði Halldóra. „Auk hjúkrunarnem-
anna eru hér 11 leikskólakennaranemar á 3.
ári sem mæta einu sinni í viku, einn nemandi
er í auðlindanámi við sjávarútvegsdeild Há-
skólans á Akureyri og annar er í íslenskunámi
við Háskóla Íslands. Þetta setur óneitanlega
skemmtilegan svip á starfsemi safnsins,“ sagði
hún.
VESTURLAND
Sextán hjúkrunarnemar stunda fjarnám í hjúkrun á Akranesi
Skemmtileg stemmning í litlum hópi
Morgunblaðið/Ásdís Haraldsdóttir
Hjúkrunarnemar á Akranesi. Hópurinn gaf sér tíma til myndatöku á meðan Sigurður
Björnsson læknir tók sér hlé á fyrirlestrinum í Háskólanum á Akureyri. Halldóra Jónsdóttir
bæjarbókavörður er lengst til vinstri.
asdish@mbl.is
ÞETTA HELST ...
VIÐSKIPTI
● EIMSKIP Denmark A/S og Faroe
Ship A/S verða sameinuð undir
nafninu Eimskip – Faroe Ship Den-
mark A/S. Er það liður í þeirri þró-
un og stefnumótun hjá Eimskip á
Norðurlöndunum sem hefur að
leiðarljósi að auka hagkvæmni í
rekstri ásamt því að veita við-
skiptavinum skilvirkari og betri
þjónustu, að því er segir í tilkynn-
ingu.
Siglingakerfið helst óbreytt en
með sameiningunni á að verða til
félag sem getur veitt enn öflugri
þjónustu en áður gagnvart við-
skiptavinum sínum í Færeyjum,
Danmörku og á Íslandi. Fram-
kvæmdastjóri Eimskip–Faroe Ship
Denmark A/S er Hjörtur Hjartar.
Sameina Eimskip Den-
mark og Faroe Ship
BRESKA sendiráðið og UK Trade
Investment héldu málþing á
fimmtudag undir yfirskriftinni Við-
skiptabrú milli landa, en þar voru
nýir möguleikar til útrásar kynntir
og hvernig íslensk fyrirtæki geta
nýtt sér svæðisbundna styrki og
þann stuðning sem breskir vís-
indagarðar bjóða til að auðvelda
fyrirtækjum að ná árangri á breska
markaðinum og auka útflutning. Af
hálfu Íslands komu Impra nýsköp-
unarmiðstöð, Klak nýsköpunar-
miðstöð, Samtök iðnaðarins, Sam-
tök sprotafyrirtækja, Samtök
íslenskra líftæknifyrirtækja og
Seed Forum Iceland að undirbún-
ingi málþingsins.
Sendiherra Bretlands á Íslandi,
Alp Mehmet, sagði í ávarpi á mál-
þinginu að það væri öðrum þræði
haldið til að fjalla um þær áskor-
anir sem blasa við fyrirtækjum með
aukinni alþjóðavæðingu sem aug-
ljóslega sé komin til að vera og
stjórnendur vísindagarðanna geri
sér fulla grein fyrir.
Davíð Oddsson utanríkis-
ráðherra sagði að Íslendingar
hefðu þegar haslað sér völl með
fjárfestingum í Bretlandi svo eftir
hefði verið tekið. Hann sagðist þó
vonast til þess að þær fjárfestingar
væru aðeins upphafið að aukinni
fjárfestingu Íslendinga á Bretlandi
og að málþingið myndi verða til
þess að ýta enn frekar undir þá þró-
un.
Davíð sagði hátt menntunarstig á
Íslandi hafa lagt grunninn að stofn-
un framsækinna fyrirtækja, Ísland
sé nú í hópi þeirra landa sem eyði
einna hæstu hlutfalli af landsfram-
leiðslu sinni til menntunar; það
muni vonandi leiða til enn frekari
nýsköpunar á Íslandi og útrásar á
erlendum mörkuðum. „Ég er þeirr-
ar skoðunar að aðstæður fyrir
sprotafyrirtæki hafi sjaldan verið
eins hagstæðar á Íslandi og nú.“
Adrian Pinder sem starfar fyrir
UK Trade & Investment (T&I) í
Stokkhólmi hvatti íslensk fyrirtæki
til þess að nýta sér þá þjónustu sem
T&I veitti. Pinder, sem sér um að-
stoða bresk fyrirtæki við útflutning
til Norðurlandanna sagði til-
tölulega auðvelt og kostnaðarlítið
fyrir erlend fyrirtæki að koma sér
upp fyrirtæki í Bretlandi.
Viðskiptabrú milli landa
VIÐHALDSFYRIRTÆKI þau
sem heyrt hafa undir félög í eigu
Avion Group hafa nú verið sam-
einuð og ber nýja fyrirtækið nafnið
Avia Technical Services (ATS).
Tilkynnt var um sameiningu Av-
iaservices Limited og Air Atlanta
Aero Engineering Limited við opn-
un nýrra höfuðstöðva Avion Group
í Bretlandi síðastliðinn fimmtudag.
Eykur afkastagetu
Höfuðstöðvar hins nýja félags
verða við Kent-flugvöll í Manston í
Kentsýslu á suðausturodda Eng-
lands. Í byggingunni, sem á að
verða 8.950 fermetrar, verða auk
viðgerðaraðstöðu skrifstofur og
geymslurými. „Með tilkomu nýrra
húsakynna eykst afkastageta fyr-
irtækisins,“ segir í fréttatilkynn-
ingu frá Avion Group en þar segir
jafnframt að búist sé við að fleiri
viðhaldsfyrirtæki muni bætast við
undir merkjum ATS í framtíðinni.
Í ræðu sinni við opnun höfuð-
stöðva Avion Group í Bretlandi
sagði Magnús Þorsteinsson,
stjórnarformaður félagsins, að hér
væri um að ræða sameiningu
tveggja afar vel metinna fyrir-
tækja á sínu sviði. Enn fremur
sagði Magnús stofnun hins nýja fé-
lags vera „framhald á því straum-
línulögunarferli sem við höfum
unnið að innan samsteypunnar á
undanförnum vikum.“ Hann sagði
félagið hafa metnað til þess að
vaxa enn frekar með aukinni eft-
irspurn frá félögum innan sam-
steypunnar auk utanaðkomandi
flugfélaga og flugrekstrarfélaga.
Avion Group sam-
einar dótturfélög NÝTT skipurit yfirstjórnartekur gildi hjá Vífilfelli hf. fráog með morgundeginum, 1.mars, en þá tekur Þorsteinn
M. Jónsson, aðaleigandi fyr-
irtækisins, sæti sem starfandi
stjórnarformaður. Árni Stef-
ánsson, sem verið hefur annar
tveggja framkvæmdastjóra
markaðs- og sölusviðs, verður
forstjóri Vífilfells. Guðjón
Guðmundsson verður fram-
kvæmdastjóri markaðs- og
sölusviðs. Stjórn Vífilfells
skipa auk Þorsteins þeir Sig-
fús R. Sigfússon og Tryggvi
Jónsson, samkvæmt því sem
fram kemur í fréttatilkynn-
ingu frá Vífilfelli.
Þorsteinn hefur gegnt starfi
forstjóra Vífilfells í hart nær 9
ár. Hann er með MA-próf í
hagfræði frá Northwestern
University í Bandaríkjunum.
Þorsteinn starfaði áður m.a.
hjá Samtökum iðnaðarins og
Seðlabanka Íslands.
Árni hefur unnið fyrir Vífil-
fell í rúm 6 ár, fyrst sem vöru-
merkjastjóri en síðan sem
annar tveggja framkvæmda-
stjóra markaðs- og sölusviðs.
Hann er með MSc-próf í al-
þjóðamarkaðsfræði frá Strath-
clyde University í Skotlandi.
Guðjón hefur starfað fyrir
Vífilfell í tæp 6 ár, fyrst sem
vörumerkjastjóri en síðan sem
annar tveggja framkvæmda-
stjóra markaðs- og sölusviðs.
Guðjón er með MIM-próf frá
Thunderbird, The Garvin
School of International Man-
agement, í Bandaríkjunum.
Skipulags-
breyting-
ar hjá
Vífilfelli
● AFGERANDI meirihluti Íslendinga
er á móti því að grunnnet Landssím-
ans verði selt með fyrirtækinu, sam-
kvæmt skoðanakönnun sem Fé-
lagsvísindastofnun HÍ gerði fyrir Og
Vodafone.
Þegar eingöngu eru teknir þeir
sem afstöðu tóku í könnuninni kem-
ur í ljós að 71% var mjög eða frekar
andvígur því að selja grunnnetið
með, en um 18% voru frekar eða
mjög hlynntir því að selja grunnnetið
með. 11% voru hlutlausir, segir í til-
kynningu frá Og Vodafone.
Tekið var 800 manna slembiúrtak
fólks á landinu öllu, á aldrinum 18 til
75 ára. Brúttósvarhlutfall var 70%
eða 560 manns.
Á móti sölu grunnnets