Morgunblaðið - 19.03.2005, Blaðsíða 4
S k a n d i n a v í s k s v e i t a r ó m a n t í k
stíll
4 lifun
Skandinavar eru þekktir fyrir hönnun sína og þá trónar svona út á við
þetta einfalda, ljósa yfirbragð þar sem PH-lampinn og „Sjöan“ fara
framarlega. Staðreyndin er samt sú að nánast þvert á þennan stíl fer
annar jafnvinsæll á þessum slóðum – skandinavíski sveitastíllinn.
Honum má lýsa sem blandi af frönskum sveitastíl, amerískum sveitastíl
og kannski smávegis af þeim sem kallaður er „Gustavian“. Sá franski
er skilgreindur með tilvísan í Provence-hérað í Suður-Frakklandi þar
sem bjartir litir í gulum, bláum og bleikum tónum eru áberandi.
Kalkáferð er á veggjum, terracotta-leirflísar á gólfum og frekar stór,
stílhrein húsgögn sem eru laus við alla tilgerð. Ameríski stíllinn er
breið lína frekar einfaldra og frumstæðra húsgagna þar sem húsgögn
fá að vera snjáð og notuð í útliti. Máluð gólf, mottur og stenslar er
mikið notað. Gústafs-stíllinn er sænskættaður, tengdur Gústaf 3 sem
ríkti seint á 18. öld. Þar eru stórir gluggar, birta, miklir kertastjakar og
speglar sterk einkenni – strigi, panell og blómamynstur á veggjum.
Mest áberandi eru þó máluð húsgögn; kaldir litir í blágráu, perlugráu,
bleiku og gulu. Húsgögn eru í nýklassískum anda sem er fyrsti
raunverulegi, alþjóðlegi stíllinn þar sem flúri og skrauti
rókokkó-stílsins var mótmælt í einfaldleika þess tíma.
Þessi skandinavíski sveitastíll er í senn rómantískur, kvenlegur og
stelpulegur í bland við að vera oft mjög hvítur og frekar einfaldur í oft
mikilli litagleði. Hann virðist aldrei hafa náð til Íslands og það má
sennilega rekja til þess að þeir sem fylgja honum eftir kaupa mikið af
húsgögnum og hlutum á flóamörkuðum og skransölum. Sú hefð hefur
ekki náð fótfestu á Íslandi – að kíkja á markaði, bílskúrssölur og jafnvel
það að setja dót sem ekki er lengur notað út á gangstétt og hver sem
er má hirða það. Antíkbúðir erlendis selja margar mikið af dóti sem
hæfir þessum stíl en þær eru flestar frekar dýrar.
Skandinavískur sveitastíll hefur samt sem áður það einkenni að vera
mjög blandaður. Skandinavísk hönnun frá miðbiki aldarinnar er þar
áberandi og blandast því sem á undan er talið. Sérstaklega húsgögn
og hlutir sem finna má á fornsölum og teljast gamlir og upprunalegir.
E
ft
ir
H
ö
llu
B
ár
u
G
es
ts
d
ó
tt
ur