Morgunblaðið - 02.11.2005, Blaðsíða 28

28 MIÐVIKUDAGUR 2. NÓVEMBER 2005 MORGUNBLAÐIÐ
Hallgrímur B. Geirsson.
Styrmir Gunnarsson.
Framkvæmdastjóri:
Ritstjóri:
STOFNAÐ 1913
Útgefandi: Árvakur hf., Reykjavík.
Aðstoðarritstjórar:
Karl Blöndal, Ólafur Þ. Stephensen.
Fréttaritstjóri:
Björn Vignir Sigurpálsson.
Á HLUTHAFAFUNDI FL Group í gær
var samþykkt að auka hlutafé félagsins um
44 milljarða að markaðsvirði og er þar með
talið hlutafé sem afhent verður sem hluti
kaupverðs í skiptum fyrir hluti í Sterling
Airlines en samningur um kaup FL Group
á Sterling var undirritaður fyrir rúmri
viku. Alls var mætt fyrir 75% hlutafjár á
hluthafafundinum.
Auk reiðufjár verður heimilt að greiða
fyrir nýja hluti í FL Group með hlutabréf-
um í Actavis Group, Bakkavör Group, HB
Granda, Íslandsbanka, Kaupþingi banka,
Landsbanka Íslands, Marel, SÍF, Straumi-
Burðarási Fjárfestingabanka og Össuri.
Núverandi hluthafar hafa þegar skráð sig
fyrir 28 milljörðum króna, gert er ráð fyrir
að lykilstarfsmenn fjárfesti fyrir þrjá millj-
arða, Kaupþing og Landsbankinn fyrir átta
milljarða króna og sölutryggja þeir til við-
bótar fimm milljarða króna útboð sem
beint verður að fagfjárfestum.
Stjórnarmönnum fækkað
Heildarhlutafé FL Group verður 80
milljarðar króna að markaðsvirði að loknu
hlutafjárútboði, eigið fé verður um 65 millj-
arðar og gert er ráð fyrir að félagið velti um
100 milljörðum á ári eftir kaupin á Sterling.
Þá var einnig samþykkt á fundinum að
fækka stjórnarmönnum í félaginu úr sjö í
fimm og voru þeir Skarphéðinn Berg Stein-
arsson, Jón Ásgeir Jóhannesson, Magnús
Ármann, Smári S. Sigurðsson og Þorsteinn
M. Jónsson sjálfkjörnir í stjórn FL Group
en til vara þeir Kristinn Bjarnason og
Þórður Bogason. Hannes Smárason, for-
stjóri FL Group, gerði á fundinum ýtarlega
grein fyrir þeim breytingum sem gerðar
hafa verið á skipulagi félagsins, kaupunum
á Sterling, fjárhagslegum styrk félagsins
að loknu hlutafjárútboði sem gerir það að
einu stærsta fjárfestingarfélagi landsins,
samstarfi FL Group og Kaupþings banka
um flugvélaleigu og aukinni áherslu á al-
þjóðlegt fraktflug og sókn félagsins í frakt-
flugi á Asíumarkaði.
Af hverju var Sterling ekki keypt
fyrr og við lægra verði?
Vilhjálmur Bjarnason, hluthafi í FL
Group, beindi allnokkrum spurningum til
stjórnar og forstjóra FL Group. Hann
sagðist til að mynda hafa grun um að kaup
á Sterling hefðu verið rædd innan stjórnar
Flugleiða og síðan stjórnar FL Group á
undanförnum tveimur árum. „Af hverju
var ekki keypt á öðru og lægra verði þegar
það stóð til boða?“ spurði Vilhjálmur. Þá
vildi hann fá að vita hversu mikið Lands-
banki Íslands og Kaupþing banki tækju
fyrir að sölutryggja hlutafjárútboðið og
fyrir viðskiptin með Sterling eftir því sem
það ætti við. Vilhjálmur benti sömuleiðis á
að verulegur hluti af hagnaði FL Group
undanfarin tvö ár væri til kominn vegna
verðbreytinga á hlutabréfum í easyJet og
spurði í framhaldinu hvort stjórnendur FL
Group gætu upplýst það hversu stór hluti
viðskipta með hlutabréf í félaginu hefðu átt
sér stað með hlutabréf í easyJet árin 2004
og 2005 þar sem Flugleiðir og FL Group
hefðu ekki verið aðili að þeim.
Spurningu Vilhjálms um Sterlingkaupin
svaraði Skarphéðinn Berg Steinarsson,
stjórnarformaður FL Group, á þá lund að
FL Group hefði ekki staðið til boða að
kaupa Sterling eins og það væri nú nokk-
urn tíma áður, hvorki á hærra né lægra
verði en verið væri að kaupa það á.
Um þóknun Landsbanka og Kaupþings
banka vegna sölutryggingar á hlutafjárút-
boðinu upplýsti Skarphéðinn Berg að hún
næmi rétt innan við 3% af heildarfjárhæð-
inni, þ.e. af 44 milljörðum, og nánari grein
yrði gerð fyrir því í skráningarlýsingu á
þessum hlutabréfum. „Spurningu Vil-
hjálms um easyJet sagði Skarphéðinn jafn-
gilda því að spurt væri hvort félagið væri að
„blöffa“ kauphöllina í London og svarið við
því væri nei.
Vilhjálmur sagðist ekki sáttur við svör
Skarphéðins Bergs, þau svöruðu ekki
spurningum hans. „Ég er engu nær,“ sagði
Vilhjálmur.
Af hverju var ekki allt kaupverð
greitt með hlutafé?
Jafet Ólafsson, framkvæmdastjóri Verð-
bréfastofunnar, sagði að með þessum til-
lögum mætti segja að bylting væri að verða
á starfsemi FL Group. Félagið væri að
sækja sér mikið fé og miklu skipti að því
yrði vel varið. Jafet spurði hvers vegna að-
eins þriðjun
verði Sterlin
litið – væri
hverju grei
verðið með
að sér hefði
áhættuna á
anlega upp.
Jafet benti
sagt að með
að fara upp
það sem haf
að það skip
sókn. Mér
leggja miki
Samþykkt að
auka hlutafé
um 44 milljarða
Hannes Sm
félaginu. M
Hluthafafundur í FL Group fjallaði í gær um u
ÁGREININGUR er milli eigenda
Landsvirkjunar um verð, en við-
ræður hafa staðið yfir um að ríkið
yfirtaki hlut borgarinnar. Þetta
kom fram í máli Steinunnar Valdís-
ar Óskarsdóttur, borgarstjóra, á
fundi í borgarstjórn í gær. Þar var
samþykkt samhljóða að vísa til
borgarráðs tillögu Ólafs F. Magn-
ússonar um að það verði gert að
skilyrði fyrir sölu á 44,525% hlut
Reykjavíkur í Landsvirkjun að
ábyrgðum Reykvíkinga vegna lán-
takna Landsvirkjunar verði aflétt. Í
tillögu Ólafs var jafnframt farið
fram á að borgarstjórn lýsti and-
stöðu sinni við einkavæðingu raf-
orkufyrirtækja í eigu almennings.
Steinunn Valdís sagði á fundin-
um að í þeim viðræðum sem nú
ættu sér stað vegna sölu á hlut
borgarinnar og hlut Akureyrarbæj-
ar í Landsvirkjun kæmi til skoðun-
ar að setja þau skilyrði sem Ólafur
fór fram á í tillögu sinni. „Við verð-
um að átta okkur á því að það getur
haft áhrif á verðið að setja þetta
sem skilyrði af okkar hálfu en þetta
er til skoðunar í viðræðunefndinni,“
sagði Steinunn Valdís. Hún nefndi
ekki hvaða verð borgaryfirvöld
vildu fá fyrir hlut sinn.
Sagði Steinunn Valdís að viðræð-
urnar væru komnar nokkuð langt.
Verðmat varðandi fyrirtækið lægi
fyrir og þann hlut sem Reykjavík-
urborg fengi ef af sölu yrði. Borg-
arstjóri sagði að um stórt mál væri
að ræða og lýsti þeirri skoðun sinn
að það væru hagsmunir borgarinn-
ar til lengri tíma litið að selja sinn
hlut í fyrirtækinu. Hún sagði að
verðið skipti auðvitað máli. „Í dag er
ágreiningur milli aðila um verðmat-
ið,“ sagði Steinunn Valdís og bætti
við að flestir væru sammála um að
hlutur Reykjavíkurborgar væri
ekki ofmetinn.
Borgarstjóri lagði áherslu á að
viðræðunum væri ekki lokið. „Við
höldum áfram að reyna að komast
að sameiginlegri niðurstöðu. Ég
geri ráð fyrir að málið verði áfram
rætt á vettvangi borgarráðs og okk-
ar fulltrúar sem hafa annast viðræð-
urnar geri borgarráði betri grein
fyrir stöðu mála.“
Borgarfulltrúar lítið
upplýstir um viðræðurnar
Vilhjálmur Þ. Vilhjálmsson, odd-
viti sjálfstæðismanna í borgar-
stjórn, sagði að borgarfulltrúar
Hugsanleg sala á hlut Reykjavíkurborgar í Land
Ágreiningur við
Steinunn Valdís Óskarsdó
arhlut borgarinnar í Land
Eftir Elvu Björk Sverrisdóttur
elva@mbl.is
FANGAFLUTNINGAR
OG PYNTINGAR
Nokkrum sinnum hefur komistí hámæli að bandarísk yfir-völd hafi flutt fanga til landa
þar sem pyntingar eru leyfðar. Nú er
til umræðu hvort millilent hafi verið
á Íslandi eða farið um íslenska loft-
helgi vegna slíkra flutninga. Danskir
fjölmiðlar hafa fjallað um það að
flugvélar, sem hafi flutt fanga á veg-
um bandarísku leyniþjónustunnar,
CIA, hafi haft viðkomu í Danmörku.
Þau skrif eru í kjölfar þess að danska
stjórnin greindi frá því á þingi í svari
við fyrirspurn frá stjórnarandstöðu
að ákveðnar flugvélar hefðu farið um
danska lofthelgi eða lent í Dan-
mörku. Í Morgunblaðinu í dag er
sagt frá því að 16 þeirra véla sem
spurt var um á danska þinginu hafi
haft viðkomu á Keflavíkurflugvelli
frá ársbyrjun 2001. Alls hafi þær lent
72 sinnum á Keflavíkurflugvelli og
ein á Reykjavíkurflugvelli. Fjórar
þeirra hafi farið um íslenska lofthelgi
á þessu ári í alls 11 skipti. Umræddar
vélar eru skráðar í Bandaríkjunum
sem borgaralegar flugvélar og ekki á
vegum stjórnvalda.
Eins og kemur fram í svari Ragn-
heiðar Elínar Árnadóttur, aðstoðar-
manns utanríkisráðherra, er nú verið
að kanna hjá bandarískum stjórn-
völdum hvort flugvélar, sem flutt
hafi fanga til landa þar sem pynt-
ingar eru leyfðar, hafi millilent á Ís-
landi eða farið um íslenska lofthelgi.
Upplýsingar um slíkt hafi ekki borist
íslenskum stjórnvöldum og ekki
hefði verið staðfest að þær flugvélar,
sem fjallað hefði verið um, hefðu í
raun verið notaðar til fangaflutn-
inga. Hins vegar hefur aldrei verið
sótt um slíkt leyfi og slíkt leyfi því
ekki verið veitt.
Þetta er ekki í fyrsta skipti, sem
fjallað er um fangaflutninga Banda-
ríkjamanna. Þessi mál voru til um-
ræðu í Danmörku í vor þegar sagt
var að Bandaríkjamenn hefðu marg-
oft flutt meinta hryðjuverkamenn
um danska lofthelgi fyrir þremur ár-
um og minntu Danir Bandaríkja-
menn þá á að þeir vildu ekki að dönsk
lofthelgi yrði notuð í tilgangi, sem
bryti í bága við alþjóðlega sáttmála.
Fleiri mál mætti telja.
Pyntingar brjóta í bága við alþjóð-
lega sáttmála og kveður á um það í
sáttmála Sameinuðu þjóðanna gegn
pyntingum að bannað sé að „endur-
senda eða framselja mann til annars
ríkis ef verulega ástæða er til að ætla
að hann eigi þar á hættu að sæta
pyndingum“.
Íslendingar eiga að taka þátt í bar-
áttunni gegn hryðjuverkum eftir
megni og leggja sitt lóð á vogarskál-
arnar eins og kostur er. Sú þátttaka
er hins vegar ekki skilyrðislaus. Það
hefur verið mjög erfitt að kyngja því
hvernig farið hefur verið með fanga í
bandarískum fangelsum. Ill meðferð
fanga í Írak, Afganistan og Guant-
anamo á Kúbu hefur verið kerfis-
bundin. Komið hefur fram hvernig
lögfræðingar bandarískra stjórn-
valda hafa leitað leiða til að réttlæta
illa meðferð fanga með tilliti til al-
þjóðlegra skuldbindinga Bandaríkja-
manna. Frásagnir af því að fangar
séu sendir til landa, þar sem líklegt
er að fangar verði pyntaðir og jafnvel
gagngert til þess að hægt sé að pynta
þá til að knýja sagna, vekja óhug.
Það vekur líka alvarlegar spurningar
að þau ríki, sem nefnd hafa verið að
fangar hafi verið sendir til, eru meðal
þeirra landa, sem bandaríska utan-
ríkisráðuneytið hefur gagnrýnt
harkalega fyrir illa meðferð á föng-
um. Baráttan gegn hryðjuverkum
snýst um það að verja ákveðin gildi.
Hún er háð í þágu frelsis og mann-
réttinda. Sú barátta verður ekki unn-
in með því að afnema frelsi og mann-
réttindi og fara niður á sama plan og
andstæðingurinn. Bandaríkjamenn
hafa eðlilega ekki staðfest að um-
ræddir fangaflutningar hafi átt sér
stað og er ekki við því að búast að
staðfesting á því fáist nú. Íslensk
stjórnvöld eiga hins vegar að gera
bandarískum stjórnvöldum skýra
grein fyrir því að hér sé lögð áhersla
á að standa við alþjóðlegar skuld-
bindingar og flutningar á föngum til
landa, þar sem búast megi við því að
þeir verði pyntaðir, verði ekki liðnir.
ÓFULLNÆGJANDI SVAR
Stjórnendur FL Group fengu gotttækifæri til þess á hluthafafundi í
félaginu í gær að kveða niður umræð-
ur um tiltekna meðferð á 3 milljörð-
um af fjármunum félagsins fyrr á
þessu ári. Fyrir skömmu sagði Hann-
es Smárason, forstjóri félagsins, í
Kastljósi, að orðrómur um þá með-
ferð fjármuna væri „tóm þvæla“.
Vilhjálmur Bjarnason beindi fyrir-
spurn til stjórnenda félagsins á hlut-
hafafundinum í gær og óskaði eftir
svörum frá endurskoðendum FL
Group. Þeir urðu hins vegar ekki til
svara heldur nýr stjórnarformaður
félagsins, Skarphéðinn Berg Stein-
arsson. Hann vísaði til sex mánaða
uppgjörs og sagði að endurskoðendur
hefðu engar athugasemdir gert við
það. Þetta eru ekki nýjar fréttir fyrir
hluthafa í FL Group, sem vafalaust
hafa flestir ef ekki allir kynnt sér það
uppgjör, sem þá kom fram.
Það sem á vantaði fyrri yfirlýsing-
ar forstjóra FL Group var einfald-
lega að endurskoðendur félagsins
staðfestu þær. Þar með var málið úr
sögunni.
Þess vegna var það klaufalegt af
stjórnendum FL Group að senda nýj-
an stjórnarformann félagsins í ræðu-
stól til þess að svara spurningu, sem
beint var til endurskoðenda. Hvers
vegna svöruðu þeir ekki spurningu
Vilhjálms Bjarnasonar?
Stjórnendur FL Group hljóta að
leiðrétta þessi mistök og beita sér
fyrir því, að yfirlýsing komi frá end-
urskoðendum. Það er óþægilegt fyrir
félagið að afgreiða þetta mál ekki
endanlega.
Að öðru leyti hljóta góðar óskir að
fylgja FL Group á nýrri vegferð. Þeir
ungu menn, sem tekið hafa við stjórn
félagsins, hafa sýnt að þeir kunna
ýmislegt fyrir sér í viðskiptum.