Morgunblaðið - 05.08.2005, Blaðsíða 23

MORGUNBLAÐIÐ FÖSTUDAGUR 5. ÁGÚST 2005 23
DAGLEGT LÍF | MATARKISTAN

 



 

 Sjávarréttasmakk var hápunktur brygg-juhátíðarinnar á Drangsnesi sem hald-in var nýlega. Það myndaðist fljótt bið-
röð við borðið sem íbúar á Drangsnesi
kepptust við að gera sem myndarlegast úr
garði.
Þarna voru ýmsir réttir sem ekki sjást dag-
lega á borðum. Það eru líklega fáir sem grilla
signa grásleppu á góðum sumardegi eða gæða
sér á selabollum og súrum eggjum. Hinsvegar
var ekki að sjá annað en gestir hátíðarinnar
kynnu vel að meta kræsingarnar, margir fóru
nokkrum sinnum í röðina til að næla sér í
góðgæti og þó að börnin veigruðu sér við
sumum réttunum þá kunni eldra fólkið svo
sannarlega að meta þessa eldamennsku.
Jenný Jensdóttir, oddviti á Drangsnesi,
segir að það hafi verið fastur liður á Brygg-
juhátíðinni að bjóða upp á sjávarréttasmakk
en hugmyndin er upphaflega komin frá henni.
„Fyrstu árin sáu Ingólfur Andrésson og
fleiri um smakkið en hin síðari ár hefur Kven-
félagið Snót séð um veisluhöldin. Hráefnið
fáum við gefins frá sjómönnunum sem oftar
en ekki eru eiginmenn kvenfélagskvenna.
Grásleppuna verka sumar kvenfélagskonur
sjálfar og taka frá á vorin til að eiga fyrir
Bryggjuhátíðina.
Selinn höfum við orðið að sækja að og nú í
ár fengum við hann frá Broddanesi.“
Jenný segir að sjávarréttasmakkið hafi allt-
af verið mjög vinsælt og sé aðalsmerki brygg-
juhátíðarinnar. „Ef litið er til annarra sam-
svarandi hátíða þá skerum við okkur úr með
þessu uppátæki. Þessu fylgir að sjálfsögðu
mikil vinna og vaxandi en þetta er gaman.“
Selabollurnar gerði Jenný en ár frá ári tek-
ur uppskriftin breytingum og Jenný segir að
aðferðin sé svipuð og þegar verið er að gera
venjulegar kjötbollur.
Hér koma svo uppskriftir að nokkrum rétt-
um sem prýddu veisluborðið að þessu sinni.
Ufsabollur
Kristín Árnadóttir og fleiri gerðu bollur úr 20
kílóum af hakki.
1 kíló ufsahakk
1 laukur
4 msk hveiti
4 msk kartöflumjöl
2 egg
mjólk eftir þörfum
salt,
pipar og aromat
Steikt í olíu.
Öllum hráefnum blandað saman og mótaðar
litlar fiskibollur. Þær eru steiktar í olíu. Boll-
urnar má frysta.
Djúpsteikt keila
Sigurmunda Ásbjörnsdóttir á heiðurinn að
þessum rétti úr keilu sem borinn var á borð í
sjávarréttasmakkinu.
Keilan er flökuð, roðrifin og beinhreinsuð.
Flökin eru krydduð með sítrónupipar og látin
bíða einn sólarhring í kæli.
Þá eru flök- in skorin í litla strimla sem
dýft er í orlydeig og síðan í
kryddaðan brauðrasp og
að lokum eru flökin
djúpsteikt.
Orlydeig
3 dl pilsner
3 msk sykur
1 msk salt
1 tsk olía
1 egg
400 gr hveiti
sítrónupipar
hvítlaukskrydd
Grafin keila
Sigurmunda Ásbjörnsdóttir bauð gestum há-
tíðarinnar upp á grafna keilu.
Keilan er flökuð, og beinhreinsuð að mestu
4 msk sykur
1 msk salt
1 tsk pipar
dill
Sykri, pipar og salti blandað saman og síð-
an stráð vel yfir flökin og síðan er flakið þakið
með dilli.
 HÁTÍÐ | Grilluð sigin grásleppa, selabollur, saltað selspik og súr egg
Ufsabollur og keila
Morgunblaðið/GRGKvenfélagskonurnar á Drangsnesi báru fram hinar ýmsu kræsingar.
Borgarbörnin sem alin eru upp við pítsur og pítur ranghvolfdu í
sér augunum þegar þau horfðu yfir girnilegt veisluborðið á
bryggjuhátíðinni á Drangsnesi. Signi fiskurinn rann ljúflega of-
an í Guðbjörgu R. Guðmundsdóttur og ufsabollurnar virtust
gera stormandi lukku hjá smáfólkinu.
Ufsabollur runnu ljúflega niður í ungviðið. Á
fyrstihúsaplaninu ómaði harmonikkuleikur á
meðan gestir gæddu sér á sjávarréttunum.
gudbjorg@mbl.is „Grilluð grásleppa er hreinasta lostæti,“ sagði einn gesturinn.