Morgunblaðið - 22.05.2005, Qupperneq 4

4 SUNNUDAGUR 22. MAÍ 2005 MORGUNBLAÐIÐ
FRÉTTIR
ALLS bárust 140 umsóknir um
skólavist í grunnnámi Lögreglu-
skóla ríkisins en umsóknarfrestur
rann út í byrjun maí. Af þeim upp-
fylltu 115 manns almenn inntöku-
skilyrði, 81 karl og 34 konur. Mennt-
un og reynsla umsækjenda er með
ýmsu móti og á vef skólans kemur
m.a. fram að tíu hafa lokið háskóla-
prófi. Valnefnd er nú að vinna úr
umsóknunum og verður umsækj-
endum sent bréf um mánaðamót maí
og júní. Haldin verða inntökupróf og
að þeim loknum verða 32 nemar
teknir inn í skólann. Þeir hefja síðan
nám í janúar 2006 og geta útskrifast
í desember sama ár.
140 sóttu um í Lög-
regluskólanum
ÁRNI Magnússon félagsmálaráð-
herra hefur lagt til í ríkisstjórn að
veittar verði 1,2 milljónir króna til
að minnast þess að 19. júní næst-
komandi eru 90 ár liðin frá því kon-
ur fengu kosningarétt. Nokkur
samtök hafa tekið sig saman um að
minnast þessara tímamóta 19. júní
næstkomandi. Þau eru Femínista-
félag Íslands, Kvenfélagasamband
Íslands, Kvennakirkjan, Kvenrétt-
indafélag Íslands, Kvennasögusafn
Íslands, Rannsóknastofa í kvenna-
og kynjafræðum við Háskóla Ís-
lands, Samtök um kvennaathvarf,
Stígamót og UNIFEM á Íslandi.
Reykjavíkurborg hefur þegar
veitt 1,2 milljónir kr. til verkefn-
isins.
90 ár frá því
konur fengu
kosningarétt
TVÍTUGUR ökumaður jeppa sem
olli miklum gróðurskemmdum í
óspilltum flóa við Úlfsvatn á Arn-
arvatnsheiði í fyrrasumar, hefur
greitt 25.000 krónur samkvæmt
dómssátt. Ökumaðurinn gaf sig
fram skömmu eftir verknaðinn og
fór skömmu síðar að vatninu við
annan mann og reyndi að bæta tjón-
ið. Hjördís Stefánsdóttir, fulltrúi
sýslumannsins í Borgarnesi, segir
að hann hafi verið samvinnufús við
rannsókn málsins og iðrast. Þá hafi
hann haft hreina sakaskrá.
25 þús. kr. sekt fyr-
ir utanvegaakstur
UNDANFARIN
50 ár er talið að
um 4 milljónir er-
lendra ferða-
manna hafi kom-
ið til Íslands, þar
af 2,5 milljónir á
síðustu tíu árum.
Aukning í ís-
lenskri ferða-
þjónustu nam
70% á árunum 1995–2004 en var á
sama tíma 24% annars staðar í
heiminum.
Þetta kom m.a. fram í erindi
Magnúsar Oddssonar ferðamála-
stjóra á nýlegri ráðstefnu um um-
hverfisvottaða ferðaþjónustu.
Magnús sagði kannanir sýna að er-
lendir ferðamenn kæmu langflestir
hingað sökum náttúrunnar, eða 70%
ferðamanna að sumri til og 55% yfir
vetrarmánuðina. Mikilvægt væri að
markaðssetja náttúruauðlindina
þannig að hún væri aðgengileg,
sýnileg, nýtt til vöruþróunar en um
leið varin. Þetta væri gert með nátt-
úrutengdri afþreyingu sem hefði
stórlega aukist á síðustu árum. Með
fagmennsku og gríðarlegri vinnu
hefði tekist að skapa þá ímynd að
Ísland væri umhverfisvænt með
einstaka náttúru.
Hlýtt viðmót og bros
skapa gjaldeyristekjur
Magnús sagði nýsamþykkta
ferðamálaáætlun til ársins 2015
vera stórmerkilegt plagg, sem bæri
að þakka stjórnvöldum og þing-
mönnum sérstaklega fyrir að hafa
samþykkt nú í vor. Rakti hann meg-
inmarkmið áætlunarinnar, m.a. þau
að leggja áherslu á náttúru Íslands
og byggja upp og verja ímynd
umhverfistengdrar ferðaþjónustu.
Lagði Magnús áherslu að umhverfið
allt skipti máli í ferðaþjónustu. Í
raun væru allir staðir á landinu
ferðamannastaðir. Einnig væri við-
mót fólks og framkoma gagnvart
ferðamönnum ekki síður mikilvæg.
Þannig gæti hlýtt viðmót og bros í
garð erlendra ferðamanna skapað
miklar gjaldeyristekjur þegar til
lengri tíma væri litið.
2,5 milljónir ferðamanna
til Íslands síðasta áratug
Magnús Oddsson
Fáskrúðsfjörður | Vel gengur með framkvæmdir
við nýtt fjölbýlishús að Garðaholti 7 á Fáskrúðs-
firði. Nú er verið að steypa húsgrunninn. Í húsinu
verða 18 eignaríbúðir sem allar hafa sérinngang
af svölum. Fyrirtækið Rendita byggir húsið, en
verktaki er Malarvinnslan. Fjölbýlishúsið við
Garðaholt er það fyrsta sem byggt er í Austur-
byggð í langan tíma. Töluverð hreyfing er orðin á
fasteignamarkaði í Austurbyggð síðustu misseri
og hefur eftirspurn eftir eignum aukist jafnt og
þétt á síðustu mánuðum. Á vef Austurbyggðar
segir að fasteignaverð hafi hækkað jafnt og þétt
undanfarið, þó að enn sé það töluvert undir því
verði sem þekkist t.d. á Reyðarfirði og Egils-
stöðum. Á Fáskrúðsfirði hefur sveitarfélagið selt
jafn margar íbúðir á þessu ári og allt síðasta ár.
Stefnt er því að setja 13 íbúðir til viðbótar á mark-
að á næstunni, fáist viðunandi tilboð í þær. Einnig
hefur töluverð hreyfing verið í sölu minni og
stærri eigna í einkaeigu og ljóst er að eftirspurn
eftir eignum, af öllum stærðum og gerðum fer sí-
vaxandi. Á Stöðvarfirði hefur töluverð hreyfing
verið á sölu eigna, þá sérstaklega einbýlishúsa, en
nokkur slík hafa selst þar á síðustu vikum. Þar á
sveitarfélagið 12 íbúðir í félagslega kerfinu og
áformar að selja 10 þeirra fáist í þær viðunandi til-
boð. Með tilkomu Fáskrúðsfjarðarganga, sem
samkvæmt áætlun verða opnuð 1. október á þessu
ári, mun Austurbyggð verða í seilingarfjarlægð
frá einu stærsta athafnasvæði á Íslandi. Aukin
hreyfing á fasteignamarkaði gefur sterklega til
kynna að margir kunni vel að meta frið og ró
handan ganga og líti því til Austurbyggðar sem
vænlegs kosts til búsetu.
Aukin hreyfing á fasteigna-
markaði á Fáskrúðsfirði
Morgunblaðið/Albert KempUnnið við grunn fjölbýlishúss á Fáskrúðsfirði.
Eftir Steinunni Ásmundsdóttur
steinunn@mbl.is
TALSVERÐAR tafir hafa orðið á
Miklubrautinni á annatímum til
móts við Rauðarárstíg, þar sem ak-
reinum um Miklubraut hefur verið
fækkað niður í eina í hvora átt
meðan unnið er við að tengja
Miklubrautina nýju Hringbraut-
inni.
Reiknað er með því að þreng-
ingin vari til mánaðamóta, en þá
verður umferð með akstursstefnu í
austur hleypt á syðri akbraut nýju
Hringbrautarinnar, segir Daníel
Gunnarsson, verkstjóri hjá Háfelli,
öðrum tveggja aðalverktaka við
verkið. Hann segir verkið á áætl-
un, stefnt sé að því að hleypa um-
ferð í vesturátt á nyrðri hluta nýju
Hringbrautarinnar 18. júní nk, en
það geti hugsanlega orðið fyrr.
Unnið var að því að malbika nyrðri
akreinarnar seinnipart vikunnar.
Þegar umferð hefur verið hleypt
á nýju Hringbrautina verður
Snorrabraut lokað í 40–50 daga
meðan undirgöng verða gerð undir
Snorrabraut. Í sumar verður einn-
ig unnið að því að leggja göngu-
stíga og fegra umhverfið meðfram
nýju Hringbrautinni.
Morgunblaðið/Árni Torfason
Umferð á hluta nýrrar Hring-
brautar um mánaðamótin