Morgunblaðið - 19.03.2005, Blaðsíða 27
lifun 27
staðsetning
A f s t a ð a
h l u t a n n a
Fyrir utan útlit og hagkvæmni þá
skiptir uppröðun og staðsetning hús-
gagna og hluta, afstaða þeirra hvers
til annars, miklu máli þegar verið
er að velta fyrir sér hvernig rými
muni virka sem best.
Mörgum þykir undarlegt að velta ofantöldu fyrir sér áður en flutt er inn í
nýja íbúð eða þegar verið er að gera upp og standsetja. Það er hins vegar
betra að íhuga slíkt í tíma til að hafa skýrar hugmyndir um hvernig rými
nýtist sem best eða hvernig best er að bæta það. Ýmislegt þarf að hafa í
huga, m.a. hvernig manni líður í herberginu, hvort hægt að leggja hlutina
frá sér, hvort mögulegt er að lesa þar, hvort aðgengi er þægilegt og ávallt
skyldi hafa í huga ákveðinn miðpunkt til að ganga út frá þegar verið er að
innrétta.
Þarna takast ætíð á fagurfræði og hagkvæmni – hægindastóll fer vel í horn-
inu en verður hann notaður þar? Þægindin eiga að hafa forgang og í þessu
tilfelli ætti að finna eitthvað annað í hornið! Stóllinn ætti að vera hluti af
stærri heild stóla og sófa, n.k. setrýmis.
Stærð hlutanna hefur mikil áhrif á yfirbragð herbergis. Of margir
stórir hlutir gera það stíft, formlegt og óþægilegt. Of margir litlir
og lágir hlutir láta herbergið líta út sem eitthvað vanti. Þarna þarf
að skapa ákveðið jafnvægi en samt ekki á þann veg að hafa jafn-
mikið af háu og lágu dóti. Þægilegast er að hugsa málið þannig
að það lága sé í meirihluta og það háa komi inn á milli. Sófi og
stólar, sbr. sófasett, kemur vel út með stökum og opnum stólum
og léttu, lágu sófaborði, t.d. glerborði. Þá getur komið skenkur
eða hilla, stór spegill eða málverk og standlampi. Mottur hafa líka
áhrif, mynstraðar mottur í dökkum litum þrengja og minnka sem
og dökkir litir á veggjum. Gluggar, opnanleg fög, sólarljós og
ofnar geta haft sitthvað að segja um staðsetningu húsgagna,
sömuleiðis staðsetning hljómtækja upp á hljómburð og sjónvarps
til að sem flestir sjái með góðu móti.
E
ft
ir
H
ö
llu
B
ár
u
G
es
ts
d
ó
tt
ur
L
jó
sm
yn
d
ir
úr
L
ifu
n
G
un
na
r
Sv
er
ris
so
n