Morgunblaðið - 19.03.2005, Blaðsíða 16

stærra. Ég skreyti töluvert með hlutum úr húsbúnaðarlínu Next sem
hentar heimilinu vel.“
Ertu dugleg að kaupa inn til heimilisins?
„Já, mjög dugleg. Ég er svo lánsöm að ferðast mikið út af vinnu og
get þá gripið eitthvað fallegt með mér. Ég kaupi alltaf eitthvað þegar
ég er í Danmörku, fer oft í Indiska og um daginn keypti ég mér diska
í Notre Dame. Bahne er líka skemmtileg verslun með ýmis merki sem
ég er hrifin af. Svo finnst mér Broste-vörurnar fallegar og hef gaman
af að fara í Tekk-Company hér heima. Ég kaupi mikið af húsbúnaðar-
blöðum og fylgist með, hér áður keypti ég alltaf Ideal Homes og slík
blöð en hef meira gaman af Livingetc og blöðum í þeim anda í dag.“
Hvaða rými hefur þér þótt skemmtilegast að innrétta?
„Hiklaust stofuna og borðstofuna því það var alveg nýtt fyrir mér frá
okkar fyrri íbúð. Mér finnst alveg meiri háttar að hafa borðstofu og
stóra stofu, stórt borðstofuborð og skenk. Þetta er svo ólíkt fyrri íbúð
því hér er plássið svo miklu meira. Það er svo notalegt að sitja hér á
kvöldin þegar dimmt er úti og kveikja á kertum.“
Er eitthvað sem þig langar til að gera hér heima fyrir utan það sem
komið er?
„Það liggur ekkert á og mér finnst gott að taka smá tíma í að finna
sálina í húsinu. Það er gott að koma sér strax fyrir á ákveðinn hátt en
síðan koma hlutirnir smám saman. Núna erum við að hugsa um
lýsinguna og mig langar jafnvel í stól og kommóðu í stofuna en ég er
ekkert að flýta mér. Sömuleiðis er arinn á dagskrá. Núna erum við að
klára að innrétta baðherbergin og svo er alltaf ýmislegt smálegt sem
tínist til. Það er gott að gefa sér tíma, svolítið eins og að leyfa húsinu
að tala við sig. Fyrir utan þetta eru rosaleg viðbrigði að koma úr
miklu minni íbúð í þetta stórt og það þarf að venjast því þar sem
áherslur eru allt aðrar.“
16 lifun
innlit