Morgunblaðið - 27.12.2005, Side 4

4 ÞRIÐJUDAGUR 27. DESEMBER 2005 MORGUNBLAÐIÐ
FRÉTTIR
Stjórn Lífeyrissjóðs verzlunarmanna boðar hér
með til sjóðfélagafundar, sem haldinn verður
miðvikudaginn 28. desember nk. kl. 17 á
Grand Hóteli, Sigtúni 38, Reykjavík.
Dagskrá fundarins:
Gerð grein fyrir tillögum stjórnar til breytinga á
samþykktum sjóðsins.
Sjó›félagar og lífeyrisflegar sjó›sins eiga rétt til
setu á fundinum. Tillögur stjórnar liggja frammi
á skrifstofu sjóðsins.
Reykjavík 27. nóvember 2005
Stjórn Lífeyrissjó›s verzlunarmanna
Sími: 580 4000 • Netfang: skrifstofa@live.is
Sjóðfélagafundur
FYRR á þessu ári komst fjársvika-
deild Lögreglunnar í Reykjavík á
snoðir um erlendan aðila sem braust
inn á netþjón íslensks fyrirtækis og
notaði hann til að fiska eftir auð-
kennum (phishing) á Netinu. Sett
var upp vefsetur á vefþjóninum, sem
líkti eftir vef erlends banka, og virt-
ist ætlunin að safna þar auðkennum
fólks í sviksamlegum tilgangi. Varð
einskis vart fyrr en þeir sem önn-
uðust öryggismál fyrir útlenda bank-
ann létu íslenska aðila vita hvað væri
að gerast. Var þá falssíðan tekin nið-
ur og bakdyrunum sem brotist var
inn um lokað. Ekki er vitað hvort
fjárhagslegt tjón hlaust af þessu at-
hæfi. Slóð skúrkanna sem að þessu
stóðu var rakin til Austur-Evrópu.
Auðkennisveiðar á netinu fara
gjarnan þannig fram að fólk fær
tölvupóst frá að því er virðist lög-
mætum aðila, t.d. banka eða net-
verslun. Ástæðan er t.d. sögð vera
vegna öryggisrofs eða uppfærslu á
hugbúnaði og er fólk beðið um að
staðfesta auðkenni á borð við reikn-
ingsnúmer, notandanafn og að-
gangsorð eða lykilorð. Í tölvupóstin-
um er viðtakanda beint á vefsíðu,
sem er áþekk vefsíðu hins lögmæta
aðila, og þar á fólk að færa inn um-
beðnar upplýsingar. Þrátt fyrir trú-
verðugt útlit pósts og síðu eru svik í
tafli.
Í haust rigndi inn tilkynningum til
Lögreglunnar í Reykjavík frá aðilum
í ferðaþjónustu sem höfðu allir svip-
aða sögu að segja. Að sögn Baldvins
Einarssonar lögreglufulltrúa höfðu
erlendir aðilar pantað gistingu og
jafnvel ráðstefnuaðstöðu fyrir hópa í
tiltekinn tíma. Í einhverjum tilvikum
var tekið fram að um kristilegan hóp
væri að ræða. Gefið var upp greiðslu-
kortsnúmer til tryggingar greiðsl-
unni.
Síðar hafði sá sem pantaði sam-
band og bað um endurgreiðslu hluta
fjárhæðarinnar í reiðufé.
Reyna að blekkja
ferðaþjónustufyrirtæki
Gjarnan var gefin sú ástæða að
hluti hópsins hefði hætt við ferðina
eða aðrar ástæður tilgreindar. Til-
gangurinn virtist vera sá að fá þann
sem gisting og önnur þjónusta var
pöntuð hjá til að senda peninga út í
þeirri von að halda þessum vænlegu
viðskiptum, sem gátu hlaupið á
hundruðum þúsunda króna. Tókst að
forða því að íslenskir ferðaþjónustu-
aðilar yrðu fyrir tjóni af þessum sök-
um.
Netið er vettvangur glæpamanna
sem stöðugt virðast fá nýjar hug-
myndir um hvernig sé hægt að hafa
fé af náunganum. Samkvæmt upp-
lýsingum frá fjársvikarannsókna-
deild Lögreglunnar í Reykjavík hef-
ur fólk m.a. látið glepjast af
tilkynningum um happdrættisvinn-
inga þar sem greitt er fyrir vinnings-
miðann eftir á. Einnig hefur fólk lent
í svikum, t.d. vegna bílaviðskipta, þar
sem væntanlegur kaupandi er beð-
inn að leggja út reiðufé. Síðan reyna
svikararnir að narra út upplýsingar
um númer á peningasendingunni og
lykilorð ef það hefur verið notað.
Þær upplýsingar eru nauðsynlegar
til að geta leyst peningasendinguna
út. Hafi svikin tekist situr kaupand-
inn eftir upphæðinni fátækari.
Hugkvæmni svikara á netinu við blekkingar virðast lítil takmörk sett
Íslenskur vefþjónn notaður
til að fiska eftir auðkennum
Eftir Guðna Einarsson
gudni@mbl.is
SIGURÐUR Pétursson og rakkinn
Sesar voru í gönguferð við Rauða-
vatn annan dag jóla. Sagt hefur ver-
ið að hundurinn sé besti vinur
mannsins og oft má með sanni segja
að maðurinn sé besti vinur hundsins.
Hvít mjöllin lá yfir öllu og gerði
umhverfið jólalegt við Rauðavatn.
Hætt er við að snjóinn taki upp því í
nótt var búist við stormi á Vest-
urlandi og miðhálendinu og fram
eftir degi með vaxandi hlýindum.
Gert var ráð fyrir að fram yfir há-
degi í dag yrði hvöss sunnanátt á
landinu með rigningu um mest allt
sunnan- og vestanvert landið en
þurru veðri norðaustanlands. Síð-
degis á að kólna með hægari vest-
anátt og éljagangi um landið vest-
anvert en í kvöld verður sunnanátt,
15–20 metrar á sekúndu og víða
rigning um landið austanvert. Morgunblaðið/Brynjar Gauti
Í göngu-
ferð með
góðum vini
HANN hefur staðið bóksöluvaktina
frá 1946 og ekki misst úr jól,
Gunnlaugur Jónasson hjá Bóka-
verslun Jónasar Tómassonar á Ísa-
firði, eða Bókhlöðunni – Pennanum
eins og hún heitir í dag. Gunn-
laugur segir bóksöluna hafa verið
góða eins og endranær og að jafn-
an sé einna mest að gera á Þor-
láksmessu, það hafi ekki breyst
gegnum árin. Hann sagði ekki
heldur hafa breyst þá ósk við-
skiptavina að bóksalinn skuli vera
lipur, kurteis og fróður og það hafi
menn reynt að temja sér. Það sem
hafi breyst séu aðdrættirnir, áður
voru síðustu skipaferðir vestur
jafnvel fyrir miðjan desember og
eftir það urðu menn að treysta á
flugið fyrir viðbótarsendingar. Nú
komi vörur daglega með bílum.
Ljósmynd/Halldór Sveinbjörnsson
Gunnlaugur Jónasson bóksali er búinn að vera í jólabókasölunni í 60 ár eða síðan 1946 án þess að missa úr ein jól.
Hefur staðið vaktina í tæp 60 ár
„AF ÞVÍ sem ég hef gluggað í í
skýrslunni þá eru þarna augljóslega
hlutir sem við þurfum að fara betur
yfir og skoða, m.a.
þetta með rösk-
unina á fuglalífi í
tengslum við
framkvæmdirnar
við Hringbraut
sem og aðgerðir
til að fækka varg-
fugli við Tjörn-
ina,“ segir Árni
Þór Sigurðsson,
borgarfulltrúi og
formaður um-
hverfisráðs borgarinnar, um nýút-
komna skýrslu Ólafs Kr. Nielsen og
Jóhanns Óla Hilmarssonar um
ástand fuglastofna sem helst halda til
við Tjörnina í Reykjavík.
Að sögn Árna var skýrslan lögð
fram á fundi umhverfisráðs á síðasta
fundi ráðsins fyrir jól, þann 21. des-
ember sl. „Í raun hefur skýrslan ekki
fengið neina formlega kynningu
ennþá og því er erfitt að taka afstöðu
til efnis hennar. Við höfum hins vegar
óskað eftir því að skýrsluhöfundar
komi á næsta fund umhverfisráðs,
sem fyrirhugaður er í fyrri hluta jan-
úarmánaðar, og geri þá grein fyrir
skýrslunni.“
Rætt verður við aðila
Fram kemur í skýrslunni að mikið
rask hafi orðið á borgarfriðlandinu í
Vatnsmýrinni samfara flutningi
Hringbrautar og að flest það er snúi
að friðlandinu sé enn ófrágengið. Að-
spurður um hvenær útlit sé fyrir að
þessir hlutir verði komnir í lag segist
Árni Þór ekki geta svarað því, vegna
þess að fara þurfi yfir þá með fram-
kvæmdaaðilum, þ.e. bæði Vegagerð
ríkisins og framkvæmdasviði borgar-
innar.
Meðal þess sem fram kemur í
skýrslunni er að mikið landbrot hafi
orðið síðustu ár í Tjarnarhólmanum
og Litla hólmanum á sama tíma og á
Þorfinnshólmi hafi myndast samfellt
hvannstóð. Aðspurður um hvort
ástæða sé til þess að bregðast við því
segir Árni Þór það alveg opið. „Ef
þetta eru atriði sem hamla varpi þá er
það vafalaust hlutur sem þarf að taka
á með því að fjarlægja hvönnina.“
Fara þarf
betur
yfir málið
Árni Þór
Sigurðsson