Morgunblaðið - 19.03.2005, Qupperneq 46
Lifun
46
Leður og aftur leður
Leðursófar virðast vera það sem fólk sækist eftir í dag.
Að sögn starfsfólks Exó eru það hvítir og svartir leður-
sófar sem eru „heitastir“. Leðrið er allt frá hanskaleðri og
upp í mjög gróft leður. Sófarnir eru með breiðum örmum.
Hægt er að fá álbakka til að setja á arminn sem er kjörinn
til að leggja frá sér vínglas eða kaffibolla.
núna
Day Home
Danska vörumerkið Day Birger et Mikkelsen er
hugðarefni danska viðskiptajöfursins og
hönnuðarins Keld Mikkelsen. Það hefur fram-
leitt kvenfatnað frá því síðla árs 1997 og aukið
fjölbreytnina smám saman; nú síðast kom á
markað heimilislína, Day Home. Vor 2005 er
fyrsta árstíðin og reglulega bætist í línuna,
komin eru púðaver og ábreiður, leðurhirslur,
minnisbækur og rúmföt koma á næstu vikum
og gaman verður að fylgjast með framhaldinu
þar sem bætist í litavalið. Stílnum má lýsa á
sama hátt og í fatalínunni – hann er nútíma-
legur og klassískur í senn, með sterka skír-
skotun í ýmis þjóðleg einkenni. Day Birger
et Mikkelsen fæst í verslun GK á Laugavegi.
l
i
f
u
n
Beovision 7 frá Bang & Olufsen
Einstök hönnun Beovision 7 býður upp á nýja möguleika þegar kemur að hljóð og mynd
inni á heimilinu. Beovision 7 er með innbyggðum DVD-spilara sem opnast hljóðlaust
undir skjánum og fellur inn í heildarútlit tækisins. Þegar kveikt er á Beovision 7 kveikir
það á innbyggðum snúningsbúnaði sem stillir sjónvarpið hljóðlaust í uppáhaldsstillingu
áhorfandans. Um leið mælir tækið birtuskilyrði og stillir mynd sína í samræmi við þau.
VisionClear-tækni Bang & Olufsen tryggir síðan hámarksgæði myndar sama hvaðan
horft er á LCD-skjá sjónvarpsins. Hljóðkerfi Beovision 7 var sérstaklega hannað sem
sjálfstætt hljóðkerfi en er samt órjúfanlegur hluti sjónvarpsins og fellur einstaklega
smekklega að útliti tækisins. Niðurstaðan leiddi til mestu gæða í hljóði sem þekkjast í
sjónvarpi sjónvarp. Fjöldi möguleika til staðsetningar og uppsetningar standa til boða,
hægt er að hengja sjónvarpið á vegg, láta það standa á gólfi, sjálfstætt eða á standi,
eða einfaldlega setja það á sjónvarpsskápinn. Beovision 7 inniheldur allar þær
hátæknilausnir sem Bang & Olufsen hafa þróað síðastliðin 20 ár við framleiðslu
sjónvarpa ásamt fallegri hönnun og býður uppá einstaka upplifun við áhorf.