Morgunblaðið - 22.05.2005, Síða 17

MORGUNBLAÐIÐ SUNNUDAGUR 22. MAÍ 2005 17
– Hvenær nákvæmlega ákvaðstu örlög
Svarthöfða; á hvaða tímapunkti komstu að
því hver stóra fléttan ætti að verða í þessari
lokamynd?
„Þegar maður skrifar handrit að bíómynd
þar sem skapaður er nýr heimur verður mað-
ur að búa til ákveðna forsögu og skrifa nokk-
urs konar ævisögu allra sögupersónanna. Það
hentar mér vel að byrja í miðjunni og ráða
síðan í hver forsagan og eftirmálinn er. Þess
vegna fannst mér réttast að byrja í miðri
sögu. Ég sá fyrir mér að ég væri að gera
gamla fantasíuþætti fyrir sjónvarp, eins og
þá sem sýndir voru þegar ég var yngri á
laugardögum, og ákvað að hefja leikinn á
fjórða þætti, þar sem áhorfandinn veit ekki
hvað gerðist á undan og hvað gerðist á eftir.
En ég varð samt sem áður að mynda mér
skoðun á því sjálfur, jafnvel þótt ég ætlaði í
fyrstu bara að gera eina mynd og segja hluta
sögunnar. Myndin byrjar á því að þetta
skrímsli kemur til sögunnar, sem við síðar
komumst að að er faðir hetjunnar og
mennskt í þokkabót. Og í lokin drepur
skrímslið vonda karlinn, innblásið af syni sín-
um, og verður hetja myndarinnar. Þetta átti
því í raun að verða bara ein mynd sem átti að
sýna örlög Svarthöfða. Svo gerðist það að
myndirnar urðu tvær í viðbót og illska Svart-
höfða tók að skyggja á hina eiginlegu sögu
sem ég hafði búið til sem er örlagasaga
Svarthöfða. Og af þeim sökum, mikið til, sá
ég ástæðu til að kvikmynda forsöguna sem
ég hafði samið. Ég vildi gefa skýrari mynd af
Svarthöfða og þar með undirstrika inntak
sögunnar. Svo er önnur ástæða, af prakt-
ískari toga fyrir því að ég ætlaði ekki að gera
fleiri myndir, t.d. einsetti ég mér að hafa vað-
ið fyrir neðan mig hvað tæknibrellur varðaði;
að gera aðeins það sem tæknin hverju sinni
gerði mér kleift. Þannig hefur hver mynd
haldist mjög í hendur við tækniframfarir sem
átt hafa sér stað síðustu 30 árin. Það lá t.a.m.
ljóst fyrir að Yoda myndi skapa fullt af
vandamálum ef við hefðum rokið strax í að
gera alla söguna. En um leið og stafræna
tæknin sem kynnt var til sögunnar í Jurassic
Park varð til sá ég að ég gæti loksins klárað
söguna og látið Yoda gera það sem honum
var ætlað, eins og t.d. að slást með geisla-
sverðinu og annað þvíumlíkt. Þegar Return
of the Jedi var afstaðin hélt ég að við yrðum
að láta staðað numið af þessum sökum, sá
ekki fyrir að við gætum sagt forsöguna með
góðu móti, eins og ég vildi hafa hana. Til að
svara spurningu þinni beint þá skrifaði ég
alla söguna, einnig stóru fléttuna í þessari
mynd, áður en ég kláraði handritið að fyrstu
myndinni.“
– Það er óhætt að fullyrða að umbreyting
Anakíns í Svarthöfða er eitt það atriði í kvik-
myndasögunni sem beðið hefur verið eftir
með hvað mestri eftirvæntingu. Varstu búinn
að sjá fyrir þér þetta atriði í byrjun eða varð
það til við gerð myndarinnar?
„Það varð til fyrir löngu. Sagan sem slík en
kannski ekki smáatriðin. En ég var löngu bú-
inn að ákveða að umbreytingin myndi eiga
sér stað á sama tíma og börn hans fæddust.
Við hnýtum marga hnúta í lok myndarinnar
og þótt ég hafi fyrir löngu ákveðið hvernig
þeir yrðu þá var sjálf söguframvindan, hand-
ritið, ekki endanlega klárað fyrr en rétt áður
en tökur hófust.“
– Þið hafið upplýst að til standi að halda
sögunni áfram, með öðru sniði og á öðrum
vettvangi; með gerð tveggja ólíkra þáttaraða
fyrir sjónvarp. Getið þið upplýst mig frekar
um þau áform?
„Þetta eru verkefni sem ég mun ýta úr vör
en ekki koma nálægt að öðru leyti,“ segir
Lucas. „Annað verkefnið er teiknimyndaröð
fyrir sjónvarp sem kallast Clone Wars. Við
höfum unnið að henni í nokkurn tíma og sýnt
nokkra þætti. Þeir gerast í miðju klóna-
stríðinu og allar persónurnar koma við sögu
en söguframvindan er engin. Þetta verða
sjálfstæðir þættir sem allir gerast á svip-
uðum tíma, fjalla um afmarkaða atburði í
klónastríðinu. Svona dæmigert sjónvarpsefni.
Hitt verkefnið eru leiknir sjónvarpsþættir
sem varpa munu betra ljósi á aukapersónur í
myndunum.“
– Eins og hverjar?
„Ummm … það segi ég ekki. Það er leynd-
armál þangað til við hefjum framleiðsluna.
En þættirnir munu gerast í heiminum sem
ég bjó til. Ég ætla ekki að skrifa þetta sjálf-
ur, heldur verður þetta eins og með skáld-
sögurnar sem byggjast á myndunum, sem ég
hef ekki komið nálægt. Ekki frekar en
myndasögunum.“
Réttlæting Jar Jar Binks
Að þessum orðum mæltum slítur fund-
arstjóri fundinum, hnýtir, að hann heldur,
síðasta hnútinn. En í anda Stjörnstríðs þá
varð úr óvænt framhald. Lucas hélt áfram að
svara spurningum okkar blaðamanna, af fús-
um og frjálsum vilja, á meðan hann var að
koma sér í burtu. Og þá kom allt í einu ein
ansi safarík. Ein sem brunnið hefur á vörum
Stjörnustríðsaðdáenda sem urðu af svo
mörgum ástæðum fyrir sárum vonbrigðum
með fyrri myndirnar tvær í seinni þríleikn-
um: „Hvað vakti fyrir þér með að búa til
þennan blessaða Jar Jar Binks og kemur
hann svona lítið við sögu í nýju myndinni
vegna fjölda áskorana?“
„Já, einmitt þessi punktur. Hlaut að koma
að honum. Nei, til að byrja með þá átti Jar
Jar Binks ekkert að koma við sögu í þessum
hluta, hann á ekkert erindi. Birtist aðeins í
einu atriði án þess að segja nokkuð. En svo
er það hitt sem þið verðið að hafa í huga að
Jar Jar Binks er afar vinsæll meðal yngstu
unnenda myndanna: Þeir tengja ekkert við
R2-D2 og C-3PO, heldur við Jar Jar Binks.
Þið verðið að taka með í reikninginn þá kyn-
slóðagjá sem er á milli þríleikjanna tveggja.
Blaðamenn og gagnrýnendur hafa hakkað í
sig hluta I og II og sagt að þeir standist eng-
an veginn samanburðinn við fyrri þríleikinn,
en þetta eru menn sem voru ungir þegar þeir
fyrst sáu þær myndir, á sama aldri og þeir
sem hafa núna gaman af Jar Jar Binks. Nú
fyrst er að koma inn í starfsstétt ykkar
blaðamanna fólk sem var nægilega ungt er
það sá hluta I til að geta borið hann saman
við fyrri þríleikinn sem þeir sáu ekki er þeir
voru nýir. Allt í einu núna sýnist mér sem
seinni þríleikurinn sé að fá uppreisn æru. Ég
les þetta á Netinu þar sem ungir aðdáendur,
25 ára og yngri, eru að bera saman þríleikina
og finnst sá síðari mun betri; sá eldri er í
þeirra augum alltof hægur, tæknibrellurnar
gamaldags, einfaldar og hallærislegar og
húmorinn eitthvað skrítinn. Við verðum að
taka þennan kynslóðamun með í reikninginn,
en ég fylgist með þessum tveimur hópum
rökræða þríleikina tvo og hef mjög gaman af.
Þeir sem nú ráða ríkjum í fjölmiðlum eru
nær einróma þeirrar skoðunar að Rolling
Stones séu holdgervingar rokksins en þegar
spiluð er fyrir þá hipp-hopp-tónlist ganga
þeir af göflunum. Þeim sem eru yngri en 25
ára finnst Rolling Stones hreint og beint hall-
ærislegir og kjósa miklu frekar hipp-hoppið.
Markaðsrannsóknir okkar hafa sýnt svo ekki
verður um villst að Jar Jar Binks er afar vin-
sæll meðal yngstu Stjörnustríðsaðdáendanna.
Hinir eldri voru búnir að mynda sér nei-
kvæða skoðun á þeirri persónu jafnvel áður
en þeir sáu fyrstu myndina, af þeirri einföldu
ástæðu að hann var grínpersóna. Það bara
mátti ekki, að þeirra áliti. Allir áttu að vera
harðir í horn að taka eins og Batman. Sama
gerðist með Ewok-ana á sínum tíma. Hinir
eldri brugðust ókvæða við. Menn verða að
átta sig á því að þeir geta ekki upplifað
Stjörnustríðsmyndirnar eins og þeir gerðu
þegar þeir voru tólf ára. Það er bara ekki
hægt. Þeir verða aldrei tólf ára aftur, nema
kannski ef þeir leyfa sér að upplifa Stjörnu-
stríðsmyndirnar af fullkominni einlægni. Þá
gerist það ef til vill í anda. Þá er aldrei að
vita nema Jar Jar Binks verði bara nokkuð
skemmtilegur – eftir allt saman.“
ILM
öll …
skarpi@mbl.is
Íbúaþing í Mosfellsbæ laugardaginn 28. maí 2005
Gerum gott samfélag betra
Kl. 9:30 Morgunkaffi, skráning í hópa
Kl. 9:50 Karlakórinn Stefnir syngur
Kl. 10:00 Setningarávarp, Ragnheiður Ríkharðsdóttir bæjarstjóri Mosfellsbæjar
Kl. 10:15 Jóhann Ingi Gunnarsson, íbúaþingsstjóri flytur inngangsorð
Kl. 10:30 Skipt í hópa – framsöguerindi sérfræðinga
Kl. 11:00 Hópavinna hefst
Kl. 12:00 Hádegisverður í boði Mosfellsbæjar – Mosfellskórinn syngur
Kl. 13:00 Hópavinna heldur áfram
Kl. 14:45 Kaffihlé
Kl. 15:00 Greint frá niðurstöðum hópavinnu í Íþróttamiðstöðinni
Kl. 15:55 Samantekt – lokaorð og þingi slitið
Kl. 16:00 Sveitaball fyrir utan Íþróttamiðstöðina
Skólahljómsveit Mosfellsbæjar leikur og félagar úr Leikfélagi
Mosfellssveitar bregða á leik
Dagskrá:
Þingstaðir: Dagskrá íbúaþings:
FJÖLSKYLDAN
Fyrirlesarar:
Sigrún Júlíusdóttir, prófessor í félagsráðgjöf við Háskóla Íslands
Gylfi Jón Gylfason, yfirsálfræðingur hjá Reykjanesbæ
Umræðuefni í hópum:
Lýðræði unga fólksins – Barnafjölskyldur – Heldri borgarar
FRÆÐSLA, MENNING, TÓMSTUNDIR OG FRÍTÍMI
Fyrirlesarar:
Signý Pálsdóttir, skrifstofustjóri menningarmála Reykjavíkurborgar
Þórólfur Þórlindsson, prófessor í félagsfræði við Háskóla Íslands
Umræðuefni í hópum:
Fræðslumál – Menningarmál – Íþróttir, tómstundir og frítími
SKIPULAGS- OG UMHVERFISMÁL
Fyrirlesarar:
Gylfi Guðjónsson, arkitekt og skipulagsráðgjafi
Bjarni Reynarsson, land- og skipulagsfræðingur
Reynir Vilhjálmsson landslagsarkitekt
Umræðuefni í hópum: Skipulagsmál – Umhverfismál og náttúra
ATVINNU- OG FERÐAMÁL
Fyrirlesari:
Sævar Kristinsson ráðgjafi
Umræðuefni í hópum: Atvinnu- og ferðamál
Sjá einnig á www.mos.is
• Íþróttamiðstöð Mosfellsbæjar við Varmá: setning og morgunkaffi
• Varmárskóli, yngri deild, gagnfræðadeild og Íþróttamiðstöð: fyrirlestrar
• Varmárskóli gagnfræðadeild: hópavinna, hádegisverður og kaffi
• Íþróttamiðstöð Mosfellsbæjar: niðurstöður kynntar
• Utan við Íþróttamiðstöð Mosfellsbæjar: sveitaball
MOSFELLSBÆR
Sérstök dagskrá fyrir börn
og unglinga meðan á
íbúaþinginu stendur