Morgunblaðið - 21.04.2005, Qupperneq 36

36 FIMMTUDAGUR 21. APRÍL 2005 MORGUNBLAÐIÐ
UMRÆÐAN
Á HÁSKÓLAFERLI mínum var
mér kennt að samkeppni væri til
góðs. Mér var kennt að í heilbrigðri
samkeppni skapaðist
eðlilegt jafnvægi milli
neytenda og veitenda.
Þar tækjust á heið-
arleg vinnubrögð um
heill viðskiptavina og
sigurinn væri þess
sem best stæði sig í
því að þjónusta við-
skiptavininn.
Ragnar Thor-
arensen löggiltur fast-
eignasali lætur móðan
mása í opinberu minn-
isplaggi til samfélaga
sinna í Félagi fast-
eignasala þar sem
hann býsnast yfir þeirri hörðu sam-
keppni sem ríkir á milli fast-
eignasala í dag. Í stað þess að
bregðast við samkeppni með eðli-
legum hætti vill hann fækka þeim
mönnum sem starfa mega á fast-
eignasölum og kallar eftir lögvar-
inni einokun til handa löggiltum
fasteignasölum. Með slíkum ráð-
stöfunum yrði skilvirkni minni og
þjónusta við viðskiptavini stórlega
skert. Að setja slíkar kröfur er
jafnfráleitt og að löggjafinn mælti
svo fyrir að þeir einir mættu starfa
um borð í fiskiskipi sem lokið hefðu
skipherranámi.
Kaup og sala fasteigna er mikið
ábyrgðarstarf og ekk-
ert er því eðlilegra en
að löggjafinn geri rík-
ar kröfur um að sér-
menntaður ein-
staklingur ábyrgist og
veiti hverri starfsstöð
forstöðu. En það er
fráleitt að gera þá
kröfu að á fast-
eignasölum megi þeir
einir starfa sem hlotið
hafa sérstaka löggild-
ingu. Sérstaklega þeg-
ar tekið er til þess hve
veigalitlar kröfur hafa
hingað til verið gerðar
til þess lærdóms sem til hefur þurft
svo fasteignasalar geti hampað téð-
um löggildingarstimpli.
Nú er svo komið að samkeppni á
fasteignasölumarkaði er afar hörð
og berjast menn um þá bita sem
bjóðast hverju sinni líkt og hákarl-
ar í allt of lítilli tjörn. En í stað
þess að fylgja heilbrigðum leik-
reglum samkeppninnar til að sigr-
ast á lögmáli skortsins og vinna þar
með heill viðskiptavinarins þá kalla
Ragnar og kollegar hans í stjórn
Félags fasteignasala á hjálp lög-
gjafans við að lögleiða einokun í
fasteignasölu á Íslandi. Allt er það
gert undir yfirskyni neytenda-
verndar. Í stað þess að ganga
óhræddir til þeirrar samkeppni sem
ríkir í fasteignasölu reyna þessir
menn nú að telja almenningi trú
um að lögvarinn einokun sé eina
ráðið.
Ragnar Th. segir í umræddu
minnisplaggi:
Slíkt er alþekkt þegar menn
sækja sameiginlega í einhverja auð-
lind, hvort heldur það eru fiskimið,
vatnsbrunnur eða viðskiptavinir.
Það kallast [bölvun sameign-
arinnar]
Svolítið sniðugt að vera sem við-
skiptavinur, settur í sömu spor og
hver önnur takmörkuð og viljalaus
náttúruauðlind! Þetta minnir óneit-
anlega á minnisplöggin sem sögð
eru hafa gengið á milli olíufélaga-
furstanna.
Stjórn félags fasteignasala vill
nefnilega að menn skipti með sér
þeirri takmörkuðu auðlind sem við-
skiptavinirnir eru og fækki með
lagaboði þeim sem mega hafa at-
vinnu sína af því að starfa á fast-
eignasölum. Ragnar kemst reyndar
svo skemmtilega að orði hvað þetta
varðar undir lok greinar sinnar að
ég get eiginlega ekki annað en látið
það fylgja hér með:
Ég ætla ekki að dylja þá skoðun
mína að ég vil alla þessa rétt-
indalausu sölumenn út úr brans-
anum. Já, stundum tekur það mann
smátíma að átta sig á því hvað er
manni fyrir bestu! Þeir sem vilja
geta farið í löggildingarnámið núna
en þeir sem vilja það ekki eiga bara
ekki að starfa á þessum markaði...
...Við fáum seint úthlutað einkaum-
boðum fyrir ákveðnum húsum, göt-
um eða hverfum. Við höfum hins
vegar fengið úthlutað einkaleyfi til
að selja fasteignir. Þetta eru lög-
varin réttindi. Stöndum vörð um
þau og þá mun okkur öllum vel
farnast.
Við, sölumenn fasteigna á hinum
ýmsu fasteignasölum, þurfum nú að
taka höndum saman og standa vörð
um lögvarinn rétt okkar til að
starfa við fasteignasölu á ábyrgð og
í umboði löggilts fasteignasala.
Okkar þekking, reynsla og mennt-
un er mikils virði í hinum mörgu
skrefum sem felast í kaup- og sölu-
ferli fasteigna. Lykillinn að ánægju-
legum og traustum viðskiptum er
margþætt þekking þeirra sem
starfa á hverri fasteignasölu. Sú
þekking er algjörlega óháð því
hvort viðkomandi er löggiltur fast-
eignasali eður ei. Reyndar má færa
fyrir því rök að þjónustustig fast-
eignasölunnar aukist eftir því sem
þekking starfsmanna er víðtækari.
Á löggiltum fasteignasala hvílir
sú lagalega skylda að sjá til þess að
á sinni starfsstöð séu starfsvenjur
og verkferlar í samræmi við lög og
góða viðskiptahætti. Það er síðan
okkar sölu- og þjónustufulltrúanna
að standa undir þeirri ábyrgð sem
okkur er falin, miðla af okkar sér-
þekkingu og veita þá ráðgjöf sem
okkur ber að veita þannig að við-
skiptavinir okkar standi öruggir og
ánægðir upp frá samningaborði.
Bregðumst ekki viðskiptavinum
okkar með því að láta stjórn Félags
fasteignasala komast upp með þau
áform sín að ráðast gegn lögvörð-
um réttindum okkar sölumanna á
fasteignasölum. Alræði og offar
kunna aldrei góðri lukku að stýra
og oftar en ekki snúast slík vopn í
höndunum á þeim er þau nota. Lát-
um ótta þessara manna við heil-
brigða samkeppni ekki blekkja við-
skiptavini okkar. Tökum höndum
saman og stöndum vörð um sam-
keppni og fagleg vinnubrögð, okkur
og neytendum öllum til hagsbóta.
Einokunartilburðir stjórnar
Félags fasteignasala
Guðmundur Andri Skúlason
fjallar um alræði fasteignasala
og undirbýr stofnun Félags
starfsmanna á fasteignasölum
’Tökum höndum samanog stöndum vörð um
samkeppni og fagleg
vinnubrögð, okkur og
neytendum öllum til
hagsbóta.‘
Guðmundur Andri
Skúlason
Höfundur er sölumaður fasteigna og
undirbýr nú stofnun Félags starfs-
fólks á fasteignasölum.
VIÐ höfum fylgst með þeirri um-
ræðu sem átt hefur sér stað um
væntanlegt formannskjör í Samfylk-
ingunni. Sú umræða er um margt
óvönduð. Hún ber vott um að skort-
ur á ávirðingum á hendur Ingi-
björgu Sólrúnu hafi leitt formann
Samfylkingarinnar og stuðnings-
menn hans út í málflutning sem geti
ekki orðið þeim til framdráttar.
Formaður Samfylkingarinnar
hefur margsagt við þjóðina að Ingi-
björg Sólrún Gísladóttir sé yf-
irburða stjórnmálamaður. Við erum
sammála því. Hann hefur sagt að
hún verði framtíðarleiðtogi flokks-
ins. Við erum sammála því. Hann
tók þátt í að gera Ingibjörgu Sól-
rúnu að forsætisráðherraefni fyrir
síðustu kosningar. Það var almenn
samstaða um það. Hann studdi hana
til varaformennsku í flokknum. Það
var engin andstaða við það. Hann
studdi hana til að leiða framtíð-
arnefnd flokksins, eitt merkasta
verkefni flokksins á þessu kjör-
tímabili. Þar hafði hún einróma
stuðning.
Hvað er þá að? Af hverju snýr
formaðurinn allt í einu við blaðinu?
Af hverju er forystan í framtíð-
arnefndinni ekki í lagi, þó nefndin sé
ekki einu sinni búin að skila af sér?
Af hverju vinna stuðningsmenn for-
mannsins að því að gera vinnu fjöl-
margra flokksfélaga tortryggilega?
Eigum við ekki betra skilið?
Þegar öll umræða formanns Sam-
fylkingarinnar og stuðningsmanna
hans er skoðuð kemur eitt og aðeins
eitt í ljós. Rökin sem notuð eru í um-
ræðunni gegn framboði Ingibjargar
Sólrúnar eru haldlaus.
Í stórum stjórnmálaflokki sem
hefur haft opna lýðræðislega um-
ræðu að leiðarljósi, er ekkert sjálf-
sagðara en að tekist sé á um forystu.
Það er hin eðlilega leið lýðræðisins.
Þegar tekist er á um hver af sam-
herjum eigi að leiða stjórnmálaflokk
verða menn að gæta þess að þeir
eru að deila við menn sem þeir eru
sammála í öllum meginatriðum. Hér
eru ekki pólitískir andstæðingar
sem takast á. Það er
tekist á um það hvor
aðilinn sé hæfari og
njóti meira trausts til
að ná markmiðum
flokksins.
Ingibjörg Sólrún
Gísladóttir á sér
marga, öfluga stuðn-
ingsmenn. Hún á
mjög mikið fylgi úti í
samfélaginu og hefur
traust almennings.
Það sýna fjölmargar
skoðanakannanir.
Hún á mjög farsælan feril í stjórn-
málum þar sem hún náði með fé-
lögum sínum að leiða fylkingu jafn-
aðarmanna þrívegis til sigurs í
borginni. Undir forystu hennar
breyttist Reykjavík í borg þar sem
meira var lagt upp úr gildum fjöl-
skyldunnar en áður. Í stað stöðn-
unar kom ný lífssýn þar sem al-
mannahagsmunir voru í fyrirrúmi.
Þessa breytingu vilja margir Sam-
fylkingarmenn sjá í landsstjórninni.
Flokksfólkið á að hafa tækifæri til
að leiða í ljós hvort þeirra nýtur
meira trausts til þess að leiða
stjórnmálaaflið okkar í framtíðinni.
Össur Skarphéðinsson hefur
ýmsa kosti. Hann er baráttuglaður
og oft skemmtilegur stjórn-
málamaður. Hann hefur leitt ungan
flokk á mótunarskeiði. Við teljum
reyndar að hann hafi gert örlagam-
istök þegar hann studdi eftirlauna-
frumvarpið fræga með dyggri að-
stoð Guðmundar Árna
Stefánssonar.
Okkur gremst nú að sjá dregnar
fram ávirðingar á Ingibjörgu Sól-
rúnu sem eru ómálefnalegar og inni-
haldslausar.
Ýmislegt í umræðunni und-
anfarna daga minnir á það versta
frá gömlu flokkum forvera Samfylk-
ingarinnar. Við teljum að við og aðr-
ir almennir félagsmenn í Samfylk-
ingunni eigi betra skilið. Við viljum
takast á með rökum en ekki inn-
haldslausum klisjum og tilbúnum
ávirðingum. Þess vegna þurfum við
nú að snúa bökum saman, maður við
mann, og horfa til framtíðar. Kjósa
þann sem hefur meira traust til að
taka á sig það framtíðarverkefni að
leiða Samfylkinguna til sigurs í
næstu kosningum.
Eigum við ekki betra skilið?
Halldór G. Björnsson og Þráinn
Hallgrímsson fjalla um for-
mannskjör Samfylkingarinnar
’Okkur gremst nú aðsjá dregnar fram
ávirðingar á Ingi-
björgu Sólrúnu sem
eru ómálefnalegar og
innihaldslausar.‘
Halldór Björnsson
Höfundar eru félagsmenn
í Samfylkingunni.
Þráinn Hallgrímsson
FORMANNSKJÖR stendur nú
yfir í Samfylkingunni og sýnist
sitt hverjum. Þau Össur og Ingi-
björg eru í kjöri. Ég er þeirrar
skoðunar að sú um-
ræða og athygli sem
Samfylkingin hefur
fengið í þessum slag
sé jákvæð. Margir
hafa gengið til liðs
við Samfylkinguna að
undanförnu til að
geta haft áhrif á
kjörið því öllum er
ljóst að formaður
Samfylkingarinnar
mun hafa mikla
möguleika innan
skamms til að hafa
mikil áhrif í sam-
félagi okkar.
Menn nota líka
tækifærið til að
ganga til liðs við
Samfylkinguna
vegna þess að fólki
er farið að ofbjóða
sú einokunar- og
samþjöppunarstefna
sem ríkisstjórnin
hefur leitt yfir þjóð-
ina. Fólk sem vill
sporna gegn því
gengur til liðs við
Samfylkinguna og
notar sér það tæki-
færi sem nú er til að gerast fé-
lagar.
Samfylkingin bauð fram til Al-
þingiskosninga í fyrsta sinn árið
1999. Mörgum þótti það glapræði
að vera að blanda saman að
minnsta kosti fjórum flokkum sem
hefðu í framboði ólíkt fólk, með
misjafnar áherslur í pólitík. Þetta
var að mörgu leyti rétt en við sem
tókum þátt í þessu fyrsta fram-
boði sýndum hvert öðru fulla virð-
ingu og einnig lögðum við okkur í
líma við að tengjast og við horfð-
um staðfastlega á það sem sam-
einaði okkur í hugsjónum okkar,
sem er jafnaðarstefnan.
Við fengum ágæta útkomu í
kosningunum og að þeim loknum
sátu 17 þingmenn við borðið í
þingflokksherbergi Samfylking-
arinnar.
Það kom í hlut Össurar Skarp-
héðinssonar formanns flokksins að
slípa fólkið saman þannig að úr
því yrði ein heild og einn sam-
stæður þingflokkur. Hann varð að
halda vel á spilunum og leiða
þennan hóp manna í þingflokknum
og auðvitað líka félagana um allt
land í eina sameiginlega Samfylk-
ingu.
Með þrotlausri elju-
semi, óteljandi ferða-
lögum um landið og
hundruðum funda hér
og hver um landið
tókst þetta. Hann
gafst aldrei upp í
þessu mikla og krefj-
andi verki. Þingmenn
og formenn félaga
hvar sem var og hve-
nær sem var gátu
fengið hann til að
koma og vera með í
stofnun nýrra félaga,
sameiningu annarra
og svo framvegis. Sjálf-
ur á ég margar góðar
minningar um óeig-
ingjarnt starf hans í
þágu flokksins sem og
mikinn skilning eig-
inkonu hans frú Árnýj-
ar Erlu Sveinbjörns-
dóttur á þessu
nauðsynlega verki í
þágu íslensku þjóð-
arinnar.
Samfylkingin hefur
að mörgu leyti orðið
fyrir aðkasti, óvæginni
gagnrýni og á tímabili
var útlitið ekki gott því skoð-
anakannanir voru stundum hræði-
legar og sumir hverjir orðnir ugg-
andi um að okkur tækist ekki að
láta hugsjónina um stóran og
sterkan jafnaðarmannflokk ganga
upp. En Össur gafst aldrei upp
þótt hann væri oft einn í brúnni að
sigla í hvössu ölduróti þess skerja-
garðs sem við urðum að komast
frá. Skipstjórn hans var til sóma
og honum hefur tekist að sigla
Samfylkingunni á lygnari sæ og
nú erum við komin á miðin að
fiska til góðs fyrir samfélag okkar.
Samfylkingarmenn við skulum láta
Össur njóta þess, sem hann hefur
gert í þágu Samfylkingarinnar, og
sýna honum traust okkar og þakk-
læti með því að kjósa hann áfram
fyrir formann Samfylkingarinnar.
Össur áfram
Karl V. Matthíasson
fjallar um formannskjör
Samfylkingarinnar
Karl V. Matthíasson
’En Össur gafstaldrei upp þótt
hann væri oft
einn í brúnni að
sigla í hvössu
ölduróti þess
skerjagarðs
sem við urðum
að komast frá.‘
Höfundur er prestur og
fyrrv. alþingismaður.
Hlíðasmára 11, Kópavogi
sími 517 6460
www.belladonna.is
Réttu stærðirnar
smáauglýsingar
mbl.is