Morgunblaðið - 19.03.2005, Síða 34

Lifun
34
innlit
34 lifun
lifir og hrærist í þessum heimi. Við verðum kannski mest vör við það
þegar hingað koma gestir. Fólk gengur um, skoðar og finnst þetta allt
heldur merkilegt og óvanalegt.
Hvernig lýsir þú stílnum heima?
Hjartanlegum. Ég kalla það svo því að ég vinn hlutina út frá einhverri
fenginni sannfæringu sem býr innra með mér. Þegar ég er ánægð í
hjartanu, veit ég að ég er að gera góða hluti.
Auðvitað eru straumar og stefnur í þessu fagi sem bera ákveðin nöfn
og þess háttar, en ég hef aldrei unnið þannig að ég „innrétti“ í
ákveðnum stíl. Stíllinn er sá sem verður til úr samvinnu minni og þeirra
aðila sem koma að verkinu.
Hvernig er það öðruvísi að hanna fyrir eigið heimili en annarra?
Hér heima gerast hlutirnir hægar, hér er þeim velt eilítið lengur fyrir sér,
og það getur t.d. tekið 9 ár að ákveða hvernig gólflistarnir eiga að
vera!
Hvað réð vali arkitekts við kaup á eigin íbúð, hvað hefur hún upp á að
bjóða?
Ja, í mínu tilfelli væri það innra skipulag, birtuflæði, Útsýni með stórum
staf, en það hefur alltaf verið mér mikilvægt. Á þessum stað sem við
búum á í dag var áður holt og mói, og hér var tengivegur frá
Reykjanesbraut inn í Garðabæinn. Við hjónin áttum það til að stoppa
hér í holtinu, njóta útsýnisins til Arnarvogsins, Suðurnesjanna og
Bláfjallanna og segja „hér gætum við hugsað okkur að búa“. Og viti
menn, nokkrum árum seinna þegar búið var að skipuleggja holtið fyrir
íbúðarsvæði, enduðum við í holtinu.
Hvað hafðir þú í huga við innréttingu íbúðarinnar?
Við hjónin vorum upptekin af því að þar sem við værum nú að hoppa út
í djúpu laugina með að vera arkitektar og teikna og reisa okkar eigið
hús, þyrfti það að vera þannig að það lifði vel áfram í tíma.
Hvernig er draumaíbúðin?
Ég held ég geti sagt að ég búi í draumaíbúðinni minni!
Uppáhaldslitir og litasamsetningar fyrir heimilið?
Hvítt verð ég að segja að sé minn uppáhaldslitur. Mildir náttúrulitir
koma þar á eftir.
Eftir hverju sækist fólk þessa stundina þegar kemur að
innanhússhönnun?
Ég vil halda að það sé ósk um góðar og hagnýtar lausnir, umhverfi sem
því líður vel í og stenst tímans tönn í útliti.
Þess má að lokum geta að Guðbjörg hannaði m.a. sófasettið,
borðstofuborðið og bekkinn sem er á forsíðunni.